大叻越南牛肉粉餐廳 (通菜街)

营业中

休息中

如在女人街搵食，實在是極容易患上「選擇困擾症候群」的。有的會路過但錯過，有的走進去但食錯！幸好，這回幫襯的這間食肆，是屬於「有時路過但錯過」這種類。店舖門面簡單，內裡空間有點細，座位較為擠迫，有時會和對座的食客腳碰腳。或許……這會令人卻步。不過，今次試食了「大叻鮮茄牛坑腩河粉」，真的不錯！湯頭鮮甜，是絕對可以用「鮮」和「甜」來形容。牛坑腩很軟腍，而且平時對於河粉麻麻地的小妹，又覺得吃這份湯河粉時，連湯帶河粉的將鮮甜味道吸收。最重要的是以午市套餐來說，已經是同區相宜之選了。所以大家不容錯過囉！

隱世既越南餐廳，如果唔係朋友介紹，我都唔識黎呀越南菜我都好鐘意食，既然介紹到，就特登去呢到試試佢入得越南餐廳，試梗係試下佢個生牛肉湯河啦，佢呢個生牛肉個肉岩岩好，唔會好「un」，非常好！個湯底又唔會好咸，我個人黎講好鐘意之後仲叫左個春卷同牛油雞翼，兩者都做得好出色上台仲熱辣辣，咬左啖仲見到雞肉入邊有少少煙，非常好味最後仲點左四串串燒，配上佢既醬汁，簡直係一流呀，雞肉好嫩滑，咬落去有汁，非常好味！加上佢事前準備得好好，調味出色！必試題外話，餐廳既侍應泰國姐姐禮貌好好，服務好好，非常抵讚

地方不大，是一間長長的店，都是卡位呢～有趣的裝飾，真的米貼在揮春上。豬肉撈檬$52（另加一，包炸春卷兩條和冷或熱飲品一杯）* 豬肉：好好吃，味道就像韓國燒烤的豬肉片一樣，甜甜的。* 檬粉汁：香濃好味炸春卷：不好味。炭燒豬扒飯$52（另加一，包炸春卷兩條和冷或熱飲品一杯）*炭燒豬扒：吃得出真的是炭燒，香口好味不過真的很濃味，可以減少D調味料呢～整體感覺：* 非常safe的好味。* 地方感覺不太乾淨。* 員工友善

燒豬肉湯蒙$52，呢個河粉好味，無雪味，不過燒豬肉份量我覺得小左d豬頸肉$60，呢個好好食，燒岀來唔乾，好淋身燒雞扒飯$52，雞扒份量多，雞皮好入味，味道同賣相絕對值52蚊！

經開旺角係附近睇完戲唔知食咩好，兩個人又唔想排隊食任食打邊，反正係女人街附近就沿住條巷仔行睇下有無開心大發現。女人街兩側既店都轉手得幾快，開完又執，食店已比以前少左好多。行下行下經過開呢間超越南食店，見到門口個餐牌主推炭烤豬扒雞扒，再望到近門口位食客枱上面點既炭燒扒樣子的確燒得唔錯，就扑鎚入去用餐。坐低點左個招牌菜炭烤豬扒湯檬，塊豬扒燒得確係唔錯，面頭果醬燒得色澤均勻，香味四溢勾動味蕾，食入口豬扒一啲都唔難咬開，面頭有種蜜甜香，聞既味道一流，好令人食欲全速開動，食落更係不得了，確係水準之上，比起其他既越式食店有過之而無不及，甚至更甚，但性價比高，價錢大衆化，食物出色。點既係晚餐，隨餐送左兩件越色春卷，新鮮炸出來，入口香香脆脆，夠香有咬口。不得不提枱上那枝魚露，酸甜度適中，好有醒胃效果，有點綴味蕾既作用，點檬必撈。整體不俗，超乎水準適合我呢類重口味人士ps：不過，點餐時記得要同侍應確認點餐，人多對方落單太急，不然會落錯單。話說原先係點一個雞扒一個豬扒餐的，但最後上左兩件都係豬扒，餐飲點凍檬茶就上左凍奶茶，試不到那炭烤雞扒，眼見都好食客點不過豬扒都係超水準之作味美一流，就無所謂了咧，呢個餐

