大家樂 (糖廠街)

营业中

休息中

今天很忙地在廣州趕回香港，幾個鐘的車程已很餓了，於是就拿拿林選了成日話做到100分的快餐店，點了這個所謂的星州炒米，送上時用膠蓋著，好像很熱很新鮮的感覺，但食落又乾又硬又凍，已是很餓的我也覺難食，唯有到些熱水下去希望好點，但無補於事，一樣係很難食，真係做到100分就只得個口號，我就話10分都唔值啦。

Service from the counter to the waitress to the kitchen to the farewell was attentive and always full of smiles and hospitable. The seating area is clean with the theme pf jo waste and served on nice platters for generous portions. The place has a cheerful spirit with bright lights and comfortable soft cushions on the seats. The food was filling and flavourful with refreshing iced lemon tea.

偶然一次走進大家樂，給我發現有新的下午茶……沖繩mochi炸包！ 最便宜是炸包加粟米，另跟普通飲品（點至cool冰冰要額外加$5.50）我點了兩個餐分別是炸包配雞翼及炸包配蘋果沙律。飲品是額外加$5.50的沖繩柑橘特飲，雖然已加入糖漿但仍沒有把沖繩柑橘的酸到死特性掩蓋掉。燒雞翼皮薄肉嫩加上蜜糖焦香，當然好吃！mochi包有三隻餡味，可惜最希望吃的紫薯餡已售完，兩個餐就各點剩下的一個炸包。上圖的是日式咖喱餡，帶甜的日式咖喱，中間有一小件黏糯的mochi，有咬口之餘亦香甜無比。這個是紅豆餡，無錯是日本獨特的紅豆味，同樣有黏糯的mochi，帶出韌韌口感。

今日(21-3-2015 Sat)同男友過海俾o野人,咁搵個地方坐住等,我就想食紅豆冰,於是我買o野食,我買$30.00o既豬扒包下午茶餐,除o左豬扒包外,重有一隻特色雞翼,咁要杯紅豆冰,收銀話紅豆冰要$14.00,冇得話加錢換.啊.咁餐飲就要凍檸水,凍飲要加$3.00,咁就盛惠$47.00.俾完錢,收銀提醒我,紅豆冰即刻會有,豬扒包就要等No.顯示,啊.我先攞紅豆冰,去到即刻送上唔使等,係一早整定抑或佢o地一早收到單整?但我覺得係前者,因為睇到啲冰都溶o左好多.攪勻晒飲先,味道卻唔差,唔會好淡,紅豆未起沙但好夠腍,唔錯.味道: 5分之後出去攞豬扒包餐,個豬扒包用紙袋裝住,打開睇,嘩!黑漆漆o既?唔通係麥包?打開埋個包睇先,睇到洋蔥腍晒,覺得係煮過龍.切開一半同男友分,我先食,個包唔係麥包,係烘脆o既包,但烘過龍,洋蔥真係煮過龍,燒汁入晒裡面,我覺得唔好食.而豬扒好彩係juicy,口感唔錯.味道: 2分而特色雞翼呢?其實只係一隻蜜糖燒雞翼,我只食o左兩啖就俾男友,我覺得呢個正常冇問題,不過唔覺咩特色雞翼囉.味道: 3分最後o既凍檸水,男友一飲,問我係咪叫o左少甜?好清,好o岩佢.我答冇

大家樂都出左海南雞,又點可以唔試下一試就中伏了.雞肉硬如腎石般.呢種將雞肉煮成200%熟,只有一個好處,就係用於練牙力.連脾位都可以硬化,這功力絕非等閒.飯就有點香料味,帶甜.應該係香矛.三色醬見到個樣都唔想用出呢款野係咪想害人?

