大壹燒鵝 (啟田大廈)

营业中

休息中

好耐未食過咁好味既叉燒🥰大壹燒鵝不嬲都係我飯堂😝（瘋狂時期可以一個星期食三次🤣）環境舒服 坐得舒服😗～皇牌叉燒🤩油脂均勻😙入口即溶😋真係勁推薦～ 連埋白飯一齊食勁滿足～咕嚕肉🤩👍好有鍋氣！啖啖肉份量勁多！ 又係次次黎都一定會叫既餸😘～西蘭花炒蝦仁😙隻隻蝦都大大隻連埋西蘭花炒埋一齊好好味🥰絕對唔會有一陣青菜味🥹怕漏既朋友可以專攻呢樣😊😊～大壹炒飯粒粒分明，而且份量好多好好味，又有鑊氣，果然係佢哋招牌菜🥰值得一讚嘅係佢嘅每一個餸都非常豐富🤭🤭全部都新鮮好味道 😍😍

👧🏻😋👅🍽✨藍田街坊飯堂🤗-大壹燒鵝🇭🇰 藍田啟田道51-67號啟田大廈地下1A, 2-4及6A號舖 🇭🇰-1️⃣ 餐廳絕對唔係普通燒味茶餐廳, 連小菜都有好多選擇, 除左地鋪有大量卡位, 上幾級樓梯仲有大圓枱, 岩晒一家大細黎食飯 1️⃣ 座落啟田邨同匯景花園中間, 平日7點左右已經全院滿座, 門口大排長龍, 好彩廚房出餐快手, 轉流都算快-🦪 酥炸生蠔 $188💯生蠔大大隻好厚肉, 炸粉薄身, 冇落好多調味料, 食落係蠔肉鮮甜味, 肉質非常肥美; 另可選薑蔥生蠔-🦆 燒鵝油雞雙拼飯 $68肥叉燒腩雙拼飯 $56✨門口玻璃掛晒擸擸令漲卜卜既燒味, 叫左兩個雙拼飯自製四拼😂 師傅刀功一流, 更欣賞佢每款燒味都有適合既醬料, 仲要係自家調配唔係來貨✨燒鵝油香十足; 油雞嫩滑無比; 肥叉蜜甜燶邊; 燒腩皮脆鹹香-🕊生炸BB鴿 $68💯見D燒味咁正都叫隻乳鴿過下癮, 咬落脆口多汁-🧋凍飮奶茶 跟餐 +$7✨茶底濃郁, 係港式正宗風味, 用碎冰夠凍!

大壹燒鵝 kitchenone.gooselt主打自家燒製～燒味😙店內自設工場我當然要叫佢地招牌燒鵝同叉燒食下啦。叉燒、燒鵝飯配鹹蛋半隻 叉燒係我最愛😍半肥瘦叉燒～肥瘦均勻外皮燒得微燶香脆😜好香蜜汁味～唔錯燒鵝入口帶油香～鵝皮燒到皮脆有光澤好味道👅😋必點推介啊佢哋除咗主打嘅燒味之外晚市仲有不同嘅小菜、粉麵叫咗兩款小菜～即叫即整🔥上碟新鮮熱辣而且份量都好多‼️價錢相宜💰都幾抵食芥末牛柳粒 ～ 芥末醬食落帶甜味～唔會太辣配上肉質幼嫩🥩牛柳粒～幾juicy 椒鹽鮮魷 ～ 金黃嘅脆漿包裹住鮮魷入口口酥脆😙鮮魷夠彈牙仲叫左兩杯飲品～凍檸茶 & 凍奶茶 📍藍田啟田道51-67號啟田大廈地下1A, 2-4及6A號舖#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #美食日記 #美食交流

隱世燒味店-位於藍田地鐵站A出口一出，行大概3分鐘就已經度，位置方便-餐廳裝修大方整潔，除咗燒味之外，亦都係有茶餐廳食物-餐廳有套餐選擇，一個湯+一個燒味加兩個餸，$298，性價比高-老火湯，十分足料完全沒有味精，係家嘅感覺。-招牌燒味就揀咗叉燒同豉油雞雙拼，叉燒非常之香，半肥瘦拼埋一齊，一啖咬落去，實屬幸福嘅感覺。豉油雞亦都滷得非常入味，味道唔會過咸，恰到好處。-蝦仁炒西蘭花，蝦仁爽脆彈牙，西蘭花滲透住蝦仁嘅鮮味，新鮮爽脆。-薯仔牛柳粒，薯仔經過油泡，配上蜜糖，牛柳烹調唔會太熟，亦都配上黑椒同蜜糖，將個味道提升。

