大家樂 (T Town South)

营业中

休息中

啱啱屋企人買完你地天澤商場大家樂早餐返黎,我一打開比起之前前幾日早餐更加難食 每一日炒麵一係太過濕難食一係就炒得好好食,而你地大家樂既早餐D皮蛋瘦肉粥原本水準都還好 結果頭先一打開就令我大失望 D粥太過多水又過咸,多水過粥 D炒麵同蘿蔔糕就太過過濕,一D都食唔到入口！幾個字形容今日你地早餐：差又難入口！仲有平時有時夜晚買外賣,你地D包外賣既職員工作又慢成日掛住企係到傾計,將外賣飯盒求其咁擺又唔蓋得實,一係搞到杯野飲滿到倒瀉出黎都有！其實裝修左開左新店都同之前一樣職員態度差唔工作唔係工作成日掛住傾計,等外賣又等得耐一係就比錯,其實你地大家樂有冇培訓過D員工架～

用大家樂app去叫早餐，可用樂賞錢之餘，仲唔駛排隊，方便得很！！行緊去商場時手機落單，去到就已經見姐姐pack好，好有效率，抵讚大家樂既火腿扭扭粉係無得輸既，第二d地方只會俾通粉，而大家樂會俾口感好d既扭扭粉，耐唔耐都會想食所以去親食早餐，都會叫火腿扭扭粉（個餐仲有火腿，肚餓得滯已食左落肚）建議大家可用手機落單

自從大家樂有夏日至COOL冰冰特飲開始，我最鐘意就係佢既珍珠奶茶，年年我都會飲的今年既夏日特飲又黎啦，所以今日加$6 轉左餐飲做珍奶雞翼茶餐：蜜味燒雞翼、春卷＋珍珠奶茶個春卷都炸得幾油下，不過叫得都預左⋯⋯入面既餡有少少少少肉絲、荀、甘荀等等，夾落爽爽地，味道都唔錯既但無乜特別雞翼都唔需要多講，我諗好多人都有食過，未食過就自己去大家樂叫隻黎食下呢個先係呢篇食評既主角我最鐘意既珍珠奶茶並唔係依家連鎖店個D台式奶茶，而係港式奶茶＋珍珠，最緊要係有層泡！因為連埋冰打碎，所以D冰已經變左做泡，我最鐘意就係飲個層泡珍珠有少少硬，不過始終大家樂既主要業務唔係做台式飲品，唔可以同其他台式飲品舖比較只要唔係難食其實我都收貨大家都去加6蚊／9蚊（無餐飲價錢）買杯大家樂夏季限定既珍珠奶茶飲啦

如果大家有做大家樂會員加上有DOWNLOAD個大家樂APP，都知道呢排做緊會員promotion樂賞分250分就可以以會員價$19 購買炸蝦漢堡加飲品一杯日日見到電話個推送都好想試下食，因為$19真係唔算貴！今日星期五正值五一勞動節終於有機會食tea 了，但用呢個優惠唯一唔好既係要自己落去排隊用優惠我仲加四蚊要左個沙律食TIM俾大家睇下個包既CLOSE UP略嫌炸蝦餅唔夠厚，但係入面食到有粒粒蝦肉，可惜既係蝦味唔濃有千島醬同有厚切蕃茄，仲有生菜絲，食落感覺清新會員19蚊，可以一試，有野飲包埋係幾抵但如果要俾正價三十蚊就不如食mos burger 吧

快餐店，來來去去都是吃相同的食物，本來今日一心打算到店來吃焗豬扒飯，但見餐單上沒有這菜式， 相反看見咖喱牛腩飯推出可以自選辣度，初頭幾啖都不覺很辣，但後來越吃越辣，辣到淚水都出。今日很想試一試超勁啦，加上配一杯新出的珍珠蜜桃冰，不過覺得飲品太甜了

