大吉居酒屋 (已結業)

已到這裡食過三次放題，兩次6:00pm 時段，一次8:30pm 時段。6:00pm 只限至8:00pm，8:30pm 則沒有限時，直至關門。食物款式都可以，分七種食物紙，A 刺身、壽司；B 手卷、卷物；C 沙律；D 燒物；E 和食；F 主食；G 炸物紙仔寫著一客一件，但有時候寫一客卻一碟裡有幾件或份量很多，份量很難估計，怕太多的時候會浪費食物。生日月份，若8 位以上有壽司蛋糕，但要訂座時先跟店員訂造。食物都幾好食，不過地方好迫，坐得不舒服，時間又趕，不過以這價錢，都可以接受。

經理的服務態度真係差到令我覺到好震撼!任叫任食的魚生刺身選擇少，質數又差。真係去一次都有找!事原我地去果度慶祝朋友牛一。明明我地係book8位，點知佢所謂的有房，就係得果2.5個廁格咁大的角落...大家坐到脾貼脾，張枱都唔知有冇2尺深，擺得杯碟擺唔到野食，仲要郁下都蹋到對面果個，唉!咁都算啦，我地入到去先發現生日係有刺身蛋糕送，咁亞經理話要book枱果陣講先有，但係從來冇人同我地講過有這個優惠。經理仲話刺身蛋糕上面d係靚料，要訂先有，咁係唔係其他的就唔係靘野?而且我地都係任叫任食嫁啦，想攞個蛋糕唱下生日歌都唔得。經理開始唔耐煩，話最多送返支蠟燭俾你地!點知好戲在後頭，到我地問佢攞果陣，亞經理居然話佢冇講過，質問我地:「我真係有講過咩!?點解我唔記得!?」我地好肯定咁答佢有，點知佢仲黑面重覆咁拋我地:「就算我冇講都可以俾你地嫁!不過我淨係想知我有冇講過羅!?咁係唔係我失憶!?」氣死我了!重要d吞拿魚同d八爪魚係霉的~~唉!!

因為有朋友生日,我個frd就一早book左大吉同佢慶祝。點知,食倒一肚氣!!!以後都唔會再去。(1)座位我地9個人, 俾左一間所謂既房俾我地! 但係大家竟然係迫到腳撞腳, 座到腳痺!! 張桌又細, 野食都無位放, 要攪到放係門口, 可想而知間房細到離晒0普!!(2)食物刺身一d 都唔鮮味,我地叫左八爪魚刺身, 點知佢只係將一小條八爪魚腳切成8粒1cm刺身!個蟹粥得個咸字食物種類少得可憐(3)服務侍應生個個都好無記性, 叫佢俾對快子, 竟然叫左成3次都無攞黎!最差係個個經理, 我個frd 生日, 原來係有壽司蛋糕送, 但係因為我都無講有人生日, 所以佢地就話準備唔切, 就話送支蠟燭俾我地。到我地問佢攞既時候, 佢就好惡禁同我地講”俾你無所謂, 我係咪真係有講過先!!!!”我地都答左係啦, 佢都係禁將幾呢一句話大大聲禁重覆問我地, 攪到我地好似講大話禁!! 激死人!

2日前同屋企人慶祝生日，睇到雜誌有廣告，就興致勃勃黎到大吉居酒屋試下，可惜......... 事與願違!!(一) 環境總算光猛，但地方迫狹，同之間o既距離太近。設有男女洗手間，但女洗手間地面濕滑，只得一格廁所，而且地方不大，排兩三個人就己經滿晒。廁格入面空間都唔大，又污糟！!!!!!!!!!!!(二) 座位最氣憤o既係座位問題！去過o既朋友都知道收銀櫃前面有一張四人，對正間房門口！我地訂左，而且o係入去之前排第二，佢竟然安排我地坐o個度，但係當時出面d 卡位都未有人坐！我地坐落之後覺得好唔舒服，對住廁所，又對住間房同收銀櫃，好窄，又有陣味，d 人o係前後不停行黎行去，好辛苦！之後同佢講我地唔坐哩度，個類似店長o既男人即刻好絕咁話：「我地安排左!!! 唔可以轉!!!」我地即刻好冇癮，仲令到屋企好唔開心！心諗.... 如果我連揀位o既權利都冇，我訂座黎做乜，如果我唔訂位黎佢安排我坐o個度都冇咁嬲！！！之後有一家人入我地後面間房，o係我地隔離除晒鞋，d 鞋臭味出晒黎，對住d 鞋臭成晚，點食呀???????極度唔衛生!!!! 之後再同佢講，唔轉位就走，佢先俾我地轉位！!!!!!!!!!d男人簡

前排同事介紹呢間野響中環既分店好味.. 咁唯求近番自己琴晚咪同男朋友仔唻呢度食野囉.. 諗住同一集團就算服務差d.. 應該d食物都差唔多卦.. 點知... ... 選擇真係其少囉.. 無乜野食既.. 唉.. 真係好失望囉.. 而味道方面其實都ok既.. 但選擇少的話.. 幾咁好味都無用啦.. 食親都係個幾味.. buffet又點呢??? 咁同我散叫又有咩分別呢??? 算啦.. 都係講下d好野.. 有乜野我係覺得ok既呢... ... 我諗係日式炒烏冬.. 炸天婦羅.. 炸蕃薯.. 吉列蝦.. 唔... ... 好似都無乜勒.. 因為我都無乜野食過... ...

