大家樂 (已結業)

在尖沙咀區食野唔會好平，除非去d連鎖快餐店。今次去左大家樂海運大廈分店，俾我揾到個慳家得來又好味的午餐－鐵板吉列豬扒烏冬，$32, 仲有野飲，價錢真係抵，試下好唔好味先！熱氣騰騰的鐵板淋上黑椒汁，超香又惹味！而大家樂的吉豬一向出名好食，呢個餐有兩塊吉豬，算唔錯，依然炸得乾身脆口，肉汁仍然保存住，喜歡食炸野的真係唔好錯過！烏冬彈牙唔會淋晒，配黑椒汁食，yummy! 飲埋杯餐飲就係個完美午餐，份量足，$32好味又抵食！附近返工的人都好多來大家樂食呢個餐呢！

今日一大清早要出到尖沙咀見客，為左避開繁忙時間，決定早d出到去先食早餐。晨早流流，又唔熟呢區既茶餐廳，保障d都係去返D連鎖最穩陣。裝修非常有格調，以黑配木色，完全唔似快餐店。坐位都夠寬敞，感覺好似係西餐廳咁。早餐最緊要既係杯咖啡，但係呢間咖啡偏甜，冇乜咖啡味，齋得一個甜字。吐司唔夠新鮮軟熟，偏硬左少少。炸魚柳都算夠大塊，外層熱辣辣，炸得夠晒脆口，內裡魚肉軟滑，點埋個沙律醬，真係絕配。通粉雖然望落清清地，味道上淡左D，平時食個D都好夠味，火腿絲得個幾條，少到喊。滑蛋好夠蛋味，但炒得有少少老左，我鍾意灑少少鹽同黑椒係面，令到個蛋味更加香甜，不過如果個蛋再滑仲好食。基評分: **味道(基基)**外貌*(基基)*抵食(基基)**服務(基基基)**最後基言:麻麻，又貴

早幾天跟女朋友去到尖沙咀海港城行街, 因為大家都只是食了少少早餐, 所以想搵間平平地的餐廳食下午茶醫下肚, 行了多年的海港城, 原來入面有間平民化的大家樂, 位置於近中港城那邊, 真係好少行過, 真係平民之選.差不多4點幾去到人流都選多, 不過2個人搵位都比較容易, 我叫了這份特價的下午茶餐, 只是HK$23, 有一個奶油脆豬包, 一包雪菜肉絲米, 及包飲品一杯, 我就點選了好立克, 呢個餐我覺得好抵食, 因為其他的都差不多接近HK$30. 如果沒有特別要求, 只用黎醫肚我覺得不錯, 幾肚飽, 味道都係一如以往一般OK啦. 要醫肚沒有特別驚喜.

週不時會來大家樂下午茶, 因為公司的附近已經有兩間, 而出尖咀想不到去什麼地方亦會去幫襯番個下午茶餐, 勝在夠經濟, 說實在現今茶記沒有做得比大集團的好, 半年內幫襯咗四次,18/Oct./2016燒鴨湯米線, 湯係最難以令人覺得好味的一環, 太依賴味粉調味, 燒鴨係胸, 一般般啦, 肉質唔算太嚡口, 米線份量唔多但勉強都夠巳嘅! 還好是有條菜心平衡一下,15/Dec./2016沙爹牛肉公仔麵配奶油方包多士, 件多士質地出奇地比好多的茶記好, 沙爹牛肉份量就真的好少, 公仔麵亦是普通之中嘅普通, 19/Jan./2017鄉村熱狗, 腸算大條, 蔬菜類都係有啦, 個醬都係麻麻地啦,個醬調味做好d的話應該可以幫到條腸嘅, 依家好多此新開熱狗店動輒竟要收客人成$70-80/一隻狗加一杯凍飲, 收得人咁貴只係講係乜野肉嘅腸, 其實無乜誠意亦欠缺說服力囉! 點解唔詳細d介紹下邊度來的腸, 真肉嘅成分有多少百份比, 脂肪含量有多少? 最好有埋腸嘅外包裝紙, 咁作為客人俾錢都俾得心服口服呀, 呢度大家好咁實惠就話無乜講究啫, 雖然係咁講外型呢個熱狗一d都唔失禮!05/Feb./2017最經典嘅炸雞脾

不妨試一試 ， 大家樂新推出， 下午茶餐鐵板香酥排骨讚岐烏冬 。 大大碟仲有兩件香酥排骨，只不過是二十八蚊包餐茶一杯，平平地又食飽一餐。。(下午茶餐時間 二 點 開 始 啊。。。)

久違的大家樂晚餐，本黎約左老公食飯，點知臨時要ot走唔甩，唯有自己食啦。叫左個上海排骨菜飯，入面d菜比起以前真係少得可憐，加價仲要減份量，呢樣有少少覺得唔好既。不過個飯唔會煮到太濕，都算okay。排骨有4件，炸粉唔會好多，食落啖啖肉，仲有肉汁流出黎，重點係熱辣辣好脆口，比想像中更好味，完全唔似快餐廳貨色。個雲耳係醋汁，少少酸，食落非常開胃，入口清新，有d似譚仔既無辣版雲耳。個菜就麻麻地，浸到又軟又爛，早知唔加錢。