話説最近鐘意左去大家樂到食 咁當然都同商場得返啲連鎖快餐店有關啦 但大家樂係一間價錢合理 食得飽你 價錢滿足到人們對食物嘅要求 所以我都幾鐘意今次我早餐就叫左吉列魚柳 牛尾通同埋蘿蔔糕 當然唔少得就係佢杯奶茶啦 首先佢塊魚柳雖然唔係好大塊 個勝在夠脆同冇雪味 不過最出色嘅當然係佢個沙律醬 唔太甜又有啲檸檬味 個蘿蔔糕勝在唔會好粉 而個牛尾通就好入味 唔多料但都食得哂成碗 好飽架 而佢杯奶茶我覺得比大快活好 不失茶味 好正~~ Good breakfast can be found in cafe de coral too

最近返完長週 好難得星期日依日假期冇野做可以訓到自然醒 十點幾起身 見仲有早餐食 所以我就斯斯然咁落街食早餐啦 因為大家樂嘅早餐係去到十一點嘅😆我今日就叫左炒滑蛋 蜜糖雞扒同埋多士轉左蘿蔔糕 叫左杯熱華田 總共$3x 蚊 其實我覺得都幾貴 一個粉麵都冇 雞扒又細塊 不過講到味道我覺得大家樂係有水準嘅 雖然大部份蜜糖都係塊皮到(我會去皮嘅) 但雞扒仍然帶點甜 肉質嫩滑 而炒蛋都好滑唔會太熟 而個蘿蔔糕就正正常常 裏面有臘腸粒 數條蘿蔔絲 如果早餐唔大食嘅人份量應該岩岩好👌

又到左一年一度大家樂火鍋出場啦，每一年我都係忠實粉絲，個個星期都會食一至兩次，係架，食到上哂惱架😂😂😂年年雙牛，牛肉都幾好食，肉丸好好食，其他配料都ok既 如果米線份量可以再多就正啦！今年$70蚊一個餐，11蚊加左兩柸竹庶水，都係沙嗲湯底，今年仲有番茄牛尾湯底選擇，一人食一個餐夠哂飽，可能我夠大食，我再要加肉丸架，哈哈！😂😂最正可以用家樂牌鮮露加指天椒，不過最好每次食要6.30到就好到現在，7.00開始都有排等位

今晚因為天氣太熱既關係，所以媽媽唔開爐煮飯了去買外賣依家大家樂又做海南雞飯promo，雖然我願左唔好食，不過唔知點解一見到海南雞飯係有個魔力令我叫所以今晚又try try 海南雞飯啦好幸福，爸爸做外賣仔去買外賣，安坐家中嘆冷氣就有得等食我呢個人就好鐘意食海南雞既醬既，無論係泰式定係坡式既醬我都好愛，所以要即刻spot佢個醬先！hmmm? 點解個醬係兩者皆非？？？個醬既味道都係同我以往食過既都唔同，係酸咸⋯⋯好啦開飯啦，打開個外賣先！海南雞伴醃菜，黃油飯。個飯好重椰子味，不喜歡d 雞有酸菜味，不喜歡而且d 雞本身都有調味，咸咸地，雞味唔夠重，不喜歡個醬酸酸地係開胃既，但係我唔覺得呢個係海南雞既醬，不喜歡我係大家樂既fans，但係只限早餐同茶餐！其餘時間除左個肉醬意之外都係

由於昨日太累，今日瞓死左咁，下午3點半先起身落街食野🙈🙈🙈早午餐直接省略，落街食下午茶😂但其實我未覺肚餓🤦🏻‍♀️ 但都要搵d野填下個胃，所以又走左來大家樂我平時來親大家樂都系食雞翼西多，今日想食d有湯有汁既野，所以初次系大家樂食燒鵝漱粉，味道算正常，但杯熱咖啡就真系一般般😆 但呢個價錢都正常既。老公食番我平時食開既餐，仲加多隻雞翼，試食過第二度大家樂既燒雞翼，暫時覺得頌富呢間既燒雞翼系最好食的，同隻燒雞翼質素系最穩定的👍🏻

