大圍合發雞粥 (已結業)

今晚車完女朋友返屋企，有啲肚餓想食宵夜，心諗反正都過咗嚟九龍唔爭在入埋沙田大圍食燒乳鴿同雞粥啦。其實，呢間合法由細食到大。不過，以前就係放暑假同朋友踩完單車黎食嘅，宜家就揸車過黎，貪佢多街位迫車，亦算係支持下香港本土美食店啦，因為真係買少見少紅燒乳鴿同細個食一樣咁入味，唔似出邊食嗰啲咁得個炸字。呢味紅燒乳鴿，我比4/5粒星。雞粥個雞粥就有啲失色啦，唔知係咪太夜黎食呢，啲雞依然有味，粥雖然算滑但就冇雞味🤔。今次只可以比3/5粒星，希望下次利息會好啲啦

細細個已經喺度食宵夜，喺呢度有一份情懷～最欣賞佢又有粥，又有港式小菜，又有潮州打冷。推介下幾樣必食嘅食物：蠔餅：又新鮮又大份又足料，蛋漿同埋蠔嘅比例啱啱好！蠔仔粥：個人來講覺得好食過雞粥，可能因為我比較鍾意俗稱「熟飯溝水」嘅潮州粥比較冷門嘅：蒜蓉蒸茄子：最好食最好食係佢個粉絲底，撈左蒜蓉同埋豉油之後一流！滷水拼盤：識得潮州打冷梗係要食啦～除咗點辣椒油之外，記得問佢哋攞蒜蓉醋！沙拉骨：唔知而家大家仲識唔識得嗌呢個菜式～簡直係自幼嘅美好回憶！

傳统潮洲打冷現在已買少見少，朋友們約了在大圍附近，行過見到合發，聞到陣陣炸蠔餅味。不用選就入去坐底。地方都算大，有兩層。'一口氣叫了香煎蠔餅，椒鹽鮮魷，磠水三拼，鹽局烏頭，合發小炒皇，還有沙爹金菇肥牛煲。味道當然夠鑊氣。我最喜歡小炒皇，腰果蝦干魚仔夠惹味送酒一流。

讀書嗰陣，好鍾意去北角七姊妹道某間打冷食宵夜，不過間舖頭早10年已經執咗笠。唔知係唔係美化過去，硬係覺得好難再搵到一間打冷同以前果一間媲美。畢咗業之後，試過好幾間都搵唔番嗰一種味道同感覺。但係人總要向前看，而家通常我只會去兩間打冷食，一間係旺角，另一間就係大圍呢間。其實間野個名係同打冷一啲關係都冇。就咁睇個名會以為佢真係食雞粥嘅鋪頭，不過你入到去就發現，其實嚟呢度食客，主要係打冷叫小菜。年紀大左，好難好似以前後生嗰陣咁，叫好多嘢食。今日只係叫咗兩個餸，因為想食返啲熱野，所以叫咗一個沙嗲肥牛粉絲煲，另外叫咗碟滷味。沙嗲肥牛粉絲煲比想像中多汁，而且較稀。味道都ok。可以叫個飯撈汁食。如果你係大食既，我都建議你叫滷味拼盤，因為又多又大件又抵食。不過，如果你只係為食既，我就建議你揀你想食既滷味。我今次就揀左豬耳同生腸。呢度既滷味係好味嘅，夠入味，加番支啤酒就very good喇！不過今次隻豬耳就多左少少毛，清理得唔夠透徹。平時我仲會叫豬紅、蠔餅等等，不過真係食唔到咁多。

大圍有兩間打冷我都會去食，一間近顯徑，一間近港鐵站。我自己就比較鍾意去呢間食一來近，二來都有一定水準滷味有個拼盤，不過太多食唔晒，所以通常雙併或者三併。留意番，雙三併係無得㨂撚手野，例如鵝片鵝掌之類另外，蠔餅、鵝肝都係我嘅心頭好炸頂鴿，皮脆肉嫩，個皮睇落就燶左少少，但食落唔會比出名舖頭差小菜都係有好多選擇我鍾意食牛仔骨，所以㨂左蜜椒牛仔骨。夠淋夠香，甜甜地又有黑椒香味。如果乾身啲就十分好喇呢度其實仲可以食雞粥、打邊爐等。雞粥啲雞都好滑咖，邊爐我就無打過喇

呢間嘢之前食過唔錯,但最近幫襯過啲嘢貴咗好多重點是又難食,炒碟菜都成舊水,乳鴿都八十幾蚊隻,啲火記又態度好差!大排檔呢仲要收10%服務費.真係可以同大家一講唔使去

