大叻越南牛肉粉餐廳 (通菜街)

营业中

休息中

近期愛上泰國菜，試過很多間泰國餐館，絕大部分都令人很滿意，第一次光顧這裡，無論是色香味，都明顯較為遜色，雖然味道不錯，但在競爭下，很難讓人再次光臨。我們選了一個二人餐，有冬蔭功湯，菠蘿炒飯，馬拉盞炒通菜，泰式辣鳳爪，兩杯飲品。冬蔭功湯：不是用煲，而是用碗上，有點失望。湯底有水準，不太辣，亦有香濃蕃茄味。只是材料較少，只有兩三隻蝦，兩三條小魷魚鬚，一隻青口，青口很韌很難咬。菠蘿炒飯：不是用菠蘿上，而是用碟上，又再失望。飯炒得算乾身，不油膩，有菠蘿的酸甜香味。材料只有三大粒厚切菠蘿，仍然是兩三隻蝦，一隻堅韌的青口。馬拉盞炒通菜：味道香濃，通菜新鮮爽脆，可是油光滿碟。泰式辣鳳爪：太辣，基本上就是辣，酸味不足，鳳爪亦不及其他店的爽口。份量亦少，六七隻左右。這是我吃過最不好的泰式鳳爪。好吃又抵食的泰國菜多得很，這裡雖然不是難食，但真的遜色了，要改進才能留住客人啊！

進去這間位於通菜街的冬蔭麵之前也沒有什麼期望，試過覺得蠻不錯~泰式海鮮炒金邊粉 $39 - 海鮮份量不少，有青口、蝦仁等等，金邊粉炒得也不錯，味道幾開胃~手撕雞絲湯金邊粉 $32 - 雞絲不是淡的，很入味，不錯~柑桔青檸蜜 - 非常的甜，額外加了一杯水混合來飲才剛剛好。

這天假期在家中清理未完成的食評,連過了午飯時間也不知!來到下午四點多才覺肚餓,橫豎約了友人六點在旺角看電影,便早一點出門口先吃過下午荼當午餐.其實明知在這條街揾食是一件危險的事,無奈人懶不願四圍行便推門入來,開門一剎已心知不妙,因為一個客人也沒有!照片中坐著的是員工.既已坐下便點了一個下午茶餐及一客春卷.凍檸檬茶----一杯沒檸檬味少冰的糖水.生孰牛肉河----選了冬蔭功湯底及金邊粉,上檯時已嗅到濃濃的酸味,湯的顏色清撤沒半點辣味,泰文冬蔭功裡的"功"指的是蝦,這個只酸不辣又沒有蝦味的湯底真不知是屬於哪門派的泰國菜!金邊粉有一種過不清水的麵粉味道,湯不夠熱又如何灼熟牛肉?但不熟的牛肉肉質竟然仍然是柴皮!湯底不濟唯有自行加辣椒粉,希望避免浪費食物盡量把粉吃完,下了一大匙羹後才發覺辣椒粉是過期貨無辣味兼有點"噏"味的.泰式春卷----$28元有三條,看見滲油的春卷皮食慾已消失了大半!咬下去口中只吃到油溢味,吸滿油的粉絲雜菜叫人吃半條已放棄.吃下午茶吃到要去溝貨也是第一次!原來每個人的內心也有想去破地獄的根種植在深處,要讓它不再發芽成長唯有遠離女人街!

我覺得好好味，但，奇怪在每樣野都好似差唔多味道咁LAW，但冇一樣係我覺得唔好食。我們點了的菜式包括:沙爹串燒(雞牛豬各2)------大大串，一點都不呃錢！佢幫你放埋沙嗲醬在上面，真係條條串燒每個位置都蓋了濃濃的沙嗲醬。唔係好辣，好多花生粒粒咁，好香口。蝦醬炒飯--------------普通鋪頭賣緊既呢款炒飯料都有齊！蛋放面，蛋面上有三粒臘腸。飯有肉鬆，吃下都好味，但確係差了一點蝦醬味道。辣豬肉生菜包------------------這個一大碗的豬肉碎讓你包。可惜每塊生菜一些穿窿，一些太細，不好包！淨很多0係碗度，沒生菜吃很悶，寧願放低。這個都好辣。馬拉盞炒通菜------------這個又是一個好辣的菜，太辣太咸。蒜蓉包-------------我們沒有叫咖喱蟹或甚麼，但我愛吃蒜包，所以點了，幾驚喜！塊塊都滿滿蒜蓉同牛油！好香好脆，唔捨得放手！但超熱氣！生蝦刺身(加一蚊得一碟，但雖食滿百五蚊)---------------好爽好新鮮，出面四五十蚊一碟的都未必有咁好味！超抵！正！最緊要係每樣食品價錢都非常合理！佢仲有私人電視睇添！一定會再幫襯！

