大安茶冰廳 (已易手) 新餐厅

放工又好肚餓。唔係講笑，有啲暈暈地腳軟軟嘅感覺。突然之間好想食公仔麵，所以我就衝左入去。 「大安茶冰廳」係一間好老字號嘅冰室。開咗幾多年我唔知，淨係知道佢間唔中會有人喺度拍戲取吓景。老字號嘅舖頭未必代表好食，而依一間冰室，佢主打嘅應該係「平」$34一個午餐，包一碗麵，煎蛋火腿多士出前一丁仲要係同價，你喺出邊是旦一間茶餐廳起碼要加$3-5。我再加多$2將多士轉為油占多，好抵。不過，我就好蠢咁叫咗「麵」而唔係「出前一丁」，下次要醒啲🙈味道就完全冇咩特別，簡單醫肚/長期糧尾就一流，唔好有太大期望，因為真係好平。依度好多阿叔幫襯，襯埋成間鋪嘅氣氛，好似返咗舊史咁，依啲就係所謂嘅人情味。得閒嚟飲杯嘢打個卡都幾好，啲櫃檯阿叔樓面姐姐都好好吹水。Mcmug綜合評分：4/10，人情味+1，5/10

坐低之後好快點左早餐，餐肉出前一丁，腸仔煎雙蛋熱奶茶，奶醬多。餐肉出前一丁：塊午餐肉好薄及凍，出前一丁湯底好淡，最穩陣嘅嘢都可以出事，食咗三分之一就停手。花生醬多士之前已經搽咗預設嘅牛油，連一大Pat冇搽就放上碟。全間野唯一得奶茶合格。

每區都會有舊式茶餐廳或者冰室，有啲甚至已經開咗半個世紀，喺油麻地就有呢間 大安茶冰廳☕冰廳一路見證住油麻地嘅變遷～佢開喺果欄附近，所以平時都好多喺果欄做嘢嘅人黎食嘢，而架亦都會有打工仔幫襯👍🏻👆🏻大安依然係維持住六、七十年代嘅裝修，門面招牌都係用上以前嘅異體字(以前港英政府未將漢字系統化，有啲字體就留傳到而架，而每個人寫法唔同，又未有正字，所以嗰陣時出現幾多異體字)放住玻璃樽汽水嘅透明凍櫃👆🏻大安入面嘅裝修亦係無變(鋪頭曾經有呢度嘅兩倍咁大，但後來做唔住所以cut淨而架咁樣)，靠牆就係冰室/茶餐廳嘅經典窄型卡位👆🏻上圖左就係佢地嘅開放式廚房😹由於大安只有小食牌🍜，所以就無茶餐廳嗰啲炒粉麵飯，最複雜嘅都只係貼係牆上嘅🍝燴意粉～👇🏻👇🏻👇🏻餐牌☕基本嘅湯通粉、意粉、米粉、麵都有嘅，亦有三文治🥪同簡單小食🍞🥣當然唔少得嘢飲啦～晏就得閒又咁啱經過，就入黎嘆返杯☕佢呢度嘅奶茶都唔錯，奶味同茶味都算出，而且幾滑👍🏻雖然未算係最好飲嘅奶茶，但冰室嘅人情味搭夠，我亦相信大安嘅奶茶都溫暖咗唔少茶客/食客嘅心🥰趁佢未被時代巨輪吞噬之前，真係要好好珍惜啊～

舊懷茶餐廳，入到去竟然有啲街坊同你吹水，舊一輩好喜歡自然咁搭嗲，後生就叫呢啲r水吹叫咗茶記不可缺少嘅沙嗲牛肉麵餐。同菠蘿芝蛋堡。凍飲都唔洗加錢。沙嗲牛肉麵餐$36: 肉嫩帶爽口，沙嗲味合格跟餐有多士同火腿蛋。菠蘿芝蛋堡$30: 菠蘿包鬆脆，帶甜中和芝士嘅鹹；蛋係太陽蛋，蛋味濃，一咬就有流心嘅效果。其實係瀑布一樣，大家小心衫褲。但有驚喜嘅，推介飲品係凍檸茶同凍奶茶，係無驚無險嘅選擇。凍奶茶冇咁濃茶味，如果追求茶濃奶香嘅話就會少少失望啦。

