大快活 (已結業)

返學前諗住搵間最近學校既地方食個dinner,點知就出事喇...order左個日式咖喱吉列炸蝦拚吉列魚柳蛋包飯$36 隻炸蝦細隻到呢....駛唔駛同個廣告相差咁遠呀d飯太濕..又無乜蕃茄味...十個難食我俾十一個...失望

上月在尖沙咀的分店，試了大快活的打邊爐如果用幾間快餐店如美心MX、大家樂、吉野家的火煱，相信大快活用料的份量是最足夠、最抵食的火煱用的食物全擠滿幾碟，甚不多夠兩個人吃呢！食物的質素、新鮮程度就過得去吧，在快餐店打邊爐總不可能要求太高當天光顧時，是星期日的晚上，但眼見這間在尖沙咀的分店，食客不多這可能與分店不太就腳有關吧......

1.咖喱鴛鴦扒飯~ 其實雞扒及豬扒都無味,只是靠個咖喱汁,今次個汁麻麻地2.海南雞飯$29 ~ 雞件超細,飯較硬(這才是正中嗎?),豉油醬不夠好味3.Lunch的鮮茄炸大蝦意粉$28 ~ 一舊鮮茄都無,只是得蕃茄醬一pet,香腸一開二及粉厚炸蝦三隻.意粉太林.4.里斯本雞焗飯$28 ~ 雞無味,仲要焗到燶.飯太爛,汁無味.

早上，原本想到意粉屋歎個早餐，怎料尖沙咀的意粉屋是沒有早餐的，於是到大快活吃，心想應該穩陣沒問題，怎知......叫了一個雞排滑蛋多士併碎腩米加奶茶。一口吃下滑蛋，嘩!!!勁重牛油味，不怪得咁滑，雞排鹹，碎腩米勁鹹，而奶茶都好多奶(他們不是有standard的份量嗎?)。整餐最正常是多士，poor!!!!!不明白，大快活的食物質素為何又會差這麼多，前排改善了，但現在又差了，莫非是一個循環?

估唔到第200篇食評係寫快餐店,無所謂啦,值得寫就要寫.呢間係新開響裕華地庫,地方光猛乾淨,今朝行過見到個廣告牌吹噓話D炒蛋正,就要試.果然同以前好唔同,真係好滑有蛋汁仲好香添.當然未必有澳洲牛奶同嘉樂咁正,但以快餐講巳經係超正.至於牛扒同多士都係普通而已.個人幾欣賞呢個集團進取態度,首先響咖啡下功夫,跟著係咖喱而家就炒蛋,逐步改善出品,值得一讚.

炸芝士豬排-好吉烈的炸-芝士唔多有味,但係都算見得到o係塊豬排同吉烈之間燒汁-係for意粉定係豬排呢???意粉-好乾身,唔會一pat pat雜菜湯-好中或,淡淡地

早幾日黎左呢度食早餐, 其實師傅我就唔係好想黎呢度架, 不過因為時間關係同埋唔係太多選擇, 所以冇得揀情況底下就黎左呢度喇!兩個人一人一份早餐, 一份係魚柳煎蛋配多士, 雪菜肉絲米同埋可樂, 另一份係脆皮腸煎蛋配多士同埋凍檸茶!先講魚柳煎蛋配多士, 多士唔脆唔熱, 再加d牛油上去, 牛油又唔溶, 成塊多士又韌又乾身, 咬左兩啖已經唔想再食, 好差下囉; 魚柳煎蛋魚柳賣相唔吸引, 一眼望落去好似好硬好乾身, 點知一切落去發覺都幾鬆軟, 冇雪種味仲好脆下, 點少少沙律醬就仲吸引; 煎蛋賣相又唔算差, 太陽蛋個蛋黃冇穿到, 不過煎得唔好, 佢想煎到個蛋白脆脆地咁, 點知就煎左少少, 攪到d蛋白有d硬, 一面食就一面吐, 仲要有蛋殼, 唔係咁好; 雪菜肉絲米算普普通通不過不失咁啦! 可樂反而正喎, 可能一早比較熱, 飲杯可樂仲舒服! 至於脆皮腸就冇試到, 不過賣相就唔吸引喇!其實早餐真係冇咩好寫架喇, 不過我覺得咁大間連所店係應該可以好d囉! 我就對個早餐幾失望下, 佢唔算話差到唔食得, 不過絕對唔算得好囉! 我相信如果有得揀, 我下次一定唔會再黎!

