大力齋廚

营业中

休息中

早上11點去飲茶，限時75分鐘係冇問題，但Order食物未黎齊，請問係咪都一定要離開？？？？？？？？？？樓面同事超級大力將留座牌大力放枱面發出彭一聲我同佢講食物未黎齊完全冇禮貌冇回應態度差劣2個人飲早茶滿心歡喜由小西灣搭兩程巴士黎飲茶仲要等左20分鐘枱但曹態度惡劣樓面員工都係第一次貼錢買難受😣😣😣😣😣😣😣😣😣😣未來3個月都唔會再光顧素食餐廳竟然有這差劣樓面員工負責人真的要做好培訓管理

今日我同親戚走左去呢間食飯，環境比較古舊，古式風格。但食物質數幾高，雖然係齋菜，但係素肉都整到似真肉一樣。其中最為推薦嘅係酥炸鮮奶同埋炸芋頭卷。炸鮮奶完全唔似食澱粉咁，唔會成口漿糊味，反而係非常清爽，外帶淡淡奶香。芋卷外皮香脆，內面軟滑認真唔錯。總體而言非常唔錯，值得推薦。

今日又過來吃, 要左壺玫瑰花茶🌹, 要左三餸麵, 揀左時菜加煎蛋🍳加扮雞扒, 加左個南瓜湯, 加多件椰汁紅豆糕, 等左一陣, 椰汁紅豆糕先到, 好多紅豆🫘食落好香, 食到有d椰汁味, 再等一陣南瓜例湯送到, 見到煲得好濃, 入面有南瓜有紅蘿蔔🥕, 少少甜味, 飲落清潤, 再之後送來上海麵, 菜心比得好多, 食落唔老又清甜, 煎蛋食落好香蛋味🍳, 飲啖湯底, 飲到清甜的味道👍二件扮雞扒😂炸得幾香, 入面應該係菇, 上海麵都比得幾多, 浸左熱辣辣的湯, 很好食, 簡簡單單的一餐素食😋😀👍

今日又過來大力, 今日又係坐滿晒, 今日也是開左壺玫瑰花茶🌹, 要左三餸麵, 時菜加煎蛋加沙爹牛肉, 另外配左一個例湯, 今日係南瓜湯, 等左一陣送上例湯, 非常濃的顏色, 見到入面有紅蘿蔔🥕, 應該加左豆😋所以好清甜👍好好飲, 另外再隔一回三餸麵到, 我都係㨂番上海麵🫶, 時菜比左菜心, 比得都幾多, 又清甜🤩沙爹牛肉唔係想食牛肉, 係想試佢的沙爹醬, 溝埋d湯好味, 夠香😘佢d沙爹牛肉個色真係做得好似😅👍口感食到係菇, 但質地做到好似肉敢, 認真利害🤣, 只🍳煎到金黃色好香, 唔錯💞不過大家留意, 今日星期日係需要加一😁

今日又過來幫襯, 今日唔要菊花茶, 叫人冲左壺玫瑰花茶🌹, 琴日見人食椰汁紅豆🫘糕, 今日叫一件試下, 今日例湯係冬瓜祛濕湯, 亦叫番蔬菜湯三餸麵, 玫瑰花🌹唔係太濃, 少少清香, 等左一陣送來椰汁紅🫘豆糕, 好香椰汁味好多紅豆, 不過糕實淨左少少😆但勝在唔係好甜😋👍轉頭送上冬瓜祛濕湯, 入面有粟米🌽紅🥕蘿蔔, 亦有雪耳和豆, 煲得好香好濃👍👍, 飲落清甜舒服, 今日也是叫上海麵同煎蛋🍳加菜🥬, 不過今次試下魚片, 入面加左粟米🌽食落少少甜幾得意😘, 今日係紅日所以無敢多人, 但大家留意紅日公眾假期星期六日要另外加一服務費😅

