大家樂 (已結業)

20.2.2008早餐1) 魚柳、煎蛋($21)配火腿通粉 牛油餐包 熱檸水魚柳夠脆，通粉爽口，起初見所有食物已一早用發泡膠餐盒入好，我很怕食物已經不好吃，好彩還可以，但全用發泡膠餐盒，不夠環保！2) 蕃茄肉醬腸仔通粉($22) 即磨咖啡蕃茄味很濃，唔錯，好大碗！Mum話咖啡好香濃。

可能要搭早機的原故，未醒晒兼心火盛。order了2個番茄唔知乜東東通粉早餐。個番茄通粉味道淡得過份，連D湯都係緊暖的！！！！整件事令我覺得好似食緊一碗死左好耐嘅通粉咁！煮嘢嘅厨師完全無HEART！！！！做QC位仁兄非常無良心！！！！作為一間上市公司，點能夠做出D咁差嘅食物？？？？

係機場作為一個乘客,唔想食貴野,都係首選大家樂(因為一視同仁,無職員價),而且24小時營業(另一間係味千拉麵)除了午夜時份人流較少之外,整日人山人海,幸好員工手快腳快,一般十分鐘左右已經有得食.除燒味外,海南雞飯亦是一個抵食的選擇(唔係好食),例湯,油菜(多數係娃娃菜,亦可改為生菜),雞油飯,毫無誠意之作,雞油味輕清近乎無,相比另一剛結業的蕉業咖哩屋就好得多)清茶(茶包貨色無期望),筆者非常同意另一食友所言,此店在機場以唔環保可說是首選,小弟就以海南雞飯餐作過統計(以發泡膠及膠餐具算):托盤餐紙,清茶紙杯(可以不算)連膠蓋(百樂潮州用膠杯,膠碗,膠碟,味千亦如是),發泡膠碟(盛油雞),發泡膠兜連蓋x2(盛油菜及例湯),膠匙,醬汁膠樽x2(蔥油及甜酸汁),每次進餐後望到滿盆都是發泡膠垃圾,心中都有點不忍,所以近日已大幅減少係度食飯.

是日姐姐從外家（澳洲）回港過年，年初一晚我和媽媽去機場接機。姐姐預定到港時間為２２１５，我們到機場為２１１５，當然緊張的媽咪表示要提早到機場．．．ＯＫＯＫ～下午３時多吃過媽咪煮的齋菜，現在肚子很餓，不過跟著不喜歡試新餐廳的媽咪來，唯一的選擇只有大家樂！昨天才吃過至愛的上海排骨菜飯，沒理由今晚再吃。兩人也選了同一味：洋蔥豬扒飯＄２８，我另買了一杯大凍華田＄１１。刀叉匙碗杯全部也是用即棄餐具，其實是十分不環保！飯和餸也分開兩個容器來裝，真的有點兒那個。媽咪並沒有感到什麼不妥，只抱怨那碗餸為何不直接淋在飯上，原來她認為這樣會比較好吃＾＾；兩大塊豬扒，一大盒的飯：豬扒是原塊上並沒有切成一件件不過味道還不錯；汁少了點不過也夠我撈飯吃。全餐份量剛好夠我吃，半小時就乾掉了這餐。媽咪就吃剩了一塊扒，不過我真的很飽沒辦法幫得上忙哩＾＾；

上兩個星期臨上機黎食個早餐, 老公要了個糯米雞加凍奶茶....見佢都食哂...同市區差不多! 我知過到台灣實會好多野食...所以只係叫左個麥皮...個麥皮都好大碗, 不過, 無論堂食定外賣都用發泡膠....好唔環保!

坐聯合航空下午六點飛機去芝加哥，想起飛機上果兜難食到死的飛機餐已經唔高興，於是決定去大家樂買一哥焗豬扒飯。點知下午五點係無呢味，只係有窩蛋牛肉飯。好失望！不過都唔理啦，照殺！六個鐘後，我在機上拿呢兜飯食，雖然凍左但仍然好味(P.S. 本來想買焗豬扒飯係因為佢用錫兜，可以在機上翻熱，同埋香港上的飛機餐好味過美國上果D好多，只可惜openrice.com 無得評飛機餐)

真係第一次o係機場大記食，原來跟星光行、灣仔鷹君中心等分店一樣，全部都是用完即棄o既盛器，極級不環保，但沒辦法，全人類都話肚餓，老麥又冇位，局住試。叫了艇仔粥+糯米雞，盛惠$33，好貴囉！可能晨早溜溜冇乜胃口，粥好似冇乜味，糯米雞又唔夠熱，糯米飯硬實實，餡o既茨汁又杰撻撻，我淨係食晒糯米便算，不過餡料都尚算豐，最驚喜是有兩條完整o既臘腸！

上機前同朋友係度食個早餐,估唔到比出面分店好食,乜野都夠熱夠味,由其杯熱奶茶,係外面大家樂飲奶茶我一定會叫少奶因為好怕無茶味既奶茶,但今次費事煩所以無特別order少奶,結果卻令我好滿意.個餐包括1個中size甜餐包--軟綿綿好好食,應該會係當日新貨/火腿絲雜豆通粉--夠熱,的粉唔會林patpat,唔錯/v.good 熱奶茶/煎得都幾靚既太陽蛋/即炸魚柳合共20元正.食物水準同份量我會比5分,因為每樣食物都係above average.

跟著的幾日都要在西安開會，到機場Check in後只剩很少時間，而我是絕對不記望東航的航天美食，故無論時間怎樣缺，都一定先裹腹後上機。因時間關系，匆匆的選了此食肆。燒臘應為最快，最穩陣及算為香港美食。燒肉燒鴨中後者可以，其他不能寄以厚望；西洋菜例湯反而正宗住家湯水，起碼沒有味精。快速清掉，上到機我已是最後一位乘客了，真不好意思！