今晚呢買外賣返屋企食，之前都有食$88 燒雞套餐，係好食既，而且個份量係多過兩個人既（可能大家都細食）不過唔知由幾時開始加左四蚊價 睇黎大家樂又受物價上漲令產品需要價格上調因為有三蚊coupon ，減左三蚊後盛惠$89鄭重呼籲大家樂常客一定要join member，晚市係可以扣十蚊的落完單之後就等啦，等左成廿分鐘先有得拎，有d耐呀下。不過返到屋企先知原來個雞係即整個雞岩岩整起，只要無overcook 就實好食既，而且仲埋sauce 可以點黎食不過我就無點sauce，就咁食～雖然呢隻都只係春雞大少少既size，但係半邊雞對我黎講都太多，我仲要留肚食意粉呢！我係大家樂意粉既fans黎，雖然呢個意粉係令我有d 失望因為佢唔係平時個款焗意粉，而係白烚加肉醬就算不過個肉醬真係好味！所以撈埋d 意粉都好食既，我都食半盒薯寶就薯寶咁既味啦，細細粒三角形唔食粟米所以無食到，但係睇個外形係靚仔既雜果賓治呢d 都係汽水黎啫，無乜特別都唔需要comment其實呢個餐如果係$88 係會好d 既（因為$88 都唔算抵食其實），依家過左九十蚊就突破心理關口lu下次應該都唔會再食佢，始終晚餐食咁多肉都好滯

是晚相約中學時的好友飯聚，地點選了彼此皆接近的頌富商場，原打算到吉野家吃火鍋，但去到時已滿座，唯有轉戰附近的大家樂！去到大家樂同樣人頭湧湧，幸好剛好有一位姨姨讓出座位，整頓好後便到收銀處落單。今次我同樣選了特選極嫩豚肉火鍋（＄５３），還是少吃牛肉較健康吧，湯底則選了上次售罄的蕃茄薯仔，配料有六色菜盤、豚肉、烏冬等，醬汁則以自助形式提供。蕃茄薯仔湯底味道較淡，食材方面略嫌生菜不夠新鮮，但豚肉不俗，比想像中嫩滑，蘸上醬汁後有驚喜，其他都不過不失。始終五十多元吃火鍋不能奢求太多，當天跟久久沒見的好友們相聚，邊吃火鍋邊傾訴心事，不知不覺第一次吃到大家樂關門呢！

是日早左起身，屋企又無野食，對於琴日食唔到肉醬意粉既遺撼，所以今日唔洗諗...一定要食到...好在早左起身，去到都仲有得賣，所以買左個外賣返屋企...包埋可樂$35，唔算平又唔算貴，但對於我黎講絕對值得 一打開見到紅紅既蕃茄色真係已經好興奮，個汁依然好味，有好碎既蕃茄粒粒、洋蔥、肉碎等 蕃茄味好濃，但又唔會太過酸，加埋有芝士係面，十分配合，不過個人略嫌唔夠多醬汁...只有薄薄一層，不過個底有茄油，如果要撈晒成個意粉其實勉強都可以...不過如果可以多d會更好，因為呢個醬汁既味道係第二道真係食唔到，就算去其他地方食，自已整，都唔一樣！

是日同媽咪、男朋友去大家樂食野，去到已經無晒肉醬意粉，so sad 即刻無晒食慾...不過唔想麻煩又諗過去邊道食，所以叫左食過都唔錯既焗豬扒飯同媽咪share...而男朋友就試呢排成日賣廣告既珍珠帶子福建炒飯！一望就嬲嬲地，左邊完全無汁... 不過蕃茄份量就好多，有成6-7舊呢個飯醬汁最重要，唔夠汁撈點食呀?以前質素好有保證，而家?退步晒，仲點做招牌菜呀? 豬扒完全縮晒水，以前大大塊，而家一小塊 但係雖然呢個飯有好多不足，不過味道不變拉返d分，豬扒雖然細塊但仍然好厚同好鬆軟...男朋友食既珍珠帶子福建炒飯，我見佢食到個樣就黎想喊咁...佢話d帶子就得3粒，個汁撈埋d飯好似食緊膠水飯咁，好難吞