今日要去藍田開工，食lunch見到呢間餐廳門口d燒味好吸引就同同事入去試下😋1️⃣大壹燒鵝河粉燒鵝肉質好嫩滑，鵝皮好薄，唔會連住好大舊肥膏，河粉係偏爽口，唔會痴埋一pat,湯底香濃但唔會好咸，配埋辣椒油超正👍🏻👍🏻2️⃣油雞叉燒瀨粉叉燒真係超好食，外皮燒到少少燶，咬落口好香之餘個表皮d糖係會痴牙😍😍😍，然後肉質係肥瘦相間，咬兩下就好似係口到溶左禁，係我暫時食過最好味ge 叉燒💗💗💗油雞d肉都好嫩滑👍🏻3️⃣貴妃雞叉燒瀨粉貴妃雞皮夠薄，唔會好多肥膏，雞肉🐓嫩滑，蔥油應該係自己整，d蔥好大粒，唔會好咸，配埋雞一齊食好正😋瀨粉彈牙，浸左一陣都唔會變淋，好好味😋呢到所有熱飲都用黑白牛杯，雖然檸茶茶底有d苦，但真係好鍾意隻杯，好靚😍總結：以lunch來講，$60來蚊食到燒味已經算抵，仲要禁高質真係好難得，下次會再去藍田一定會再幫襯👍🏻

每次做嘢行過，都忍唔住要入去食個咖喱飯。呢間茶餐廳，乾淨企理又光猛，無論普通卡定卡位仲有軟墊，要食過高質素快飯必選之地。咖喱牛腩飯個餐熱辣辣送上枱，咖喱香氣四溢，牛腩炆得超淋，加埋薯仔、洋蔥、青椒等配菜，送飯一流，食完成個人好滿足！

今晚同屋企人去行下街順便食埋晚飯，嚟到藍田地鐵站附近的大壹燒鵝。晚餐時間有晚市套餐，三餸一湯跟白飯二碗都只係$298，平過自己買餸煮飯，好抵食！一落完單，兩碗老火湯已經送上，湯好足料，有滿滿的青紅蘿蔔和豬肉等材料。椒鹽鮮魷，新鮮炸上送上枱時仲熱辣辣，魷魚炸到好酥脆，魷魚質感完全唔鞋口，配上椒鹽更惹味！燒汁薯仔牛柳粒擁有濃郁的燒汁味道，，炒得好有鑊氣，三色椒爽口，薯仔微甜，口感豐富，而且份量多性價比高！金銀蛋浸時菜，時菜揀了菜心，菜心新鮮配上上湯味道不錯！套餐可以優惠價加配飲品，而且份量多十份足料！

大壹燒鵝（藍田） 今日去藍田探朋友，佢話帶我去藍田鎮山之寶食晚飯，去到餐廳門口 已經畀店吸引著， 好想快啲入去食， 可惜門口排長龍，需要等位。餐廳一出地鐵站就係，好容易去到。店舖分開上下兩層，間隔闊落，燈火通明， 令人有一種舒服的感覺。1. 燒鵝叉燒飯大壹燒鵝比較出名嘅係燒味，所以我地就點咗個雙拼衫，有燒鵝有叉燒。燒鵝份量多，皮脆肉多。外皮薄薄一層，又香又脆，充滿油香，鵝肉就好滑。叉燒表面焦脆，有好多蜜汁，食落肉質好鬆化。2. 薑蔥斑腩煲斑腩煲熱辣辣、好香、好惹味。斑腩大大舊冇骨，魚肉好滑好厚身。另外，仲有唔少薑同香蔥，成個煲好香口、好惹味，送飯一流。3. 黃金炸蝦黃金炸蝦賣相一流，隻隻蝦都好大同埋炸到金黃色。蝦球表面佈滿鹹蛋黃醬，好用鹹香，有啲沙沙地嘅質感。咬開薄薄嘅外皮後，就品嚐到彈牙大隻嘅蝦球，非常好味。

之前係銅鑼灣食大壹燒鵝專食燒味，上次食咗燒味賴粉，今次去藍田，原來仲有晚飯小菜燒味燒味套餐💰$298/2人餐🥣超牌足科老火靚湯 2位用呢日係蓮藕豬骨湯，幾好飲🥢燒味雙拼（任選兩款）大壹叉燒皇估唔到小店都整得好好食，又腍又入味，送飯一流玫瑰豉油雞咁啱係雞髀，啱晒我，啖啖肉又滑，豉油唔鹹都好夠味🥢芥末牛柳粒牛柳粒非常腍，有少少芥末味，唔辣但惹味🥢豆豉鯪魚油麥菜必食一個菜，一向鐘意食呢道，簡單好食🚩大壹燒鵝 (啟田大廈) (藍田)‼️藍田啟田道51-67號啟田大廈地下1A, 2-4及6A號舖

中午食個飯，估唔到佢D燒味又唔錯。肥叉唔韌，我最憎叉燒韌到鞋踭咁，燒腩皮脆帶點肥，唔係隔夜腩。埋單60蚊。下次試吓燒鵝，希望keep 住水準，D燒味去得快先夠靚。茶餐廳黎講算係唔錯，好過酒樓食。

