大喜慶

今日午飯去咗由高師傳開的大喜慶私房菜食午飯，午市—人餐$88可選—款小菜包例湯，炒菜，飯和糖水。我們十個人選咗十款小菜，諗住每碟餸都唔會好大碟仲叫多幾碟小食，點知嚟到碟碟都好有份量，十個人分完都仲有剩！ 蒸水蛋蒸得滑，麻婆豆腐香辣，咖哩牛腩入味，士多啤梨骨酸酸甜甜好開胃，全部用來送飯一流，仲有叫咗蝦仁炒蛋，粉絲煲，東坡肉等等， 雖然都係家常小菜，大部份餸都煮得好好味！…查看更多

第一次去呢間私房菜吃午飯，隔局同其他私房菜差不多，地方不算太大。因為一大班人去食的關係，可以試多少少唔同的菜式，食物都不過不失，白飯白粥原來又可以任添，說真的，個甜品係幾好味！只是服務態度不算太好，上碟比較粗魯，但好像只是一位哥哥仔有這問題…       …查看更多

Im not gonna waste time with this review. This private kitchen is absolute rubbish. Even were it not for the bloody large dead fly I found swimming deep in the soup, at best the other dishes were mediocre and the service rubbish.Upon discovery of aforementioned fly, wait staff response was a mere "Oh". No apology, just a signal to me that, "oh, yeah, it happens. Its not the first time we've seen it."Rubbish. The other non fly infested dishes were at best average. The chicken bland and unappeasingly presented. The ribs were poor quality meat, 80pct just fat and gristle.There are much better private kitchens around, no need to come to this one.…查看更多

是日朋友約到位於灣仔商業大廈上的”大喜慶私房菜”午膳, 也是我第一次品嚐高師父的手藝! 自銅鑼灣的"大喜慶魚翅酒家"結業後, 高師父在此以私房菜形式經營. 以保留其對美食的堅持, 也為了這份堅持, 在內地斥資成立自已的醬油王國, 醉心於醬油研發, 出品一系列醬油醬料.友人也是第一次來大喜慶私房菜, 在該址開了三年, 環境有點雜亂, 地方不大, 兩旁牆角堆放不少雜物. 坐下後服務員二話不說便放下午市餐牌, 午市套餐$88/位包例湯, 白飯或白粥, 青菜, 甜品和加一服務費, 認真實惠! 接著奉上茶水及午餐例湯, 連菜單還沒來得及看的我們, 當時的感覺是否來了一間藍領飯堂? 友人與高師傅相識, 詢問之下才得悉, 高師傅 除了有客人指定和包場,已鮮有來店打點了.接著友人問午市套餐外, 是否可有其他選擇? 服務員等的語氣和態度才開始有所改善. 友人點了花膠燴蛇羹, 豉油皇炒鱔片, 蟹肉扒豆苗和楊州炒飯. 其實到此刻我對此食肆已沒多大寄望了, 花膠燴蛇羹 ~ 當時服務員要到廚房確認有否? 此情況下我們不應該堅持. 果然不出所料, 賣相雖不差, 但羹湯除了有鹽的咸味外, 嚐不出任何味道來! 連應有的配料如菊花, 檸檬葉, 薄脆等……也欠奉! 我喝剩下大半碗, 實在沒辦法嚥下!豉油皇炒鱔片 ~ 有鑊氣! 豉油皇的鮮和鱔片的爽脆. 出奇意外的好!蟹肉扒豆苗 ~ 本來友人擇蟹粉扒豆苗, 卻因沒蟹粉而改為蟹肉! 又是一個錯誤的選擇! 蟹肉肉質死實全無蟹味, 味道一般! 楊州炒飯 ~ 傳統炒飯! 料足! 不過不失!溫馨提示: 來這裡不要選擇泠門食材, 一般大路食材應該可以! 廚房出品還算不差! 這可能因為高師父始終是廚師出生. 一切在掌握中! 但廳堂的擺設和服務略強差人意! 有很大的改善空間! 希望高師傅本人多留意Openrice的評語, 作出適當的改善! …查看更多

