大家樂 (黃大仙中心南館)

营业中

休息中

其實日式豬骨湯拉麵大家樂之前都推出過, 雖然唔夠味千好食, 但都唔會太差見拉麵又"重出江湖", 就係晚市食返碗, 可惜已面目全非 湯底--"廣告"寫用上極上豬頸骨不停火熬製10小時, 骨髓膠質融化成乳白色濃湯--"實質"係d湯好淡, 唔係乳白色, 無咩豬骨味, 而且好多油! 豬軟骨--一咬已不對勁, d肉唔新鮮, "霉"的, 且有酸餿味, 以為自己味覺有問題, 叫朋友仔幫手試一口, 佢話餿味就食唔出, 但好肯定d肉唔新鮮, 又鬆散又"霉" 拉麵--"廣告"話配上鮮九州拉麵, 入口幼滑, 體驗矜骨--"實質"係好難食的拉麵, 夾起時拉麵已結成一大團, 要用筷子分散, 跟著一食落口, 嘩, 是拉麵來嗎? 又稔又黏, 像剛剛開始搓的濕麵粉, 未上乾粉未搓夠時間的感覺 平日晚上九時, 此拉麵等左十多分鐘才有, 竟然難食到嘔, 價錢又唔係平. 唯一可以入口係d配菜 --- 粟米粒, 半隻蛋及椰菜 一直懷疑係咪自己黑仔因為臨收舖就俾d沒有品質監控過的食物我食? 正常唔係咁難食?

功夫雞 (半隻)--廣告標榜 -- 肉鮮, 味濃, 脂肪少 ------> 但食完後覺得無什麼特別, 好普通. 跟大家樂以往的雞一樣味道, 都是雪藏雞, 肉味淡, 仍有不少脂肪--廣告標榜 -- 原隻雞放入以乾葱, 八角, 香茅, 南薑等秘製上湯等浸製 ------> 可惜食不出有這些香料的味道--蒜油雞湯蒸飯: 始終出面海南雞店的雞油飯好食d, 這兒的蒜油雞湯不夠味--三色醬: 其中黑醬油味道不討好, 味道跟正宗相差好遠總括而言, 無論雞與油飯都無海南風味, 若以普通白切雞來講, 肉質尚算ok 巴東牛肉--巴東牛肉原來份量好少--個醬超濃 -- 黃薑, 咖喱, 椰汁, 香茅, 金不換 ---> 的確惹味, 好有東南亞風味 --廣告寫住 "牛肋條肉", 發覺有筋的部份好少, 大部份都係牛腩, 全部都炆煮到好稔, 可惜份量的確少, 基本上係唔夠餸--蝦餅春卷: 若食慣九龍城泰國菜的, 就覺得這兒一點兒也不好吃, 而且個汁(好似青檸+魚露)又少到.......都係大家樂之前推出的咖喱牛腩好食d及抵食d

一心諗住食美心mx既...不過搵唔到...咪唯有去食e間囉野食選擇已經唔係多...仲要難食囉...吉列豬扒凍既...個雞翼仲要咬唔開囉如果俾我揀...大快活係我至愛...美心都ok..而e間野...我諗係冇得揀之下..先會考慮下

等到頸都長終於有新產品出爐, 有咁多隻青口的炒意粉都係$33, 真係好抵!加$1 仲有凍蘋果綠茶係非繁忙時間都要等廿多分鐘, 真係精心炮製 冰活藍貝意粉 首先試意粉好有意式風味, 無諗過係大家樂用此價錢可以食到有水準的意式意粉. 炒意粉用了初榨橄欖油, 白酒及秘製香草汁. 酒味就食唔出, 但係香草味就夠濃. 幼身意粉真係啱啱熟, 時間掌握得比大快活還好. 剩係炒意粉已好夠味, 相比之下令配菜 -- 洋葱碎, 鮮茄粒及磨菇片的味道顯得較淡 藍青口電視廣告影得好大隻, 其實係bb size, 不過細細隻青口份量如圖片一樣多, 除了有兩三隻較乾之外, 其餘都唔錯, 因佢的肉質較嫰, 青口味又夠濃, 唔會冰到無晒味及乾硬. 好食過大部份自助餐的青口以這個價錢及此質素, 有哪間餐廳可以做到?

