大力齋廚

营业中

休息中

噹噹噹，行過屯門，我就嚟到這間得意呀嘅素食館。🌿🍴等我話你知，咦，原來素食都可以咁有滋有味㗎？ 第一輪，點咗份招牌咕噂肉，見到塊塊腐皮包住的「肉」，煎到金黃啡香，裹住嗰啖酸酸甜甜嘅汁，啖啖肉感，仲有爽口嘅青椒同甜菠蘿，一啖咬落去，勁正！🍍嘟嘟聲響起，端上嚟一大鍋清湯豆腐粉絲雜菜，通透嘅湯頭，一啜落肚，清香四溢，啱哂天氣涼啲嘅日子，熱騰騰又暖笠笠，個人覺得仲可以窩心啲。💧最後，爆到碟面都撐唔住嘅薑蓉豆苗，誒，你睇個色澤，翠綠嘅豆苗添上粒粒金黃嘅薑蓉，口感夠脆夠嫩，清新得滯，跟住你試吓，保證攞筷唔停口㖭！😋今次來到這間，真係覺得眼界大開，下次仲可以同啲朋友仔一齊黎，宜家誰話食素就一定淡無味？轉個頭思維，原來素菜都可以做到咁滋味滿分！👍🌱🥢

#搞串個pantry想食 #齋菜 🥗，除咗我哋之前介紹過唔同新式 #素食 嘅選擇🏙️，仲可以去返傳統嘅 #齋舖 🥢，食一啲小菜🔥。我哋今次嚟到 #屯門 ，嚟到一間屯門人推薦💥嘅好食齋菜館，試下佢如何啦😆。我哋嗌咗🔴招牌咕嚕肉($78)、🔵清湯豆腐粉絲雜菜鍋($77)、同埋🟡薑蓉豆苗($75)。價錢💰同平時街坊餐廳嘅小菜差唔多，而呢度嘅份量每碟都大大份🍚。招牌咕嚕肉🌟🌟🌟🌟咕嚕肉係用腐皮粒🧽扮成，食落真係似肉嘅口感🥩，而且外貌超級逼真，咬落口食到腐皮嘅甜味🍬。而且配料同埋咕嚕汁🍍都同平時一樣，所以食物好逼真😍，唯一係有西芹🌱，視乎個人口味鍾唔鍾意啦😛。清湯豆腐粉絲雜菜鍋🌟🌟🌟清湯真係蔬菜本身嘅清甜味🥦，雖然比較淡，但係食到蔬菜嘅原味🥕，而且份量都好多🥳。薑蓉豆苗🌟🌟🌟豆苗炒得啱啱好，口感夠腍🫦，但係又唔會霉。調味淨係用咗油、鹽🧂、薑蓉🫚，係健康嘅口味，清清哋🤩。

真係好鍾意去依間齋菜店，必食係佢既公司三文治🥪真係超級好食！佢啲酸齋都好出色，唔會好油，都唔會好酸。另一個必點既係佢既胡椒豬肚雲吞窩，依個好大碗，貼埋啲豬肚係蒟蒻，超爽口！仲有XO蘿蔔牛丸都係超正！佢既牛丸超級像真，咬落去真係有根性，佢嘅蘿蔔糕亦都係好好味👍🏻👍🏻因為依間餐廳，其實佢都好多人，佢好似飲茶咁樣去到叫嘢食可以慢慢嘆茶，加上佢空間唔係好大，所以呢如果真係要去嘅話，仲有幾多預早去拎位啦！但係呢一間嘅齋店，真係令我鍾意咗食齋😋

以前對齋一啲興趣都無，但食左依間之後真係覺得齋好好食。特別推介佢地既公司三文治，真係好好食，每次去都要叫，佢就算切開6份都一樣件件大份。佢啲料都好似真既肉，內面又有菜、芝士、醬汁。整體都好好味，好食過真肉既公司三文治👍🏻👍🏻👍🏻😋😋😋

都好耐冇幫襯，今日突然諗起就特登去買外賣，環境同以前差唔多，當時未夠夜晚7點都已經坐咗8成客人，生意不錯。於是把握時間叫幾樣野：芫茜豆腐牛肉羮、福建炒飯、鴛鴦炒飯、酥琵琶豆腐。原本佢哋話因為現時比較多單，所以要等15分鐘至30分鐘，結果只係等咗差唔多二十分鐘左右，感覺都唔算好耐，而且見到每盒都大大盒，份量絕對係抵食。1.芫茜豆腐牛肉羮：好香芫茜味，味道適中，值得一試2.福建炒飯、炒飯：份量十足，抵食，越食越開胃3.酥琵琶豆腐：外賣都keep到香脆，好味

上年機緣巧合下，開始初一十五食齋一開始都自己煮，煮下煮下覺得悶了，唔知煮乜好就上Openrice睇下屯門區有咩齋好食見到有人推薦大力😋決定一試 - 第一次食係夜晚，全場滿座，兩個人叫咗三樣嘢，份量啱啱好，食得哂唔會浪費-🔸鴛鴦炒飯個飯底炒得好好，好乾身而且粒粒分明 醬汁亦調配我恰到好處👍🏽👍🏽🔸薯仔牛柳粒哩個絕對喺驚喜之作😋無諗過咁好食 如果合埋眼去食，會以後自己食緊牛肉粒…無論質地定味道，都似到十足十，勁推薦呀！🔸涼瓜豆腐涼瓜唔會炒得太生太熟，哩個狀態我最鍾意另外豆腐入面好滑好正整合以上三個菜，做到色香味俱全👍🏽睇嚟哩間小菜館嘅炒嘢大部分都好得！哩間一定會翻焯呀😋太正啦！

