大壽司．和食 (已結業)

聽朋友說在這吃 lunch ok, 所以放工後便去試晚餐.那裡 有 Thai , Japan food 可以同時間食不同類型的菜.叫了幾碟壽司, 大大件好吸引. 味道都 ok. 見到隔離枱叫了很多東西, 同樣大大碟. 怪不得叫 "大壽司"服務開始時都沒什麼. 臨近收工, 有個 waitress 問我們要 "last call".本來都無乜問題. 到了差不多時間 (11:00pm). 那 waitress 同我地講要關門.我們都未把食物吃完. 就趕我們走. 這還是第一次.. 若是一間專業的食肆應該等客吃完. 不是催客走.如果想慢慢品嚐晚餐, 9:00 後要考慮清楚. 費是食到唔湯唔水要走.

因為成日見到每個星期六日都有人大排長龍等佢開門幫襯, 所以見平日夜晚試下有幾吸引~ 唔食由至可, 一食......簡單要炸冧間舖, 完全難食到唔可以再幫襯第二次~壽司.....無錯, 係大件吖~ 但係一來唔係用日本米做, 二嚟壽司鼓油咸死人, 食完第一啖已經唔想食第二啖.....另外.....水都無杯, 要飲水/茶....得! 俾多$2 吖~ D待應目口目面..... 放罐汽水係"啪"一聲放嚮我地枱面~ 完全O晒咀.......食唔晒要打包~ 得! 第一個盒係免費俾你吖~ 但係第二個收你$5...... 依家都搞有衣食啦~ 你收人$5, 咁即係叫人嘥嘢唔打包倒左佢啦~咁無質素既舖頭~ 我都唔知都仲有人排隊等幫襯囉......

今日女朋友去見工.之後我去左睇下附近有咩食.女朋友之前都想試下呢間.咁去到我覺得又幾多款簡.咁等到女朋友搞掂哂就去食啦.不過環境超嘈.入到去叫左個三文魚刺身,咖喱豬頸肉飯.酸辣鳳爪.同芝士炸豬扒卷同芒果梳打-三文魚8片好厚,係抵GE不過冇咁鮮.女朋友都話中意薄D-咖喱好好味.但係個豬頸肉唔係咁好.我覺得硬左小小.女朋友話OK-鳳爪好辣.平時中意食辣GE女朋友都覺得辣..-芝士炸豬扒卷.一黎到嚇到我地眼都突.大得好誇張.不過都OK GE-芒果梳打.冇咩特別.同女朋友食到好鬼飽.都可能會再黎不過唔知幾時喇.呢間係我食過GE野算最抵.不過話好好食就見人見智喇...

D味道唔差`ok好食不過D待應個樣超串 令到我唔想叫野食-,-基本上成班待應站係你前面 超有壓迫感-,-個樣好似叫你快D叫野食快D走咁...=__=其他我都覺得ok`=)

所有壽司卷物大到嚇死人$12-30，大家千萬不要以平時概念叫野食，因為一舊壽司都比平時的大兩三倍，拳頭咁大舊飯，鋪上間尺咁長的魚！見到就飽！好多第一次去的人，叫到成檯都係，黑哂面，too big n too much沙律大家都要小心$35，因為不是回轉那種小碟的，而是成塊面咁大個湯bowl份量，六個人都食唔完一份！最近加入泰茶，仍然超大份，碟加哩牛飯好好味，連冬瓜肉碎湯(total$38)，湯料多過湯，滿哂出黎，真材實料，飯又係多到三個人先食到一碟，好驚！叫新鮮帶子刺身，好抵食，但亦太多，四十蚊一打！跟本食唔哂！好節墮服務極差，待應老闆不停鬧交大叫講粗口，亦無禮貌！另外晚上開六點，但五點半就要門口排隊，但一定要數夠人頭才可入場！若果平唔到位，大家可以放棄，因為最小要再等個半鐘，即七點半至再有位！因為六點爆左後，入面既人要食個幾鐘至出黎，即係你響外面白企！