今日工作得太夜沒時間回家煮晚飯，就在附近吃吧！啟田有個商場都有餐廳的，但我們都是喜歡來這裡吃。因為這間除了燒味了得之外，小炒都很有水準的。每一次來這裡都是人頭湧湧，那一個時段都是坐滿食客的。超值滋味二人套餐餐湯～～～紅蘿蔔合掌瓜煲豬展湯🥣這湯很清甜又潤喉，用上紅蘿蔔合掌瓜煲豬展真是絕配。招牌大壹叉燒皇併香妃雞🐔這個不用多介紹，差不多每枱食客都會點的，招牌大壹叉燒皇色澤均勻，師傅掌握到位一層層肉燒得很夠火候，而香妃雞皮很爽肉質很嫩滑。椒鹽鮮魷🌶️這個椒鹽鮮魷炸醬不會過厚，每件炸到金黃色很吸睛，鮮魷新鮮嫩滑美味。涼瓜炒牛肉🥩這碟涼瓜炒牛肉香噴噴，大大碟很有鑊氣，涼瓜清甜爽脆而牛肉肉味香濃醬汁惹味。

其實我已經幫襯過大壹嘅堂食好幾次，每次都食得好滿意！今次自己喺屋企煮飯，就順便買半斤叉燒返去加餸！我專登叫收銀落單時俾半肥瘦叉我，點知佢話：「我哋淨係得半肥瘦㗎咋」🤣睇嚟如果想食瘦叉嘅朋友就唔啱喺度食喇，不過叉燒唔肥又點會好食呢😝大壹嘅叉燒無論係堂食定外賣水準一樣咁高！每舊都充滿蜜味同焦香味，瘦肉同肥肉大概係6/4嘅分佈，有脂肪嘅香軟得嚟又唔會太油膩，就係擺耐咗凍咗都仲係好食！不過我個人建議用氣炸煱輕輕翻熱一下，會更正！下次大家煮飯如果想斬料加餸，絕對推薦大壹燒味！

大壹燒鵝//超值滋味套餐（三餸一湯） $298 放工約了友人在藍田附近晚餐，隨便看看發現了大壹燒鵝的套餐。招牌足料老火靚湯 (8/10)看到湯的顏色已知一定很足料很夠味！果然不出所料，真的落了很多料來煲這湯～可見落了眉豆，豬肉，冬瓜，南北杏，陳皮等～很夠味，但飲完不會口乾～以跟餐送的湯來說很高分！燒汁薯仔牛柳粒 (7.5/10)上碟已經聞到很香，很有鑊氣！😍份量很多，牛肉有肉味而且很腍，薯仔和青紅椒亦很好吃。略嫌薯仔的表面雖有煎過，但沒有脆的口感，但調味很好！咖哩薯仔牛腩 (7/10)上枱店員打開蓋時是滾的，很明顯是即叫即整，值得表揚～👍🏻咖哩有椰汁味，不是太辣。牛腩和牛筋沒有過韌，口感恰到好處。椒鹽鮮魷 (8.5/10)鮮魷炸得很脆，炸皮只是上了薄薄的，不會吃到成口粉，魷魚很新鮮彈牙 ，而且每顆都大大舊，不會炸到散修修。加上表面的炸蒜，再添加了一點辣味，令整碟菜味道更豐富～雖然有一點點略鹹，但用來送飯剛剛好！是整餐最好吃的一道菜！😛跟餐加熱飲(+$5) / 凍飲 (+$7)雖然是二人行套餐，但份量一點都不馬虎，絕對足夠三人。唯一美中不足是燒味在八點時已經賣完🥲

一向鍾意食燒味, 最喜歡食半肥廋叉燒, 之前常去美心快餐, 因佢燒味水準平均, 可惜現在美心快餐越來越少分店.今次去咗一間叫📍大壹燒鵝📍, 格調同高級茶餐廳類似, 除咗有燒味, 炒粉面飯, 小菜. 仲有個燒味外賣部, 好有規模. 今日叫咗午市燒味餐套 , 叉油雞米粉同奶茶, 可惜冇哂半肥廋, 碟叉雞份量可, 但外型平實, 碗米粉連一條菜都冇, 唔算均衡飲食, 好彩啲叉燒肉質結實, 叉燒沾上濃濃蜜味，叉燒皮帶有少許焦焦味, 油雞則味道正常. 總括來說, 大壹嘅叉燒水準唔錯, 可再食.

純粹點了一個地方，再選擇評論是好味比較多的茶餐廳試吓。不知道是否太早到，遇到一些懷疑是中午或者下午未賣出的再加熱食物，所以口感比較差😑😑😑我選的是套餐，$298，三餸一湯。1. 叉燒香妃雞雙拼：叉燒超肥，每片大約七成脂肪，你可以看圖 😨，雞肉肉質一般偏下，較老。2. 菠蘿咕嚕肉，外皮非常煙靭，感覺很乾身，肉質非常實，但還能用牙咬的，就是費牙力 😬。我極度懷疑是再加熱或再返整食物，因為我查看之前網友發出的相同餸菜照片，單單顏色就已經不同了！我這碟是返炒的？！3. 唯一新鮮製作的是豆豉元貝蒸豆腐，新鮮熱辣，一定是即整的😆，沒有怪味，真材實料，能發揮出食物原本的味道。4. 白飯和湯水中規中矩，可以接受。服務上熱情好客有禮貌。但環境衛生比較惡劣，坐的座位已經有很多陳年污跡，另外就是發現了一隻蚊仔。總結來說，CP值很低。