今天午餐前很想飲杯飲料，本來想去咖啡店。但想一想，我們不會坐很久，那不如選一間快餐店吧！數著數著，原本我就接近兩年沒有到過快餐店。由於單叫飲品的價錢也不太便宜，所以很少飲冰飲料的我今次選了至COOL冰冰。今次的選擇有雪糕紅豆冰、粒粒紅豆冰、凍仙草奶茶、蒟蒻蜜桃茶、楊枝甘露冰和香橙乳酪冰。雪糕紅豆冰、粒粒紅豆冰和楊枝甘露冰已在過去的夏天試過多次。今次就作到一個新嘗試－－一個在網上被劣評的 香橙乳酪冰。餐牌上寫香橙乳酪冰乳酪是採用意大利乳酪。我不是乳酪迷，我分不出當中是不是以意大利乳酪製作。飲品香橙味不太突出，其實味道好像在吃乳酪的感覺，酸酸甜甜的，也有點似低糖版的益力多，很易入口很滑。杯底有小啫喱粒及椰果。最欠誠意是杯底的啫喱粒，啫喱太硬身，令整杯飲品的口感下降。不過，我還是喜歡楊枝甘露冰。新飲品，試一次就足夠了。就這個星期日的午市所見，這裡主要的顧客多是附近搬運、體力勞動的人仕。他們都是穿著潔濕透了的公司制服在此午膳。快餐店空調未能把他們身上的汗味抽走，導致快餐店內充斥著一陣異味。店內衛生情況尚算滿意，但因為這個問題也不在此久留了。

聽聞大家樂新出了幾款鐵板下午茶餐，今日特別黎試試！我叫了呢款黑椒鐵板肉絲炒烏冬，＄２５包餐飲！之前食過美心同款的下午茶餐，我估大家樂應該不賴吧！點知，真係火滾！捧餐時見到鐵板上只有烏冬和幾粒蟹柳，我覺得奇怪？ 唔通冇晒肉絲所以職員逕自轉了做蟹柳？又或者，呢個鐵板唔係我嘅？在滿心問號的情況下，我忍唔住問下個經理！我：＂呢個就係肉絲炒烏冬？＂經理：（邊看邊用隻匙羹撩撩下，撩到一條小肉絲就對我說）我地Ｄ肉絲喺底，睇下！Ｄ肉絲唔會係豬扒咁大塊架，只係肉絲黎咋！我捧住呢個鐵板烏冬搵個位坐底，再睇下究竟＂有幾多肉絲喺底＂！點知全個鐵板只有４小條＂肉絲粒＂（如照片左下角）！！！ 咩話，我知唔會好似豬扒咁大塊，但都唔會係只有＂咁多＂肉絲＂粒＂吧！！！經理個答案，都好牽強唧！味道方面，黑椒味夠，炒得尚算入味，唔太油，但細碟左Ｄ！最激氣係，Ｄ配料少成咁，仲要俾個咁嘅＂回應＂客人，唔該貴餐飲集團可以注意一下！另外，座位方面都有Ｄ意見！當時好多人，有一家大細，有老人家等；我搵到呢個單丁位坐！但呢個位本身好狹窄，椅貼椅，我只有喺後面個窄位側身行入黎！但呢個＂空間＂仲要俾隔離＂飛開左嘅＂牆貼擋住，又尖又吊吊ＦＩＮ

大家樂的價錢平平地, 水準都ok, 但可能人工加高漲, 食物的品質有待檢討, 今次lunch叫了一客 咖哩雞飯, 咖哩雞大大碗, 熱騰騰, 但咖哩汁不是汁, 是水, 真減料, 而且雞是用雪雞翼cut成小件, 食落是不新鮮的. 配菜只得3細件菠蘿, 幾條青豆, 飯又是太散的, 不好吃. 好彩, 早餐的水準依舊, 仍然是選擇食早餐的熱點.

見到有新tea set推出，我呢個＂快餐王＂當然試下啦！ 呢個餐有蒜容腸／雞槌／松葉蟹腳／八爪魚丸選配，細選之下我要左蒜容腸＋八爪魚丸！ 炒麵：佐以黑、白芝麻同埋＂太陽＂型的日式魚肉片！賣相幾靚又有日式風味，但Ｄ炒麵本身就真係冇味囉！ 好似就咁滾水淥熟一樣，乜野醬汁都冇！味道好寡！ 蒜容腸：佢用熱狗果Ｄ德國脆皮腸黎整，上面加Ｄ炒蒜片，味道普通啦！ 八爪魚丸：粉粉的八爪魚丸裡面食得出有粒八爪魚肉，似章魚燒的味道！加埋wasabi沙律醬以及日式照燒汁，唔錯！

放工約左保險人一齊打邊邊叫左cheap牛+肉丸雜錦 (夠 cheap!)保煲係太極形既, 當中豬骨好濃味, 搞到我飲左3杯水.....牛就一般啦, 好過平時 $68任食 0個d 肥牛既!! 咁我響呢到食又唔expect有d咩真正雪花牛.....and...D 菜較少同碎.... 不過0個晚凍, 食落都 ok 啦同埋阿姐好好禮貌, 又成身幫我地加水~~~ 讚!!