以前曾經到大吉食過一次,但那次因為同朋友傾偈傾到無乜叫食物,所以好無癮。但今次因為有了上次經驗, 所以今次好好多了! 我們三個人一去到, 首先用open rice的優惠劵換了一支免費清酒,多謝open rice。之後立即叫了七八樣食物,侍應很快就把食物送上,之後我們曾經再叫了兩三次,但估唔到次次都有到齊,沒有漏單,真是值得讚。今次我們試過的食物包括: 各式刺身和壽司、雪花牛柳粒、滑蛋豬扒、日式炒烏冬、豬骨湯拉麵、羊架、雞斬骨、紫米糖水等....食物質素不錯, 侍應的服務態度也很好, 但我覺得地方比較窄, 同隔離台相距太近,坐得唔太舒服。

昨晚吃了一間很多正面食評的垃圾放題，所以有感而發的要為《大吉》平反一下！(一) 早於幾星期前友人約我來這間放題晚餐，可能友人是訂座的關係，我們被安排了梳化坐位，所以我覺得蠻舒服的。而現場雖然放了很多抬，但卻並非如傳說般迫人及不適。(二) 落單上菜真係無某垃圾放題咁快，但係都唔算好慢，服務態度就真係無垃圾放題咁好。o的侍應生真係好忙，個個做到電死面咁，亦無乜熱誠。但整體可以接受。(三) 食物質素認真的好！‧蟹粥真係日式有蛋花果種蟹粥，好鮮味‧刺身唔算多選擇，但係幾新鮮+大件‧有個奶白色的海鮮唔知咩鍋，o的湯勁好味~‧牛柳粒好有牛味，好似新鮮西冷咁正其他食物就普普通通，但係唔會難食囉！我又真係唔覺得如其他網友講到咁差播~相比起尋晚在旺角吃的那間，這間大吉就變得好好食。但反而大吉的食評比她還要差很多，早知我唔信o的食評，尋晚返炒大吉啦！我明白各人口味不同，意見亦不一樣，我唔係想話人o地錯，我只係想講出我o既感想。所以我要為大吉平反啊！

唔知係咪平日(星期三)去既關係,覺得唔似其他網友講到咁差既...order左d野食都幾快到丫,但真係有幾次拎左d唔係我地點既野食比我地,佢地個樣仲好迷網添...服務態度就一dd人啦,整體黎講都唔係好.....不過我覺得食物質素ok, 就唔理佢地啦...仲有環境乾乾淨淨,整整齊齊咁都幾舒適...講下d食物:1.刺身-幾新鮮丫,不過點一次每人得一件架咋,唯有點多幾次囉,我地每次都點晒所有款式，呵～2.壽司-唔錯，飯大小適中3.牛柳粒-ok,唔"un"，二人份都幾多4.燒羊架-細細件，但好鬆軟好味呀5.燒雞軟骨-正，好香口6.蟹粥-普普通通，唔夠濃味，多ｄ蟹肉會好ｄ7.蟹籽沙律-好大盤，勁多青瓜絲，勁少蟹籽8.北海道牛乳海鮮鍋-二人份好大鍋呀，但質素好好，湯好甜，材料認真，入面有2隻青口架9.燒雞翼-乾左ｄ，冇乜味10.日式煮豬腸-賣相認真，味道ok11.燒秋刀魚-燒得岩岩好，好味12.手打烏冬-彈牙，醬油湯底都唔錯13.韭菜煮蜆-製作都好認真，味道就普通啦14.焗青口-好野味我地2個人食左咁多樣野呀，刺身仲叫左三次添，所以真係好抵架，呢個價錢有咁既食物質素好好啦，服務方面唔要求得咁多架啦.

