影片
更多
2008-07-09
58 浏览
某星期一既晚上，咪咪慣常係工作後自己晚飯，本來一心去大快活，點知去到先發現裝修緊，唯有落番去 MTR 既大家樂食啦。唔知係唔係近 MTR 同埋大快活裝修既關係，黎大家樂食飯既人好多，大家排晒隊等買飯同等拎食物。可能時間尚早（晚上七時多些），咪咪見到有好多選擇，即炒粉麵飯類、湯拉麵類、蒸飯／小菜類、燒味類，同埋最近好 hit 既鐵板餐類都好齊全。咪咪唔想食太多肉，所以最後揀左 34 蚊既上海排骨＋麻婆豆腐客飯＋中湯。去到水吧拎食物既時候，水吧好多職員，甚至應該係收銀處出現既姐姐都入埋黎幫手做外賣。經理好熟手咁係水吧下面既某個熱櫃拎出一碗菜飯，雖然見到熱辣辣，但係啲飯唔知道「不」起左幾耐，當然係廚房拎出黎就安心啲啦！之後其他食物徐徐係廚房送出，咪咪一個人都算易搵位，坐低就食喇。不出所料，上海排骨既份量真係好少，由四至五件大翠玉瓜「浪」起左兩小件上海排骨，仲有大堆芫茜蓋面，唔通翠玉瓜同芫茜先係主菜？排骨味道一般，已經無左以前食個陣即刻炸起咁好味，應該係整定左一段時間喇。至於麻婆豆腐既份量就好足，咪咪主要都係用佢黎撈飯食。個飯好熱亦好多倒汗水，唔知講咩好，衰又衰唔晒，不過好似感覺無即刻「不」出
咪咪唔想食太多肉，所以最後揀左 34 蚊既上海排骨＋麻婆豆腐客飯＋中湯。去到水吧拎食物既時候，水吧好多職員，甚至應該係收銀處出現既姐姐都入埋黎幫手做外賣。經理好熟手咁係水吧下面既某個熱櫃拎出一碗菜飯，雖然見到熱辣辣，但係啲飯唔知道「不」起左幾耐，當然係廚房拎出黎就安心啲啦！之後其他食物徐徐係廚房送出，咪咪一個人都算易搵位，坐低就食喇。
不出所料，上海排骨既份量真係好少，由四至五件大翠玉瓜「浪」起左兩小件上海排骨，仲有大堆芫茜蓋面，唔通翠玉瓜同芫茜先係主菜？排骨味道一般，已經無左以前食個陣即刻炸起咁好味，應該係整定左一段時間喇。至於麻婆豆腐既份量就好足，咪咪主要都係用佢黎撈飯食。個飯好熱亦好多倒汗水，唔知講咩好，衰又衰唔晒，不過好似感覺無即刻「不」出黎既飯咁新鮮啦！咪咪無為意個中湯係咩湯，不過個湯入面有少少超淋既節瓜同埋一塊超肥既豬手皮（無肉架）！個湯因為味精既關係，所以好甜！
其實 34 蚊一個咁既組合，咪咪覺得好貴，不過為左食少啲肉同唔食咁油，無計啦！
致編輯：呢間大家樂係彩虹先岩，因為係正彩虹 MTR 出口，咪咪差啲搵唔到呢間食肆寫食評呢～
张贴