住左灣仔咁多年, 聽就聽過, 來就未來過, 反而係住９龍同事向我推介返轉頭, 好啦, 琴晚終於肯行遠兩步試一試佢~~成家都有街去, 得我同男朋友2個試, 叫得幾樣野~我地成９點先去到, 唔洗等位最好~~見到menu有黑松露魚柳多士@@即叫!多士好脆, 黑松露夠香夠味, 魚柳唔係主角無咩特別, 有成8塊, 2 個人食有d多, 我食左3塊, 留肚, 其他要男朋友搞掂哈哈不過值得一叫~~第2樣就係同事係咁推介ga士多啤梨豬仔骨la, 咁又真係唔錯, 好入味, 個汁好正,送飯係一流!!呢個應該係招牌菜~仲有就叫左佢ga花雕醉雞翼, 都好入味, 味都ok濃,唔好ga係太細份, 得5隻, 有d唔夠喉…最後係頭抽煎大蝦, 又係好夠味, 食到lamlam利,唯一唔好又係太細份,係好大隻,不過得5隻,我1個人都食得哂啦…同事仲有推介杏汁豬肺湯, 格離叫左,聞到人地好香呀~~不過我地得2個人無叫到, 因為都幾大盅下, 下次等埋屋企人先一齊試啦~整體都幾好唔錯,係食物份量難預d,不過私房菜係咁嫁啦, 多人食ga話落單真係要問下份量~~最後要提下個辣醬, 同事話係佢地自製,好辣….所以我地都8掛問佢拎左碟試, 橫掂唔洗錢, 鍾意食辣可以問佢地拎來試下~~…查看更多

之前有個friend話呢間D野好好食, 仲話食唔停口. 咁我就去左openrice睇過好多評論....但係好多負面評價...不過個friend介紹到就去試試菜啦..咁上星期五放左工之後就特登同女朋友黎呢度試試呢度D菜...黎到8點左右..等左5分鐘到就有位..咁埋到位就睇下個菜單..不過講真..睇完菜單就覺得D野好普通..好似到到都食到咁...咁是但點左兩碟送..點左士多啤梨豬仔骨同埋頭抽豉油雞...第一碟就先黎士多啤梨豬仔骨...其實一見到碟野就覺得好似好酸咁...點知放到入口就甜甜地,幾好食..同埋D肉味好夠...唔似出面只係食到D汁味...最重要係唔韌.....之後過左一陣頭抽豉油雞就上埋..OK好食..最欣賞既係佢D肉一D都唔鞋....埋單大約200左右..都唔算太貴既..不過其實講真....有DD地方唔係太滿意..就係D服務態度真係有待改善...D侍應無咩禮貌..粗聲粗氣...希望下次我再黎食既時候會有改善!不過至於食物真係OK既!!我會介紹朋友黎試下!!…查看更多

雖然OPENRICE上對大喜慶評語好壞參半，但一心試試香港四大名廚高師父手勢，點知中伏。六點半到達，不用等，全場只有三台客。點了＄299一位的二人餐。前菜點了羊肉串 孜然羊肉串一客六枝。上菜時嚇了一跳～～You've got to be kidding me⋯⋯雖然只是前菜，但也不用少得那麼可憐⋯⋯一隻豉油碟大少的碟上放了六枝“羊肉串”。 份量大少可能比較主觀，但為何其中兩串羊肉串上的不是羊肉而是羊肥膏？？又算喇，至於味道呢真係淡而無味，只係食到油“益”味。之後上湯，黑松茸元貝羹，賣相很好，湯上灑上黑松茸碎，味道還可以。但一食表面的黑松茸⋯⋯又中伏⋯⋯一食入口即刻成口沙⋯⋯以為是個別事件，但同行友人也是一樣。最後只好撥走所有黑松茸。之後上主菜，驚喜真係陸續有來可能係我黑或者拜神唔夠神心，主打草莓肉排的肉排竟然唔太熟！！咬落去有些少紅紅地色咬唔開！又再算⋯⋯一碟有六塊，兩塊咬唔開，四塊未食過，同佢講即刻收走話再煮過⋯⋯佢無呃我地，佢原碟“番煮”出到來仲要少咗兩舊，得番四舊。跟住係乜Q豆豉雞，雞只有雪味，但最大敗筆係斬雞過程⋯⋯鈍刀斬雞必定多碎骨，佢地簡直演活了用鈍刀斬雞的極至～～碎骨真係多到呢～～真係“啖啖骨”，死未？跟住的招牌蝦子柚皮，蛋白炒飯味道還不錯。最後送上甜品兩客，好像紅豆沙，又係少得可憐，大約只有兩湯羹的份量。死未？埋單六百幾個心好赤～～…查看更多