2016.12.09【12.9  快樂第一星洲炒米】HAPPY FRIDAY 來一個HAPPY LUNCH買咗票，坐低等NUMBER。寫明或要等20分鐘，但實際10分鐘之內，顯示屏已SHOW 我個NUMBER。水吧姐姐本來準備自己LUNCH，但都幫我整好先食，好好笑容，以客為先，好有禮貌，集團教得好好。星洲炒米+熱檸檬茶呢個星洲炒米微辣，好啱唔受得辣嘅我，有蝦、叉燒、青椒、紅辣椒，不過就少咗洋蔥。想喺海港城有平LUNCH，呢度OKAY嘅。

今朝買左兩個早餐食，煎蛋牛扒加腸仔同炒蛋雞扒，大家樂早餐我間唔中都有食，今次第一次係尖咀呢間食。牛扒好淡，而且仲有一陣縮味，d肉質變壞左甘，我即刻吐出來，腸仔d汁勁多油，汁食落怪怪地，炒蛋煎蛋幾好，雞扒一般，奶茶唔太差，只係茶味略濃，總括來講，唔會再係尖咀呢間食。

到下午茶時段，我個肚都會投訴！嘭嘭聲響！腳步就會不知不覺地尋找美食！見到大家樂就行埋去！下午茶呢講，價錢算幾平喎！24蚊就有一杯齋啡、 一隻燒雞翼、一碟炒麵！燒雞翼唔錯，外面d 皮有燒烤味，裡面d 肉幾嫩滑，味道啱啱好炒麵真係只得麵！？但係味道唔錯！

朋友好奇我連大快活也推介卻不寫大家樂今朝至平我身為食評者不能時時大家樂点都要有一定要求的我會去最佳最靚 ，最值得去的大家樂收不收貨向海運大廈 港威方位由內向海遠景繁華美麗綠色情調decor 風格是否大家樂是假如你老香港就會去港威大廈的“家”價格一向參考晒全行定位沒得輸當然食物不能夠太多要求這最優惠早餐 25元分別有一件煎雞排，味道出奇地好炒麵一碟也值70分半塊午餐肉3種食材差不多和其他正價早餐一樣質素75分朋友這粥餐今天只有皮旦瘦肉粥平日2款粥可選包括柴魚花生或皮旦瘦肉粥配炒面加蘿蔔糕 都是超值蘿蔔糕同粥都滿意給65分包熱茶而且不差大家樂的茶一直不會差比較同行

今日午餐食唔飽！所以去咗公司樓下既大家樂！啱啱裝修完，轉變不大！下午茶餐時段已經無乜選擇！我足知揀咗個27蚊既餐：包一個叉燒米粉同一杯野飲。碗米粉不特别，份量幾好，湯味道都可以。叉燒幾塊，軟硬適中味道唔錯！而家幾多都會揀下午茶時段先食午餐！因為今時今午餐價錢不平！所以，我見大家樂都有優惠俾客人！

朝早嚟大家樂食早餐，發覺真係好多人排隊，我自己點左份米粉熱狗雞扒套餐，尖沙咀呢間環境都唔錯噶，就近解決完仲要去翻工 奶茶唔錯，雖然無其他茶餐廳特別好飲，不過仲係味道比較香濃，唔會話好似滾水咁，雖然米粉好似好清淡咁，不過啲米粉真係俾超多吖，食唔曬 同事食左份黑椒牛柳拌麵再加檸檬紅茶，啲醬汁撈麵令啲麵特別入味，而且牛柳好多，好抵食。檸檬茶有檸檬味吖 碗仔翅好大碗，而且好夠味。入面啲料好多，食落口好滑。個菠蘿油入面有好香甜噶奶油，外面噶酥皮好鬆軟。

呢個已經算是很平價的店鋪了。在海港城逛街完后直接在大家樂食飯，平價，好食，種類也蠻多的。菜單上有所有種類，大都是和飲品或者湯類搭配，也是港式食法最常見的。態度不是很好，這點可以提高下嗎？豬排特色腸套餐確實蠻好的。因豬排需要現炸，等待的時間長一些。個頭很大，吃起來酥酥脆脆，確實很不錯。意麵不但色澤上看著很好，料也很足。店裡的紅豆冰也是很好喝的味道。上面還加了一層椰奶，很是滿足。店裡有免費wifi，上網也方便。

到尖沙咀行街,想醫肚並不容易周圍都是自由行,掛隊排到無心機剛好走到星光行,以前公司樓下食大家樂我和老公,一人點了最經典的難得個餐如此賣相好,當然要和大家分享下鐵板牛扒餐$51熱辣辣,大大碟才$51最喜歡就是把汁淋上鐵板的那一刻牛扒尚說得上夠林,主要係靠汁調味至於牛味~唔好玩啦,在這裡食飯,為的是填肚和那些年的口味那餐包,超好味,夠軟而且很有牛油香一哥焗豬扒飯$41連飲品,在尖沙咀區是無敵價呢這飯十分神奇,在我家樓下的那間份量和賣相都沒有這間好看很想食嗎?

返工時放飯正好係下午茶時間，見到豬仔包餐幾吸引，F2餐:豬仔包+榨菜肉絲米粉配熱飲(選左奶茶)。豬仔包外脆內嫩，好大個，入面有成塊豬扒，好大件，彈牙又多汁，配上惹味熟洋蔥，簡單得黎好惹味。由於下午茶當正餐食，單食一個包唔夠飽，所以選呢個配搭，米粉賣相如水牌一樣，可惜成碗都好鹹。奶茶夠濃，飲完唔會肚痾，合格。媽說那裡的咖啡也不錯，有機會再試。