大快活 (已結業)

平時帶飯的我，今日無飯帶都唔知食咩好，一點鍾處處都係人，用人山人海來形容商業區食飯時間就好不過，行經平民快餐店，不是有很多便入去看看，40-55元不得，我便點了沙薑豬扒飯加熱奶茶取走回公司慢慢食，食落沙薑有點似香茅，不過味道不錯，奶茶就保持水準，41元的午餐都不錯。

喺灣仔返工 ，平靚正lunch首選喺我公司樓下的大快活外賣，、 心思思想食番。 果然不負我所望，好好味ar，食番我之前嘅感覺。 提提大家 ，最好喺中午十二點半之前就免卻排隊嘅麻煩， 收銀姐姐服務態度好好，唔使十分鐘就賣完 ，返到公司打開盒飯仲係熱㗎 除咗番茄之外仲有幾粒菠蘿酸酸地，豬扒厚切係我嘅最愛， 真係食過返尋味。 順帶一提，而家買外賣附送細細盒菜， 唔使齋肉同有少少菜調劑一吓， 對於我哋經常食外賣嘅人比較健康之選。

有時忙得濟,真係會忘記食飯既時間🙈想快快咁食完餐,去到大快活,因為店係bar枱設計最多坐8個人,平時好多人,但今日得小貓ㄧ兩隻,所以就揀呢間😏,入到去先發現已經到左下午茶時間🙈唔怪得咁小人啦,不過都入左泥,下午茶就下午啦😂無飯只有雞翼面包基本款😅但因想食麵食或飯,所以揀左雪菜肉絲米同個熱狗加餐飲,食物水準與ㄧ般大快活ㄧ樣,但我有小小不解放米粉既碗係再用,那為什麼放包要用不可再用的膠盒呢?明白這樣可以減少工作量,但是極不環保既做法

買外賣，叫咗蝦米唔知乜嘢煎肉餅飯。返到公司打開已經唔多開胃，肉餅入面仲要有粉紅色，肉餅未熟就給客人，真係好過份。見到唔對路已經再叮下先食，但係結果都有少少肚痛。

出去同班同事食野，作為素食者又真係好難為情，又無理由要人就我，又無理由日日答佢地分開食…..終於，大快活有素食了。第一次試既係豆蓉茄子飯，網上好多人話賣相差又難食….不過我反而覺得ok呀！先先係個豆蓉幾moist,唔會乾唔會涸喉。另外茄子份量都算多，而且本身有底味，更加唔會煮到太淋出曬水同有陣茄子既草腥味。第二次試既蘿蔔素肉飯就相對失望，因為個賣相同顏色都令人好無食慾，清一色淡啡….就咁睇落基本上就咁睇係好難分得出係素肉定蘿蔔。而食落都係淡而無味，連蘿蔔基本既鮮甜都無。其實素食又唔一定要加素肉既，簡簡單單番茄雜豆意粉已經好好食又colourful啦！

很便宜的连锁店，点了一个茄子鸡肉套餐，闻起来有点怪怪的味道，但是吃起来还好。包含一杯饮料同事点了sweat and sour meat！看起来比我的好很多如果想省钱吃午饭，大快活绝对是个好地方。自助式点餐，之后将小票递给服务员取餐，很快。

今日, 我同同事一齊買飯食。由於果日落雨，而華潤大廈離大快活又唔遠，唔洗帶遮。二來好掛住魚柳。排隊俾唔係等好耐，但等拎外賣都一兩字時間，令我覺得算係慢。盒飯好夠熱，咖哩上面淋左辣椒油，餸就得兩件薯仔。辣就係辣，但唔算太辣。無咩椰香味。魚柳好大條，而且幾厚肉，食落去都幾開心。脆卜卜，入面啲肉好滑。魚肉仲keep到水份。薯仔就幾淋，但索唔到咖哩味。

行動漫節之前, 最緊要係要補充足夠体力, 咁岩會展附近有間大快活, 就入去醫醫肚啦叫左個C2餐, 有雞全翼再配個餐蛋麵,雞全翼好香, 有香甜既蜜糖係係皮上面, 咬口不錯, 肉質幾嫰滑食完雞翼之后, 時間剛剛好, 焗好個餐蛋麵可以食得啦, 一打時個蓋, 好香, 時間焗得剛剛好, 麵質算Q彈, 吾淋, 同個湯幾夾, 餐肉唔算太油膩, 煎過既餐肉好香, 口感不錯, 太陽蛋賣相不錯, 接近溏心蛋的口感　為下一站動漫節叉叉電啦!!

係灣仔番工，搵食絶對唔容易，特別而家個情況係好多時樣樣都加，淨得人工唔加既時候個個都要諗下計仔，點樣洗少啲，賺多啲係灣仔連茶餐廳都貴過人近期大快活都推出一系列朝朝抵食之選真係有種相逢恨晚既感覺大約24蚊有找就可以食到一碗細通粉，厚多士，炒蛋，仲有杯熱飲真係仲想點呀~周圍最平都做梗25~26蚊架啦~~~~呢間分店出餐同落單都快服務態度都唔錯，係朝早繁忙時間，條龍長到嘔都有一定既速度應該係訓練有素架啦~

是日由於種種的交通問題，轉轉折折地，我來到尖沙咀碼頭才過海。到達灣仔碼頭後，感覺自己需要一份早餐，可是，該區是沒有什麼既平又抵食的飲食勝地的，要食一個美滿的中餐，在我腦海中，在這一帶要品味一個較好而又大眾化的早餐，非快餐店莫屬，當我行到去新鴻基中心時，這一間小小的大快活外賣了，吸引到我。這細小的大快活，基本上只做外賣，其經營模式就不好多設於港鐵站內的快餐店一樣，若客人們想立即食，店內其實有少數立食的位子，而店外，亦半露天的雅座，令大家食快餐，也可以吃得很寫意。我無暇立食，亦不想坐在商場平台食，來一盒簡簡單單的外賣，回公司嘆著冷氣食早餐才是皇道，這次試一試他們的新出品，香腸配奄列。香腸，是歐式的肉腸，肉感豐富，味道豐富，同樣地，油份亦豐富，不過，味道美是絕對的。奄列，是火腿餡的，配合了半熟的蛋，入口夠香，快餐店的早餐出品，有時候，的確是好過好多茶餐廳。而且，識食，一家食快餐店的蘿蔔糕，雖然只是粉餅一件，但總覺得蘿蔔糕好食過麵包。奶茶，三家港式快餐店中，大快活的不是最好，但只要店方肯多落奶，就可以很好。有時候忘了要求多奶而店員也瘋狂地加奶，令人十分之開心。簡單，味道美，港式快餐，就是這樣。