儲唔儲埋好多食評未打趁而家得閒打左佢先去黃大仙見可愛表弟舅父話要帶表弟去大家樂食熱狗皆因表弟鍾意食大家樂熱狗入面條腸咁細個就咁咀刁...........唔太肚餓 所以同媽咪share一個餐 $19雞翼 + 半件花生醬多士 + 凍檸茶是日汽水機壞左-0-雞翼我就冇食 因為我懶.......唔想洗手個多士超硬 好似已經整左好耐咁切到我手都累埋!真係挨唔住比媽切 連媽都話好硬舊多士暖暖地........但真係幾硬至於雞翼 媽話ok!檸茶幾好飲喎!茶味夠!

見有新dish -- 羅漢上素伊麵 (單售 $24.5) 獻汁唔算太杰, 蠔油咸度適中 齋太少, 最多都是碎濕濕的雪耳, 其餘的草菇及粟米芯都好少 主角伊麵ok, 不會過稔

煎蛋蕃茄免治牛肉飯: 午市$23 (單售)此款飯不是常常有, 有時想食行遍幾間大家樂都無, 幸好昨天又出返鍾意食的原因: 有好多鮮蕃茄茸 攪碎的牛肉仍有嚼勁, 肉味濃 好多醬汁, 舖滿整個飯面, 鍾意佢唔會落太多豆粉, 故不會太杰, 又不會過稀, 酸甜適中

去到大家樂每次指定動作都睇一輪水牌，但最終都是叫炸魚柳早餐，配餐肉，多士，熱奶苶．現在有新的南冰魚柳早餐，一定要試下啦！炸魚柳：真的好脆，仲好熱，配埋沙律醬，好好味^-^，但同以前有咩分別，我真的分吾出，有冇人兄ｏｒ人姐講比我聽？？？？？炒滑疍：好滑，食晒都好"漏"多士：好脆，加埋牛油仲好味道！！熱奶茶：吾使講～～～～我既至愛，十分"yummy"但是本人覺得總是要加入$1.5食埋麥皮，先覺得ｐｅｒｆｅｃｔ～～～～雖然每次都係食吾晒成！！！！

上星期同女兒落街食飯..叫左個豬扒焗飯.等左好耐。D飯好難食..無芝士味..豬扒又凍!甘叫焗左? 好後悔食!服務唔太差!

雖然話係鮮茄　但係得兩舊仔　不過味道都唔錯　魚幾新鮮

記得上次去食火鍋,叫左二個..其中一個少左一半野..仲要系食食下先發現..無奈極,個陣想問又唔想問,問左蝕低系我..啞甘食左個唔值的火鍋,改善下。

第二次去食火鍋了..今次比上次少,D材超唔齊..以為佢俾少左一,二樣我地..點知系一半野都無俾囉!!早知問左佢換先!但呢個比第二到好味道*希望佢洗乾淨D菜。

今早轉食中式早餐,皮蛋瘦肉粥竟有燶味,且還浮有幾點燶焦以往食大家樂粥,都知道無正式粥舖咁足料,但因早餐粥可以配糯米雞或點心+熱飲,幾多花款,相當吸引但絕對不能賣煲燶了的粥,廚房無可能唔知煲燶,亦無可能唔去試味燶味不算濃烈,是否代表可以得過且過賣出去呢? 未至於燶到不能下嚥,但一早要人家貼錢買難受去食有燶味的粥,可過意得去嗎?第一次俾喊臉

最好食及最抵食都是早餐及下午茶餐早餐近期的蕃茄肉碎通粉有進步,通粉份量多,配料又有粟米及棷菜碎,蕃茄茸又夠多,健康之選還有蘿蔔糕都做得不錯,蘿蔔絲與粘米粉份量得宜,又不多油吉列豬扒外層香口,內裏也很juicy, 做得出色做得較失色是晚餐即炒粉麵飯,沒有鑊氣之餘,有時更食到不太新鮮的餸菜

第2次來這裡。禽晚凍凍地又落雨，突然想食。但因大日子的關係，要作最後的抗爭，是不敢吃多，唔想吃任食餐\，便來這裡。8點半後有特價，叫了一隻藍青口生蠔肥牛船，兩個人share。見前一張檯3個女仔好擦得，3個人叫兩隻船同一個扒餐\。本來我地食晒d配料時都唔覺飽架，但最後清埋d米線同個底的西洋菜就夠飽喇。今次怕熱氣，叫的是芫茜皮蛋湯底，相當唔錯。