本來諗住幫襯同一條街既永泰，但途中比呢間舊式冰室既門面吸引住，改變主意病發作下就入左去。多士 - 食得出用左冇咁靚既牛油同麵包，口感爭d炒蛋 - 偏油/乾身，食落一般沙嗲牛意粉 - 望落淺色，其實好濃味，偏咸，沙嗲味不足，而且係凍既！奶茶 - 用得黑白淡奶都冇死，但奶、茶比例唔係間間拿捏得好，好似呢杯太稀、奶味不足呢種門口賣自家製麵包既真·冰室買少見少，旺區/大集團茶記又比大陸人佔領，佢既常餐唔算高質，但價錢合理，可以安靜咁食一餐，就算唔會回頭，都開心支持左半地小店。

還記得多年前, 油麻地果欄的果商都是一箱一箱地賣生果的, 有時經過附近都會走過去八掛一下, 但去十次, 十次都是只看不買, 因為一箱橙可以有50-60隻, 相信一般家庭很難消化到一整箱, 而且要運一箱生果回家亦不是易事. 但近年有越來越多果商做零售生意, 價錢又平, 所以有時間的話, 都會去買一點時令生果跟家人一起品嚐. 在果欄附近, 有一間舊式茶餐廳是我常常去的. 那裏食物質素良好, 點餐又很有彈性. 最特別的是有'隱藏 沙嗲牛肉麵', 這個麵在餐牌中是沒有的, 只要直接跟店員下單就可以了. 牛肉很滑很軟, 份量不算少, 但有少許涼, 先放到湯中浸熱較好. 麵爽口彈牙. 多士可轉奶醬多或其他, 只需加 HKD2. 跟餐配火腿雙蛋, 亦可轉餐肉. 茶啡極佳. 吃完到果欄買了澳洲車厘子, 澳洲芒果及韓國士多啤梨, 這些都是時令的.

在果欄附近看到這間茶餐廳，於是上Open Rice看看評價，不過不失、有喜有悲。人生總要一些冒險才能有完美感受，鼓起勇氣走入去，或許有不一樣的經歷。餐廳裝璜陳舊、有兩位中年女侍應，據說這裡已經有50年歷史。餐廳賣的東西簡單，都是早餐、午餐、常餐，腸仔餐肉麵包公仔麵之類的東西。既然煮呢幾個餐煮足50年，沒有停風的氣勢也應有秋生的功架，應該不會太差。我們點了兩個早餐、一個係沙爹牛肉出前一丁，一個係餐肉出前一丁。不消一會，姨姨把早餐送到。我面前嘅沙爹牛肉出前一丁無起色像失戀的人、或剛推入手術室經過一輪搶救無效一樣，已經certified，抱著必勝（必c）的勇氣試一口牛肉，冷冰冰的肉滲透著一陣味，是牛不是牛，真的假不了。伴隨的出前一丁好像沉淪了半世紀的老人，與世間完全脫節，靈魂（麻油）也不見了，又或是說，出前一丁已經不再出前。跟餐炒蛋下面有一張灰色廢紙，為今天這個早餐加上了難忘的驚....喜。餐飲凍奶茶，對於一生沒有喝過奶茶的人來說未免是一杯不能承受的冷飲，對於一生中有很多奶茶的人來說，擦身而過，人生沒有錯過什麼，或許只有看透世情的人才能感受到固中藴味。半世紀的功架，便是讓人看清無奈，活著沒靈

有49年歷史的大安茶冰廳，坐落果欄附近，因朋友想去喝奶茶(9秒9 被朋友幹掉所以未能入鏡), 就有了這次初體驗！朋友的凍奶茶香濃幼滑，鮮牛油果醬多士香脆而裹面渗出牛油香配以果醬的甜味，有一種滋潤生活的感覺，令人在假日有着甜蜜感！大安有菠蘿堡套餐，我自己選擇了芝蛋菠蘿堡配凍檸檬茶。焗熱了的菠蘿包及炒蛋的熱力溶化芝士於包內，很香！ 炒蛋不像外面的炒滑蛋，而偏向像家裡媽媽煮的。唯一美中不足是菠蘿包糖皮不太脆。檸檬茶茶底有點濃，剛喝有點苦，但當冰溶了後，味道就剛剛好，很好味！能在香港屹立半世紀一定有其優點的！

