大卡司 (登打士街) (已結業)

見呢期人人都話飲黑糖珍珠，我呢日都唔想執輸，喺旺角見買開個開超級長龍，咪唯有行過隔離呢間冇乜人排隊，心諗都係個杯野啫，就買左人生第一杯「黑糖珍珠」。收銀嘅職員好好心提我，叫我搖勻先好飲，如果唔係就會太甜。呢個溫馨提示我跟到實去做，但點搖都係太過甜喇，最後我仲加咗凍水都仲係甜，最後佢嘅下場就只有🗑。P.S. 唔知係自己黑仔定係咩？奉勸各位如果叫差不多咁嘅飲品，叫小甜就真係冇死錯！

今日黎到旺角掃街，經過呢間大卡司，其實唔知佢係咩嚟㗎， 不過見佢話自己係飲黑糖鮮奶，有人等緊但又唔係好多人，就試吓啦！出面飲黑糖鮮奶嘅舖頭全部都排隊排到癲，好恐怖呀！佢有黑糖珍珠鮮奶，又有黑糖厚奶，我唔知咩嚟，叫嗰時問人，原來黑糖厚奶係面有層芝士。難得嚟到梗係叫盡啲，叫咗黑糖厚奶！幅相話黑糖厚奶上面會有個星星圖案㗎。叫完到攞得等左10分鐘到啦，可以接受。杯黑糖厚奶個樣好靚呀！好似銅鑼灣嗰間嗰杯咁樣！最靚係芝士奶面本來有粒核突星星，一插支飲筒入去變咗一朵花！！太靚！！飲落去啲奶好Rich，但奶味唔濃。面嗰層芝士奶鹹鹹地芝士味唔係咁出，成杯野好甜，黑糖味唔係咁重。旁邊仲有另外一間台式飲料店，兩間加埋啲人真係迫爆咗條街！其實黑糖鮮奶真係年青人嘅專利，因為真係好鬼好鬼好鬼甜！我仲未試到銅鑼灣嗰間，但如果一解相思之苦，呢間都唔差！不過，我飲過暫時最好味既都係尖沙咀嗰間X角！

登打士街一街都係飲品店，條街已經窄，又多人等飲品，每次都硬擠過去。其中比較多人嘅一定係KOI，其次就係大卡司了。早年喺深圳周街都係，價錢平但味道普普，開到黎香港我都冇咩興趣，所以今次係第一次飲，純粹見佢地都有黑糖鮮奶就湊下熱鬧。黑糖系列有四款，分別係奶茶、鮮奶、仙草、厚奶，定價$21-28。黑糖珍珠鮮奶 $26本身人流都幾旺，約等左十零分鐘。製作幾透明，先加入黑糖漿，然後好認真咁冚蓋搖勻，務求做到好完整嘅掛杯。然後先加珍珠同鮮奶，所以見到飲品有明顯紋路。冰度、糖度固定，飲品拎上手係暖嘅。黑糖珍珠佔四份一杯，珍珠幾大粒，如果鐘意煙韌啲就等到冰塊溶到咁上下先飲。幾有噍頭，少少黏牙，記憶感不強。唔係好濃郁嘅黑糖味，不過就好重好重甜味。維記鮮奶幾有奶香，飲到尾都冇變水大卡司呢杯算係飲過嘅黑糖鮮奶中甜度較高，怕甜者勿試啦針對黑糖飲品而言，我唔怕甜，只怕淡。

1. Authentic bubble milk tea from Taiwan. Shop assistants are all Taiwanese and speak Mandarin2. Delicious and chewy bubbles3. I asked for no sugar4. The milk tea is really milky, and I could actually taste the milk in it. Good job!5. Very filling due to the bubbles

每次去到旺角都見到呢條街人來人往，又經常有新奇有趣嘅食品進駐⋯今次就試吓大司卡啦點知一飲真係有驚喜呀！黃雀仔因為又鐘意玄米又鍾意抺茶又鍾意芝士。咁啱發現大司卡一杯飲品可以滿足黃雀仔三個願望。真係好開心呀！不過佢哋嘅成個檸檬嘅檸檬茶就酸咗啲囉⋯另外想讚賞下呢間鋪嘅主管同時比少少意見！主管真係好有禮貌又有親切嘅笑容主動派單張比客人睇下有乜飲不過佢係keep住同客人講普通話，但聽到佢同同事係講廣東話嘅大概係旺角都屬於旅遊區，但係喺香港工作做前線嘅員工應該用返本地語言Say Hello會好啲嘛⁉️