蘋果雪耳湯，好味！連續兩個下午，被位於Gateway 的客戶「的」來開跟他們的新加玻branch 開視像會議，散會巳是七點幾。聽足四個鐘南洋英語，累！跟同事到這兒吃過晚餐才回家。近期做擔擔麵推廣，於是要了兩客。我的：上海排骨擔擔麵（$28）、蘋果雪耳雞腳豬骨湯（$5）。上海排骨跟「大x活」味道差不多，擔擔麵唔辣，味道一般，麵條OK。個湯好好味，料多味足，推薦！同事的：豬柳擔擔麵（$28）、凍綠茶（$6）。豬柳係幾差！凍綠茶好淡！最好就係果湯！服務有禮，唔錯！

除了炒飯之外，我另一喜愛是荷葉飯，貪飯帶有陣陣荷葉香味。是晚喺大快活貪新鮮過癮叫了一個鮑汁荷葉飯，我都知道在快餐店叫荷葉飯唔可以要求太高，已經在落單的時候叫自己唔好有期望，不過呢個荷葉飯仍然叫我失望。飯好乾身，甚至可以話硬身咗少少，鮑汁呢...唔多覺有喎，雖然個色都ok似有鮑汁。料就令我最失望，因為我覺得喺酒樓叫隻糯米雞仲用料好過呢個飯，冬菇只係見到碎，仲要係只有幾粒碎，乾瑤柱呢...真係唔見，反而鴨肉粒同蛋絲就算最多，另外就仲有少少乾到好似牛肉乾咁乾身咁硬嘅肉絲(唔知係叉燒定係乜...不過係紅色嘅)。一向覺得大快活味道都ok，有時仲幾好，不過呢個荷葉飯就令我好失望。

中午時分,呢度仍然少人...又係同呀媽食,要左個荷葉飯...荷葉飯好大個,裹面有搖柱,冬菇,仲有...其實都實都幾足料...但飯就較乾身,帶小量荷葉香,但比較鹹,搖柱夠淋唔un,冬菇都ok...但整體上唔算特別好食...不過呢度人手好似唔夠,我地入黎到食完,隔離檯食完d碗碟都冇人收...

熟透得黎唔會乾掙掙，蜜味濃郁，好食到想'encore'...

今晚去hmv, 想食一個quick meal(為求更多時間去溜覽cd, dvd等精神食糧) 所以就揀左呢度....打量過個大型餐飲牌後, 要左一個肉醬意粉+低糖冰綠茶, 貪佢簡簡單單, 點都唔會失手掛？果然冇失望之餘, 竟然有驚喜喎. 首先, 個賣相, 一大隻白色四方碟, 適度既紅肉醬, 不多不少, 沾上微黃既意粉團, 加埋d青豆(應該唔係個d雪藏貨), 紅yiu豆呀, 真係幾悅人眼目咖. 至於味道, 酸酸甜甜, 都拿捏得唔錯喎, d豆重幾咬口添. 其他伴碟既蘿蔔片等雜菜我就冇食啦. 冰綠茶就凍飲一杯, 茶味唔夠, 好處係少糖, 淡淡的解下渴, ok啦.

我係一個嗜辣的人﹐見大快活出左個“加辣咖喱”系列﹐已經心思思想試。最近LUNCH 時候經過﹐終於有機會食﹐不過結果係好失望。首先﹐所謂加辣﹐相信只係加多左香料同煮得比較濃一點﹐但食落感覺太過“杰”﹐似咖喱醬撈飯多過咖喱汁。二來加辣左都係唔辣﹐各位無辣不歡的人﹐要有“無料到”的心理準備。不過全店禁煙始終值回一點環境分數。

平時我好少去大快活,大家樂或者美心食野. 不過自從大快活轉左即磨咖啡後,我幫趁多左. 尋日晏晝同friend o係尖咀行到好攰,想搵地方歇一歇,想平平地就黎左大快活.叫左個蜜汁雞翼+粟米+即磨咖啡. 本身味道就一般o既, 但係佢地開到個冷氣太"行",d野食同杯咖啡o係5分鐘內就凍晒, 估都估到, 快餐店o既野食凍左, 會有幾"好"味嫁啦!p.s. 我發覺香港人食tea時都真係幾鍾意西多士嫁播...檯檯都係食西多士嫁!