又買到團購餐，難得咁就腳，就試下約埋家中長老出黎試下啦。睇下個餐單，除咗牛展之外，我樣樣都啱食。先黎瑤柱松茸桂花羮，味道一般，冇乜特別。海蜇併汾酒牛展，不過不失。黑松露魚柳多士，塊多士脆脆地，我家小姐叫我whatsapp呢幅相俾佢，應該好啱年青人口胃。我最欣賞果碟士多啤梨豬仔骨，好入味，肉又滑，一D都唔韌。七菜蘭度珍珠鮑，主角應該係蘭度。我就幾喜歡，但鮑魚仔就有D硬，有D腍，唔係咁平均。但我地成碟一粒都食清。高師父頭抽豉油雞，拎黎果陣，夾起件雞真係幾高興下架，估唔到入面咁熟，肉質都唔算鞋。因為食完舊豬仔骨都飽咁滯，爭D食唔晒呢隻雞。窩上湯生麵一上場，大家就鬆一口氣，應該都到尾聲啦。我地已經冇乜胃納，但又唔想浪費食物麻。我地問侍應要咗碟辣醬，據聞都係佢地自製既，都幾辣架。蛋白杏仁茶就認真敗筆，做咩唔熱架?冇預先整熱D碗就裝出黎奉客，到上檯就注定失敗架啦，白白浪費咗呢個甜品既存在價值，畫唔到一個完美句號。做主管既，應該反省一下啦。侍應有禮，但招呼就唔算周到，冇人提點呀。好似公筷咁簡單既一項，佢地有提供，但就弊在冇同時俾多個筷子座或者碟用黎墊住，變咗一撤走碟餸，對筷子何去何從呢? 有骨落地既菜式，中途冇換過碟，其實都幾失敗架，我地都興環保既，洗少隻碟係好事黎。但好多食客唔會咁同你諗架。至於上菜方面，都做到不徐不疾既，可以講得上合格。只要服務改進一下，要有回頭客，真係好易架咋。你如果問我會唔會推介俾朋友? 我話: 會!…查看更多

慕高師傅之名, 購買了Groupon $399 之4人優惠劵, 後來才發現漏看了要照原價多付小費$183。雖然覺得價錢不便宜, 但是為了高師傅, 還是決定去試試。預約了12月27日8-10PM, 我們早了5分鐘到, 部長說未有位。餐廳不大, 人很多, 又嘈雜又擠迫, 我們退到電梯大堂去等。有些客人出來, 直駡: “高師傅一定很久沒有來, 怎麼這樣的菜式也可拿出來給人家吃, 服務也差得很!” 。我們心知不妙, 就看看怎麼樣吧!第一道菜是花膠四寶羹, 味道及材料很一般, 不算太差, 但也不算好。:(第二道菜是花雕醉雞翼, 4只小型雞中翼, 無味得來非常涷, 差點吃不下。第三道菜是頭抽煎大蝦, 4只中蝦味道本來非常好, 可是每隻均有黑色原整的一條蝦腸, 由於蝦已炸熟, 蝦腸很難清除。其實蝦開邊時, 很輕易就可以把蝦腸除掉, 但廚房就是沒有做這簡單而必需的工序! 第四道菜是古法羊腩煲, 看來真像一煲廚餘, 難怪人家說 ”怎麼這樣的菜式也可拿出來給人家吃”, 我們也有同感!” 除了腐皮是原整的, 其餘的材料都是碎亂的, 很難看出是羊腩煲, 我們一向愛吃羊腩煲, 就算是大排檔也從沒有吃過這樣不濟的! 第五道菜是頂湯浸菜心, 分量少不用說, 但是菜心還未煮軟。 第六道菜是高師傅鼓油雞, 極度失望, 比燒味店的更差: 1 不是新鮮雞, 2 鼓油淡而無味, 相信浸雞的鼓油汁已很久沒有調教味道。3. 雞是溫暖的,不夠熱。 第七道菜是臘味糯米飯, 味道還行, 應該是生炒而不是預先蒸熟的, 但有太多未炒開的白色糯米飯, 不算合格。 第八道菜是蛋白杏仁茶, 每人只有很小的一碗, 其中兩碗不見蛋白, 有蛋白的蛋白煮得太久變得粗糙, 杏仁茶不滑, 因為有杏仁幼粒。整體來說服務還不錯, 可能因為8-10PM 客人比較少的原故, 但大喜慶的廚房肯定不行, 這樣的水準, 不用付款我們也不會再來。在這裡吃飯, 最開心的是老公和子女不斷讚賞我的廚藝比這裡的廚師好得多, 可以去開館子呢!…查看更多

