大快活 (已結業)

今次去西九唔想食薩莉亞，foodcourt冇隔板唔係幾好，所以揀大快活，少少地人。呢個粟米肉粒飯臨走時見到poster叫大粟的愛😂makreting同事有努力😂👍收銀姐姐好好服務wor，問洗唔洗多飯多汁，好細心！食物質素比想像中好！肉粒大粒，西蘭花唔會黃晒wor！係爽口wor！出乎意料地好wor！三十幾蚊，可以👍

很久沒有在假期的早晨外出吃早餐，但突然很想念大快活的炒滑蛋，所以難得早起就幫襯了。滑蛋的水準還是一貫的高，很難用叉子吃啦哈哈，不過份量好像少了。煎雞扒看上去乾乾，不過去掉雞皮後肉質還是很嫩滑的。喜歡大快活早餐的另一原因，是可以加配粉麵和麥皮，雪菜肉絲米的香味很開胃，忍不住喝了兩口湯。整份早餐都不會令人失望，確是港式茶餐廳以外的好選擇。

近排工作常常外出加班，忙到連午飯都沒有時間吃，很多時候都要吃下午茶當午餐，不過還好，下午茶時段人較少，而且食物較便宜，亦不失為一個好選擇！今次見到有新Menu，這個茶餐之前沒有見過，一於點來試試！點了炸魚肉春卷肉燥撈麵配低糖綠茶，春卷有兩條，以及一些肉燥，最底層是泡面。春卷好吃，外皮煙韌，內裏軟腍，肉燥味道一般，而且較杰身，份量太少，撈麵來說很乾很少汁，吃得很辛苦！一般吃茶餐都會選低糖綠茶，因為較健康亦不會太甜。今次低糖綠茶味道較淡，有點像水一樣，綠茶味濃一點會較好！

今日陪完好朋友出深水埗整完嘢之後陪佢食埋早餐先番將軍澳，我地行咗去西九龍中心諗住去美食廣場睇下有咩食點知時間太早全部都未開舖，唯有落返去食大快活😂見魚柳話係即炸所以叫左，熱辣辣味道好似細個食開嘅魚手指咁，但係勁細塊，仲細塊過片多士😂多士外脆內軟熟👍🏻滑蛋煮得太耐，完全唔滑😅奶茶多奶，夠濃滑☺

食得咁尖 大快活～真係幾中意佢用杜民澤做代言人，把聲發夢都記得。今次食大快活嘅咖哩豬排飯，味道好香～不過就要等好一陣子，差不多要等十五分鐘先有得食，快餐店黎講，真係偏長時間。講返個飯，同其他快餐店唔同，有好多菜，不過煮得幾淋，幾好食。個咖哩汁偏向日式口味，稠身d，配埋珍珠米都幾唔錯。豬排係即炸嘅，好脆好香口，真係等咁耐都值。至於野飲方面，我就叫左低糖綠茶，始終係街食，唔想日日都食得咁唔健康，唔係就唔係咁好了。

西九龍依間簡直差，檯面有上手食完既餐！無人會收。叫極d人好似唔想做咁，d餐黎到個飯唔熱！d菜黑色。。食材唔新鮮！之前食其他分店都無事，係依間真係垃圾！以後唔會幫襯。

今日深水埗見完客lunch time 時間間間餐廳實在太多人，唯有是但簡間大快活拿拿林食完返公司，去到其實都多人，好在得自己一個可以同人地搭到枱。咁我就叫左個curry 既吉烈魚柳加杯coke,個吉烈魚柳好脆身，個curry 味道都幾重又唔係太spicy,整體黎講比我想像中好 算係有suprise.,況且都係40姆幾蚊算唔錯

放假難得可以自己慢慢享受早餐，我今次點了這餐，有我最愛的多士、炒蛋和蕃茄通心粉，味道相當不錯，而且就是湯底也很濃郁。奶茶我點了少奶，餐廳細心的將奶另上，讓我自己加上，不錯！

