大家樂 (桂祥大廈)

营业中

休息中

今天，我在深水埗大家樂享用了一頓令人滿意的經濟實惠餐。位於長沙灣道241號一樓的這家店，環境舒適，服務親切。我點了一份涼瓜排骨飯，涼瓜的清苦與排骨的香濃完美結合，令人回味無窮。同時搭配了一杯凍低糖綠茶，清爽解膩，讓整頓飯更為平衡。結帳時僅需$39，性價比相當高。這樣的平價美味，不僅滿足了味蕾，也溫暖了我的胃。

今天下午 ，我在西九龍 午餐後； 因為天氣比較熱， 便走了過去長沙灣道 貴祥大廈1樓大家樂 ，買了兩杯消暑飲品（ 外賣）： 一杯是凍紅豆冰， 另外一杯是凍洛神花茶。 我拿回家， 一邊睇電視， 一邊慢慢享受凍飲 ，真是 一件快樂事。

今天下午 ，天氣寒冷 。走過去深水埗 地鐵站附近嘅大家樂 叫外賣。 叫了一份 龍蝦汁吉列魚柳意粉， 配一杯熱飲 ，共46元 。中午餐廳內客人很多 ，叫外賣都要等了20分鐘 ，才能取到 ，其實都幾耐 。回家享受 這份意粉 ，味道都不錯

2021年5月26日晚上7時.血月 + 月全食!自古至今, 東方玄學, 西方占星, 都係唔好意象!老一輩師傅, 更加教我地, 最好係室內迥避.我放工要落深水埗充值, 一充值完啱啱趕得切, 沖入大家樂避一避!去大家樂有3個原因, 1, 充值完最近嘅餐廳就係大家樂, 無時間俾我行遠D.2, 睇怕大家樂冷氣夠強!3, 大家樂質素一向唔太差.但今次質素就唔多掂!點咗個葡汁雞皇飯, 女朋友點西蘭花炒魚塊.西蘭花炒魚塊完全矛問題, 西蘭花爽脆魚塊嫩滑, 只係份量略少, 葡汁雞皇飯就出事!相信個葡汁雞飯制成之后, 放係個熱爐內等客, 放得太耐, 成個飯收哂水, 汁又乾雞唔 juicy, 失敗!但有一點要俾個讚, 服務好好, 服務姐姐又問要唔要牙簽, 又問洗唔洗添水!以前大家樂邊有咁好服務呀!食完出嚟, 好彩D雲遮住哂個月亮! 我迷信? 我認!

今晚來到大家樂吃飯, 餐牌上有一個即炒套餐, 我揀咗"節瓜支竹排骨飯”, 即炒套餐係夜晚才有, 午膳時間係不會出現的。 味道不算太差, 節瓜和支竹配搭不錯, 排骨口感帶厚肉, 不至於真係骨肉分離, 芡汁吃落有點油, 伴飯都幾惹味, 間中釋放胃口都冇所謂, 總括嚟講質素不錯。

好耐冇食大家樂嘅早餐，果然同印象中一樣咁好食。望吓餐牌先發現，原來比起以前多咗好多選擇，揀咗一陣，決定嗌楓樹糖雞扒配厚滑煎雙蛋，飲熱奶茶。就咁睇佢個賣相其實真係一般，分量亦都唔算好多，但係食落真係唔錯。佢個雞扒肉都算嫩滑，食到有少少蜜糖嘅甜味，配埋個洋蔥汁都幾好食。而煎雙蛋就不過不失，煎得唔算好靚，但係都算新鮮，唔會話有啲腥味。熱奶茶就出乎意料地好滑，一啲苦澀味都冇，好好飲。希望下次可以試吓其他早餐啦。

唔知係咪深水埗嘅通病，呢區既食肆，特別係集團式經營嘅食肆，個廁所梗特別污糟的。我鍾意嚮下晝嘆番個下午茶，基本上我每次都叫西多配雞翼，因為好多人order西多，所以流轉快，好多時都係炸起無耐。雖知剛炸起時脹卜卜，這時加入煉奶係好好食的，yummy!

再一次幫襯深水埗桂林街地鉄站口的大家樂，自上次投訴西多士超級'薄切'及預先制作放得太久而縮水後，今次的厚度稍為好番少少。跟上次不同的是，嚮中間搽了粒粒花生醬，味道還算不錯，只是食材用料有改動，應嚮餐牌上註明或者買飛時由收銀員提醒，尤其是像花生這類有很多人都會對其敏感的食品，講漏左既後果可以係嚴重。還有的是，花生粒可以壓碎一點會更好。另一要不當地方是，明明有西多+紅豆冰餐$23，而且牆身水牌是有空位的，卻收起餐牌唔放出來，只放西多+雞翼+熱飲/汽水$29，焗客人點較費價的套餐，做法有欠氣度。至於服務呢....還是一樣的大聲、無禮、黑面。

習慣放工後都食個下午茶醫醫肚，黎到地鉄站隔離的大家樂。order了西多士配紅豆冰，用2個字可以總結---"唔掂"。西多不是即炸，是預先制作並放入保溫櫃，最不滿是 "簿切"，加上看似放了一段時間而縮了水，跟水牌上的圖片相差一大截。跟服務員表示將糠膠換做鍊奶時，黑面不但止，還反串我 "叫左咪出來攞" 好耐。我交單後去了洗手間，一出來便取，來回都係幾分鐘，何來 "好耐冇出黎攞"? 再者，無論如何也不用您指指點點兼單單打打。這就是大家樂集團的要求及服務水平? 還是店經理的管理不善?