毫無服務態度，落單時侍應黑面呼呼喝喝都唔止水杯、碗筷油林林，用熱茶洗極都感覺油黏，衛生環境一般😕上菜速度慢，一開始等左15分鐘先上魯水拼盤，隔多20分鐘再上炒雙乾、然後催左三次、等左40分鐘先再上其餘兩樣、仲要係攤涼左唔熱嘅 魯水雙拼：墨魚+鵝腸魯水汁夠味，底下有豆腐，芽菜墊底韮菜花炒雙乾銀魚乾脆卜卜，蝦乾又香口，腰果又香口，送飯一流煎蠔餅味道一般，啲蠔都算大粒，不過佢碟都無咩味道，而且入口油膩紅燒豆腐斑腩煲上菜時一啲都唔熱，豆腐同啲斑腩中間係凍嘅。。唔敢再食！

食物ok，價錢正常，但服務非常差，食到一肚氣，有位曲髮眼鏡女侍應，真係十問九唔應，好聲好氣話「唔該一罐可樂」，叫幾次，應都唔應你，最後黑口黑面叫另一位哥仔拎比我，都算了，第二次再加飲品，都係唔應人，將罐可樂大大聲啪一聲掟係檯面，其實會唔會佢以為我是來打工的? 另外，朋友先到此餐廳搵位，我地後到，朋友話當時問佢可唔可以坐上層，因為這餐廳有兩層，一般上層人流比下層少，我們有兩個BB，因地方比較迫，只想避免坐下層侍應在BB旁拎住熱野食，怕危險，點知佢大大聲鬧我朋友，話「無得揀，邊有得揀坐邊，上層同下層d櫈一樣，點會BB坐唔到，無得你揀,....」下刪一百字，一路重重複複鬧，鬧到全餐廳客人都擰過黎望住，我朋友一個女人抱住個BB，企係度比佢鬧，無一位侍應來幫忙，朋友話如果不是已約好在此餐廳，佢一定不會坐下! 其實如果佢解釋「上層現在不入客，坐下層啦」，我地會完全接受，何必甘樣鬧人呢? 朋友唔驚，個BB都嚇親吧!呢間餐廳態度一般就一向都知，好多朋友食過都知係態度一般，以前幫襯是本著反正都是飯店仔，態度不是很好都是明白的，而且以往都是坐上層，侍應拿著熱野食在BB旁行過的次數比較少，就算帶BB，都可接

今次帶大家嚟到大圍，唔食西餐，嚟到呢間合發海鮮飯店，食下小炒。去大圍近油站附近嘅位置，有好多間舊式嘅茶餐廳同埋飯店，間間嘅質素其實都唔錯，每一次嚟到都有一種花多眼亂嘅感覺，有選擇困難症嘅你，不妨來呢一間合發試吓佢哋嘅小炒，有好多道菜都整得幾好味嘅！今日放咗工，成班同事約10個人嚟到，叫咗好多個餸，其實佢嘅菜式都幾多，我哋一人叫一個咁上下，都夠咁多人share嚟食，每人又試到唔同嘅餸。由於太多餸嘅關係，以下落嚟，影住其中一版餐牌俾大家睇一睇，各位亦都可以喺嚟之前，諗定有啲乜嘢想食。生滾滑雞粥＄150（一鍋）其實都幾大鍋，咁多人食，每人食啲，都夠食嘅，佢嘅雞幾滑，雞既雞油味慘左落成碗粥裏面，而啲粥都煲得好綿，連平時唔多好食粥既我，都覺得幾好味。蒜蓉炒莧菜莧菜成本其實幾貴，但佢都炒左幾大碟出嚟，菜嘅葉都好鮮嫩，莖都好爽口，炒出來亦好救鑊氣，幾好送飯嘅！菜心菜心亦都炒得好林！香炒蜆仔肉＄55呢一種飯店炒出來既蜆，品質一定有保證，所有嘅調味都啱啱好，將蜆殻同埋蜆肉嘅味道到揮發出嚟，蜆肉亦都好大隻，呢個價錢都算幾抵！椒鹽白飯魚＄85呢度菜最緊要係裏面既肉夠嫩，整得好唔好食，都好睇間餐廳嘅功架，佢哋

