大家樂 (已搬遷) 新店位置

一直以來對大家樂情有獨鐘。係因為價錢合理之餘，質素通常都有保證，即使唔係最好，但差極都有個譜，有時比出面好多餐廳更好添。來到青衣城諗住食tea，發覺依個商場真係冇咩好食...最後就來到大家樂，叫左個回港後都未食過的西多士，加多個凍奶茶，$17。因為係新鮮炸的關係，等左一陣先有。個人喜好既關係，覺得可以再炸耐少少，但其實已經好好。鐘意佢入面有花生醬，加埋牛油同糖漿...實在太好食了。香港的西多士唔係正宗的法蘭西多士，但唔緊要啦...比正宗好食咁多。

少去青衣，不知食d物好.....上到青衣城，見大家樂咁多人。雖然係快餐。但應該唔太差掛。叫咗個5寶燒味飯, 叉燒ok林鼓油雞係亦，得d骨，咸蛋是紅心，有料到，估佢唔到。紅腸及墨魚就行貨咗d...飯底超林比一般燒味店的品質差少少, 還有膽叫自己燒味一哥!?可能只有快餐三兄弟之比(美心,大快活與大家樂)

今日上堂之前就呢度食早餐，呢度就唔算太多人，好容易搵到位既。我去到水吧，見到佢地唔用手套夾個餐包，唔衛生wo。當所有野齊哂仲爭份炒蛋，原來個水吧到。果個水吧可能係新來既，希望可以繼續努力啦。鮮油餐包呢間既牛油係同餐包分開上既。而個餐包都係凍凍地，但個味道都唔錯既。炒蛋今次炒蛋既牛油味無咁重，不蛋味都好夠。咁樣仲好既，起碼無咁油膩既。鮮奶麥皮好心就改個名，因為我食到有煉奶既，又何來鮮奶麥皮啦。好彩，佢地加既煉奶份量都唔算太多，太多既就好甜啦。凍奶茶好少會失手既飲品，今次都係咁好飲。呢間大記雖然有員工係新黎既，希望佢地可以做得更好啦。

中午去左大家樂買外賣, 大家樂出名一哥焗豬扒飯, 今日突然想食就買左, $32一個焗飯唔連餐飲真係貴......打劫咩...上年成日黎食飯記得都唔係咁貴...快餐果然快餐..買左飛好快就拎得走!!快快趕返屋企開飯一哥焗豬扒飯 ($32): 打開就好香茄汁味, 個汁都好夠, 炒飯底好香, 仲有好多洋蔥!!豬扒又出奇地淋!!算係咁啦!!

今日去大家樂食下午茶....食食下唔對路叫左經理埋黎，我問佢呢d咩黎，佢睇左好耐，我問係咪玻璃佢先話佢地全部無用玻璃，應該係硬膠黎，之後佢話不如換過一份比我但我已經無晒興趣再食，我淨係叫佢退番錢比我了事.......同埋我都無打去食環署只係打左去佢顧客熱線再一次complian，叫佢關注呢件事

大家樂的一哥焗豬扒飯，越來越差，已不再在考慮之列。所以是日來到，要了個咖哩雞飯來充飢。以前是三十元樓下埋單的咖哩雞飯加熱奶茶，現在已經要卅多元（33元？）了，百物騰貴啊！咖哩雞一大碗，心想，雖然加了價，但份量還不算少嘞，哪知原來底下是給數舊大薯墊高了！可惜薯仔不夠腍，不夠入味，浪費了。說回咖哩雞，咖哩味道不錯，雞件數大塊，夠香夠味，快餐standard，合格有餘。青衣的大家樂，地方頗寬敞，間隔整齊歸一，座位舒服，自覺是較好的一間。

雖然全香港有很多大家樂，但是這間真的好差！我叫了一個B 扒餐，買的時候還有，但是去拿時，經理話無晒B 扒餐，要換個貴些的A 扒餐，好在不用補錢，否則一定投訴它！！！這間舖頭的服務好差，竟然可以在一些食品賣完之後，不除牌或貼「售完」牌，saleswoman 又無話賣晒，我就給騙了！！！

昨晚跟家人去了這裏食飯,一行五人,我們分開兩張枱坐,所以分開叫,我細妹跟男友叫了每人一個火煱,我們三人就叫了一個火鍋跟一個海南雞飯,起初以為都也夠食,因以前我跟朋友也是兩個人食一個火鍋也覺得很飽,但是我覺得現在大家樂的火鍋價錢貴了,但份量好像少了,雖然也是用船放,但底下有很多米線,之後就很多生菜,上面才放其它配料,只有肥牛適量,幾片冬瓜片及南瓜片,枝竹三四件,冬菇及粟米及兩件,一條魚滑,可能是天氣凍的關係,感覺不是很滿足,所以我們另叫了一個焗飯,海南雞飯跟焗飯的價錢就合理.