今日波友帶我去入去食，裝修有懷舊feel,主要系卡位 +小量方枱 ，好似澳牛咁D人入黎食午餐(义燒湯義+煎蛋火腿+多士+飲品)$32 凍+$2，改一丁唔駛加$。食物不錯，义燒唔系下等貨，杯檸茶一入囗就知D茶用上等貨，好有茶味，除左冇炒蛋，樣樣都好過澳牛。服務優質，D伙記有禮，（唔系三哥D貨色，都唔知佢D阿姐講乜），雖然人多但唔會催你快D食完，唔會4個位塞6個人入黎坐，坐得舒服。其實有其他野食如公司湯意，下次先試。都唔明香港人點解仲要去澳牛受氣。

早餐：火腿出前一丁(淋麵）煎雙蛋，想要多士但原來早餐係冇供應(得甜餐飽）熱咖啡丁麵：目測大概煮咗30秒，以立方體姿態送上，1/5味粉，冇麻油！煎雙蛋：油多過蛋甜餐包、咖啡正常收費＄29總結：丁麵：浸咗10分鐘，試食一啖，好硬、冇味(零味)!！完全不能進食，後悔！雙蛋：油量之多，足夠炒飯，用茶清洗，只吃到2啖！最終總結：完全垃圾丶永遠冇下次！Sorry~ 完全冇心機影相！

星期天，一個人準時抵達廣東道一帶，繼續小弟尋覓早晨美食之旅....這間"大安茶冰廳"，看起來已有相當時候的歷史。過來光顧的都是附近的老街坊，像我這樣的街外客，數目是偏少的....早餐的選擇都屬超大路的，先來一杯茶走，再加餐包及腸蛋，最後送來用來墊肚的麵，胃納不大的一般人吃過後都一定夠飽.....而我呢，則還可以啦，食物"落格"後吃午飯應是沒問題....茶走味調得過甜，有點兒蓋過茶香了....餐包當然不是自家焗製的。縱然上桌前有預先丁熱但包身卻不感紥實口感輕飄飄；腸仔只是放於不滾的油內浸熱，入口自然是油膩膩的；蛋只是普通軟嗒嗒的沒有脆而焦的邊位，實可以不吃....麵是較好些 ---- 麵身頗彈牙是好吃的重點；餐肉有很用心的被煎香過，這當然被純用水燙熱的好得多....來這裡，目的就只在填飽肚....其他的便不用多說了....

熬過了漫漫長夜，又要趕去土瓜灣探探老人家，跟同事在油麻地果欄一帶下車，空氣中傳來令人精神為之一振的果香。這是熟透了的榴槤、那是新鮮的草莓，還有紅彤彤的蘋果與及少見的麒麟金果，色彩繽紛，就連食慾都給燃起。就在這城市跳躍脈搏的地方，有一個供工人在忙裡偷閒的好去處。大安茶冰廳並不是什麼名氣店，但比名店更窩心，老街坊喜歡那一個位置，愛喝什麼、吃什麼，已到了心意互通的地步。早餐跟同事隨意地點了餐肉麵，午餐肉煎得微焦，反而更香口，公仔麵淥得恰到好處，柔韌而有彈性。原先是方包的都改成了菠蘿油，雖然要另加$3，但完全是值得的，只要看見表層的酥皮，烤焗後裂得平均，便知道口感上佳，翻開中間一看，一片厚牛油靜靜地躺臥在麵包內，散發出誘人的香氣，咬一口，酥皮鬆化散落，和著牛油一起咀嚼，是那久違了的豐富口感，香腸跟煎蛋在此刻似乎都成了配角，也許好幾十年前跟當下都是同一樣的氣息。步出餐廳，四周的工人正在忙碌地搬運著水果，活力的汗水與晨曦的光線，交織出一張動人的畫面，能在繁重的生活中駐足，欣賞身邊的一切，是零消費的享受，大家都忙得忘記了自己，也許偶爾抽身一看，你會有更深的體會。