路過旺角見有珍珠奶茶，又見口喝所以買左一杯。比起同街的台式飲品店，呢間鋪就明顯比較少人排隊，落單後大概等5分鐘就可以拎到飲品。見烏龍珍奶係小店推介之一，所以就買左一杯試下。 結果，有少少讓我失望😞烏龍茶味基本上飲唔出，只有濃濃的奶味。感覺似珍珠鮮奶多啲。不過，珍珠都幾Q下，唔會黏住一堆，呢方面值得一讚嘅。最後，響服務方面，服務員都算有禮貌嘅。不過如果下下都先用國語同人打招呼，我個人感覺比較差。見其他顧客買嘅沙冰好似幾吸引，下次都應該會光顧試下。整體評價：價錢： 7味道： 6.5環境： 6賣相： 6

見到呢間台灣野未飲過 咁見到抺茶又幾吸引 所以就決定買左杯棉花糖抺茶芝士職員推介可以加珍珠 但無加到等左5分鐘度就有 都幾大杯棉花糖係最面 有D可可 中間芝士之後抺茶 最底係紅豆 飲落杯野好夾好好飲 就黎飲完時係最好飲 因為好多芝士但棉花糖就好難先飲到=.=睇返張MENU 仲有好多野飲.. .. 不次都會再試下其他飲品

用左$28點了芝士奶蓋草莓，最後我竟然被落單為芝士奶蓋百香果，還要等15分鐘。百香果非常酸，唔好飲，芝士奶蓋也沒有芝士味。不知道點解咁多人排隊買，我以後唔會再選擇幫襯呢間！

今日出黎旺角行街，聽倒收銀員用好台灣音嘅普通話講呢間係新開張嘅台式飲品店，門面睇起來都幾靚，感覺唔錯！點了店員介紹的招牌珍珠奶茶，我朋友飲OREO朱古力芝士。先講佢d珍珠，好糯又彈牙，有一絲絲甜，奶茶底香滑，味道好夾，果然無介紹錯。到我朋友杯OREO朱古力芝士，除個顏值高外，重要超！好！飲！（真係唔識形容）OREO迷必試。佢d野飲唔算貴，款式又多，下次黎要再試試其他，店員話佢地每季都會推出新款式。

幾年前見大卡司係內地開到成行成市，原來香港都開左分店。一直以為係中國公司 原來都係台灣起源。想買杯奶蓋+清茶，不過睇左個餐牌好耐都搵唔到。原來問一問「棉花糖芝士」就係，於是就叫左杯「棉花糖芝士四季春」少冰無糖。一拎上手原來係奶蓋上面有彩色嘅細棉花糖。幾年前係深圳飲過佢地嘅珍珠奶茶，味道不過不失，珍珠都好有口感。雖然對香港分店不抱好大期望，但都諗住會有正常水平。但一飲入口。。。 茶 好 難 飲奶蓋見到係一桶桶批發返嚟嘅，味道偏鹹。不過我諗好多店奶蓋都係買返尼，所以都還可以接受。清茶，茶無茶味；入口微苦，不過唔係茶甘味；飲落去甚至飲唔出係茶。前幾啖，奶蓋嘅鹹味都可以掩蓋倒茶嘅難飲。之後就飲唔落了。。。係勁少數我未飲曬就dum嘅手搖飲品以奶蓋清茶嚟講，係咁多間連鎖飲品店中最難飲嘅。不過下次會試埋珍珠奶茶，希望會有正常水準。

是日大卡司開張, 筆者有幸初嚐它們的作品. 點選了珍珠奶茶(熱)(HK$21). 等了數十分鐘, 終於接過珍珠奶茶. 台式奶茶一貫非常甜, 筆者特意點選小甜(七分糖), 看看效果如何. 試一口, 珍珠奶茶還是偏甜了, 茶味不夠香濃, 奶味重一點. 珍珠偏淋, 不夠彈牙, 但總比偏硬的好. 店員也算有禮.

珍珠奶茶、泡沫紅茶等等既台灣特色茶飲，一直近乎係台灣人們生活中“必須品”。以新鮮、方便、味道獨特等特色風靡全球。就算係旺角登打士街都有近十間珍珠奶茶店，今日見到又有一間開張，叫大卡司，上網check check,原來其名字的由來是一個借電影的製作班底的音譯(雖然心都係咁諗，不過求証。。。)這店源起於台灣，大陸都有很多分店，但我真係第一次聽！店員們在店外大派傳單，勁推珍珠奶茶，話好正，話茶葉靚！我就點左珍珠奶茶，朋友點左仙草奶茶，不過可能新開，我前面有廿幾個order,都等左半個鐘，睇見有4個店員在沖嘢，唔係好明，但新店就算啦～奶茶茶味真係好夠濃，同貢x同share x一好唔同，唔會一味得奶味，唔會太heavy. 珍珠係透明色的，唔係黑色的，唔會一路飲一路驚，仲要夠矖彈牙又多軟，仲要唔太甜。 朋友杯仙草凍奶茶唔夠仙草凍，很難先吸到，希望有關人仕睇到，平衡返個份量～街頭行到街尾都係台式飲品店，一星期每日飲一杯都飲唔矖，唔知大卡司可在這飲品市場既奧司卡屹立呢！