大家樂 (大窩口商場一期)

营业中

休息中

其實我對這類連鎖快餐店一向也沒有太多要求，價錢唔貴，普普通通食一餐，唔太惡劣就算數。不過有時即使再冇期望，也是會有失望的。我間中也會幫襯大家樂，雖然真心唔特出，但也算過得去。好似佢啲咖喱或者焗豬扒飯，間唔中食下都可以。不過今次就真係爭少少...叫咗但砂鍋雲吞鷄套餐，六十蚊有飯有小菜，仲有杯茶，都算食得過。平心而論，佢啲飯煲得幾好，夠乾身，又夠軟硬適中，至於雲吞就冇乜特別，而個湯就有少少咸...唯獨是隻鷄，真係實在「鞋」咗啲，有種食緊湯渣嘅感覺。如果可以煮好少少就真係抵食啦～

我今晚放工後去大窩口探家姊，順道去位於第一商場1樓B05號舖的大家樂食個晚餐。我點左個菠蘿咕嚕肉飯，加飯和灼菜$58，餐飲係檸檬茶。咕嚕肉肉質都算美味，簡簡單單又快捷。

諗住連鎖餐廳食物好少出事，點知叫個鐵板餐條腸同條粟米痴晒鐵板啲黑色野係上面，我都分唔清究竟係燶咗定唔乾淨，總之就唔敢放落口仲有，我叫嘅係湯，電子顯示器叫我拎餐出到去冇左個湯，個阿姐仲同我講話唔好意思睇唔到，咁我唔出聲追係咪連個湯都冇埋？好喇咁個阿姐叫咪要廚房出返個湯，唔講由自可，一講以為啲蕃茄係農場摘緊，就咁𢳂個湯都等勁耐到個湯齊，又唔比餐具，又要我問，大佬，好唔掂喎，大窩口雖然唔係咩富貴地區，都唔係比啲咁嘅服務下話？睇住個餐廳冇乜人，但顯示牌仲有成炸冧巴煮緊，證明㕑房果邊真係慢工出細貨，送條燶腸同粟米比客慢慢品嚐致癌風味啦管理層睇到呢篇希望識做，不過講真我都唔太想再嚟食而家經濟麻麻，希望啲員工真係係可以打醒十二分精神囉。

一樣等咗好耐，後面既客去鬧職員，就俾咗佢先，我上前理論都堅持俾後面先，有冇搞錯，大餐飲集團訓練出既員工用呢種處理方式？咁以後大家都鬧人就好啦！以後唔會再去食，服務好差！

我今次係第三次幫襯呢間大家樂，頭嗰兩次啲經驗已經唔係太好，個收銀員態度都幾唔友善，不過諗住可能因為多人，所以先差啲姐。今晚人少少，就再試試吧，今次個收銀員都無乜嘢，最少無鬧人先啦，不過.....就食咗一個有酸宿味嘅咖喱牛腩飯！！！！