大將 (已結業)

香港人甚麼時節都鍾意食火鍋，位於T.O.P.地庫的大將是一間日式火鍋放題店，有5個價位選擇。最高價位包盛田男山清酒放題，鑑於第二日要上班，還是選擇低一個價位的”澳洲和牛牛小排"($398) 好了。全店採用一人一鍋，變相每人選擇不同湯底試都可以。湯底有11款，部分要加錢。經店員介紹，試試昆布清酒大蜆湯 (+$12) 及 椰子雞湯 (+$10)。蜆湯內的蜆非常大隻且帶鮮味無沙；椰子雞湯的有骨雞件可以無限添加 (點雞煲系列才有有骨雞件，餐牌上沒有)。餐廳的肉食及海鮮類需要找店員下單，出單速度極快；自助區主要放著菇菜類、丸類、麵食，也有一些冷盤、熟食及甜品，當然醬料區都在自助區啦。一行二人坐卡位，枱面幾大，還有一個可墊高的木架，多叫幾碟也可以攤平放。也欣賞碗子有個隔湯/汁碟在中間，避免進食中途成也是碗湯汁。澳洲和牛牛小排、熊本豬梅花肉及昆布漬雞肉是預設會送上的。眾多牛肉當中，果然澳洲和牛小排最為出色，油脂分佈均勻，肉質滑嫩；而和牛胸腹眼肉味則較濃郁。其他牛肉雖然都不錯，但跟和牛比真的有明顯差別，果然是一分錢一分貨~另外昆布漬雞肉入口嬾滑彈牙；羊卷肉少少羶，但不好羊的我也覺得不錯。日本帶子鮮味十

又到左火星人寫食評的時間。本身都唔係好想出個負評post, 但如果我有廿體驗我都想其他都有可能要知道。廢話少講，因為地區關係，我需要在附近吃晚飯，所以就book左旺角呢間大將（將軍澳有的遠）再試一次，上次是叫日本和牛果個餐，今次見有啲飽，想食的菜就叫左最普通牛果個餐（假日$288）點知就出事。先講服務，我哋安排左係坐入面果個位，後面要加水發現都幾難搵到人加，因為冇同事係果個範圍，等左好耐先有，好在員工都算盡責盡快加左比我地，但呢度都扣左的分數。再見講食物，出面熱食物的選擇很少，前菜又冇8爪魚果的，而且炸雞都5太脆。比起將軍澳果間差好多，出面又冇支裝茶果類，又扣分。其次就係選擇，當我發現佢本身件牛5太好食想叫牛小排（係餐入面），服務員話賣哂得反牛肉粒，喂大哥，你冇哂出面等位就應該要講啦，咁我可以選擇第二個還廿如果個頭盤5啱食，我咪真係要食菜？但你收緊$288 一個人（當假日）要我剩係食菜又冇海鮮我真係接受唔到。而且個牛肉粒上左完全5掂，一陣雪味，之後都冇食到，本身個餐剩係包魚片太少選擇，而且又冇得加錢換蟹柳果類服務，魚片上左之後，個魚片仲要冇乜魚味得個多字。呢下真係嬲，冇樣野係合格。朋友

第一次去呢個商場搵食😋因為朋友推薦，所以收同Hubby去試新野超級有特色嘅一人一火鍋😆自己鐘意揀咩湯底都得唔使就人地🤭細細鍋，超濃郁嘅湯😋今次我地試最貴嘅Set-日本北海道和牛上肩肉❤️日本和牛上肩肉超靚好均勻嘅肉紋👍🏻肉同脂肪分布得好好口感唔錯，牛味濃郁🤤❤️和牛胸腹眼😍靚牛真係唔同D，入口即溶超正👍🏻❤️特選美國牛肩肉脂肪較少，口感十足，牛肉都好重👍🏻❤️一口牛肉粒紋理好靚👍🏻又係牛味十足❤️五花肉/雞肉切得夠薄👍🏻所以肉質好嫩滑❤️廣島蠔/沙白/帶子濃濃嘅海水味，好新鮮好解甜😋有前菜同熟食小食，全部都好好味🤤❤️有3款味嘅雪糕（朱古力/雲尼拿/混合）好濃味好香，又唔太甜🥰超正除左Menu野食，仲有自助吧有多款蔬菜/丸類可以選擇😍野食種類好多，另外飲品除左枝裝，仲可以自己斟嘅可樂加冰，打邊爐真係絕配👍🏻

大將 (旺角)今次晚餐黎左旺角top入面嘅大將食日式火鍋🍲😍今次我地揀左食澳洲和牛牛小排餐。呢個餐除左有牛肉外，仲有豬牛羊、海鮮及其他選擇！牛肉，我就覺得澳洲和牛小排口感最好，好淋又夠牛味～海鮮方面咁有七款選擇！推介大家試吓蝦滑，爽口彈牙！邊爐放題有大量蔬菜、丸、甜品、飲品揀就基本！我最中意嘅就係我地可以自己整waffle🧇，好玩又好食😋📍旺角彌敦道700號T.O.P This is Our Place地庫FoodYum R1號檔

