大大碗車仔麵

【灣仔區】【大大碗車仔麵】喺天后呢頭返工，次次都趕頭趕命搞到冇時間食嘢。難得呢次早咗少少，就食呢間車仔麵。始終都行唔到好遠，一陣返工遲到就唔好啦，所以先至食我麻麻地中意嘅車仔麵。入到去係一個人都冇，又完全冇人理我，走去煮麵嗰個位先問到人，原來係自己填紙。加上原來仲要畀咗錢先，收咗我 $79 之後就上菜喇。我叫咗「車仔麵配餸」裏面 $45 嘅「三餸一麵」，又要咗 $2 嘅「魚皮餃」同各 $4 嘅「咖喱魷魚」同「牛腩」，配「生粗麵」，個咖哩魷魚係普通一串魷魚加咖哩汁，都幾失望，其他餸同個麵都係好普通。咁我仲加 $8 食「蠔油生菜」，都幾樣衰吓，好一般。叫埋小食 $22 嘅「墨魚腐皮卷」，勁少，味道冇特別。嘢飲我飲 $10 嘅「凍豆漿」，係迷你版咁，幾啖飲得晒。唔知點解埋單會係 $79，可能有啲午市優惠之類，反正冇下次，我亦都唔推薦，理得佢了。。。（地址：天后英皇道14號地下F號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #天后 #大大碗車仔麵 #車仔麵配餸 #三餸一麵 #魚皮餃 #咖喱魷魚 #牛腩 #生粗麵 #蠔油生菜 #墨魚腐皮卷 #凍豆漿 #1am1835 #1ambackup…查看更多

剛外遊完個人仲有jet lag , 呆呆滯滯之下去了屋企附近呢間車仔麵食dinner…..之前每次經過見佢都冇咩客，心諗係咪真係咁差，就比次機會試吓！點知真係好差，我叫咗5個餸+米線底+油菜，都成$70+ , 個麵一上檯我就知中大伏！！首先米線份量好少，份量好似比人食咗1/3咁，我真係好shock ～ 蘿蔔得3粒，大約麻雀size, 不是3舊, 我未見過車仔麵店的蘿蔔係咁細舊，白蘿蔔本身好平，呢間店十分孤寒…..牛腩好嚡，完全唔入味，個湯唔熱，只能說是微暖，米線質地係勁淋，淋到似比病人食的軟餐，應該係浸咗好耐，我同個女店員講d 米線好淋，佢答「唔知喎」，服務態度真係一絕！瑞士雞翼有2隻，叫呢款餸要另加$2，算係全碗麵最好味成碗麵收我$74，仲不連飲品，食唔飽之餘而且難食，呢一餐真係令我極度後悔…..早知去食過橋米線好過，起碼一定飽同好味過佢！呢次真係忍唔住要寫出嚟，希望其他街坊入去前睇到呢個真實食評，再考慮會唔會挑戰自己底線…查看更多

唔會再幫襯😨😨😨食物湯底濃郁非常之鹹，適合重口味人士，面底煮得太腍筷子一夾即散，建議大家唔好叫米粉。配料選擇唔算多，出邊車仔麵嘅有嘅嘢基本都有，但係好多特色嘢都冇，$62套餐價錢算貴，春卷一條好細條，$10呢個價錢可以奉勸大家唔使加！！！$10好細一條！！！食過最難食嘅車仔面！！！一間舖得兩個人做嘢，手腳又慢等太耐先食到，好彩係幫襯嘅人唔算多，全部都係遊客食。應該大家都要睇食評我一時唔記得睇🫠🫠🫠…查看更多

職員態度好差冇記住客人講咩又冇咩禮貌餐廳供應食材唔夠好多送都話賣曬麵好鹹有d生 要不停飲野解喝好彩餐廳有水提供叫清湯湯底都唔知點解會好鹹i cant think why 煮唔熟咁😥…查看更多

新開張冇幾耐，已經食過一次，第一次食嘅時候嗌咗三餸麵，碗麵唯一嘅印象就係幾鹹😅前幾日再去多一次，諗住俾多次機會，點知都係好鹹😂，叫咗個三餸麵，（咖喱魚蛋，蘿蔔，水餃），埋單$47。諗住外賣返屋企慢慢食，唔知係咪啲麵浸得湯太耐，返到去碗麵好鹹，餸又鹹湯又鹹，結果食咗一半就抌我諗唔會再有下次😅😅😅…查看更多

星期日 13:35. 見新開都未試過就入去試吓。叫左個"招牌大大碗"。落咗單之後大概10分鐘話冇牛腩，咁就改咗做牛筋。之後聽到老闆又同第二啲人講可以轉鮑魚！（不過最後好彩冇轉，因為應該都係韌到咬唔開）因為人手唔夠關係，前後等咗20分鐘左右終於黎到。個碗係好大嘅但麵份量唔多。本身要油麵，嚟到變米線，湯...鹹到盲嘅都開眼，蘿白...苦又多渣，雞翼...除咗隻色係滷水色之外，就好似啱啱冰格攞出嚟整熱咁...好韌好嚡冇味道好難食。成碗麵堅持咗一半就放棄咗，真係太～鹹！！其他餸只可以話正常。…查看更多

因為想食車仔麵，咁岩係天后，所以就試下。個麵好咸、個湯好咸、啲餸好咸，得個咸字。就算唔咸、應該都未必好食。鋪頭內有一兩隻烏蠅飛嚟飛去。員工正常。但真的不會再食。…查看更多