N年前無來食過, 今日想來食下, 由於中午食飯時間, 所以都坐滿晒人, 等左一陣比安排坐四人枱, 叫左壺菊花🌼, 店員好好, 比水盆給我清洗餐具👍, 一個人真係唔食得d乜嘢😅, 叫左一個三餸麵, 上海麵配蔬菜素湯, 加時菜🥬煎蛋🍳魚蛋, 另外加左一個例湯, 今日係西洋菜南北杏紅蘿🥕蔔, 等左一陣送上, 比元朗分店大碗, 煲得都好溶好濃, 飲落天然好香西洋菜味亦無味精🥰👍, 再之後送來湯麵, 份量十足, 個碗較細, d餸放滿晒, 都要夾開先食到😆, 飲啖湯先, 清甜唔口渴😋上海麵好味好滑, 唔會食到成口粉😁菜心好甜只蛋好香, 兩粒魚蛋味道也不差👍整體唔錯, 清清淡淡有下次☺️🥢價錢也實際合理😘

噹噹噹，行過屯門，我就嚟到這間得意呀嘅素食館。🌿🍴等我話你知，咦，原來素食都可以咁有滋有味㗎？ 第一輪，點咗份招牌咕噂肉，見到塊塊腐皮包住的「肉」，煎到金黃啡香，裹住嗰啖酸酸甜甜嘅汁，啖啖肉感，仲有爽口嘅青椒同甜菠蘿，一啖咬落去，勁正！🍍嘟嘟聲響起，端上嚟一大鍋清湯豆腐粉絲雜菜，通透嘅湯頭，一啜落肚，清香四溢，啱哂天氣涼啲嘅日子，熱騰騰又暖笠笠，個人覺得仲可以窩心啲。💧最後，爆到碟面都撐唔住嘅薑蓉豆苗，誒，你睇個色澤，翠綠嘅豆苗添上粒粒金黃嘅薑蓉，口感夠脆夠嫩，清新得滯，跟住你試吓，保證攞筷唔停口㖭！😋今次來到這間，真係覺得眼界大開，下次仲可以同啲朋友仔一齊黎，宜家誰話食素就一定淡無味？轉個頭思維，原來素菜都可以做到咁滋味滿分！👍🌱🥢

#搞串個pantry想食 #齋菜 🥗，除咗我哋之前介紹過唔同新式 #素食 嘅選擇🏙️，仲可以去返傳統嘅 #齋舖 🥢，食一啲小菜🔥。我哋今次嚟到 #屯門 ，嚟到一間屯門人推薦💥嘅好食齋菜館，試下佢如何啦😆。我哋嗌咗🔴招牌咕嚕肉($78)、🔵清湯豆腐粉絲雜菜鍋($77)、同埋🟡薑蓉豆苗($75)。價錢💰同平時街坊餐廳嘅小菜差唔多，而呢度嘅份量每碟都大大份🍚。招牌咕嚕肉🌟🌟🌟🌟咕嚕肉係用腐皮粒🧽扮成，食落真係似肉嘅口感🥩，而且外貌超級逼真，咬落口食到腐皮嘅甜味🍬。而且配料同埋咕嚕汁🍍都同平時一樣，所以食物好逼真😍，唯一係有西芹🌱，視乎個人口味鍾唔鍾意啦😛。清湯豆腐粉絲雜菜鍋🌟🌟🌟清湯真係蔬菜本身嘅清甜味🥦，雖然比較淡，但係食到蔬菜嘅原味🥕，而且份量都好多🥳。薑蓉豆苗🌟🌟🌟豆苗炒得啱啱好，口感夠腍🫦，但係又唔會霉。調味淨係用咗油、鹽🧂、薑蓉🫚，係健康嘅口味，清清哋🤩。

真係好鍾意去依間齋菜店，必食係佢既公司三文治🥪真係超級好食！佢啲酸齋都好出色，唔會好油，都唔會好酸。另一個必點既係佢既胡椒豬肚雲吞窩，依個好大碗，貼埋啲豬肚係蒟蒻，超爽口！仲有XO蘿蔔牛丸都係超正！佢既牛丸超級像真，咬落去真係有根性，佢嘅蘿蔔糕亦都係好好味👍🏻👍🏻因為依間餐廳，其實佢都好多人，佢好似飲茶咁樣去到叫嘢食可以慢慢嘆茶，加上佢空間唔係好大，所以呢如果真係要去嘅話，仲有幾多預早去拎位啦！但係呢一間嘅齋店，真係令我鍾意咗食齋😋