公司有同事食開素食，有一次食飯佢帶左我地黎呢間素食店，點知個日咁岩撞正佢地休息🥲🥲之後過幾日再去，終於有得試了！4個人叫左幾款食物！全部都好好食！！三文治都好睇又好食！完全唔似食緊齋！👍👍

一星期都有2-3餐食素，通常自己整多，因為老實講，出面食素，尤其係中式嘅，都好多加工食品，口話想健康啲，食落又唔係嗰回事。咁當然有時個人懶都會出去搵素食，呢間我同屋企人食咗好多年，一直都保持水準，雖然都有啲齋口唔齋心，只係確實佢炒得好有鑊氣，加上得宜嘅調味同選料，食到有點幾可亂真嘅🤫蜜汁烤鱔片（西蘭花）：「鱔片」食落似蟹柳，會追食，西蘭花炒得脆身又唔過硬或有怪味蜜椒牛柳粒薯角：黑椒落得夠，好惹味，「牛柳粒」都入晒味咁，薯角走左油，好食，呢個餸如果你合埋眼食，真係唔覺係齋㗎🙈2道餸都好好食，只係我策略失當，唔應該2款都叫蜜味，搞到食到尾覺得比較甜，呢個唔關廚師事。今晚無叫到招牌咕嚕肉，其實佢先係我嘅 all time favourite 😍

大家如果會去這間店食飯，請緊記要睇清楚佢地打既單。我之前去買外賣，收多咗我錢。打電話比佢地，佢地就話會寫下收多的錢在收銀處，下次行開或去食野，佢地就會比返我。今日去買野食同佢講返件事，佢地話冇人知道有件咁既事，又話要問下這個，問下那個。大家小心被騙錢！

人氣好旺盛，午市驟眼看已滿座，手快快叫了幾款外賣，等15mins 就有了幾款菜式都好夠味，不過有點濃味，可接受的，而且素肉質地同味道都好似平時出街食的味道，份量也足夠特別推介，牛丸蘿蔔糕，好食啊，有驚喜👍

今年冬至冇得出去食，咁就買個盆菜返屋企，成家人一齊烚下烚下啦！往年試過幾款盆菜，有啲就素肉偏多，有啲就材料比較簡單，食得唔係幾過癮。大力齋廚既滋潤養生盆菜冇蛋奶同冇素肉之餘，啲用料都幾靚，就買左個試下。買一個盆菜就已經可以全港免費送貨，而自取就可以有九折優惠。5-6人份量既細盆菜都分量十足，作戰力差啲都冇可能食得哂。根據餐廳既溫馨提示，最好將鋪面既材料先搬落黎，然後加汁落去加熱，到滾左之後再好似打邊爐咁烚下烚下就ok。材料有分天然材料同譚哥巧手食材。天然材料包括火箭菇、猴頭菇、野生竹笙、榆耳、黃耳、秋耳、栗子、上海素火腿、姬茸菇、鮮准山、鮮豆結、上海年糕、甜竹、佛手瓜、旺菜，而譚哥巧手食材就有福袋、鮮竹卷、滑魚腐、草菇陳皮素鴨、煎釀豆卜、貴花魚，另配有佛手瓜姬松茸湯汁。味道有少少偏啖，我地食果陣都要加啲鹽同辣椒醬提味。材料方面因為豆製品比較多，所以都幾頂肚，好快就飽。整體黎講唔算特別出色，如果可以濃味返少少會好啲。

以往夜晚來食多, 午市比較少, 來分享一下, 也給自己留記錄。星期日下午兩點多, 近乎滿座, 二人可以搭枱, 也很快有位。叫了幾個點心牛肉球鬆軟, 沒有真牛球的肥膩, 配上了喼汁, 味道也不過, 過過口癮。雖然自己也食肉, 但食素一樣可以, 也比較健康。所以間中都會找素餐廳食。魚翅餃強烈建議<<<不要>>>>點這個點心, 餃非常之結實密度好高, 無論什麼餃也不應這口感, 食到好滯。煎蘿蔔糕這個就不錯, 可以encore, 蘿蔔吃到一絲絲, 它有三件, 每件都幾有份量。抵食。今日例湯是霸王花湯, 很濃郁, 足料, 家常湯的美味, 素湯風味不減。羅漢齋炒麵有腐竹、冬菇、蘑菇等材料, 加上少許菜, 麵脆卜卜, 醬汁惹味, 很不錯的炒麵。百幾元兩個人都食唔晒, 帶走可以食多一餐, 都好抵食, 茶可以揀玄米、玫瑰等幾特別, 有空會再來lunch。

近日喜歡吃素吃,今次一家人帶著婆婆五人走入屯門,店面不是新派,這令我感可一嘗傳統真好！素吃食物方面多元化，首先點了雲吞雞,牛肉羮,嘩好窩！小朋友們好喜歡,接著點蜜汁鱔片，碧綠千層和炒飯。鱔片偏帶甜了點但好吃，整體唔肥膩，食完想再encore！

琴日去左屯門呢間食素，大約8點入去，都7成滿，而我地入左去叫左個蜜椒牛柳粒薯角同咕嚕猴頭菇，無想過個牛柳同薯角好好食，有微辣，味道香口。但個猴頭菇沒有驚喜，但味道都唔差，都係酸酸甜甜。不過佢碟碟都唔少，都值得去試就黎中秋，佢仲有出幾隻素食月餅，無蛋，無防腐劑色素，不過唔記得影底，大家可以去睇睇

屯門區嘅齋菜其實真係非常少選擇開一間執下又一間.. 做得好食嘅又可以屹立不倒嘅應該真係得大力齋廚因為屋企人會食齋所以間唔中都會幫佢飲早茶同食晚飯好欣賞佢d點心啲味道真係幾唔錯齋豬肚豆卜同豬潤粥非常入味