身為一個屹立旺角多年嘅mk妹發現搵野食要去女人街🤤今次去左一間叫大叻嘅越南餐廳叫左個二人餐 頭盤有酸辣鳳爪沙律以為同泰國個款一樣？錯喇！係甜架個沙律 超級食唔慣😂但係個越南火車頭牛肉粉真係好大碗好似無底深潭咁 兩條友食左好耐都食唔完但啲牛係不錯 最好食係牛丸啦😗最驚喜冇伏係香茅豬扒耶～煎得好惹味 如果送飯食應該一流的🙈_________________________裝修環境：✨✨✨服務態度：✨✨✨✨食物質素：✨✨✨(5個✨為滿分)價錢：$2xx(忘記了)________________________唔信我嘅可以自己去試試😂地址：旺角通菜街2E號地下

呢間位於女人街嘅越南菜算係幾抵食，分量超級大，所以通常我好肚餓嘅時候就去食呢間😅 晚市同午市個餐牌差唔多，不過晚市就貴啲，同多個春卷送。我最常嗌都係炭燒雞扒或豬扒，燒得好香，但有時候會燒得太黑。我的炭燒香茅雞扒飯，呢層肉下面仲有幾舊。。仲有啲菜喺下面，食肉獸啱晒雞扒好滑，張枱仲有燒肉汁同撈檬果d汁任加同事嗌的炭燒豬肉撈檬，佢話我個雞扒正啲🤤 但食檬粉好似冇食飯咁飽。買單＄52再加一， 不過要注意店舖衛生一般，所以要扣少少分

小食拼盤99元，軟殼蟹米卷勁少蟹。。。。。。。春卷炸over。。。。。。。粉包勁細舊。。。。。。。咖哩牛煲超咸，咸到食唔到，薯仔勁粉，無味，牛又韌。。。。。。。咸梅七得一粒仔梅，唔夠味。。。。。垃圾餐廳。無得反轉頭。。。。。。超屎。

越南野不嬲都幾鍾意食，今次就腳方便就入左黎食，黎到緊係食牛肉粉，話明大叻越南牛肉粉餐廳，當然叫番檸檬茶+牛肉河粉啦。平時就比較喜歡食湯檬既，但一場黎到就試下其他唔同既野啦。紅茶既甜味差唔多，因為加左唔少糖，檸檬份量適中普普通通唔太新鮮。牛肉河粉個湯底唔特別，係酸酸地咁，不過又唔算難食，中等。牛肉等級未算劣質，見到仲紅紅地，食落沒有雪藏味而且口感不錯，咬落去都唔算好韌。肉質素唔錯但係個粉唔算好滑，而且粉的份量都OK，屬正常正常。

大叻越南牛肉粉餐廳3大特色1. 僱用最有文化嘅國民.... 強國人..... 服務態度=0 , 禮貌=0, 效率 = 02. 侍應唔扮嘢, 做自己.... 鐘意鬧客就鬧客, 鐘意爆粗就爆粗!3. 食物種類繁多, 唔收你錢, 自動加料, 不停對住你炒蝦拆蟹!短髮強國亞姐勤力到1個人頂晒9個位, 唔講仲以為佢係腦細呀!佢除咗不定時炒蝦拆蟹俾客人, 你想唔要都唔得呀! 實行令你食到頂心頂肺, 一肚氣咁走呀!佢又怕客人悶, 會自動走埋去挑機, 帶俾其他客人無限花生同八卦娛樂!總而言之, 一試難忘, 再試就激到瞓病床!