大年初二係車公寶誕，老公第一次去拜車公，點知上網睇原來夜晚都開，咁就去試下裝頭注香...去到大圍8點幾又未夠鐘又未食晚飯，一場入到大圍緊係食雞粥，呢間係我推薦既，佢既雞粥、小菜同打冷確係好有水準，以前佢既泥鯭雞粥係非常正，不過近呢1-2年無左呢款粥，小菜款式就反而多左，打冷菜滷水汁好掂，今次除雞粥仲叫左豬頭肉，意思係發過豬頭，其他就無咩特別意思，只係好想食，佢既bb乳鴿都好正，脆皮入味！脆皮正鼓油皇炒麵滷水夠正耳爽脆👍🏻雞粥

年初一拜完年，到處食肆都沒有開門男朋友駕車由田心村一直找，直至找到近火車站附近的大排擋有開門，左思右想之下，去了比較人多那一間南乳粉絲什菜煲 $75都幾大煲，入面有菇、魷魚、粉絲、不同種類嘅菜、其實食呢個餸都夠飽，不過有少許不足，就是南乳味不夠濃，或者可能菜煮完之後會出水， 所以多水之下變得南乳汁被沖淡潮式蠔餅 $90同什菜煲份量比想像中大好多，每粒蠔都好多粒外層炸到好鬆，宜家夾開入面都有好多汁奇妙沙拉骨 $70上面鋪滿很多沙律醬，炸到好鬆軟，肉質好稔，餸飯一流整體都唔錯，價錢中上，結果食到我哋要外賣拎走

點了BB辣雞煲。。果然BB辣。。雞的份量都足，而且唔會好老，都幾好。火鍋料款式唔多，雞煲隨後只係只點了4樣東西，已經好夠食。。幾個人吹吹水都唔錯，現在環境係燥啲。。。不過係正常。唯一唔好，就係要搭枱。。

Brilliant restaurant with the old school feel that sometimes you crave for. Came with three friends and sat on a table right outside the restaurant. Waiter comes over and plops over four bowls, chopsticks, and spoons in a large metal pan and a large jug of piping hot tea. As we cleaned out utensils, we look around and see how no frills this place is......table on a sidewalk right across from a basketball court and a gas station haha. We order 2 small roast pigeons, which were perfectly cooked as

大圍的打冷算是滿有名氣，這次到的店家，已經到過兩次，也剛好是裝潢前後。至於再來的原因很有趣，其實上次吃小炒覺得無甚特別，但友人一直強調同事推薦，所以這次主打潮州打冷。打冷必點：韮菜豬紅鹹淡適中，本來是一道沒什麼驚喜的菜式蠔仔肉碎粥蠔仔的份量滿足，大小均勻，可惜不太吃到大地魚的精華鹵水三拼（生腸、豬大腸、腩肉）$90多的三拼要是份量不足就會罵人了～不容易入味的生腸也有一定的鹵香而不失爽脆，豬大腸沒什麼值得點評但是腩肉呢～說是95%都是肥膏一點也不誇張，害到我們吃一點就覺得超膩其實市區有打冷舖比這家還便宜好吃，所以小炒打冷都嘗過，滿確定自己不會再來

看過網上評語，覺得這間頗不錯，未試過在這附近食嘢，今天約了舊同事試試，去到剛巧裝修，幸好門前有個指示牌，叫我們改去合發飯店，我們二人點了五款東西，實在有點誇張，先講方魚肉碎粥$38一碗，份量正常，味道起初不太差，但食到最後發覺很鹹，可能啲鹽墜晒落底，呢點有待改善，椒鹽魷魚，賣相OK兼份量不少，$75貴少少啦！一碟筍蝦，朋友話是蝦，我話應該係筍，因為$40冇可能係蝦，碟餸嚟到果然俾我估中，好大碟，全碟筍都冇渣，証明啲筍唔老，餸飯或者當小食都冇問題，因為一啲都唔鹹，有少許辣椒，跟住講下隻炸BB鴿，真係BB，不像其他地方把大大隻老鴿話係乳鴿，有點內咎，出世冇耐俾我哋食咗，炸得好脆，就算唔點椒鹽同汁都好味，$35好抵，最後係碟蠔餅，真係好耐冇食，極之想食，一嚟到好鬼大碟，被它嚇親，因為我們只得兩個人，個侍應哥哥叫我們慢慢食，但最後都要攞個盒打包，實在食唔落，但其實係炸粉多，其他地方啲蠔餅係一餅過，呢度係細細件一件件點粉炸，所以咁大碟，蠔餅嚟講中規中矩，$65可接受，寧願細碟啲，唔好咁多粉，整體嚟講滿意，冇茶錢，冇加一，外賣個盒錢都冇收，埋單$253，仲想點，而且這間舖有兩層，我們坐樓上窗邊位一