大冒險家餐廳

营业中

休息中

大約半年前，Openrice 舉辦迪士尼抽獎活動，讓我有機會得到大獎！早前，突然收到通知我得獎，我都覺得好驚喜！於是，我便相約好朋友一起去免費遊迪士尼及新開的迪士尼探索家酒店渡宿一宵！ 今次好多謝好朋友百忙抽空陪我去迪士尼呀！我真係好開心， 雖則時間好短暫 ！逗留探索家酒店及迪士尼樂園不足 24小時，喺迪士尼探索家酒店大家都有難忘嘅體驗！我們在下午 3:00 check in 並在 counter 取迪士尼樂園門票，影相一輪兼在酒店 hea 一陣後，我們走到迪士尼樂園已經 4:00 嘞！逗留到大約 9:30，睇完煙花便離開！ 翌日早上 11:00 便要 check out 走！當日時間過得好快，行了兩個鐘，已經開始天黑！當時未到下午 6:30，我們經過迪士尼樂園迷離莊園的 <大冒險家餐廳>，建議早點食晚餐！這裡分為：印度、中國、泰國...好幾個國家名稱而不同裝潢的用餐區，意想不到當時大約下午 6:30，已經好 full！用餐區燈光昏暗，頗有氣氛！但是，嘈吵的環境坐滿食客， 我們食飽便盡快離開，把握時間趕快去下一個景點嘞！美食種類包括：印尼風味、韓式薈萃、南亞佳餚及和風美

見最近幾次都是吃漢堡包或是去大街餐廳吃下午茶，所以就想不如嘗嘗大冒險家餐廳吧！而且天氣那麼冷也想吃熱食。這家是先選好吃什麼再付錢的～因為店內燈光比較暗，我們選了靠近外邊的位置坐。我點了 - 雜菜咖喱 ($119) 配飯和薄餅，看落滿豐富的喔！最後全部吃光亦夠飽的。可惜的是飯有點乾 .... 再加上天冷的關係，飯吃起來有點硬，即使混了咖哩來吃也只是較易入口而已。薄餅則是更硬，沒有了那種煙煙韌韌的口感 .... 倒是咖哩的雜菜料夠多，有椰菜花、西椒、豆腐等等～加上有點辣倒是頗惹味。朋友點的則是 - 印尼炒飯 ($149)賣相看起來還不錯～而且這個會有肉！(其他的餐點大都是素食來)飲品方面，朋友+$14 轉成梨汁。是樽裝的，上面有米妮。

男朋友快生日，早早決定帶他去迪士尼玩，所以一早買好入場卷啦。希望他玩得開心啦，哈哈。進入迪士尼，我大慨只會吃三間餐廳，其他的都很伏阿，大家要小心哦。三間餐廳，分別是: 皇室宴會廳的焗飯，火箭餐廳的炸雞，大冒險家餐廳的印尼炒飯。印尼炒飯$149不知不覺，迪士尼的飯餐已由我第一次入園的八十多九十塊，加至現在的一百五啦。價錢略貴，但也是要吃的啦。大家預算每人每次入院約消費$800-1000哦。曾經吃過一次的 印尼炒飯，質素可算是不俗，所以又來一次啦。堆成圓堆體的炒飯，飯量極多，把大胃王的大塞飽啦。炒飯加入甜醬油，羅望子，蝦米，桑巴醬等，甜甜鹹鹹，米飯乾身，好好吃呢。配以大蝦，雞腿，沙爹雞肉串，蝦片等，超級滿足阿。配料質素平平，最好吃是沙爹串，花生味濃，雞腿則味淡，肉質略靭。

入迪士尼一定要食大冒險家餐廳，以樂園入面嘅物價嚟講，大冒險家餐廳算係抵食有特色同好味嘅一間。推介印尼炒飯，份量好大，賣相同味道都好好。另外韓式牛肋骨都值得一試，牛肋骨唔好話好韌，小食推介炒年糕。

某閒日入迪士尼玩, 午餐響皇室餐廳遇著各種不快既經歷後, 晚餐決定揀過另一間, 行到古堡旁既呢間, 6點幾無咩人, 大把位, 終於好易搵到個位休息下.食物方面都係分幾個國家, 韓式, 越式之類, 睇見人地個人參雞係幾正, 不過夏天未食已經流晒大汗, 所以都係食番海南雞飯配汽水.飯係油飯, 飯唔算太香, 而且較硬, 應該轉白飯會好D.雞肉唔算太肥, 而且肉算厚, 肉味都濃, 唔算太雪藏, 而且個海南雞豉油好好味.另外個例湯, 冬天飲可能偏咸, 但夏天可能出汗太多, 一飲D咸既湯特別好飲, 有點解暑既感覺.下次都會行入D黎呢間食, 唔再去皇室受氣.