本身想去西門町 但排曬長龍 所以就入左呢間唔洗排隊既門口有位女侍應拉客 俾佢果句: 我地有泰國廚師坐陣架!! 就入左去lu馬拉盞炒通菜好食! 但size比較細...黃咖哩牛腩 配roti本身係配飯 但改做roti 另加$10roti有d油 但好好食黃咖哩唔酸 但仍有咖哩香牛腩夠淋 好好食海鮮炒金邊粉有青口, 蝦, 魷魚一齊炒金邊粉又係幾好食... 食物係好好食 但侍應果方面真係有待改善!落好曬order後 叫左杯七喜 另一杯水首先黎竟然係一碟黃咖哩 連飯 (喂 我改左roti喎!) 又再等...再上七喜 但無水 (提佢... 因為我要食藥) 再等...之後d食物都等左幾耐至黎有3個侍應, 一女二男女... 長期企向餐廳外拉客無眼鏡男... 長期企向度點人地做野 向佢追水 佢都係叫人拎 佢自己繼續企..... :-/眼鏡男... 好有禮 亦好忙餐廳冷氣唔係好夠 有d焗埋單~ $140

$46。泰式凍卷：酸甜汁同上，共四大件，餡料扎肉絲、檬粉、花生碎、生菜墊底，好一般$42。香茅豬扒撈檬：同08年一樣好大碗和無香茅味，豬扒切條份量尚可，炸得ok脆，可惜無咩香茅味。$49。泰式海鮮炒金邊粉：臘腸粒、青口、鮮蝦、魷魚，大量花生碎，整體味道好淡，食到底超級油膩$40。泰式鳳爪沙律：青紅椒絲、洋蔥絲、生菜，表面幾隻比底的較辣，覺得唔夠醋味，完全欠缺酸味。而鳳爪質感頗淋，酸辣汁唔掂！

雖然人常在旺角，但其實要於旺角找食時通常才是最煩惱的，好多時都真係唔知食咩好! 今日來到這間店子其實也是沒有多想就進去的，眼見有小食，有麵有飯，就進去吃吃看了。裝潢真的比較簡約，不過勝在有卡位，都可以坐得舒適點。店子也不算很少客人，看來應該未至於很難吃的。兩個人決定叫一碗河粉一個飯一起吃。套餐有野飲跟，泰式特飲也可叫，不過要加錢，由於我們也沒有太大胃口，所以就只是叫了兩杯檸茶算了。先來的是生熟牛肉湯金邊粉，它原本是冬蔭功湯底的，不過我不太吃辣，所以要求轉了清湯底。不過所謂的清湯底其實也是味精湯罷了，勝在味道還可以的。有很多塊牛肉，不過牛肉不算嫩，而且偏瘦，有點點牛味，不算特別好吃。金邊粉很幼很滑，而且有點點煙靱，是可以的。之後來的是蝦羔炒飯，它起初來了菠蘿炒飯，我們說來錯了他也二話不說立即幫我們換，也算是這樣啦，希望那碟炒飯不會浪費掉就好了! 蝦羔炒飯等了一會就來到了，炒飯很濕，不夠乾爽，大概是用新鮮飯而不是用冷飯炒吧。有蝦羔味，亦不會覺得很油膩，覺得這個不錯呀~ 配料有蝦，蛋，泰式臘腸，蛋偏淡沒蛋味，不過泰式臘腸依舊好吃。不過這裡的冷氣很大，整餐飯也覺得凍凍的，吃完也希望快點走，冬天

當係旺角諗唔到邊間食的話，唔去老爹，呢間算係咁喇。冬蔭面當然係食冬蔭湯河或面，嚴格來講，佢個種辣味只算係吊味，連唔食辣o既同事都受到，你話可以有幾辣？唔夠辣，自落一匙紅粉，OK晒。至於咖喱，食過一次，東南亞式，椰味為主，勁力就真係普通，唔難食都算係咁啦，不過就無必要再食囉。推介：豬頸肉金邊粉，香茅豬扒金邊粉都唔錯。雞翼就略嫌細喇，至於炒飯面之類，見識過 人地食，除非想好飽個隻，好似就麻麻地囉...

路過...咖喱精再次行動見到紅咖喱豬肉飯！點1. 環境幾舒服2. 紅咖喱，唔辣！arm 晒！味道不錯！重鹹不重甜3. 配菜多！西蘭花、椰菜花、青豆角，但偏腍4. 午餐可以揀幾款特飲！叫珍多冰少甜…無甩拖下次試下其它