轉左環頭, 一早都預左冇啖好食架喇, 係估唔到連捧餐都要去埋啫, 不過數下手指都有好耐冇黎過呢度食晏, 一餐半餐師傅豪比佢啦!一入到門口睇都未睇, 師傅就已經好想食厚切一哥焗豬扒飯, 於是唔理咁多即刻行埋去柯打, 再跟多一杯汽水就算數喇!攞野食條龍都幾鬼長, 排左一陣先攞到食物, 嗰一刻真係好有監犯嘅感覺添, 算啦, 醫肚至上, 第一時間睇下個咁耐冇食過嘅厚切一哥焗豬扒飯變成點樣先! 先講下個賣相先, 賣相坦白講真係幾靚, 於是師傅忍唔住要幫佢開苞, 唔開由字可, 一開就有d火, 先講塊豬扒, 得一大塊仲要有骨, 話係厚切但師傅唔多覺佢係喎, 肉質係幾鬆, 皆因用蛋包住煎左先焗, 所以咪仲有肉汁囉, 但咁樣好似唔係焗豬扒喎, 師傅覺得佢以前未叫做一哥焗時仲正呀; 炒飯又唔算乾身, 蛋絲炒飯, 唔多掂!總括黎講焗豬嘅水準同兒時食真係差左好多, 環境又逼, 又係自助, 坐得唔舒服加上食得唔好, 價錢又唔平, 唔算抵食; 坦白講作為一個焗豬扒飯有咁嘅水準係應該收貨, 但最唔好就係改個咁嘅名, 好地地叫咩一哥? 如果你去阿一度食鮑魚, 而佢d鮑魚稍為有少少走樣, 你都會覺得佢唔得啦, 同樣道理

今日開會開到成一點半, 無咩時間剩所以求其快 d 外賣就算同事話大家樂啦不如, 落到去望兩望就見到厚切一哥焗豬扒飯睇電視就講到好好食, 所以一於試下諗住焗野都要段時間等點知由比錢到拎野食, 唔洗一分鐘時間可能因為太受歡迎, 所以一早整定好多買完即刻返 office, 一打開, 好香, 隔離同事都聞到個醬汁依然咁好, 好香既蕃茄味炒飯就麻麻, 唔係蛋炒飯, 只係蛋絲炒飯, 如果係蛋汁炒飯就正豬扒雖然話係厚切, 但我唔覺得佢好雖然係比普通果隻厚, 不過都係厚果少少內質好淋, 係太淋, 好大可能係用左鬆肉粉不過快餐廳黎講, 咁既質素都算係咁架喇

早幾日 ot 到七八點, 諗住仲有排要搞所以落樓下買外賣醫肚本身諗住去美心, 因為感覺上美心 d 野好似好食 d但順路經過大家樂, 都望下有無咩岩食跟住同事話揀呢度, 跟住就揀左葡式焗雞皇飯可能因為係焗飯既關係, 所以等左一陣就可以拎走份量唔少, d 汁都唔錯, 有甜味不過雞肉既份量好似少 d, 相反蔬菜有唔少跟餐既中湯係蘿蔔粟米豬骨湯, 幾甜下, 唔錯

大家樂新出的豚骨湯拉面已有一段時間, 今日又再一次試了豬軟骨拉面!上次試了豬軟骨豬骨湯底, 一點都不像豬骨湯, 淡如水! 今次都是豬軟骨, 但換上的是地獄湯底! 今次的感覺比上一次好, 有少許辣味和豬骨的味道, 但絕對稱不上是地獄! 拉面的面質一般, 可以接受! 最好的都是主角豬軟骨, 好"林" 好好味!! 但整體份量不多, 不夠飽! 另外點了芒果西米露, 比起元朗佳記的楊枝金露還要好, 但芒果有點兒酸!

成日黎買外賣. 午飯呢度好多人. 但係效率好過美心. 至愛佢既侷豬扒飯同排骨菜飯. 兩個都好食. 排骨菜飯而家要逼你配菜 (甘佢就可以卑少舊肉你). 但個分量都OK. 見到電視賣饅魚飯. 所以試左配炸雞球. 後悔. 夠鰻魚細得可憐. 最初佢卑個外賣我時. 我以為佢唔記得卑饅魚我! 個汁亦唔見得好味. 淨係D飯夠晒多.