影片
相关文章
放工又好肚饿。唔系讲笑，有啲晕晕地脚软软嘅感觉。突然之间好想食公仔面，所以我就冲左入去。 「大安茶冰厅」系一间好老字号嘅冰室。开咗几多年我唔知，净系知道佢间唔中会有人喺度拍戏取吓景。老字号嘅舖头未必代表好食，而依一间冰室，佢主打嘅应该系「平」$34一个午餐，包一碗面，煎蛋火腿多士出前一丁仲要系同价，你喺出边是旦一间茶餐厅起码要加$3-5。我再加多$2将多士转为油占多，好抵。不过，我就好蠢咁叫咗「面」而唔系「出前一丁」，下次要醒啲🙈味道就完全冇咩特别，简单医肚/长期粮尾就一流，唔好有太大期望，因为真系好平。依度好多阿叔帮衬，衬埋成间铺嘅气氛，好似返咗旧史咁，依啲就系所谓嘅人情味。得闲嚟饮杯嘢打个卡都几好，啲柜台阿叔楼面姐姐都好好吹水。Mcmug综合评分：4/10，人情味+1，5/10
继续阅读
坐低之后好快点左早餐，餐肉出前一丁，肠仔煎双蛋热奶茶，奶酱多。餐肉出前一丁：块午餐肉好薄及冻，出前一丁汤底好淡，最稳阵嘅嘢都可以出事，食咗三分之一就停手。花生酱多士之前已经搽咗预设嘅牛油，连一大Pat冇搽就放上碟。全间野唯一得奶茶合格。
继续阅读
每区都会有旧式茶餐厅或者冰室，有啲甚至已经开咗半个世纪，喺油麻地就有呢间 大安茶冰厅☕冰厅一路见证住油麻地嘅变迁～佢开喺果栏附近，所以平时都好多喺果栏做嘢嘅人黎食嘢，而架亦都会有打工仔帮衬👍🏻👆🏻大安依然系维持住六、七十年代嘅装修，门面招牌都系用上以前嘅异体字(以前港英政府未将汉字系统化，有啲字体就留传到而架，而每个人写法唔同，又未有正字，所以𠮶阵时出现几多异体字)放住玻璃樽汽水嘅透明冻柜👆🏻大安入面嘅装修亦系无变(铺头曾经有呢度嘅两倍咁大，但后来做唔住所以cut净而架咁样)，靠墙就系冰室/茶餐厅嘅经典窄型卡位👆🏻上图左就系佢地嘅开放式厨房😹由于大安只有小食牌🍜，所以就无茶餐厅𠮶啲炒粉面饭，最复杂嘅都只系贴系墙上嘅🍝烩意粉～👇🏻👇🏻👇🏻餐牌☕基本嘅汤通粉、意粉、米粉、面都有嘅，亦有三文治🥪同简单小食🍞🥣当然唔少得嘢饮啦～晏就得闲又咁啱经过，就入黎叹返杯☕佢呢度嘅奶茶都唔错，奶味同茶味都算出，而且几滑👍🏻虽然未算系最好饮嘅奶茶，但冰室嘅人情味搭够，我亦相信大安嘅奶茶都温暖咗唔少茶客/食客嘅心🥰趁佢未被时代巨轮吞噬之前，真系要好好珍惜啊～
继续阅读
旧怀茶餐厅，入到去竟然有啲街坊同你吹水，旧一辈好喜欢自然咁搭嗲，后生就叫呢啲r水吹叫咗茶记不可缺少嘅沙嗲牛肉面餐。同菠萝芝蛋堡。冻饮都唔洗加钱。沙嗲牛肉面餐$36: 肉嫩带爽口，沙嗲味合格跟餐有多士同火腿蛋。菠萝芝蛋堡$30: 菠萝包松脆，带甜中和芝士嘅咸；蛋系太阳蛋，蛋味浓，一咬就有流心嘅效果。其实系瀑布一样，大家小心衫裤。但有惊喜嘅，推介饮品系冻柠茶同冻奶茶，系无惊无险嘅选择。冻奶茶冇咁浓茶味，如果追求茶浓奶香嘅话就会少少失望啦。
继续阅读
本来谂住帮衬同一条街既永泰，但途中比呢间旧式冰室既门面吸引住，改变主意病发作下就入左去。多士 - 食得出用左冇咁靓既牛油同面包，口感争d炒蛋 - 偏油/干身，食落一般沙嗲牛意粉 - 望落浅色，其实好浓味，偏咸，沙嗲味不足，而且系冻既！奶茶 - 用得黑白淡奶都冇死，但奶、茶比例唔系间间拿捏得好，好似呢杯太稀、奶味不足呢种门口卖自家制面包既真·冰室买少见少，旺区/大集团茶记又比大陆人占领，佢既常餐唔算高质，但价钱合理，可以安静咁食一餐，就算唔会回头，都开心支持左半地小店。
继续阅读