同朋友慶祝生日,又係試下新野。有朋友提議私房菜..所以去試下...:(但我們一行6個人..我們諗住私房菜會按人數去安排分量..但好明顯無,還要唔同人講...咁樣點叫私房菜呀....服務又無...真係好差.... 杏汁豬肺湯(1大盅夠12人飲,明明訂枱已經講咗人數..都幫您下大盅)，杏仁味好濃,膠質好重...不錯！真係要一試百花釀蟹拑:實到...我朋友食到一半放棄..雖然同拳頭咁大..但豬肉比蟹及蝦肉還要多...都無用啦....HK$100/隻唔值...炸子雞(全隻, 6個女人點食呀?!): 係好滑,但都係冰鮮雞,因無雞味....無特別之處..古法生炆龍躉尾: 好食,,但份量都係太大....蝦多士: 蝦都算大隻,炸得不錯...我提議要有8-9個人以上去...D分量太多..平均價錢唔平....…查看更多

食物味道還可以，可惜賣相差，但以咁嘅酒店級價錢就唔值，加上服務水準差，所以不推薦。當日是和朋友慶祝生日，預訂時留了每位三佰幾的花膠鵝掌。（無奈接受因之前忘記問價錢）當日一共六人再order湯和數個小菜，味道可以，一般份量只夠四位, 但以佰幾元一個菜的賣相竟然同大排當一樣的話就難以接受、、、服務方面亦都係比大排當更差！最後生日飯當然有切蛋糕，但竟然要收$50切餅費！經多翻理論後都要收$25、、、最後十點幾話要收工把我們趕走唔recommend 去試.…查看更多

I was so happy that my friend Carson reserved a table for the dinner with me last night. It is my first time to visit Hong Kong and I enjoy it very much. Since I have heard of the name of “Gourmet Paradise” of Hong Kong for long, I asked Carson to bring me to a traditional Chinese restaurant to try the classic gourmet, which is very famous in Hong Kong.The shark fin soup is nice and Carson said that it is a very traditional dish in Chinese style wedding dinner. I love the texture of the fin soup as it seems having so much. I have never tasted it before and I love it so much!! The most impressing dish was the “Skin of grapefruit”, it was cooked with “ha zhi”! I love this fresh dish as I haven’t ever tried this special “Skin of grapefruit”. Its texture was quite memorable as I can’t think of any food having similar texture. I don’t think that I can have it in any other country out of Hong Kong! It is amusing. Ribs with strawberries were wonderful and the taste of Strawberry was merged with the ribs thoroughly. Since there weren’t too many bones, I can focus on the taste of the ribs. Very fruity and refreshing dish! Chicken in top-class soya sauce is a traditional Chinese dish and I love this type of cooking method and the sauce for this Chinese style chicken as it is totally different from the way used to cook the food in my country.I was so surprised that I can have a try of black truffle, which was put on the top of the prawn on a deep fried toast, in a traditional Chinese restaurant in Hong Kong. The toasts are crispy and the black truffle refreshes me!!Thank you Carson for bringing me to this restaurant and teaching me to try this website for restaurant review!Hong Kong, I will be back!!…查看更多

琴晚老細請食飯,唔講唔知, 原來老細都「好」私房菜架!!佢話要去灣仔嘅大喜慶食,反正未食過,一行五個人去試下都好~! (最緊要係唔洗自己俾)雖然佢係私房菜, 不過個MENU都好多選擇!雞煲翅 - 只可以用四個字嚟形容: 份量十足! 湯底好濃好入味，仲可以食埋一齊上嘅雞同金華火腿, 兩樣肉嘅口感都好正, 嫰雞肉加一D都唔韌嘅金華火腿, I'm lovin it!南乳炸子雞 – 老細嘅最愛! 不過我哋依D做細嘅, 好為佢著想架, 幫佢分擔咗好多嘅膽固醇!! Wakaka!! 原來炸雞都可以好滑架, 真係估唔到! 啲雞仲要係皮脆肉嫰，食得出隻雞係好新鮮嘅~鑲蟹鉗 - 我從來未食過唔係炸嘅鑲蟹鉗, 所以覺得今次依個蒸鑲蟹鉗好特別!!! 佢又唔會令我覺得成口粉, 因為佢好足料, 有好多蟹箝肉喺裡面, 貨真價實! 而且吃得清一點對身體好D!頂湯焗芥蘭度 – 我好鐘意食芥蘭, 鐘意佢咬落去個種清脆嘅感覺, 個頂湯嘅味道完全融合D芥蘭裡面! VERY GOOD!!!古法生炆龍躉尾 - 好少食炆龍躉尾, 所以老細叫個陣都有D期待架!! 老細話依味通常係老一輩最常做嘅喜宴菜, 我係後生一輩, 所以無食過!!! Wakaka!! 食完都幾鐘意依道菜, 因為佢食落膠質豐富, 同埋最緊要佢唔腥!!!!!!! 加埋佢D魚肉嫩滑而味道濃郁, 初次食覺得不錯, 會再食!!菠蘿咕嚕肉 - 隔離枱介紹話好好食, 同埋侍應話廚師淨係會用新鮮菠蘿, 所以唔一定晚晚都有架, 咁都可以試一試!! 除咗菠蘿新鮮之外, D咕嚕肉亦唔係一般酒樓嘅菠蘿咕嚕粉, 最緊要係食落好juicy又唔肥膩!!!焗魚腸 – 我自己不嬲唔鐘意食魚腸, 因為真係十級怕腥!!! 依個焗嘅魚腸都勉強食到, 因為佢焗出嚟好香同無腥味, 不過都係一啖起兩啖止, 過唔到自己..喺度再多謝老細一次, 帶我食咗一餐滿足嘅晚飯!!…查看更多