我哋約咗8:30，等咗20分鐘都未有位，會其實我哋完全冇遲到，真係30分去到。如果係真係冇咁多位，咁點解又俾客人book到位？我哋book咗四位，但係俾兩個兩人位，試問係想點？重要係嗰兩個枱係仲有人坐緊，其實我覺得呢一個point 真係需要改善下。第二，我覺得啲飲品唔係太多選擇，雪櫃啲嘢飲仲要係唔凍既，我唔會再去第二次，我真係唔建議大家去

*大將Taisyou-一人一鍋の首選*放工約朋友去旺角傾計打邊爐，一出地鐵站商場落電梯就搵到，環境衛生乾淨，座位舒適，最啱老友幾個一齊輕鬆Gathering！😝《120分鐘半自助放題》🥘*湯底* 人氣NO.1 🔥🌟黃金壽喜燒經典清甜口味，不敗之選🌟完熟番茄海老濃湯濃郁番茄🍅用料新鮮*澳洲和牛牛小排套餐*🥩🥓✨澳洲和牛牛小排牛肉味香濃，入口嫩滑✨昆布漬雞肉雞肉入味鮮嫩✨熊本豬梅花肉肉質上乘✨特選美國牛肩肉牛肩肉肉質鮮嫩✨西班牙五花肉片肥瘦適中整體黎講覺得肉質唔錯🤭👍*海鮮* ✨日本帶子正常發揮✨蝦滑爽口彈牙👍⭐️自助食品區丸類🍥、菜類🥬、菇類、烏冬 etc選擇種類不算多，基本的都有⭐️冷盤小食區泡菜、酸蘿蔔、炸雞、紫蕃薯 etc其中炸雞肉質嫩滑，驚喜推薦👍⭐️自助飲品區有汽水/咖啡/茶/小枝裝飲品⭐️自助甜品區-日式手工甜品木糠/朱古力奶凍細細杯，可以試下不同口味👍😋⭐️自助雪糕機+自助窩夫機🧇 玩樂味💯今次試左”兩溝”雪糕，但由於太飽冇試到窩夫，下次有機會可以試試🤭服務❤️👍員工細心，經常留意湯底情況，會主動幫手加湯👍收拾前都會禮貌詢問

即興想食呢間就打電話問下會唔會有生日優惠雖然即日book位但佢哋都提供到一個小小嘅生日蛋糕比我哋 好好人☺️員工態度好好 餐廳會播生日歌，有紙牌for 影相，幫我哋影相仲曬左張送比我哋，完全估唔到會有，好貼心！下次有人生日都會再黎食👍🏻👍🏻窩夫必食！好好食，好少火鍋店會有👍🏻

係旺角TOP地庫原來有好多餐廳，今日我去食左大將和牛火鍋放題，一人一鍋澳洲和牛牛小排，有牛、豬、雞、羊，好多選擇首先我地先揀沙嗲及椰子雞湯湯底，沙嗲味濃，椰子雞湯清甜澳洲和牛牛小排肉味香濃，油脂分布均勻和牛胸腹眼入口即溶，好好食！鮮帶子十分鮮甜，新鮮蝦滑爽口彈牙即炸午餐肉及響鈴夠晒邪惡，熱辣辣好脆口，浸一浸湯一流！仲有幾十款蔬菜及其他火鍋配料，另外仲有日式甜點、雪糕及自制窩夫，飲品選擇亦及，有汽水，樽裝飲品

服務方面，有求必應的感覺真的很快樂！雖然這間放題火鍋沒有電子下單的功能，是選用傳統人工手寫下單的，但是只要你舉手，店員都會見到以及第一時間過來。最重要的是，下了的單不會缺斤少兩，該有的都會有，這點是做得非常之好的。另外，店員見到湯底不足會自動過來加，不用再舉手示意，也是點睛之筆。食物方面，因為我們選擇的北海道套餐，全部種類的食物都能嘗試到，我會比較推薦大家選擇和牛以及壽喜燒湯底，味道不錯的，其他食材中規中矩吧，種類也很豐富。價錢方面，如果是牛肉世一，建議選擇有和牛的火鍋套餐即可，你懂的~如果喜歡雨露均霑，北海道套餐你值得擁有。環境方面，很乾淨，空間比較寬鬆，坐得很舒服。去拿菜的路上很安全，地板並不油滑。

同朋友到旺角找火鍋放題，見到旺角T.O.P.商場地庫有間很多人推薦火鍋，進去見到餐廳以簡單淺色為主，環境氣氛算幾舒服，食品種類超多但價錢尚算較平，味道整體都算高分～🥣鍋底是每人一個的，不用怕影響到朋友。而湯底都有好多款，我們選了完熟蕃茄海老濃湯和雞白湯，兩款都好濃味。🥢澳洲和牛牛小排最終選了$398的套餐。牛肉款式有澳洲和牛牛小排、安格斯牛小排、和牛胸腹眼、嚴選Prime牛肩肉、一口牛肉粒等等，另外豬梅花、雞肉、羊肉同埋7款唔同海鮮。🥩我們都覺得和牛牛小排同牛肩肉最好味。肉味濃郁，油脂分佈平均，煮完入口都覺得夠滑嫩。而羊肉勁大陣膻味，真係好正。🐟海鮮推薦日本帶子，味道夠鮮。沙白大隻沒沙。而必選就一定係黑魚片，因為連煮完入口都真係超級嫩滑🪵另一個重點推薦就是「響玲」上枱還會感受到那份新鮮出爐，即叫即炸的熱力！🌿除點餐海鮮和肉類之外，餐廳自助食品區，更有20多款火鍋配料和超多款不同蔬菜。真係花多眼亂。🍦最後，除了甜品櫃有幾款蛋糕之外，最多人選擇就有非常似谷古味道的雙拼朱古力雪糕，同埋自製即整窩夫

