大家樂 (T Town South)

营业中

休息中

位於天水圍的大家樂早餐選擇多元，這次試的是雞扒 + 皮蛋瘦肉粥 + 蘿蔔糕的組合。雞扒煎至微焦，肉質嫩滑，味道偏鹹但不膩；皮蛋瘦肉粥綿滑細膩，皮蛋香氣自然，瘦肉切絲不乾柴，整體味道溫和；蘿蔔糕外層香脆，內裡軟糯，蘿蔔味不算濃但口感不俗。三款搭配份量充足，味道平衡，是一份暖胃又飽肚的港式早餐。環境：店舖整潔，適合短暫用餐。 價格：價格親民，性價比高。 食物質素：出品穩定，粥品與煎物火候掌握得宜。 食物種類：早餐選擇多樣，中西式搭配靈活。如果你喜歡港式粥品配香口煎物，這款早餐組合值得一試。

早前大家樂推出了兒童餐！價錢方面好親民！相信係史上最抵食嘅兒童餐單買$40，加配價更加只需要$28😱😱一於同女女去試吓啦！😏兒童餐有兩款選擇，一款係漢堡扒白汁飯，另一款配肉醬意粉，相信兩款都啱小朋友食👍🏻女女比較鍾意食飯🍚所以我哋揀咗漢堡扒白汁飯！食物方面不過不失，漢堡扒味道比較淡每份兒童餐還配上粟米，薯角，腸仔🌽不過腸仔嘅味道比較鹹😅最後還有小朋友喜歡的Qoo提子味飲品一包🧃及一份Jelly甜品，Jelly口味則以當日供應為準這個價錢真心沒有投訴😙😙抵食！📍各大家樂分店有售

炎夏♨️高溫令人大汗淋漓，此時此刻來杯冰，立時散熱降溫。咁啱又撞正香港🇭🇰在奧運奪得金牌🎖️，大家樂推出一蚊限定紅豆冰🥤，今日一於試吓先😬*食後感*📝✔️紅豆🫘大粒有咬口✔️濃郁的紅豆味😋✔️有細碎冰🧊底配合✔️加入花奶🥛後更香甜✔️每一口都不同層次紅豆冰🥤係香港🇭🇰人的回憶，並不花巧，是不少香港人心中的No. 1消暑奇冰🧊。正如香港運動員🏅，堅毅不屈，亦是香港人No. 1的榜樣👍🏻👍🏻

屋企人懶得煮飯，求其去咗附近商場搵嘢食。搬咗過嚟咁耐都未試過呢邊大家樂，不嬲對大家樂嘅晚餐都好悶滿意，覺得大家樂晚餐好食過大快活晚餐。果然冇令到我失望，我哋三個人叫咗一人一個餐，真係好抵食，唔使$100已經有個雜扒餐，而且味道唔錯我覺得呢一間大家樂嘅味道係咁多間之中最好食嘅。而且每次經過都見到夜晚係坐滿晒人好多人喺度等位。所以如果好多糧尾嘅朋友其實可以選擇去大家樂食，因為大家樂嘅晚餐都唔差嘅。我自己最鍾意就係食大家樂嘅去骨海南雞飯。

黑椒燒雞髀好好味呀，嗰啲黑椒好香，雞皮好咬口入味，雞髀肉都滑多汁，多士炸得香脆軟腍軟熟，加埋牛油同埋糖將非常邪惡好正黑椒雞髀配牛油糖漿多士真係絕配，叫咗杯熱檸水清吓腸胃

柴魚花生粥▪️柴魚同排骨份量都好多▪️味道夠▪️粥底可以炒麵▪️唔會太鹹，又唔會太油膩▪️麵軟硬度ok整體唔錯附近冇就腳粥麵鋪都可以食到本身冇包餐飲，可加＄加杯飲品

Lunch黎到大家樂，叫咗滑蛋海皇飯。黃金蛋炒飯超多料，有蝦仁、魚柳、雞粒、冬菇粒同蟹柳，豐富口感，包埋杯綠茶，好飽肚，係糧尾之選。口感味道豐富，連飲品都只係$36絕對係平靚正之選。

因為隔離中國銀行櫃員機多人排隊，所以入左去大家樂hea下先，喺呢度單點左一杯紅豆冰，價錢$18。因為有「炸雞髀·紅豆冰」兒時情意結，我成日去大家樂飲紅豆冰，但呢間分店飲品開得真係麻麻。紅豆冰味道好淡，水吧落好多冰俾人，走d冰後，杯嘢淨返一半多d，而且紅豆係偏硬的。呢度沖嘢飲沖得唔好，天水圍大家樂分店黎講，銀座同埋天慈就好得多，呢間分店唯一好處係等候時間比較短!TMI, 紅豆冰堂食同外賣個杯，容量望落差一截，都係堂飲好。

