大家樂 (已結業)

同老公下午茶.我點了鷄翼沙律,佢點了西多士.西多士要等,我攞咗鷄翼後,咪返埋位睇冧把囉.食完鷄翼,個顯示牌同十分鐘前一樣,都係96號,郁都未郁過,整塊西多使唔使咁耐呀?於是埋去counter,見份西多好孤獨咁攤咗响度,分明出咗好耐.咁我順口問個姐姐點解你冇改個顯示牌架?但佢竟然答我: 我叫咗好多次架啦,你聽唔到之嘛?真係啼笑皆非,叫?你點叫?個餐廳又冇廣播器,你張紙又係叫人留意顯示牌.我坐到鬼咁遠,你叫咩啫?真係神經錯亂

買了票看戲，但離開場不夠三十分鐘，如果事前不吃些東西的話，在戲院裡隨時捱不下去，選擇不多之下，二話不說，立刻飛快地跑入「戴嘉洛」。上次點的鐵板燒雞實在有點強差人意，今次來個中式的清湯牛腩鍋，以三十九元的價錢，配套實在不少，除主菜外，白飯、例湯、灼菜另加濃茶一杯。論味道，預了吃的應是急凍來貨的牛腩，勝在炆得軟熟，固名思義，其湯不會過重調味和肥膩，但喝入口，已不是無味的「吉水」，加了若干香料之下，用來送飯實在配合。本身已是加熱後奉上，後來再有人用爐火鎮上，其熱度在這嚴寒之中，未算是暖在心頭，身上已散發出一股火勁，略嫌份量「剛剛好」，牛腩只得六至七件，大食一點就有些勉強了。順帶一提，其例湯的味道也很足，節瓜、紅棗和排骨的鮮甜味喝得出來，有雖然未能完全排除加上「味道催化劑」的可能性，身體總算沒有不良的反應，吃得飽，夠好味，價錢又實惠之下，這台「好戲」算是看得上眼。

放棄美心的有營早餐o係大家樂食個麥皮餐...~$17.5=鮮奶麥皮+吞拿魚麥包三文治+粟米茄子+熱檸水鮮奶麥皮偏甜...吞拿魚三文治雖夠大件...但牛油太多粟米茄子最唔掂!!!粟米好核突...唔係一粒粒架!!!係一peapea痴埋一齊唔開胃呀!!!食完呢個早餐後...行過美心mx...o個一刻真係好後悔冇去美心食早餐...> <

(31/8/06)七點黎到無乜人,環境非常舒適。貪得意,食香蕉船餐:香蔥肉汁燒豬排骨鐵板,鵝肝菌蘑菇忌廉湯。個湯真係無揀錯,一心預期是白湯,原來像大餐廳的蘑菇湯咁色&味!!真係極力推介!焗薯又係出色到痺!met左浸皮,仲有燒的香~沙律醬太多,點到少少已好調味。反而主菜真麻麻,豬骨味道可以,但肉少,黑椒法國腸的腸衣un。要贊的是夠細心,等你食完份餐,先去拎個香蕉船,抹台阿姐仲話幫我地拎添。加左$5要杯蘋果綠茶,好好味,唔會太甜或味道太假。一提是,要到廁所好麻煩,難搵又太遠,後尾都無去到。

同男友試左鮑螺片個火鍋.講真呢就冇咩肉,牛肉得4片(幾大片),豬肉多d,有10片左右,仲有2隻蝦,一碟鮑螺片,10片度啦.其餘就有生菜,小棠菜,栗米,金姑,鮮姑,米粉,豆腐同腐竹.其實咁既野食要成49蚊都幾貴,不過要用埋火爐,係咁上下咖啦.我有張5蚊既coupon,於是成個set就44蚊,一個人22蚊.至於味道方面都OK,始終咁既價錢,都交足貨.牛肉就below average左少少,至於豬肉,鮑螺片又幾好食.其他既都係咁啦,因為生咖嘛,都咩野好講.個度既serivce都唔錯,可能係尖咀,d waitress都幾靚,唔太娘,又幾nice,個時我BF去左washroom又岩岩嗌到我.個waitress見到就幫我拎過黎,唔駛我拎咁辛苦.跟住就有人起爐,好快就滾,呢樣我幾appreciate,因為唔諗到d爐都幾夠火.好玩好多.一路都有人行開行埋問你要唔要加水,又幾周到,可能係成間野都係打邊爐既多啦~食呢個餐都預左唔會飽同好食得去邊,但係最後都幾飽,野食都唔錯,最重要係同男友玩得開心嘛~*