今晚終於去食講左好耐ge大家樂火鍋啦!!同媽咪一行兩人8:30後去,,抵d!!叫左個雜錦鍋,沙嗲and芫茜皮蛋湯底($45+$6有杯雜果賓治),,兩人share,,,都食到好飽啦,,個火鍋船有肥牛,雞柳,脆皮腸,肉丸,生菜,豆腐.腐'足',粟米,冬瓜,冬菇,南瓜,墨魚仔,鮮魚滑,米線...真係好雜錦ga!點ge醬料都有3種,,,不錯!!我覺得夠唔夠食好睇個人ge,,,但話晒8:30後去食的話(接近訓覺,唔好話食得太飽啦~)我覺得兩個女仔去share一個都好足夠ga啦,,,環境方面::可能星期三啦~唔係太多人,我地兩個人霸張4人table~恰下恰下都食左成個幾中!!食得好開心,唔使同人迫!題外話見到好多人一人叫一鍋但食剩好多野~especially菜同米線,,希望大家量力而為,唔好浪費食物啦~其實d菜都好正ga,,吸收晒d湯ge鮮味!!p.s.8:30後的減價優惠係星期一至四有ga jar!!一到8:30佢會叫咪話優惠時段開始~and火鍋只供應至9:30..仲有我呢晚9:00左右已冇晒海蝦皇同肥牛鍋~真係要食都要趁早呀!!

一哥焗豬扒飯VERY Good!

一路都冇寫開食評,但見大家講我平時食開個間大家樂數到咁差又唔係咁好~今日下午我又黎食其實呢間d野同出面唔會差好遠,你講裝修差,又唔係太差,服務就一向都冇~十次有3-4次都係食焗豬,同出面一樣,一向好食所以,算係咁la...

都光顧過呢間大家樂好多年了, 沙士期間其款式尤其多樣化, 且該時候價錢相宜,實為區內晚飯場所上佳選擇之一. 可借沙士之後,生意好了,唔使再憂無客,菜式轉換次數由以往一星期一次,變為一個月都無一次,價錢卻貴了不少,味道一向還可以, 直到今天晚上,叫了兩個甚麼南瓜豆豉排骨飯的套餐. 與其叫它做飯,倒不如叫它做粥,很難食,排骨少但味道不差,兜湯都不知是甚麼內容,求其飲得就算了,兜菜一點味都無,竟然夠膽收人三十四元,堂堂大集團,很懷疑他們有沒有事先試過味才給客人吃,唉...

今晚同男朋友去呢間大家樂食晚飯，叫左個煙三文魚芝士火鍋同咖哩雞飯。本來$39芝士火鍋都唔會有太大期望，但估唔到衰成咁!當時我攞餐，芝士火鍋居然冇爐，但乜野食都齊晒!亦有一兜略熱既芝士放左喺度，個職員示意我可以拎走，但冇爐，我都有d懷疑，我問個職員:齊晒啦?佢答:齊啦!我果時以為佢個餐竟係咁，亦以為兜芝士好熱，點知食落，每樣野都係凍既，薯仔﹑南瓜﹑蘋果﹑煙三文﹑天使意粉...總之全部都係凍既!兜芝士亦唔係好熱，越食越凍，煙三文魚又唔新鮮，蘋果居然有d爛，好難食，d天使意粉撈左芝士都可以冇味，我食左一半就唔想食，有職員同我收盤時問我係咪唔要，我都真係忍唔住話左句好難食!男朋友個咖哩雞飯d雞就好鞋，之後我同佢都好唔滿意咁走左，但去到門口，居然見到有個妹妹既芝士火鍋有爐!果刻我真係想叩佢回水!總之呢間大家樂真係我食咁多間入面最衰既一間!!個芝士火鍋$3.9都唔值!

　　難得和家人去ｔｅａ一ｔｅａ！　　付錢後，我去ｃｏｕｎｔｅｒ給了經理共3張"飛"，他叫我等號碼（我的號碼４４３），於是我站在一旁等．．．　　一會兒，看到熒幕顯示４４３，便上前取食物，但發覺沒有一個餐盤屬於４４３的，我再等一等，（等不是問題，因為很多人！）一會兒，我懷疑漏單，便問問那位公關小姐（她身穿黃色製服）嘩！她的樣子和表現是「不知所措」、「魂唔見七魄」咁！唉！算吧！　　終於，有一個餐盤是４４３，放了一份多士，熱檸茶。那經理說：這個得啦！我說：還有凍奶茶，凍可力！經理放了一杯凍奶茶。我說：還欠凍可力！經理身旁的男仔，立即沖凍可力。這時，經理示意那個男仔不要放上凍可力，好大聲咁話：你無凍可力喎！我說：不是，還欠凍可力！經理舉起那些”飛”：你買了一個餐加一杯凍奶茶，你買了２０蚊野咋！我：我給你3張飛的！（心想：你唔係以為我扼你一杯野嘛！）經理再重複說：你買了２０蚊野咋！這時，經理身旁的女職員：係咪這張飛呀！經理：呀！係呀！女職員：跌了呀！　　不是嘛！把我當賊辦？人多，出現混亂很正常，但事後，經理一句道歉也沒有，以今日的服務態度，死得啦！還有未預備好的食物，就不要在熒幕顯示號碼啦，自己製

鐵板餐合乎全線大家樂平均水準, 無乜特別. 永遠人多. 個人鐘意舊史個裝修多d, 較配合青衣城果種'海洋'感覺. 而家裝修變得樣板化, 想食得好d 都唔會再唻.