大少燒味茶餐廳 (新康街)

营业中

休息中

放假屋企齊人返嚟食飯，又懶煮既話都鍾意黎呢度斬料加餸，絕對係快靚正👍🏻👍🏻👍🏻👍🏻👍🏻👍🏻而且每次嚟都必叫貴妃雞，過節拜神諗唔到食乜都會嚟叫番半隻貴妃雞半隻（ $60 ）肉質幾鮮嫩，骨細皮薄叉燒半斤（ $60 ）肥瘦適中，唔會過硬，我老竇冇帶假牙都食得到🤣乳豬（ $120 ）我見最多人叫嘅都係乳豬，外賣拎到返屋企，雖然皮唔算脆，但都可以接受下午茶大少潛艇（ $40 ）都幾大份，甜麵包夾芝士叉燒蛋

好耐冇斬料去屋企人到食飯啦！今日放工落左上水的「大少燒味茶餐廳」斬料。餐廳有廚窗可以睇到師傅處理燒味，而且全程可以係出面都可以望到師傅斬料。燒味有多款選擇，即場製作，明爐燒味，有乳豬、燒腩、燒腩仔、燒肉、叉燒、燒排骨、燒鵝、燒鴨、貴妃雞、玫瑰豉油雞、乳鴿、紅腸、海蜇等等，仲有單拼/雙拼燒味飯可以選擇，一律只係$32，送例湯，見到好多人等外賣。今日買左半斤乳豬、1斤叉燒，由於太肚餓，另外買左一盒大少潛艇食。約半斤乳豬（$158）乳豬皮脆不膩口，肥瘦均勻，肉香撲鼻，皮脆肉嫩，沾上乳豬醬一起吃，好滋味1斤叉燒（$120）由於屋企人有一些喜歡瘦叉，一些喜歡半肥瘦，所以各買半斤。半肥瘦叉燒，肥瘦適中，肥叉位又不會太膩太多，而瘦叉肉質不會過乾，最鐘意以到叉燒用的醬汁是用蜜汁，送飯一流。大少潛艇（$40）有驚喜，麵包鬆軟，烘得暖暖地，入面有雞蛋、芝士、叉燒，做下午茶最適合不過。

屋企加餸斬料推介❤️大少燒味茶餐廳 ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡前幾日早咗收工見到呢間茶餐廳啲燒味幾靚✨媽咪又話冇乜餸就斬咗料返去🥰順便買埋下午茶添！▪️🌭大少潛艇 未夠鐘食晚餐又想食個下午茶！唔想食咁飽就叫咗呢個招牌大少潛艇～入面有隻煎蛋同叉燒 用嚟做下午茶都幾唔錯👍🏻▪️🐷燒乳豬瀨粉 呢到嘅下午茶真係幾抵食！大大碗瀨粉外賣仲會分湯 乳豬外皮好脆！肥瘦適中 仲會配埋嘢飲添😋▫️叉燒 $120/斤見到啲叉燒幾靚仔😍仲有得特別order半肥瘦！叉燒燒到啱啱好 肉質幾鬆軟 份量都比得好足！價錢都合理 平過我屋企嗰邊 斬料返屋企加餸啱晒❤️▫️貴妃雞半隻貴妃雞都夠兩至三個人食！雞肉都幾滑 不過就嫌佢有啲位唔夠熟仲有少少粉紅色 不過我返屋企再加熱食就冇問題～佢哋嘅燒味雙拼飯仲要$32送例湯超抵！下次諗唔到中午食咩都可以去買嚟食😋😍⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 📍 大少燒味茶餐廳 (新康街) (上水)上水新康街74號地舖

今日同同事第一次次食，叫左5個外賣，分別有叉燒燒肉飯、乳豬飯、油雞飯，但係所有飯都冇汁，好乾，燒肉無俾芥末醬，叉燒亦冇叉燒汁，叉燒味道還算可以，但燒肉同乳豬就係唔好食，啲肉質麻麻，但係連基本菜都冇一條，叫左杯凍奶茶，都冇奶茶味淨係得個甜字！

有時唔想煮飯，又想食啲香口嘢，買啲燒味外賣返屋企食都幾好！呢度亦有位可以堂食，可以坐低食～上水新康街有間大少燒味，晚飯時間經常有人排隊叫外賣～～睇嚟都幾受附近嘅街坊歡迎，得閒買一兩盒外賣可以加下餸，好味又抵食！今次買咗三款燒味，賣相同味道唔錯～叉燒半肥瘦咁樣，賣相色澤唔錯，肉質厚實唔會乾柴，有彈性juicy~燒鴨都幾香口，大大份，啖啖肉，肉味香濃～乳豬肥瘦適中，外皮香脆，油脂比例剛好，脆嫩兼備～三款燒味都水準以上～

是日早收工途經上水，睇下附近有咩可以加餸，見到呢間燒味餐廳門口好多人等緊外賣，再望望叉燒同雞都好靚，一於斬料返屋企慢慢嘆。燒味有好多選擇，價錢亦幾親民，除咗燒味外，亦有茶餐廳早餐及下午茶。乳豬半斤份量都唔少，食落皮脆肉嫩，肥膏唔算多，食得出豬肉嘅味道，唔錯。叉燒色水好靚，肥瘦度均勻，食落肉質鬆軟多汁，蜜汁味香濃，越食越惹味。貴妃雞一望已經覺得好肥美，肉質夠嫩滑，味道微鹹無乜雪味，配上秘製薑蓉食更加好味。