返工實在太悶啦, 用手機打下食評先話晒大喜慶都係私房菜,仲要淨係$138就有成八道菜, 點都要試一試佢, 所以買咗佢個團購套餐! （佢就話本身個餐原價要$400! lol） 星期日仲未打風之前個晚就同屋企人一齊去試下, 三家人(我阿媽排第六, 加埋八姨同最鍚我嘅十姨)加埋有要有八個人,八個仲送一隻高師父頭抽雞添!!! 賺到喊!!! WAKAKAKA!!!!!等我話你知傳說中嘅私房八道菜有啲咩啦! 紅燒花膠絲黑松露蝦多士鮑汁蝦籽扒柚皮西蘭花班塊士多啤梨焗肉排頂湯焗芥蘭度蝦籽姜蔥炆麵蛋白杏仁茶+ 高師父頭抽雞本人係不折不扣嘅食肉獸!! 最正係個士多啤利焗肉排同個隻正頭抽雞, 第一係兩碟都好香, 第二係大家都好惹味! 由於本人比較懶, 唔多鐘意「吝」骨, 所以個排骨啖啖肉好啱我; 隻雞就更加唔洗講, 只可以用肥美去形容~!!! 我之前無食過頭抽, 仲以為無咩分別, 食完之後只可以怪自己係井底之蛙, 頭抽嘅味係香濃好多架!!!! 完全可以好成功咁吊到隻雞嘅鮮味出嚟!除咗香之外, 隻雞啲肉都好嫩, 啖啖鮮味雞肉真係無得頂~!! 黑松露配蝦多士就真係無試過啦! Fusion嘢, 一個字,正!! 用筷子夾起一舊蝦多士就聞到黑松露既香味，上碟個外型都幾吸引架!阿媽+阿姨s好鐘意個紅燒花膠絲, 話食落好痴口, 應該有好多骨膠源, 對皮膚好喎! 我就鐘意佢啲惹味嘅雲腿多啲啦! 唔講你唔知, 個紅燒花膠絲裡面竟然有翅, 當然個份量唔係有好多, 不過都係值得一讚!!!!個鮑汁蝦籽扒柚皮就係啲好晒功夫嘅菜式, 聽講淨係整都要整起碼三日先整到一碟! 佢用咗鮑汁同蝦籽煮個柚皮, 非常入味呢!!!我就比較欣賞個鮑汁蝦籽扒柚皮, 因為佢係啲好晒功夫嘅菜式, 聽講淨係整都要整起碼三日先整到一碟! 佢用咗鮑汁同蝦籽煮個柚皮, 非常入味呢!!!依度嘅西蘭花班塊味道不錯, 只不過不及其中的菜式特別; 頂湯焗芥蘭係用好正嘅上湯去煮個芥蘭, 味道很香, 不過我覺得芥蘭炒會好食啲~總結: $138 八道菜真係好抵, 仲要味道唔錯, 值得推介呢!…查看更多

前日晏晝同個客食飯,佢話去佢個邊間大喜慶食,反正未食過,試下無妨~叫咗三個餐嚟試: 焗金錢鱔、柚皮魚腸同蕃薯忟泥鴨我自己本身好鐘意食鱔, 加上佢用個隻頭抽嘅味同煎香嘅鱔好夾,雖然唔係特別鐘意食柚皮,不過佢D魚腸都整得幾香,我個客就好buy碟柚皮!個蕃薯忟泥鴨,可以知道個師傅嘅功架~D蕃薯唔會溶晒同好碎,D鴨又夠入味, 最啱我!!下次有機會會再約客去試其他菜式…查看更多