大快活 (已結業)

食物水準不作評論，基本上每間都是一樣，近期我幫襯西九呢間有幾次，開始留意呢個收銀既服務態度，年齡我諗大約都有50幾歲，個樣本身都有d黑口黑面，發覺每次人多排隊佢講野就開始有d悔氣，好似你掙緊佢錢咁，有時d客改野或者麻煩到佢既，佢會等你行開之後鵝你幾句，我去過咁快餐連鎖店咁既收銀都係第一次見，包括其餘既大快活分店，我諗以後都盡量唔會黎呢間食，學劉德華話齋，今時今日咁既服務態度點得架！

喺大快活食早餐，叫咗一個好大皮蛋瘦肉粥嘅餐同埋有一件蘿蔔糕，要＄20。唔算係平架，不過因為我最鍾意個餐唔喺度，所以我先叫呢個餐咋。個皮蛋瘦肉粥唔夠鹹，同埋啲米飯好似有少少稀，同埋太大，要食好耐先食得哂，都有唔少皮蛋碎，但係肉碎就真係太過碎啦，啲品質都唔係幾好。冇乜味而且好鞋身。主要都係飲水食米飽。個蘿蔔糕就比較鬆身，味道都算可以。 下次我都係寧願去附近嘅粥粉面飯店食早餐，感覺好似比較好。睇黎都要搵定一間😂

大快活一人一爐 HKD78~8安士嘅肥牛,加埋貢丸 金菇菜 扎肉 煎豆腐湯底可以揀蕃茄薯仔或者海苔大根揀咗海苔～湯底味道好濃郁好夠鹹，入面亦都有好多海帶，都唔洗點樣點豉油～跟餐佢會畀一啲芝麻醬～另外自助拿辣椒，乾蒜，濕蒜，蔥等等～連埋個餐入面有一個讚岐烏冬，口感煙韌！牛肉亦都好新鮮 貢丸有肉汁 整體非常唔錯Rating: 8/10

約咗客諗住去家鄉雞好快咁食個早餐，點知今朝內部裝修要十一點先開，所以轉咗去大快活！一向都唔鐘意食大快活，但係呢度冇得選擇，所以將就一下！叫咗吉烈豬扒拼滑蛋及茶走！意想不到吉烈豬扒上面竟然放了一片檸檬，雖然只是薄薄一片作用也不大，但感覺很有誠意！不過可惜豬扒也是薄薄一片，而且炸得很乾，像柴皮一樣！最後的奶茶可以一讚，竟然有茶走，而且味道也不錯，夠茶味又滑，只是香味差少少！

今日一個人食晚飯 。於是就去咗大快活食 ，揀咗一個 冬菇 滑雞煲仔飯。 等左五分鐘， 終於有得食。 賣相就真係一般。 餸同飯都唔係係煲仔煮熟。 只係將煮好嘅白飯同埋餸放係個煲仔裏面。 白飯裏面根本無飯焦 ，味道真係唔係好得。 我試完呢次下次都唔會再試。

聖誕派對在我家中舉行, 奶奶訂了孖寳 多謝奶奶, 我地等食火雞等到頸都長曬(一年一次嘛)燒得d肉好滑, 連心口肉都唔嚡, 不過較細隻 (因為本catalog 話喺8至10磅不等), 點解唔俾大隻d俾我? ╮(￣﹏￣)╭個stuffing係好有根性嘅肉和肥肉混合的肉球, 好彈牙好有口感嘅 希望下年有得再食......(流口水ING)個樣好似戴咗絲袜嘅賊人咁...... ╮(﹀_﹀")╭ 一個完全唔合格嘅葡式乳豬, 皮是淋pat pat又難咬開, 豬下面的炒飯料又少, 葡囯腸十塊都無, 青欖黑欖都喺少得可憐, 但係d飯多到party完咗都可吃兩餐, 超唔抵所以笑臉俾火雞 哭臉俾乳豬結果係OK

那天因為要去扭蛋~~扭哂時已經快9點~~一心都無咩特別想食~~知道大快活出左新火鍋~一心試下~~點知~~真係不知所謂~~我想下次都唔會再食~份量勁小~味道又十分一般~

今年不知痴了哪了線, 不停想着要食原隻大火雞, 格了價後決定訂大快活的。本來以前總覺得大家樂比大快活的食物好, 但見這些年來大快活努力改革食物質素好似好咗。而且以往學校都會訂大家樂的食物, 今年我就要試一試大快活！預早訂有七折, 只訂了一隻原隻燒釀火雞, 原價$448, 折實$313.6, 滿$300還送一支1.25公升可樂, 是所有聖誕外賣火雞當中最平的。要平當然要付出！沒有送貨, 阿哥有別的事忙, 取火雞的重任交給我同阿媽, 她負責拿汽水, 我拿火雞。他們說火雞有8-10磅, pack到好似巨型蛋糕咁, 回到家時雙手已失去感覺！已預先為火雞切片, 整齊排好在一個盆內, 另有火雞的骨就放在另一個盆內, 很方便呢！附送兩個醬汁, 一個是非常普通的茄汁, 好水, 沒什麼味, 比平時食的茄汁豬扒飯的茄汁還要差！另一個是提子果醬膏, 酸酸甜甜, 加上火雞的味道很特別, 較討我歡心~不能期望火雞是新鮮焗起, 只有微量的熱度。如果是熱辣辣的話, 雞翼一定好香好脆！現在就好un, 好似炸到乾哂的乳鴿翼, 連味道都好似, 食到牙都軟, 不過我就最中意, 有少少咸咸地, 個人覺得最好味！脾就較滑, 雞