今日去咗上水買嘢 見到呢間新開咗冇耐嘅燒味店 價錢實惠 而且明檔外既燒味靚靚仔仔 即時買咗幾款返屋企加餸佢自己價錢經濟實惠而且都新鮮 款式選擇多 有我平時出邊好少見嘅乳豬😍😍叫咗個乳豬燒鵝腩骨湯米粉 足料又大份 兩個人share都夠飽🤣🤣🫶🏻乳豬爽口皮脆 肉質嫩滑唔鞋 瓦洛仲有啲脆骨燒鵝方面我要左下庄 食落肉質細嫩 而且皮香肉唔會膩 屋企人都大贊好食😋最後仲叫咗梅頭肥叉燒 蜜汁味濃郁 而且叉燒有嚼勁 返屋企加餸嘅首選！！有興趣快啲去睇吓啦

公司萬歲買燒味，與幾個同事當午飯吃。平時路過，見到大少燒味門外長期有人排隊，趁機買來試試。在門口望到掛起的燒味賣相都不錯，價錢很親民，比一般燒味店便宜。見到門外餐牌，外賣特價燒味單拼或雙拼飯，送例湯，一律$32，超值！忍不住點多一份燒鴨瀨粉，轉粉麵類要加$6，都係抵！出公司數斬料，當然要買靚的。這裡出名乳豬，例牌$158，份量都多啊！乳豬皮攞到返公司，仍然脆脆地，豬肉一層脂肪一層肉，很嫩滑。味道比一般乳豬淡一點，但公司同事都覺得味道適中，不喜歡太咸。叉燒例牌$80，不會燒得太乾，仍然有肉汁，肉質柔軟，半肥瘦吃著爽口。蜜糖味多，也不咸。燒鵝下庄$128，燒鵝髀真的太香了！咬下燒鵝皮爆出的油脂香，與燒鵝肉的鹵水香一起吃下，味道真的不錯。另外買了一盒白飯，大家食燒味，配飯吃，吃得很香！還有燒鴨瀨粉，和同事share，原來清湯底好好味！像雞湯的清甜呢！瀨粉和燒鴨份量都多，燒鴨肉質結實，有彈性，燒鴨皮都很香口，$38這個價錢，無敵！怪不得這麼多街坊排隊買外賣。特價餐可以加$6配飲品，這杯凍檸茶，在我買外賣熱得渾身是汗時喝，清新舒爽！同事吃完這頓燒味午餐，都覺得性價比很高，雖然味道偏淡，但可以點醬

雖然平唔可以要求太多但呢間垃圾次次都係咁要求肥叉，你比唔到唔緊要唔係比呢啲人呀…態度差都唔理你丫唔係差咁遠呀…燒鴨要醬料 又要另外加錢我食雞要求你比酸梅醬就話加錢合理我食鴨要求比醬料都好正常呀你一係收貴d 比返d人食既野人食丫

樓面員工過多，年紀較大的男女樓面態度很差，起初以為他們是老闆和老闆娘，原來握住雞毛的在呼喝客人和指指點點其他樓面。食物質素一流，但真正的老闆可以考慮減少趕客的員工。

響附近寫字樓翻工，由大埔分店食到上水分店，從未遇過燒味師傅咁樣斬燒味飯。今日12:30去斬個叉雞飯，個師傅專揀最差嘅材料同部位俾人食。好聲好氣反映，斬啲叉燒渣都算數，雞都唔好全部雞胸丫？嚡熠熠。其實我都係想叫師傅，溝兩件其他部位嘅雞俾我。我都未趕得切講，出餐呀姐劈頭第一句就話退錢。表現完全無心服務客人之餘，仲極度唔耐煩。最尾斬料師傅都真係換返兩舊雞胸，但就話特價飯係咁樣質素，然後再叫呀姐：換左兩舊，打發佢走！打左成日工都係想簡單食餐飯，搞到好似想撩交嗌！賺緊客人錢仲要歧視客人，話打發人走？平時收銀有個後生女都好好態度，間中都有帶客去幫襯，經過今事件，無下次！香港服務業多得呢啲人，真係搞臭哂！

之前買過幾次淨叉燒/燒骨/乳豬/燒肉，斷斤計嘅話，佢嘅水準真係唔錯，真係幾好食。今日買佢個$30雙餸飯，叉燒燒肉飯，叫佢半肥瘦叉燒，返到屋企，全瘦嘅叉燒仲要係柴叉，燒肉皮唔脆，硬飯

見佢門口話下午茶$38幾抵食，就入去試下油雞飯加例湯油雞岩岩熟，好嫩滑，份量都唔少例湯都好飲，無味精又大碗，仲有啲料係入面食完見都幾有質素，諗住買多個外賣外賣飯盒$30，叫左叉燒燒肉返到去一打開，比起堂食個下午茶，有啲失望叉燒燒肉份量都少啲，同埋睇落都唔太吸引不過食落叉燒都ok既，雖然瘦叉但都冧，唔會好似乾柴咁燒肉正常普通

今日係第二次來大少，兩次都係點乳豬飯。水準依舊，口感一流，一咬d肥膏溶喺咀內，回味無窮，絕對有酒樓水準。皮肉不分離，唔會硬，乳豬必食，68蚊價錢是合理價。見d人留言係講燒肉點差點差，叫人唔好幫襯，我未食過就唔作評論，但乳豬真係推介。

本來極小寫食評，但今次呢間餐廳俾我嘅經歷真係不吐不快，極度唔掂。下午茶時段經過大少燒味，已經專登唔買特價餐，俾貴啲買正價餐，點知返到屋企一打開，中曬伏，份量少得可憐不特止，指明要雞胸，俾左雞亦位我，本來都唔緊要，打返電話同佢講返成件事，點知個男人一出聲已經態度奇差，講數咁款，仲叫我成碗留返，等將來經過先拎返去換，叫我千奇唔好掂碗嘢，嘩，咩事呀？真係成肚氨，以後無幫襯，唔怪之得其他店咁多人排隊，呢間拍曬烏蠅。