大大碗車仔麵

营业中

休息中

星期日 13:35. 見新開都未試過就入去試吓。叫左個"招牌大大碗"。落咗單之後大概10分鐘話冇牛腩，咁就改咗做牛筋。之後聽到老闆又同第二啲人講可以轉鮑魚！（不過最後好彩冇轉，因為應該都係韌到咬唔開）因為人手唔夠關係，前後等咗20分鐘左右終於黎到。個碗係好大嘅但麵份量唔多。本身要油麵，嚟到變米線，湯...鹹到盲嘅都開眼，蘿白...苦又多渣，雞翼...除咗隻色係滷水色之外，就好似啱啱冰格攞出嚟整熱咁...好韌好嚡冇味道好難食。成碗麵堅持咗一半就放棄咗，真係太～鹹！！其他餸只可以話正常。

因為想食車仔麵，咁岩係天后，所以就試下。個麵好咸、個湯好咸、啲餸好咸，得個咸字。就算唔咸、應該都未必好食。鋪頭內有一兩隻烏蠅飛嚟飛去。員工正常。但真的不會再食。