以前對齋一啲興趣都無，但食左依間之後真係覺得齋好好食。特別推介佢地既公司三文治，真係好好食，每次去都要叫，佢就算切開6份都一樣件件大份。佢啲料都好似真既肉，內面又有菜、芝士、醬汁。整體都好好味，好食過真肉既公司三文治👍🏻👍🏻👍🏻😋😋😋

都好耐冇幫襯，今日突然諗起就特登去買外賣，環境同以前差唔多，當時未夠夜晚7點都已經坐咗8成客人，生意不錯。於是把握時間叫幾樣野：芫茜豆腐牛肉羮、福建炒飯、鴛鴦炒飯、酥琵琶豆腐。原本佢哋話因為現時比較多單，所以要等15分鐘至30分鐘，結果只係等咗差唔多二十分鐘左右，感覺都唔算好耐，而且見到每盒都大大盒，份量絕對係抵食。1.芫茜豆腐牛肉羮：好香芫茜味，味道適中，值得一試2.福建炒飯、炒飯：份量十足，抵食，越食越開胃3.酥琵琶豆腐：外賣都keep到香脆，好味

上年機緣巧合下，開始初一十五食齋一開始都自己煮，煮下煮下覺得悶了，唔知煮乜好就上Openrice睇下屯門區有咩齋好食見到有人推薦大力😋決定一試 - 第一次食係夜晚，全場滿座，兩個人叫咗三樣嘢，份量啱啱好，食得哂唔會浪費-🔸鴛鴦炒飯個飯底炒得好好，好乾身而且粒粒分明 醬汁亦調配我恰到好處👍🏽👍🏽🔸薯仔牛柳粒哩個絕對喺驚喜之作😋無諗過咁好食 如果合埋眼去食，會以後自己食緊牛肉粒…無論質地定味道，都似到十足十，勁推薦呀！🔸涼瓜豆腐涼瓜唔會炒得太生太熟，哩個狀態我最鍾意另外豆腐入面好滑好正整合以上三個菜，做到色香味俱全👍🏽睇嚟哩間小菜館嘅炒嘢大部分都好得！哩間一定會翻焯呀😋太正啦！

公司有同事食開素食，有一次食飯佢帶左我地黎呢間素食店，點知個日咁岩撞正佢地休息🥲🥲之後過幾日再去，終於有得試了！4個人叫左幾款食物！全部都好好食！！三文治都好睇又好食！完全唔似食緊齋！👍👍

一星期都有2-3餐食素，通常自己整多，因為老實講，出面食素，尤其係中式嘅，都好多加工食品，口話想健康啲，食落又唔係嗰回事。咁當然有時個人懶都會出去搵素食，呢間我同屋企人食咗好多年，一直都保持水準，雖然都有啲齋口唔齋心，只係確實佢炒得好有鑊氣，加上得宜嘅調味同選料，食到有點幾可亂真嘅🤫蜜汁烤鱔片（西蘭花）：「鱔片」食落似蟹柳，會追食，西蘭花炒得脆身又唔過硬或有怪味蜜椒牛柳粒薯角：黑椒落得夠，好惹味，「牛柳粒」都入晒味咁，薯角走左油，好食，呢個餸如果你合埋眼食，真係唔覺係齋㗎🙈2道餸都好好食，只係我策略失當，唔應該2款都叫蜜味，搞到食到尾覺得比較甜，呢個唔關廚師事。今晚無叫到招牌咕嚕肉，其實佢先係我嘅 all time favourite 😍

大家如果會去這間店食飯，請緊記要睇清楚佢地打既單。我之前去買外賣，收多咗我錢。打電話比佢地，佢地就話會寫下收多的錢在收銀處，下次行開或去食野，佢地就會比返我。今日去買野食同佢講返件事，佢地話冇人知道有件咁既事，又話要問下這個，問下那個。大家小心被騙錢！