影片
今日带住人个老人家同一个细路仔，叫左两样野，另加两个小食，上枱卖相都吸引。招牌海南鸡槟城卤面两沟（米粉+油面），个鸡几滑，碗面好足料，够一大一细食😆大碗肉骨茶油饭，有4条排骨，加埋2只鸡脚，重有豆卜同油炸鬼，重药材，大份足料好食👍🏻小食都份都好食，要左无骨凤爪同沙嗲牛串。👍🏻
继续阅读
友爱邨附近多左好多野食。今晚求其拣左呢间鸡饭。估唔到个汤非常有惊喜。海南鸡饭正正常常，不过不失喇！猪颈肉饭都正正常常啦，有下次嘅都呢间。嘢饮比较有少少贵，如果可以平啲就更加好。
继续阅读
屯门的确好多好嘢食，因为要食个劲快晚餐，路过大哥鸡饭就入去最钟意未落单先有例汤奉上嘅食店，好浓嘅红萝卜汤，唔系例水选咗香蒜鸡饭，干蒜铺满响鸡上面，好惊喜，我呢啲钟意食蒜嘅就啱哂无骨鸡好滑溜，啖啖肉好爽，我叫少饭嘅，见隔离位男士个饭量好足，油饭但绝不油腻，钟意呢度乜嘢餐都可以选择油饭，正冻央冲得几平冲㖞，唯一一样要注意，我可能唔系好识手机落单（最后都搞到🤣），揿到重复落单，之前都试过，要小心啲经常满座，好在单身狗易揾位，$73好满足了
继续阅读
真系好难食，所谓既猪颈肉，又un 又厚，好似蒸完再煎，咖喱好似沟咗水，以前刚开业的时候，猪颈肉是招牌菜很好食的，但而家，真系难食到一个点，重要60几蚊，有得简唔好再帮衬佢，坐底左，迟过我地既已经食紧，汤都饮紧，知你好忙，但忙唔代表乱，重要的事要说三次，个猪颈肉真系好难食，好难食，好难食🤮
继续阅读
去左大埔大哥鸡饭试佢哋嘅海南鸡，真系好有风味！啲海南鸡煮得啱啱好，带咗啲椰奶同香料嘅香气，令人食落好开胃。虽然鸡肉只系尚可，唔算特别出色，但系整体黎讲，味道都几唔错。如果你钟意海南鸡，大埔大哥鸡饭系一个值得一试嘅地方。记得落单𠮶阵，叫多啲海南鸡啦，食多啲会更加满足！
继续阅读