無視令人駭然既好壞食評比例叫左tuna魚,三文魚,帶子以及甜蝦因為時間關系而又怕左佢既服務貌似過差決定外賣一打開盒壽司果然大飯團大,上面的剌身更大像三文魚般長成兩倍第1樣試tuna魚...嘖...腥,臭,嘔心幾乎將你所有胃口消滅不論樣子還是味道勻像內藏跟住甜蝦出奇地不腥,而且還有甜味..吃得落跟住三文魚,一樣,腥,腥,腥同埋長最後帶子,又係腥腥腥腥腥腥腥腥食完真係好想嘔呀

店子稱6點左右開門 但朋友話一定要6點前排隊 唔係之後會好多人我地5點9 左右到左 , 我地排第2 , 前面係一家人 好多人 , 唯店子稱要夠人先比入 ( 無記錯係 ) 所以前面的爸爸很勞氣兒子在家打機仲未到 我們一行4人在樓上 , 冷氣都幾凍下 , 一坐低朋友就好興奮話要叫 [ 三文魚腩卷 ] $36 左右一碟有6大件 , 好多3文魚條 , 好抵食 , 唯每枱只可點一客 , 聞說遲一點來吃也沒有 叫左碟串燒 , 入面有好多件 . 有 雞 豬 同埋 雞腎 汁有2款 , 我比較喜歡吃液體的那種 , 但其他朋友都喜歡吃醬的那隻 當中雞腎最為好吃 三文魚sushi x N碟 都好抵食下 .. 三文魚都幾長 , 味道都唔差玉子sushi , 唔知點解佢地d 雞蛋好甜 , 唔錯 幾好食 仲ORDER左好多其他sushi , 無咩點食 以上全部都係朋友點 , 我自己只係點左一客 三文魚軟殼蟹米紙卷 ( 咁上下名啦 ) 好難食 軟殼蟹好油 , d脆粉好厚 , 變相真正的主角 - 軟殼蟹好細 , d腳好幼 , 又油又咸 ( 食一啖要飲好多水 ) 完全唔似一件軟殼蟹 , 大家都只係食

間野都食過幾次... 次次都係買外賣 (因為間野態度實在其差... 由其門口個收銀 )前幾日再去食... 間野態度好左 (起碼似番個正常侍應)因為早去關係... 食到三文魚卷...之後食左鰻魚壽司...炸軟殼蟹卷...等等呢間野真係抵食 ge... 人址 $50 可以食到你好飽 (可能舊飯大掛...)佢比起元綠/元氣個 d 又好食 d ge...價錢亦較抵啦 (當然比唔上中高級壽司店<西灣河如果想食好味 d ge 壽司... 可以羽呢>... 呢間野頂多中低至中級壽司店度)而家態度好左都會多 d 幫襯 ge...

與幾位友人特登到西灣河食大壽司等位都唔係等左好耐一坐低大家都好興奮咁叫野食香芒蟹子沙律 : 味道不錯,,但沙律醬唔係咁夠而且d芒果好酸三文魚刺身 : 厚切!!都有鮮甜的味道,,不錯赤貝壽司 : 幾爽口幾甜帶子壽司 : 甜美,,雖然比不上板前和峰壽司但已不錯了香芒軟殼蟹米紙卷 : 除左芒果較酸外,,整體來說不錯,,軟殼蟹不會太油加州卷 : 普通鰻魚肉鬆卷 : 同加州卷好似樣-v-搞到好似食緊2個加州卷咁炸生蠔 : 對蠔不太喜好,,個粉好似厚左少少d卷物好大,,根本冇可能擺到入口,,最後搞到全部散晒-v-service沒有什麼特別係落單時一個waiter覆左我地一次,,過左冇耐又一個黎覆..唔知做咩...總括而然,,價錢同質素係成正比的不要要求這裡能給你高質素的美食便可

起初因為人多已經要等成15分鐘+ (自問係無耐心既人)之後入到去,全院滿座, d抬痴到好實, 兩抬唔識既客要坐到埋一埋咁樣,空間超小不過裝修還算ok,但係點ok都增加唔到似間泰式 or 日式料理店既氣氛(可能因為人太多)埋晒位見到個擺位....O 晒嘴鼓油碟,骨碟放晒喺中間不但止,仲有埋張外賣+叫送紙墊底, 應該話係有心思定係似老麥...服務態度方面放野求其, 完全無笑容不但止,仲要擺個臭面不過因為價錢略便宜 (唔收加一同任何tips,做死班侍應咩?)食品又算ok(其實都唔係非常好...只係夠晒大份)幸好既係跟那個老闆娘無咩接觸(全程二樓食)所以未跟下面d食評咁咁憎個老闆娘...總之依間店真係完全無任何令人再有光顧既感覺而為食野而食野既人,的確可以選擇依度既

