大快活 (西洋菜南街)

营业中

休息中

早兩日又熱又凍，加上多嘢做體力透支，終於病咗。晨早去旺角睇完醫生就搵間大快活食個早餐。呢間大快活似新裝修；雖然新裝修，但環境認真麻麻，嘢食都唔係太得。塊多士好硬，煎蛋麥皮齋啡；埋單，$34；冇乜胃口，食完即走。

三點三時間，嗰碗港式沙嗲牛肉公仔麵，香噴噴嘅沙嗲味攻鼻，濃到黐線又帶少少花生香，撈埋啲湯底杰撻撻掛晒麵！仲有得轉米粉添，加埋杯汽水，食完飽到晚餐都唔使諗，打工仔救星冇得輸！

Gym友外食選擇唔多，見佢有雞胸餐就一試啦⋯⋯舞茸昆布汁雞胸—-$52涷飲+$3（見佢原本個汁伏伏地，轉左黑淑汁$0）可選是日配菜/白飯/紅米飯～（我減緊碳水所以揀左配菜）·配菜係白烚冇乜味，唔好有任何期望😝·雞胸唔會係好滑嗰隻，不過都易切開，都啖啖肉嘅，加少少黑椒汁調味其實都唔錯😌

昨天朝聖完肥姐，在附近辦完點事，行經此位於西洋菜南街地窖，門面起地面嘅快餐店門口，心血來潮，一步步行入去，最先吸引我嘅係兩部自助售賣機，睇嚟兩大一美連鎖快餐店只剩一美未有自助售賣機了。由於午餐已經食咗一碗麵，再加上肥姐三串名物，個肚唔算餓，所以叫了其中一款最平嘅特價餐，$28嘅沙嗲牛肉煎蛋豬仔包，又記得呢度啲咖喱唔錯（至少比美心好食），所以加配咗一個咖喱魚蛋，飲品叫咗個茶記非常少見嘅忌廉汽水。可惜呢間分店沒有燒味飯供應，否則，我應該會叫迷你叉燒飯，配咖喱魚蛋，叉燒飯配咖喱汁，加上少少豉油，真係正到不得了。講返今次食物，$11有6粒魚蛋，而且係預先浸個咖喱嘅炸魚蛋，完全收貨。沙嗲牛肉嘅汁唔會過多，而且有沙嗲味，即使無用餐紙，都不會食到成手係汁，當然，莫講咁嘅價錢，即使多一倍價錢都未必食到有牛肉味嘅牛肉啦！隻蛋係預先煎好，所以有啲凍，但都預咗；汽水都係正常。整體嚟講，食物質數合格有餘，收拾速度以三大嚟計，排中間，最慢係美心。環境方面，地方光猛，環境清潔，認真唔錯。

餐廳位置戲院旁係勁方便既睇戲前醫肚最好經典雜扒鐵板餐+ 可口可樂真心抵食比一般茶餐廳及扒房更大份價錢又平,六十幾蚊,好抵雖然牛扒薄切了少少,但雞扒同豬都OK既仲有條珍寶腸算唔錯啦

環境：乾淨，冷氣夠凍價錢：越加越貴，但牛腩得兩件，薯仔兩大件，加左一匙羹所謂辣汁，但係酸味，盛貴54蚊(任何要求都無處理，例如加汁，加辣，聽完當你費up)服務：收銀個位唔開聲都唔會派優惠印花咭，好似求佢咁款，打上CS無人聽，飛線但無得留言，EMAIL左意見到星期日打黎，超大支野，反映個網上系統連續講左三個月都用唔到信用咭找數，不停比籍口話整緊(有心整會3個月都無整返好？），總之係咩錯都唔關佢地公司事，有錯就係客問題

旺角新開一年左右大快活， 環境光猛乾淨，地方闊落， 唔會好似茶餐廳咁迫埋一齊， 而且服務員態度都好好～大快活下午茶真係好抵食，$29/一份餐， 又湯粉又熱狗， 仲要有凍飲😌😌喺而家搵食艱難嘅年代真係幫左唔少🤭

行經旺角才發現這裏有一間新開的大快活，我發現環境10分乾淨，裝修也很光線感覺剛開張不久，座位也很闊落，坐得比一般舊式大快活舒服。今天叫了一個南瓜汁雞胸肉紅米飯，配有綠茶。雞胸肉煮得嫩滑，完全不乾柴，南瓜汁感覺很健康，不會有味精味，更加配有很多蔬菜，以及健康的紅米飯。是健身/減肥人士的優秀快餐選擇🤤

之前經過西洋菜街的戲院時，發現隔離地底的舖位已由開業多年的服裝店被大快活取替。是日假期的下午茶時間，想不到吃甚麼最後就來到這間新店食個簡單的下午茶作午餐。一直對大快活的印象是裝修比較深沉的，以橙色和深色作主調，餐廳亦不算光猛；而是此用餐環境裝修一改我從前的感覺。由於我沒有甚麼機會經過或者光顧這個品牌，不知道由甚麼時候開始裝修變得十分明亮，以白色取替深色作主調，配合招牌的橙色和大量燈位，令人感覺清新、活潑和新鮮。我選了一客假日餐，包括迷你雪菜腸米粉配燒蜜汁雞髀跟一杯熱奶茶共$43。雞髀偏細隻一點，表面燒得甜甜的少許香脆，可是裡面的肉質不滑更是有點「鞋」口，連雞髀的肉質都有這樣的表現就代表這個來貨不新鮮，質素亦不好。雪菜和米粉的份量適量，米粉的質地略為偏淋但仍可接受，兩條腸是白灼的，味道都可以不會鹹。熱奶茶的奶太多，雖然我很少食這類型的連鎖店，但根據印象其他品牌的茶底較香，表現較好。新店來說環境幾有新鮮感，明亮清新，吸引到不少客人；店員也屬有禮又友善，不過食物則普普通通；位於旺角中心地帶附近食肆林立，或許會有更好的選擇，但來食個快餐亦可。