今次去到旺角TOP地庫嘅大將食呢個日式放題嘅火鍋！整體嘅體驗都唔錯，值得下次同埋朋友一齊再嚟食多次！入到門口有嘅女仔店員叫我揀咗食咩餐先入座，我就揀咗個最頂級嘅日本北海道和牛！然後就有個高高地嘅男仔帶咗我入去坐低，跟住叫我揀湯底，我就揀咗個壽喜燒湯，甜甜地又幾好味，幾乎唔使落太多其他嘅調味料！個帶眼鏡嘅男店員都幾有禮貌，同我好快上咗湯底之後又幫我上咗兩盤肉，有牛有豬同埋雞肉，唔使坐喺度等咁耐，行經過見到我食淨少少又主動問我需唔需要再加嘢食，又主動幫我加湯，服務態度一流！啲肉都有幾種，日本北海道和牛上肩肉、熊本豬梅花肉、澳洲和牛牛小排、安格斯牛小排、和牛胸腹眼、同埋兩種牛肩肉！勁多唔同嘅種類比我揀黎食，就連海鮮都有唔少嘢可以揀，非常滿意！有啲美中不足嘅係，當日自製窩夫機好似無嗮啲蛋漿冇得整好可惜。同埋唔知嚸解係人手落單，見到個男員工喺全場周圍走來走去又幫人落單又幫人加湯又要執枱，我睇到都覺得佢哋幾辛苦。如果用返二維碼落單相信會方便好多！但整體而言，呢間火鍋店係值得下次再回顧！

D嘢食嘅quality好好 但係portion 就係計人 (肉除外) 要記得order個時唔好1件件咁叫🤣🤣 others than that d dessert selection都比起其他地方特別 絕對值得去試試㗎

LUNCH經過見到價錢合理，餐牌吸引，就入咗嚟食丼飯首先叫咗一碗「日式烤雞肉丼飯」雞肉幾嫩滑，唔會太濃味，唔錯嘅👍🏻然後另一碗係「雙重溫泉蛋豚丼」啲豚肉係「霉」嘅，口感好差，仲要食食下發現有蛋殼🥲我地加咗$10沙律套餐，沙律偏多芝麻醬嘅，飲品自行出去裝，有唔同汽水揀🥲🥹雞肉丼飯到先嘅，豚丼足足等咗15分鐘先到，仲要口感一半😮‍💨🙆🏻‍♀️大將(旺角店)📍旺角彌敦道700號T.0.P This is Our Place地庫FoodYum R1號檔

送完飯比亞女又同老公拍拖仔食午飯，老公好耐冇打邊爐，就陪佢食和牛放題，仲有一人一鍋想揀自己喜歡湯底唔煩🤣湯底都有成8款，我地就揀左人氣No1️⃣嘅花生沙嗲湯同完熟蕃茄海老濃湯，兩款湯底都好濃郁，真係唔錯。澳洲和牛牛小排（$398一位）🥩牛肉都幾款式，有澳洲和牛牛小排、安格斯牛小排、嚴選Prime牛肩肉、和牛胸腹眼等等，另外仲有西班牙五花肉片🥓、昆布漬雞肉🐔，海鮮都有6種。澳洲和牛牛小排🥩油脂分佈平均，肉味濃郁鮮嫩，昆布漬雞肉肉質嫩，海鮮我都每樣叫左d，推介杭州黑魚片真係好嫩滑。自助區都好大，有好多區，有蔬菜區：多款菜🥬、菇類🍄、瓜類🥒，連蟲草花都有，丸+麵類區，小食區：有炸芋丸、餃子🥟、炸雞、蛋卷、泡菜等等，飲品區：有樽裝飲品之外，仲有咖啡機☕️😍正呀甜品區：有木糠布甸、泡芙、雪糕🍦等，仲可以自製窩夫🧇添，我緊係整番個雪糕窩夫啦😜

今日特登約左班好耐無見既老友打邊爐順便慶祝朋友生日☺️一直都好想食一人一鍋見到佢晚市放題湯底都多選擇所以就試下✨️✨️生日飯叫佢上蛋糕時佢竟然播生日歌同有張卡仔送逼比壽星公😂😂😂😂超搞笑樓面啲staff幾好服務時不時會主動問收野同加湯～～地理位置嚟講就腳又方便都唔錯🫶🫶會推薦比朋友🤗🤗