黎到西九龍中心,想打個邊爐喎,咁見呢度唔多人,咁就入去食啦呢度既員工居然好多都係南亞裔人士,但做野都幾快手同幾有禮貌坐都算舒服叫左個花膠雞湯湯底既打邊爐,不過個湯底都比較淡牛肉都幾靚,菜反而份量都幾多下想坐下打個邊爐都可以係一個唔錯既選擇

大堂服務員除左識送餐，其他都唔識，我的火鍋煲湯底跟對面的小姐調換左，我同大堂服務員講，佢就話等等，我以為佢去囉毛巾就等佢，因為煲是熱的，結果佢無左回事。我去跟取餐區的服務員講，就一句等等都係無左回事。還有大快活唔會窮到連隔熱膠手柄嘅鍋都買唔起呀嘛。自助調味料區污糟到10年無抹甘。

好耐冇食過大快活對上一次大概起碼有一年了今日經過見有位就幫櫬叫返一向穩陣無失手的焗豬扒飯落單到取餐過程快速！依稀記得連熱飲品 $50有找價錢公道店員主動提供飲用水非常體貼今次發現同以前唔同送多兜菜 即刻覺得幾健康幾有良心焗豬扒飯個汁做得很不錯菠蘿同蕃茄份量剛好適合送飯一如既往蛋炒飯底亦係加分位！豬扒唔會overcook keep住一向水準 👍🏻留意到餐廳開始推行無塑但今次裝菜的兜仔仍然用緊膠兜環保之路仍有進步空間！

去深水埗行街，唔知點解明明只是六時多，但四圍都好多人，間間餐廳都要等半個鐘以上，見到大快活做韓式人參雞鍋飯Promo，以快餐店來講都幾特別,就入左去就一於試吓佢地嘅韓式人參雞鍋飯。韓式人參雞鍋飯估不到佢用左原隻芝麻雞去整，雞有咬口，有雞香味同人參味。湯底都香濃，不似有落到雞精或者味精。有韓式餐廳七八成水準。 香葱豬扒飯另外叫了香葱豬扒飯,一貫快餐店貨式，中規中舉,無乜特別。So far so good la!

今晚一個人唔知食乜好，諗起WECHAT 大快活有優惠，即刻上網搵大快活，WeChat Pay大快活優惠期限: 2018年7月18日至31日，仲有三日，消費滿$30減$10蚊，每日扣減一次，全期最多玩5次。星期日晚上6:30左右去到，呢個時間比較少人，吾洗排隊，今日叫左個厚切吉列黑豚飯$45，可以配燒汁或咖喱，我就揀左燒汁，個黑豚真係幾厚，送綠茶或咖啡/茶，我揀左檸檬水，都有幾塊檸檬。呢個晚餐有送餐服務，買完揾位坐就得，好方便。

一個人行完街，經過大快活就入左去望下有咩食，本身無唸過食既，不過見到有個健康餐好似幾健康，就外賣左個翻去試下。黑醋汁豬柳紅米飯外賣既賣相還可以啦，唔算差架啦。紅米飯夠哂健康，一d都唔硬 唔會「銀」胃。配菜竟然係暖既，就靠呢點就可以反映到連鎖式快餐店都可以係一間有心既餐廳。再講講個豬柳，其實無乜好講，普通一塊。個汁都無乜特別，反而覺得無個汁仲好食。但係呢個價錢，有2塊同有杯野飲，算係可以接受到既範圍。

放工後喺北角想食下日本野又唔想去連鎖式經營既日本餐廳，行經活一鮮，門口睇睇餐牌，算係中偏高檔既壽司，黎就入去試下啦。叫咗個壽司拼盤，魚生都幾新鮮，不過可以我同朋友都餓又唔細食，結果叫多咗小食同個豚肉生姜燒定食，整體來說不過不失啦，但認為呢個價位都唔難搵到相同質素而更抵食！