大家樂 (匯八坊)

营业中

休息中

心燒原條鰻魚石窩飯自從知大家樂新出左鰻魚飯之後作為鰻魚fans當然唔可以錯過鰻魚原條放係石窩上鰻魚唔夠肥美厚身就預左不過勝在食落幾淋身 無乜骨如果鰻魚係熱上應該更好 下面石窩飯一直熱住有飯焦加埋蛋絲 蔥絲 紫菜絲都唔錯另外仲有一兜鰻魚汁可以任加 撈飯食$59快餐店黎講算係唔錯的了性價比幾高 糧尾之選🤤🤘🏿不過 其實 食快餐店 我幾時都覺得係一場賭博🙊質素真係好睇分店 好睇運氣的🤤🤘🏿另外佢仲有出芝士炸雞石窩飯 下次再試埋

太耐冇試過喺大家樂食下午茶啦！今日見到個下午茶好吸引，忍唔住咗去食！ 一個奶油脆豬，一碗榨菜肉絲米粉，同埋一個紅豆冰都係廿幾蚊！真係食到好飽同埋好開心！ 個奶油脆豬無因為佢係連鎖既大家樂所以就擺到凍哂。上嘅時候煉奶係另外上嘅，可以自己落幾多都得，我覺得呢樣嘢好貼心！ 榨菜肉絲米粉雖然肉絲唔算好，但個人覺得都幾夠味！湯底清清地都幾好飲。 紅豆冰簡直就係成個下午茶既精髓！d紅豆煲淋咗真係好正甜度唔算太過。食完真係充滿力量呀！

好耐冇食過大家樂嘅下午茶，發覺冇以前咁多野揀同好食叫左個豉油王雞髀配紅豆冰，另外加榨菜肉絲米～紅豆冰好大杯但唔係特別出色，因為啲紅豆唔夠淋有啲硬，好感冇咁好～反而榨菜肉絲幾惹味，不過就細碗左啲～最令我失望嘅係豉油王雞髀，雞髀表面好油但入面唔嫰滑，雞肉好硬同有啲老，做得都幾差食唔番以前嘅水準～

此大家樂的＂上海排骨菜飯＂排骨香酥脆口得很呀！味道好得像是不咋懂得去形容那樣的呀！☺️️😄😄😄😄份量也是不少的，拌有此椰菜及那有点酸丶微微辣的黑云耳，爽口兼又醒胃的呀！配有一大碗的菜飯，那上海白菜，爽甜可口的啦！我還特上了份，油菜的呀！只是加了6圓的呀！應為更是健康飲食的享餐的呀！👍👍👍👍👍😄😄😄😄😄此餐還可奉送上中湯或者是熱飲料的呀！此店的咖啡可是味道濃郁香醇順口的呀！👍👍👍👍👍👏此＂星洲炒米＂👍👍👍👍👍米粉不太干的，有虾粒，爽口的呀！韭王也香爽口的呀！只是感覺少了点嘀喲！☺️️

一早出去做嘢，回家時買兩份早餐同肥髀一齊食，餐廳在地鐵出口接駁處，所以好多人，早餐款式多！落單店員極快手，又唔會錯，攞單去櫃檯，櫃檯好像打緊仗，我排十幾個人，好快散龍！可見極有效率！落單10分鐘唔使已經攞咗食物，包好比我拎走！回家打開，食品包裝企理！一中一西！蜜糖雞扒·牛乳炒滑蛋配蘿蔔榚（$29.5）雞扒走汁（極唔鍾意啲橙色嘅汁）煎得金黃色，皮香脆，雞肉唔嚡，炒蛋有好多香草，因為焗了一程車，所以唔算滑，不過我都唔鍾意太生！蘿蔔榚只係粉榚，餡料同蘿蔔絲欠奉，而且幾油膩！家鄉炒米粉·火腿（$21）米粉比較濕，偏鹹，蔬菜唔多，只有幾條紅蘿蔔絲！火腿薄，鹹鹹地！味道正常！熱檸茶：可能焗過，所以比較澀！茶底濃！凍檸茶：糖水另上，可以自己加！幾好！味道正常！味道只是一般，不過名符其實嘅「快餐」

之前說過，坪石邨做早餐的食肆，我已經食得七七八八，是日我在此地再下一城，我轉落地底，在清水灣道8號的地庫層，在地鐵站的入口旁，仲有一間《大家樂》，因為地點問題，我照樣當佢係坪石邨的食肆。早餐，同樣是雞扒餐，而是日的配搭是脆皮腸加可愛的蘿蔔糕，雞扒，《大家樂》的出品不會太甜，蘿蔔糕也是最有味道的，腸仔的確是很脆皮，但味道一般。奶茶，《大家樂》的奶茶是三間中最香的，最好飲的。早餐，我最喜歡的，其實是《大家樂》。

咁快又放完假，今日又要返工。晏晝tea time時候，又去大家樂買個茶餐，當中有韮黃炒麵，炒麵不油不腻，十分香口;另外燒雞翼，唔會過火，肉汁保留，雖然有少少雪味，但仍香氣撲撲

樓下最近嘅選擇就係大快活同大家樂，有時懶起上黎真係食黎食去呢兩間架咋。連鎖大集團淨係識賺錢，不停咁密密加價，啲嘢食又越黎越縮水，食物味道質素方面又唔覺有咩進步，唉，宜家咩都貴，食個快餐都咁，人工就黎追唔上啲物價，再係咁落去，遲啲連快餐都食唔起😂有燒肉嘅燒味飯，我覺得燒味飯真心好食過大快活嗰啲，燒肉皮都幾脆，半肥瘦適中，不過當然無佢啲廣告咁勁啦，廣告成日都誇大件產品。仲有佢嘅一人一火鍋都係做得比大快活好少少，起碼嗰個有海鮮嘅雜錦鍋，樣樣料有啲，選擇多啲啲，而且沙爹湯底唔錯。焗豬扒飯食過兩次都焗到好乾，汁又唔夠，搞到好乾好難啃咁，反而鐘意大快活嘅比較濕潤多汁。

對彩虹大家樂越黎越失望囉! 呢個早餐影响晒成日既心情. 叫咗個火腿蛋三文治+熱咖啡.件三文治內的煎蛋薄到呢.... 薄到好似張紙咁, 真係好佩服負責煎蛋位廚師, 佢可以煎得咁薄, 仲好平均, 一張紙咁... 勁!白麵包呢~ 一定是被風乾過, 一食落口就知道隔晒夜!唉!