今日好開心同屋企人去咗天水圍附近嘅一間大家樂，大家樂不嬲都係平民餐廳，又方便快捷，價錢經濟實惠，而且仲係老字號，好多地方都有一間大家樂，真係我有親切咁，同埋有保證，今次叫咗個肉醬飯，呢個飯呢撈飯實在太好食了，每次佢哋都會帶呢一個，而且大家樂好有趣，去到邊個地方，呢度質素也是一樣定，所以你唔需要擔心去到另外一間大家樂就唔好食，我好肯定呢一個先我嘅飯都係好好食，而且地方企理乾淨，我覺得好有人情味，而且侍應嘅服務態度都好好，都會好樂意幫你斟茶遞水，我哋清潔枱面，所以我覺得呢一間大家樂咁多分店係有原因的，而且佢嘅選擇都好多，有燒味飯，有焗飯，有炒飯，我想聽飯，所以我覺得一間大家樂真係好抵食，而且份量十足，我同朋友相聚，都係一個好地方嚟㗎

今天帶了朋友的仔仔到大家樂買了一個外賣午餐，我和朋友的錢都order了一個蒜茸芝士肉粒桶飯，餐飲一杯凍檸樂，學生優惠價好抵$35。蒜茸芝士肉粒桶飯好大碗，蒜茸味超重，芝士味好濃，多汁，好啱小朋友撈飯食，特別開胃。

中午想同朋友share一個餐，所以決食大家樂海南雞飯套餐 包老火湯和中國茶老火湯有驚喜 豬骨味濃花生多雞香滑好味 但肉少 食幾啖就冇喇我喜歡食雞胸 但次次都給雞脾 不過應該很多人較喜歡雞脾 薑黃飯ok 不算太油

午餐又黎到大家樂，大家樂既咖哩一向都高質，所以今日選擇左食大家樂既咖哩魚柳飯。大家樂既咖哩一如以往咁香咁正宗，D咖哩汁既辣度適中唔會太辣但又好夠味。而且咖哩汁既份量都好多，夠埋撈飯食。咖哩汁拍得上正宗印度咖哩，個汁唔會太辣之外，食落仲有輕輕既椰油味，而佢又唔會好似其他茶餐廳咁D咖哩汁稀到似水咁。而魚柳既SIZE都好大塊，外皮炸得好香脆。最正既係佢仲有幾塊印度薄餅，點D咖哩汁食一流。成個餐既份量都好足料，食落都好夠飽。

今日好開心同屋企人去咗天水圍一間餐廳，叫做大家樂，呢間餐廳好豐富，佢嘅位置是於天水圍的銀座站，一落車行2分鐘就會到餐廳，所以位置好方便，如果朋友嚟到天水圍，一定要推介嚟呢一間餐廳大家樂，聽日島餐廳，我哋叫咗一個燒味飯，叉燒飯，呢個燒味飯實在超級推介，因為佢個叉燒好多，而且全部都是很瘦的，一點肥膏也沒有，而且即叫即整，很新鮮，餐都是熱呼呼的，而且佢個伴碟很好，有菜，亦都有豉油汁，撈飯真係一流呀，呢個配搭真係好好食呀，而且仲叫咗個熱奶茶，杯奶茶超好飲，很有奶味，而且不會太甜，所以10分推介大家樂的奶茶，嚟到大家樂，一定要叫燒味飯，加杯熱奶茶，真係冇得頂呀，而且大家樂的侍應的服務實在太好了，一入到門口，侍應的笑容實在很燦爛，是非常熱情招待的，有賓至如歸的感覺！

天水圍站📍大家樂-呢排疫症日日煮，有時都煮到心好累，想出街買外賣，又唔係間間開，唯有食大家樂。而家見到佢有個外賣快餸，有肉有菜有飯，試試佢。外賣快餸（$105/3款）分別試咗滑蛋粟米魚塊、菠蘿咕嚕肉同埋燒味雙拼。份量來講都唔算少，滑蛋粟米魚塊一貫水準，不過可能外賣原因，魚塊就比較淋咗少少，如果多番啲汁更加易送飯。菠蘿咕嚕肉啖啖肉就啱晒我呢個食肉獸，醬汁都幾濃，酸甜開胃。燒味雙拼就一般般啦，叉燒比較瘦，油雞冇乜肉，旁邊啲花生俾醬油浸淋晒。另外+15就可以有埋兩碗白飯、一個油菜、兩碗糖水。買得外賣就梗係唔想煮唔想洗啦，一於加埋。飯都幾大盒，糖水都足料好味，不過油菜份量就比較少，唔知係咪同近來菜價貴有關。買夠$100用八達通俾錢仲可以有九折，今餐埋單都係$108，兩個人都食唔晒，而家仲頂住個胃😹三個人食就啱啱好啦。百零蚊來講都算唔錯啦，係冇乜店舖揀嘅情況之下，都算係一個好選擇。而且包裝都好衛生企理。

大家樂又有咩好吃？我就次次都叫叉燒瀨粉，大家樂既瀨粉同出面唔同，係吃落特別爽口，叉燒都燒到唔肥唔瘦下午茶想吃啲野，加埋杯紅豆冰就係絕配！有時遲左啲去都已經無晒瀨粉，得米粉😵‍💫