中午一有時間, 我繼續去尋幽探秘. 行行行, 又來到近果欄呢一頭, 是日target的, 是廣東道的一間舊式冰室, 吃返一個傳統的味道. 因為傳統, 所以這不是佬店, 亦有不少牛青人, 專程來看看一個80年代既風格, 正因為是80年代, 要說懷舊, 真的不及其他的, 但一樣有陳年的感覺. 奶茶, 黑與白的品牌已充積了整個香港, 人人人都以此品牌為首, 總會有一雒錯覺出現, 有黑白就是好奶茶.......其實好的奶茶, 關鍵不在奶, 而是茶底, 飲得多才知道, 茶葉配搭得好, 才是美味的源頭, 香滑的茶, 加濃香的淡奶, 就是港式奶茶既正道. 此奶茶, 茶味濃而且帶香味, 夠黑夠濃, 是紅茶同普洱茶的完美混合. 食物, 這兒選擇不多, 現令當世茶餐廳供應的炒粉麵飯, 你唔駛旨意係呢度食得到. 我叫了一個傳統的叉燒燴意, 其材料簡單而傳統, 蕃茄加上叉燒同發到脹大的意粉, 就是當年愛戴的味道口感. 可是蕃茄味道重了少少, 令到整個燴意粉既味道帶酸. 感覺不是我所expect的. 特地而來, 但感覺同味道都不是我所expert的, 大安

很久冇去過大安了，今日路過，再次重拾童年回憶入到去，一齊枱櫈、裝潢、擺設都冇變，只係覺得光猛咗，可能係換咗慳電胆。叫咗一份兒時食開嘅茶餐，一樣係有多士、火腿煎雙蛋、义燒通粉同一杯飲品，只不過係價錢唔同咗。坦白講，這裡的味道，的確係一般，但對我來說，童年嘅回憶比味道更重要。多士，本身嘅麵包，已經唔多掂，唔鬆軟，又烘得唔夠燶，幸好牛油味重，挽回少許分數 太陽蛋唔錯，有蛋味，亦煎得恰到好處，少少燶邊，好食 但塊火腿，則依然沒有任何加工，坦蕩蕩咁放係碟上 (即係冇煎過，就咁上碟) 义燒通粉，湯底幾香甜，亦有义燒嘅香味，絕對唔會差過澳洲牛奶公司或者北海道牧場，但係通粉嘅質地則及唔上澳洲牛奶公司，偏硬少少；至於义燒，普普通通，但夠香，亦唔韌至於凍奶茶，亦係一般茶餐廳水準，香味可以，滑溜一般，冇特式，亦冇驚喜埋單$26，比澳洲牛奶公司及北海道牧場平。整體上，大安並唔係一間值得推介的餐廳，但某些地方，對於某些人來說，係別有一番滋味，我亦都係本著這個信念，久不久，就回來探索一吓，再與大家分享一吓吧了

上世紀到現在還生存的冰廳冰室確是愈來愈少,(不計那些新開扮懷舊的)亦有很多年青的去追捧,掛在口邊懷念往日的味道,但說到舊式冰廳食物究竟有幾多人吃過/知道什麼是牛奶露粉?什麼是牛肉麥皮?又或者吃到不是罐頭貨的蓮子冰?這裡的餐牌非常簡單,見到食品也都由水吧負責,就點了一個午餐:火腿双蛋----一塊沒有煎過的火腿加上一對有點蛋殼碎在內的半熟蛋.多士厚厚實實不太好吃.义燒一丁----不是餐牌寫著是出前一丁真是很難吃得出來!味精湯底開得很淡,連麻油也整包被扣起,一滴也找不到!义燒放入煲內與湯一同加熱,烚得顏色慘白、味如嚼蠟.幸好檯面有大瓶辣椒油任加(雖不是橙蓋左顯記)總算能把麵吃完.凍奶茶----淡淡的沒甚茶味.硬板卡座坐得不太舒適,坐下時還感覺到上手這位置赤膊菓欄猛男的體温.味道麻麻但一樣爆場,因這裡的顧客要求的是抵食夾大件.