很久之前誤闖過一次，食物質素及服務令人難以置信自己身處所謂和食餐廳（詳見其他網友意見）。仲有，這地方經常補假休息，如果連續有兩日公眾假期，佢有本事之後要補番兩日假，敢問這地方的食物質素，服務及口碑是否匹配如此架子？如果負責人覺得疲累，為何不考慮投個學校食物部賣吓餅乾維他奶，學校好多假期架～

去過三次,服務都係超差~待應一副'唔休做"o既樣~最嬲果次係當日橫風橫雨,我同男朋友搵緊野食,見到呢間野難得無咩人,於是走左入去. 個待應話:"等位出去丫,呢到會阻住條路".但根本果時門口外內係一個人都無,真係唔明點樣阻住左佢條路~ 一出門口就淋雨,果到d人真係一d人情味都無!!呢次之後...住得好近o既我,以後都唔會再去!講真,佢d壽司...都係得個大字,叫做唔難食亦唔係特別好食,我懷疑佢果d唔係壽司飯tim~

其實已經唔係第一次食呢間壽司舖，同區還有好幾間壽司舖，但一直還是只會食呢間，主要原因，大件夾抵食。因為自己對食物要求不算高，只要不太差已經可以接受到。呢間壽司舖長期都好多人等位，假日起碼要等成半個鐘至一個鐘，之前食過幾次都係假食，次次都等到呆加累，不過冇計啦，其他舖又貴唔抵食，又唔係真係特別好味，還是揀返等．．．本人觀察過，最好係七點攞定飛，然後七點半至八點就有得食，如果八點先攞，就等到起碼九點，同埋呢間野好衰，會好多時話”暫停登記四位以上”，試過好幾次更寫”暫停登記”即是幾多人去食，都冇飛攞，真囂張，有時都好頂佢唔住．．．講返最近食過一次係上星期三，平日，放紅假前一日，八點五至十分去到，已經勁多人，等到成九點先有得入去食，叫左蛋，縵魚同三文魚壽司，再加個東陰公粉，壽司之前一直食開，味道一般，不太差又唔可以話好好食，但個東陰公粉真係唔錯，好多料，一點也不馬虎，好多隻蝦，勁多粉，大大碗粉只係$35，之前再試過咖哩雞飯，好值得推介，味道超特別，又係可怕的分量，重有個xx雞翼（唔記得個全名）又係好好味道，我認為呢度d泰國野重好味過壽司添。至於服務我覺得唔係其他食評講得咁差啫，咪又係一般服務．

大壽司標榜大份 抵食 唔收加一三文魚壽司$19 份量雖然double 但價錢都double*及包括加一 ($19 = $9 x 2 + $1)不過要被迫食double份量 選擇小 又質素差 (d飯暖 好核突) 侍應又目露兇光 好嚇人落order要分時段 "唔可以即刻叫壽司部做唔切" "要等15min至落order" 好麻煩* 一般三文魚壽司 $9

我係西灣河出沒, 好多餐廳都嘗試過了, 由其是西灣河區的所有日本餐, 間間都好鬼貴, 但味道又唔係太突出...唯獨自己比較鐘情大壽司, 三五成羣一齊去食大大件既壽司, 又的確好開心...!!但是~~~~~~呢間餐廳都唔知咩解, d services 我都唔明點解可以咁差...個女人又串又盛, 想食外賣又話唔做, 等位唔夠人又唔俾入, 個女人又樣衰又串, 唉, d services真係想俾0 分!!! 但係始終唔明白, 晚市大約5:45pm左右就會開始有人排隊, 星期六旳既話5:20pm都會開始有人排....明明services咁差, 但係都吹到咁多人去排(包括我)......沒計, 我是真的很犯賤, 又要去呢間野食又要受他們的氣......沒法子, 鬼叫佢抵食...雖然我口講就叫大家唔好去呢度食, 但如果你想食得飽既日本野, 而又平平地, 加上唔怕等位, 同埋睇waiter/waitress 的態度既話, 你可以try try, 我最喜歡就是炸軟x蟹手x.