呢間大快活有個好處就係冇乜人黎食野2個人打邊爐真係好舒服一個火鍋加廿蚊有煲仔飯食,超級抵 廿蚊食到油麻地都食唔到既煲仔飯 超值之選~一杯紅豆冰+可樂+飯+火鍋食左個半鐘,消費係96蚊 除返開一人48抵到食到暈,仲要好好味,一個火鍋拎佢雙份冇黑面冇炸型,大快活至做得到有菜有肉絕對食得飽我地2個人大食精D肉絕對唔係D平價肉,真係食落幾掂煲仔飯仲正噴晒煙!!大家樂問佢拎多一份都唔比,勁CHEAP精

環顧現在的連鎖快餐店，要數那一間的炒蛋做得最好，還是以這集團的出品保持得最好。不知是那一位"幕後功臣"，執意為快餐店的弱項進行改革。還記得不論是那一間快餐店，炒蛋這個選擇，得出來的都是煎至乾而老的口感，完全以果腹為目標，卻對其味道上的要求視而不見。還好最後有這位有心人，主動革新食物味道的質素，令到一眾市民不用花上數十元來換給一個味道"正常"的早餐。純屬個人喜好，我都會在滑蛋上加一點點的牛油，讓原來的牛油味變得更加濃郁。剛炒好的滑蛋帶著牛油的香味和奶的滑溜口感，以及蛋本身的香濃味道，有時候會份量有點不夠喉的呢。炸魚的上的炸粉炸得有一點兒過火，咬下去時感到硬硬的，而魚柳的魚味一般，不過找不到雪藏味。而額外加的家鄉銀針粉，湯底不夠熱之餘，味道還怪怪的。說不上是咸亦好像淡如水，不知是廚師失手了還是原來就是這樣，總之其味道真的差得有點過份.....吃過了早晨食糧，帶著一點點幸福感去上班了......

今次睇到對上一位仁兄對亞士厘道的滑蛋早餐的讚美, 絶對大有同感, 因工作關係很多時會四處去, 第一次吃大快活的滑蛋早餐就是在亞士厘道的大快活吃, 簡直是一試着迷, 其它分店真的很少做到這個水準, 我真的不明白為什麼, 吃過多次都很少失望, 即使偶有失手也達80分以上, 近這二年, 我若果在大快活吃早餐的話, 一定是吃炒滑蛋早餐, 當然火腿腸仔牛腩碎米上海面等會變啦, 但炒滑蛋則是指定動作, 先後試過多家大快活的炒滑蛋早餐, 參差可以很大, 但我個人認為西九龍及深圳火車站的大快活可以說是我暫時試過最保持長時期極差的炒滑蛋水準的二間分店.

之前係尖沙咀...亞士厘道果間度食早餐....d 炒蛋真係好味到不得了....又滑又香...滿心期待咁尼....諗住可以回味一下....點知....原來每一間的質素係可以差咁遠嫁law....失望失望....不過....快餐店又想點丫~~

買了兩個飯盒外賣。一個豬排菜飯，一個curry 牛腩飯。curry 牛腩飯d飯好硬，好似隔夜飯咁，唔掂；牛筋腩入味，牛筋炆得好淋，咖哩味香濃，微辣，送飯好得！豬排菜飯又係d飯最差，不過呢個唔係硬喎，係淋同濕得滯，d菜粒已焗到變晒深綠色。豬排超得，好香口，好夠味，又淋，好嫩，得得！大快活份量唔太多，幾o岩女仔，又唔洗晒野！

某年'十月初五' 起, 呢度係同狗女最重要食店. 由佢未裝修時小小強橫行, 到佢裝修改革形象過後, 一切印於腦海之中, 呢次無幾可呢度食早餐, 的確唔錯, 阿活攪活大快活, 漢堡扒蛋加雪菜肉絲米, 腸仔蕃茄湯通心粉, 蕃茄在在吸引到一向鐘意大家樂多過大快活狗女個狗胃. 連自己亦開始鐘意佢蕃茄餐系列.

食過n 次呢間大快活，佢令我開始對呢個集團有所改觀。近期最愛：煙三文魚意粉--用左幾種芝士同香草做汁，所以個汁好rich，好味~~