落大雨搵地方食野，跟住就去左大家樂。叫左個$19既餐，都幾多野食，不過每樣野食既份量就得好少生菜魚肉: 細細兜，有大概十粒魚肉，個湯係味精湯粟米粒: 啲粟米粒冇味，好難食椰汁西米糕: 有四小件，好甜同埋有啲硬西多士:有兩件，味道OK :炸豬扒:成個餐最好味就係炸豬扒，炸得脆，點埋沙津醬，好味！熱朱古力:沖得幾好，味道唔錯唔洗落糖都夠味$19既餐都算係咁~下次可以再食

今 日 放 假 , 攞 完 月 餅 俾 人 , 三 點 幾 想 求 其 食 D 0野 , 0係 彩 虹 唔 知 食 咩 好 ~ 經 過 地 鐵 站 大 家 樂 , 食 個 Tea la ~ 心 諗 : Lee D 大 集 團 實 好 穩 陣 ~Order 0左 炭 燒 豬 扒 包 + 咖 喱 魚 蛋 + 凍 檸 茶 ...... ( 冇 檸 檬 wor ) ...... 凍 奶 茶 la = $21 + $2 咖 喱 魚 蛋 3 粒 : OK , 唔 太 辣 , 有 咖 喱 味 同 埋 都 幾 彈 牙 , 唔 係 浸 0左 好 耐 浸 到 林 晒 0個 D ~ 豬 扒 包 : 味 道 OK , 但 係 塊 豬 扒 細 到 爭 D 要 搵 顯 微 鏡 先 見 到 law ~ 個 餐 都 要 $21 蚊 ga , 唔 係 俾 D 咁 0既 0野 客 人 食 呀 ? 睇 下 幅 相 , 咁 細 塊 豬 扒 會 唔 會 過 份 0左 D 呀 ? 唔 知 塊 豬 扒 要 幾 大 就 去 睇 下 人 0地 澳 門 茶 餐 廳 la ~ 唔 識 整 又 要 學 人 整 豬 扒 包 下 次 想

夜晚去食飯,幸好大把位,唔使搵就直接去睇野食啦~(星期六日會好多人)我係彩虹大家樂就食過龍利柳飯,飯適量,魚柳煎得啱啱好,OK的牛排鐵板, 夠熱沙沙聲,正!可惜黑椒汁,差唔多變成醬 囧蘇皮湯, 普普通通但係燒味果啲就普普通通...今日令我出奇嘅係呢間嘅curry 乳飼牛腩飯啲牛腩好香!成碟飯食晒(其實我咩飯都會食晒呢間暫時係我覺得食過嘅大家樂之中,最好食嘅一間btw, 香港快餐店近排愈黎愈貴

今日食左佢既新茶餐, 唔可以外賣, 只可堂食雪糕芝麻吐司: 好似一個磚頭咁大件, 外面好脆, 入面又軟軟的, 真係好好味, 有2個汁, 一個係syrup, 一個係 strawberry sauce, 初時見到咁少, 以為一定唔夠, 點知剩晒係到, 因為有個雪糕係面, 都夠甜, 且球雪糕好大夠, 真係好滿足, 仲有就係超多芝麻, 好正~~~ 如果入面可以再加埋芝麻醬就真係超perfect ~~ 係pokka 食一個呢啲吐司, 要幾十蚊, 但係呢到廿蚊有找, 真係好抵~~~ 另加$3 要多個蛋沙律, 比想像中大碟, 有成半個碟咁多, 仲有好多沙律醬, 不過唯一唔好就係話明係蛋沙律, 但係只得面頭一片仔, 其他都係Potato, 好彩我都鐘意食, 如果唔係好似比人呃咁~~~都話大家樂既質素越來越好~~

匯八坊像一般人流低的商場, 鋪頭不多, 開完又結葉, 大家樂算不錯了!原本想叫一個燒味併盤, 結果跟同事分享了一個鰻魚霜花牛板燒花, $37 + 咖啡 + 奶茶 (個人較愛大快活的), 燒板上時好熱, 側邊圍著的紙條會教你如何進食, 牛肉不太肥美, 鰻魚量亦不多, 飯是用上珍珠米, 蜜塘汁味道不太租, 我們剛剛好, 如果男人食就唔太夠! 此間大家樂近港鐵站, 人流較多, 較難搵位!

今日屋企突然無飯食...就起呢間大家樂買個滑蛋粟米肉粒飯啦...呢種飯其實好少會出事....但......今日.....出事！滑蛋的...只能在對角位找到兩條蛋絲.....粟米的...其實係雜豆...肉粒的...沒甚麼好說...就是能入口的肉...飯...唉...爛飯呀...一pat pat的...而且無汁很難食..很簡單的一個飯之嘛...搞到我只係食左半盒...而且...員工都做到好有脾氣...或者晚市真係好多人...佢地對客唔係無禮貌...都無粗聲粗氣但都唔應該起咁多客面前...員工自己互相黑面掛...