有日見到某雜誌廣告介紹, 約埋三五知己一試, 點知就出事啦.....1. 地點隔辞2. 門面又細, 根本冇多餘位置比人等候3. 食物又差, 魚生又唔新鮮4. 上菜又慢, 點咗嘅食物差唔多大半個鐘先嚟都已經唔想再數落去....有人請都唔會再去...冇下次

昨日諗住同屋企人食飯,喺雜誌見大吉日式放題做緊$128咁底食,就即時訂位啦!一去到原來裝修咗,(幾靚!)仲安排咗間房比我哋添!(一心諗住好正,有房坐!)點知真係唔坐房好過.....好似冇人理咁,D碟層疊疊都冇人收,D侍應上菜都唔入房,剩係企喺房門口遞入黎,要勞煩我哋接手(有冇搞錯,太無禮啦!!!!!)整得榻榻米,D侍應上菜時就應該除鞋入黎上菜啦!(除鞋都懶嘅........)講下D食物仲火滾,刺身叫3-4 round,剩係黎得1round!催單幾次先幫我哋跟到!食物份量又奇怪,炒菜,炒鳥冬勁大碟,串燒又比唔足,壽司真係叫1件黎4件.....想失飽人咩!食物質數一般,唯一推介係燒青口,我都知平野冇好,$128係咁上下啦......下次都係諗諗先~

當日我們是食任叫晚餐的, 就坐後, 侍應沖茶弄到周圍濕, 落了單的食物又無到齊, 明明說任點任食兩小時, 但坐了約一小時二十分鐘時, 侍應就來說要落last order, 還要我們立即點last order, 於是我們隨隨便便叫了少少食物就算了! 坐了約一小時三十分鐘, 另一侍應來要我們埋單, 未到兩個小時又來說任食時間已過,要我們離開,真離譜啊! 服務態度太差,但食物質素算ok 。

d位好逼, 坐低後冇人service, 連最基本ga水都冇人"針"d侍應好冇記性, 叫可樂追咗成3次先黎成日留單, 一係就冇叫ga都比埋我地d野食一般, 同埋唔多熱最...最...最離譜係有個侍應拎緊野食埋黎ga時候對住碟野起勢咁咳, 好唔合衛生!!!!!!我地食緊野ga時候冇啦啦拎張單叫我地埋咗先, 我同男朋友果時仲食緊野, "o"咗咀, 同埋佢地根本冇交代入座起計兩小時四個字講晒: "不知所謂"!!!!!!!!

成日漏單!!! d 貴價野就叫左幾次都唔黎, 一係就黎少少, d 平價野, 就永無漏, 仲要黎多tim!! 過份!! eg. 三文魚刺身寫10, 黎5片only, 手卷, 寫3, 可以黎左9個, 真係唔知d師傅點定, 好難捉摸無貨都唔出聲, 等我地仲係咁寫, 一路都無黎, 問佢先講無貨, 哼!!真係好差好差, D貴價野, EG甜蝦, 好快就冇貨連埋加一成$190, 仲要唔係好味, 全部都係一般貨色, 我比190蚊去第到已經可以食得好好啦, 下次真係唔會再去呀!!

2007年1月開始，由星期一至五未有放題，直到宜家日日放題，已經食過超過十次。每次，我同情人去食...必食以下食物︰10條甜蝦10件三文魚...之後會再叫...直到食到個口好生就叫熱的食物蟹肉粥，啖啖蟹肉正呀...又大煲wor...吉列蠔...即炸...正呀鹽燒三文魚頭...大大件燒雞軟骨...等等...環境方面︰有小小懷舊的感覺...一台一椅都無問題...牆身貼好多日本字的餐牌...個感覺好得意洗手間叫乾淨...服務方面︰有個哥哥幾好人...不停幫我地追call...我唔介意等得耐...佢又冇點話限時既...真係唔係講笑~$158+10%...仲唔叫抵食呀？！狂食刺身wor...我地咁食...都回哂本啦...哈哈...

唔知有無記錯價錢, 應該係一百八十幾蚊一位左右連加一.有BOOK枱, 入場時以及入場後都未滿人, 走左陣吉枱更多. 後尾真係明白係咩一回事, 呢間野, 我寧願去青葉都唔會黎. 同埋呢度D裝修... 淨係睇張CHAIR, 感覺都好怪, 有種去左酒樓o既錯覺, 強烈建議佢用木板黎代替牆上面o個D牆紙式餐牌.可以揀o既野真係唔算太多, 呢個係意料之內. 不過...第一, 佢第一ROUND點菜紙黎左大半之後, 個廚房已經唔太想出野, 個情況好似便秘咁, 係唔出就係唔出... (|||) 一枱四人非常無奈, 我地第一ROUND叫o既魚生飯追左差唔多個幾鐘先有得食, 仲未計由頭追到尾結果都無到o既手卷. 無, 唔緊要, 咪講囉! 青葉呢D街坊店都做到o既野, 呢度竟然做唔到, 枉呢度仲係尖咀!第二, 佢D份量好有問題. 一份鯖魚, 竟然有兩隻手掌咁長, 叫人點食得晒? 一份牛油炒雜菇, 都要四個人先食得晒. 煎炸類o既野明明一份就出四份, 永遠係出多o既. 刺身呢? 你寫十件就永遠唔夠十件! 手卷一件都無到過全部俾人飛晒單. 明眼人都睇得出係咩一回事, 煎炸野係好易飽o既, 所以刺身又可以慳返畢.