影片
今晚晚餐比较丰富～叫咗牛腩大肠，鱼肉猪红，韭菜饺，油面OJ冰底～总共$76猪红唔会一夹即散～正韭菜饺～大粒抵食，有三粒鱼肉几弹牙，亦都有鱼香油面唔错^爽滑食得超饱
继续阅读
虽然呢间餐厅好似已经有几十年历史，但佢周围嘅环境都系好干净企理，一边系一排卡位一边系几张圆枱，好多位之余又唔会好多人好逼。入去嘅时候真系有少少吓亲，因为系冇人招呼嘅，点嘢食都系行入啲有个小厨房之类同佢哋讲。佢嘅便利就系可以即点即整即有，当然都要即刻俾钱。佢有好多嘅𩠌菜可以配搭底面$14加底要加$4，𩠌菜最贵嘅几款都系$15蚊。个人认为两款𩠌就已经够食。我就点咗油面+豆腐卜+鱼皮饺，印象中有几款酱汁但系我净系记得腩汁咖喱汁，我系加晒所有酱汁嘅。唔会太辣同埋𩠌菜方面都几多几足料。张相睇到鱼皮饺好似唔系好多但其实只系佢沉咗底😂😂😂虽然冇学生优惠，但系一碗$30足料、即点即有嘅车仔面都已经物超所值。三十蚊系普通茶餐厅或者早晨先有嘅价钱，但其实好多已经开始加价去到35/40等等，因此本人真系好推荐大家可以试下呢间威威小食，肚饿嘅时候可以即刻食到唔使再等十分钟喇！
继续阅读
耐唔耐都会返嚟呢度食车仔面，不过通常都会嗌净𩠌，由细到大不嬲都会叫通菜、鱼肉、萝卜、猪手同埋猪肠，不过而家戒咗猪肠，头先喺度谂紧叫啲乜𩠌代替猪肠，我记得上一次叫过鸡翼嚟食，觉得唔系好适合我口味，老板娘见我谂咗咁耐，就推介我食香茅猪扒，好！一于信下你。当我食第一啖香茅猪扒嘅时候，好食！估唔到咁有惊喜，佢块香茅猪扒似一间叫做小巴黎嘅越南餐厅卖既香茅猪扒味道，起码九成相似，我钟意❤️所以我下一次都一定会叫香茅猪扒。
继续阅读
细个面久唔久会食，但搬远左就好小帮衬。今日经过买碗外卖返去先。叫左三送一面牛肚，猪红，鸡翼尖，米线 外卖$44都几贵㖞，三个送咋㖞，加左咖哩汁唔通要加几蚊？！返到去打开食，好彩都ok，我钟意晚重口味仲系度，但真系贵，隔离两送饭有猪扒都唔淘40蚊，久唔久帮衬下可以啦，当揾返个童年回忆不过卫生就….
继续阅读
细个小学开始已经食呢间今日重游旧地 见到所以9秒9就试咗猪红大大嚿爽口唔散 都有3-4件 几好味牛腩略嫌偏碎 但系都好入味 猪肠不过不失 最紧要无臭味河粉索哂啲腩汁 唔错买三𩠌仲有豆浆送炸蒜就自己任攞总括而言 童年回忆 但系偏贵要50几蚊下次唔知几时再食喇
继续阅读
您可能会有兴趣的...