係旺角番工好處係唔洗愁食咩，但最弊傢伙係太多選擇唔知食咩好🐣 每次放飯都會好頭痛～ 唔怪得d 阿媽成日話唔知煮咩餸啦😂.我最鐘意食酸野 所以點左個扎肉雞絲撈檬 $46.好食⭐️⭐️⭐️不過不失啦，可能因為真係好平凡所以講唔出點嘆為觀止既評價😆 雞絲無味，札肉唔算好爽口，最好食係個酸辣汁😂 奉上同樣們既菜式先：炭燒香茅雞排飯（賣相好似幾野味）鮮茄牛坑腩河粉不過我覺得中叻有樣野好窩心，就係有飯汁提供，畢竟每個人口味唔同，自己覺得唔夠味可以隨意落～ 幾好唔錯! .順帶一提，大叻d 位好窄 食飽d肚腩凸起就會好難出😂😂😂😂

終於的起心肝打大叻的食評其實第一次食佢係兩三年前應該果陣行女人街唔知食乜所以為左去試😌😌但一試驚人，就成日去食了今次新試呢個叫牙車快（？）沙律，誤打誤撞下叫佢，竟然有驚喜一上菜果下覺得個味好似平時酒樓食海蜇果個香味食落有雞絲，有洋蔥，椰菜絲，蘿蔔絲等等，口感爽口，酸酸甜甜，好醒胃唯一我唔太喜歡有薄荷葉係入邊，一咬中就好大陣味呢個係牛油雞翼，雖然係有啲油，但係牛油香喎誰能抵擋炸得好香口，雞翼唔會好乾，仲有肉汁同好滑超正之後仲叫左炭烤豬肉撈檬同炭烤雞扒飯炭烤雞扒飯係必食之選但我心急唔記得影相🤦🏻‍♀️🤦🏻‍♀️🤦🏻‍♀️🙇🏻🙇🏻雞扒有好香好香既炭火燒味，食咁多次味道都差唔多，好穩定既質素炭烤豬肉都香，但有啲太乾，所以比雞扒比下去其實仲有個火車頭湯檬係好好食，辣、香口，好好味去開旺角唔知食乜既朋友可以一試呀但店員們既態度就比較差同無乜表情😂😂如果介意既就唔好去啦😂因為味道我係喜歡既，所以唔會介意佢態度問題啦😛😛😛

尋日中午同朋友一齊去呢間店舖食野，我地每人各點左一個午餐跟餐飲，兩杯都係凍檸茶，送黎時變左兩杯凍檸水，唔緊要，呢d情況成日都會發生，我地即刻通知店員：「黎錯左凍檸水，應該係凍檸茶先啱」。店員拎走兩杯凍檸水後，換來兩杯凍檸茶時竟然用手大力"拍"一聲放喺枱上，我心諗：我地做錯左事？到食完埋單嗰陣，同店員講：「唔該埋單丫」，佢竟然用一副黑口黑面表情對住我地，就咁放張單埋黎，比錢佢嗰陣繼續用不滿既表情對住我地，我唔介意佢唔講"多謝"，不過我地真係忍受唔到佢既態度。我地唔會再去呢間野！

是日晚上跟好友行旺角，因為自己想到征服世界買之前預留的卡通公仔，旺角的小巷倒有不少食肆，我們隨意找間有位坐就開餐😅😅😅我們二人分別叫了b餐和a餐，好友b餐的雞扒炭燒味好特別，平時我倒少機會品嚐~~~而我的餐只係好簡單，味道ok，份量也能飽肚😊😊😊但由於下午時間在大樹先生吃了不少煎炸小食，所以我沒有吃餐的小食，由好友代我食晒

晚上通菜街搵食突然想食越南湯河路過呢間大叻就入咗去喇, 唔駛等位我點咗佢個晚餐食個生牛肉湯河麻麻地, 唔夠熱咁, 牛肉質素好普通但價錢咁貴咁解反而春卷好有驚喜, 好好味, 又脆口, 好值得再食