其實間野食物一般, 只係連食幾日日本野唔想再食...果日其實個肚谷住有d唔舒服, 所以叫左個湯河餐:牛肉河或豬頸肉河各一牛好味豬唔掂但係湯好淡所以整體一般馬拉盞通菜ok不過一般蝦餅春卷拼盤呢個好味, 可以再食價錢連加一過100, 算ok啦不過今日重點推介係佢既泰式生蝦 因為以前都係係九龍城先食到好食既, 而且好耐無食過, 本住大無畏既精神, 一於試下...牒野黎到其實有d失望, 細隻, 而且賣相一般(有d乾), 不過見佢40幾蚊8隻就算, 諗住無下次. 不過食落好有驚喜, 蝦身好爽, 應該即劏即刻浸冰水, 而且佢個汁, 有翻九城既風味, 好正, 下次一定翻啅.另外未試佢既青咖哩, 下次除左生蝦都要試埋 (因為我判定泰國野得唔得就睇佢既青咖哩, 冬蔭公都係其次)

老老實實 , 通菜街咁多食店 , 要簡間坐低食飯都幾考腦力 ,尤其砂糖有選擇困難症 , 呢樣又唔想食 , 果樣又唔抵食 ,如果唔係行街累到發脾氣 , 都唔會求其簡左呢間冬蔭麵食 ...隔離火山石排隊等位ge人企晒響度 , 冬蔭麵冇人等之餘 , 入面客人數目一隻手數得晒 , 究竟係真係唔好食 , 定還是未被各位食家發現呢 !?胃口不佳 , 點了個生熟牛肉湯河醒醒胃 , 肥瓜則點了個海南雞飯 ,生熟牛肉湯河$29 + 海南雞飯套餐$36 生熟牛肉湯河 , 待應先生話係冬蔭湯底 , 原本期待會好酸好辣的 , 結果卻冇辣味 , 還好酸酸的滿開胃 , 還有幾粒半邊車厘茄 ,味道不錯 , 但牛肉太肥喇 ... 有成7 , 8成肥肉 , 雖然好香口 , 但係砂糖減肥中 , 唔願食肥肉呀!肥瓜點既海南雞飯 , 佢話冇咩特別 , 砂糖試左舊雞 , 就幾滑既 , 不過雞既件數得好少 ,唔貴食但都唔抵食此店設有加一服務費 , 其實毫無服務可言 , 加一服務費 , 只為多賺一點吧 ?

虾膏炒飯 + 飲品 $30其實材料都不少，連虾都有3隻，雖然不太大隻賣相又不錯，又有我喜歡的肉鬆，但最可惜是重點"虾膏"味不足簡直是好難食到有虾膏味道就算個飯炒到幾靚都無用

i don't really know if there are more people eating in this restaurant now? I hope so because the staff are so nice and really made us enjoy eating in this place though it's not spacious enough!My son misses the Thai food we ate in the restaurant. He wanted to go back there on our last night in HK but got so tired from all the rides in Ocean Park that day. I can still remember the wonderful taste of the roasted chicken steak with rice,it's unforgettable! My husband really loves the curry wi

27-5-2009從飲食雜誌得知女人街有一間主打冬蔭公的湯粉店, 呢日 lunch 搵到0黎試試. 叫了 $28 午市套餐, 有「冬蔭手撕雞金邊粉」及凍檸水 (亦可加幾蚊要「特飲」) 一杯.- 湯底 (配料有草菇及 cherry tomatoes): 為佢而來, 飲落唔辣, 少少少少少酸, 無平日0係泰菜館冬蔭公飲到的 herbs 香, 味道單調之餘仲頗 MSG; 作為招牌, 實在令人失望.- 金邊粉: 煙韌度 ok, 滑度亦 ok, 其實幾難唔好食?-「手撕雞」:「一抽二 lung」的, 形狀勁似牛柏葉 (!!!),「手撕」? 食落唔算0鞋, 黐住點皮又帶點雞味 (!!), 意料之外. 面頭的花生碎就無喱味道, 可有可無.環境裝修貫徹女人街食肆的風格; 女店員「多謝」前「多謝」後, 見我成身濕晒又主動幫我把雨傘套上膠袋, 招呼比想像中好.放低 $28, 印象唔算好差, 但應該唔會再0黎了.

今日同朋友係旺角行街, 係通菜街徘徊左好耐,最後決定食泰國野 yeah~ 冬蔭公我來了!!!!!!!冇要到set dinner, 我地散嗌左以下既野士多啤梨冰: 加$8有既飲品, 個味似台式草莓紅茶, 底有小小士多啤梨肉, 好一般串燒沙嗲(豬,雞): 沙嗲汁香濃..有小小花生粒..配埋燒到岩岩好既串燒, 食落好香口正!! 個人覺得仲好食過南丫島既串燒 推介!!!!泰式蝦膏炒飯: 炒飯既蝦醬味好濃, 原來撈埋肉鬆,蛋一齊食都幾好味wor 但個飯都幾油下..食完..個碟有成層油係度七彩湯河(豬扒,雞絲,扎肉): 個menu明明寫住冬蔭湯粉, 但完全唔辣, 好失望食到一半仲發現左隻小昆蟲..完全o咀希望可以改善下呢個情況啦