今晚冇時間食飯就去上堂，成十點先去大家樂食，順便用埋支付寶$10 大家樂電子優惠券，即日起至 8 月 31 日，登入「支付寶 HK」 App可免費領取 HK$10 現金券，並於任何時段在大家樂集團旗下餐廳惠顧滿 HK$30 或以上並使用「支付寶」付款，即可作 HK$10 現金使用，每用戶限領一次。今晚叫左個南洋咖喱吉列豬扒$45，等左十分鐘有得取，可能就收工，D飯同咖喱都唔算好熱，好在個豬扒新鮮炸起，食完都幾熱氣，而咖喱裏面有薯仔，味道就冇乜特別啦。

先前，是因為看到廣告，大家樂最近的焗飯好像挺特別，有起色，令我憧憬可以去大家樂一試這個鴛鴦焗飯。有天肚子餓，就到這間大家樂一試。這間大家樂要走樓梯上來，但是奇怪，裏面竟然仍然有非常多老人家🧓🏻👴🏼🤔，究竟，他們是貪圖這兒方便，定還是不想試其他茶餐廳呢？大家樂又不是好吃，又不廉宜，但卻有這麼多老人家來光顧。這個焗飯焗意粉鴛鴦焗，放下單據之後，等了不需15秒，店員便好像掉垃圾那般，掉到托盤上😒。原來，這個好像新出的王牌鴛鴦焗，其實也是預先製作好的😒，非常欠缺誠意。更加絕望的真相，就是原來這個底盤，其實就是平日焗豬扒飯那個盤，然後上面分開兩個細的器皿😒，然後將這個器皿分別拿去焗，繼而在一同放上盤上即成。所謂的焗飯焗意粉，根本一點兒都不覺得熱😒。焗豬扒飯，底下的所謂炒飯，根本沒有炒過😒，豬扒總是沾過蛋汁裏，但是因為放得太久，外面的蛋皮有脫落了，結果蛋皮還蛋皮，內裏的豬扒也仍然是紙皮一樣，又乾又鞋😒。另一半的肉醬意粉，我味道也不覺得好，可以說是與焗豬扒飯平分春色，一樣咁差。第一，完全不覺得熱；第二，旁邊有些意粉幼條，焗到成了脆條。幸好，肉醬意粉的肉醬，比起豬扒沒有那麼乾，當然，肉醬已經成了碎，沒

今日陪朋友出深水埗行街買野，買完之後就諗住去食泰國野，但經過桂祥街果時見到大家樂出左$88既燒雞，於是乎決定食呢間。呢間需要行樓梯上去，又吾係話多人，但要搵位坐。有位之後即刻點左隻套餐雞。套餐：一隻燒雞、2條粟米、4塊薯餅、2杯檸樂、一盒飯朋友將隻雞撕到一片片，我地先開始食。隻雞：好入味，都好滑，連埋啲雞皮一齊食最正！好味到再encore 😋😋😋薯餅：好食，佢有比埋沙律醬，但我覺得就咁食已經好好味😆粟米：第一淡咬落去，啲粟米吾太甜，但爽口，之後加左啲幼鹽，成個味道吾同晒👍🏿👍🏿👍🏿飯：不過不失，但可以比多啲醬汁就最好。食咁多野，再加一杯可樂，完全搭配，但好快飲晒😂😂

適逢昨日食咗個好一般嘅MX焗豬扒飯，仲幾貴！令我突然好懷念大家樂果D中學時真係有鋪癮間唔中要食吓！回想起碼有1x年冇食過了!先試啖飯，口感同乾身度ok，依舊帶著蛋碎洋蔥同蕃茄不少茄鮮味ok! 重點係個汁，唔太酸、突顯到茄味👍🏻味道同以前感覺有7、8成似！唔知係真係有出入、自己腦退化、定味蕾冇以前咁敏鋭依稀有D似曾相識嘅感覺亦令我相當🈵️足了以$39食個焗豬扒飯（+5例湯）除重拾那些年味道，既可食得飽、整體又幾好味，算係賺咗

由細細個係大家樂食第一次燒鴨瀨，一食就愛上！所以平時我一想食燒鴨瀨就會去大家樂食。今日由於叫外賣拎番屋企食，所以都索左d湯。好彩瀨粉唔會點發脹，影響不大。燒鴨夠瘦夠多肉，好好咬口，外皮雖然唔脆，但係香料既味道好足夠。最後菜都只係食左一條，因為都偏老同硬，味道較淡。最重要湯底十分濃厚，不過食完好口渴。

或許是因為春節假期學校開始放假吧，路面交通情況暢順了很多，因此我比平日早了幾乎半小時，公司還沒開門，但我又已經在家裏吃過早餐，於是便上來大家樂喝點甚麼。　　大家樂的奶茶，在我看來簡直是大家樂的鎮店之寶。但最近似乎也喝了不少，不如喝喝久違了的即磨咖啡也不錯。　　在外用餐我幾乎都不喝咖啡，在茶餐廳用餐，不知為何，咖啡總是又濃又澀得又酸又苦，竟像是變味了的中藥，喝下去竟有點反胃，完美的一餐少不得以完美的咖啡作結，或倒因為咖啡不濟，而毀掉了本來好端端的味覺快感。　　大家樂的即磨咖啡倒是不錯，香濃但不苦澀，幼滑而不黏稠，有一種回甘的醇香，實在是很不錯。最重要的是夠熱，喝罷，整個人也為之精神一振了。