今天樂園人很多，餐廳都是滿滿的人頭，在大冒險家餐廳有很多不同地方的食物，可以供人選擇。餐廳座位分為4個地區，俄羅斯和印度區都爆滿了，但埃及區的座位是戶外，會比較熱。最後選擇了室內的中國區坐。不過，因為樂園多小朋友，所以餐廳較嘈雜。因為持有全年證，所以能享用75折的優惠價購買食物。前菜是有點微辣的芽菜和青瓜，味道正常。便當中的雞腿肉嫩滑，炸雞扒的粉漿也不會過厚。炒飯中的雜菜是細冬菇和蘿蔔，但份量不算多。炒飯配合淡咖哩後，味道會較佳。牛肉粉絲湯中的牛味尚算濃郁，而且亦有些牛肉碎在湯。牛仔骨的份量足夠，而且配合的牛肉汁味道好。不過，就是略有一點韌，需要點牙力。本來期望都挺高的，但是醬汁的味道比想像中的淡。唯一是雞肉都不難咬，還可接受。後續：冒險家們補充能量後，要出發探險了。

在迪士尼餐廳不少，但說到好吃的不得不提位於迷離莊園的餐廳，今次我點了一個人蔘雞湯套餐，套餐包了一碗人蔘雞湯，一杯飲料，一碗飯，一碟泡菜，份量相當的多先說前菜泡菜，是冷盆來的，一小碟但十分美味，食落sharp sharp聲，辣味十足，很開胃！然後就到重點的人蔘雞湯，原來他每一個套餐的人蔘雞是一整只雞！！不是大雞但是一整只，雞和湯就很重的人蔘味，雞的肉質很嫩滑，一meet就可以meet開他的翼和腿，很易吃！這餐份量之大應該夠一對情侶分享來吃，我一個人吃完後，還剩整枝可樂未飲，飽到行唔郁咁濟！

入樂園, 這間是我其中一間最愛的快餐店, 套餐出品較有鑊氣, 份量恰當, 選擇較合口味, 味道好。3個套餐: 1。 人蔘雞套餐: 十分推介, 雖然價錢最貴, 但性格比最高。平時在韓國餐廳吃人蔘雞也偏貴, 在樂園這個價錢能吃到人蔘雞, 算很實在了。不要少看蔘湯, 很有人蔘甘甜味, 亦有原條人蔘附上!! 雞燜得剛好,打開雞肚還有飯在內。套餐配上泡菜, 冬天在樂園戶外玩吃個暖和身體, 想必更合意!2。印尼炒飯: 排起尖尖的飯塔, 相機先行是常識, 配料亦有雞腿, 蝦片, 串燒等等, 味道香濃, 配料很入味。不只單單吃炒飯那麼簡單。3。牛仔骨套餐: 中規中矩, 勝在份量也足, 不竟韓國餐廳點一份牛仔骨套餐也很貴呀! 牛仔骨質素ok, 煎出牛脂肪的香氣, 賣相吸引, 雖不是什麼有名堂的牛, 但用料質素也吃出是有精選具質素的, 與以樂園整體價格以言, 這套餐也算是抵食。

有免費飛約埋朋友入迪士尼玩, 差不多黃昏先入去, 因為夜晚可以睇埋萬聖節既巡遊入場時職員比左園內餐廳8折優惠券, 玩完再出去食又太夜, 既然有優惠券,當然向入便食埋啦~玩到肚餓, 就揀左最近我地既大冒險家餐廳唸住食晚飯一行入去, 嘩, 打左個突, 真係people mountain people sea!再望下餐牌, 嘩, 再打多個突, 好貴, 一個快餐飯連汽水索價HK$139!!! 折左都要HK$111算啦, 冇得揀....., 人多的關係, 等左15分鐘左右先買到呢個係最多人叫, 賣相最好既印尼炒飯套餐真係得個樣, 個飯有色冇味...最好食係塊味精蝦片另一個係海鮮飯, 叫做有一PAT 帶點辣既汁點綴下, D 食物先叫有味以後有機會去迪士尼, 一定唔會再留向入便幫襯任何餐飲

和友人一齊辦了全年通行証，當然要入多些樂園才能歸本。約了她一同入園內坐下過山車，睇下劇塲，hea下. 因為唔能夠帶食物入園內，唯有幫襯下樂園內既餐廳.我地揀咗迷離莊園裏既大冒險樂園餐廳。我叫咗一份印尼炒飯，加一杯奶茶。 份量都幾大下，賣相幾靚，味道也不錯，兩樣加埋百五有多，覚得略貴。朋友叫了韓式牛肋骨，佢話都幾好味道。

呢排阿媽實左好少煮東南亞菜我食，所以一見到有印尼菜就好想叫黎食。串燒燒得唔乾有肉汁，食落都幾似印尼鋪整既味道。至於印尼炒飯都有7成似🤔如果雞蛋炸一炸，再加番醬落去煮仲好。蝦片亦脆卜卜，大大塊冇漏氣🙄蝦同雞脾都係一般咁整，多番啲調味料會惹味好多。overall 139蚊係迪士尼到食都算合理價~

今日我們去咗迪士尼樂園玩，今次我們選擇咗去大冒險家餐廳食午飯！我們叫咗人參燉鷄湯套餐、越南牛肉湯河粉套餐同印尼炒飯套餐！人參燉鷄湯套餐嘅份量同賣相都幾豐富同吸引，有一整隻鷄，釀喺鷄入面嘅糯米吸收晒湯汁嘅香味，雖然份量唔算太多，但都幾惹味，而鷄肉嘅肉質都幾嫩滑！越南牛肉湯河粉套餐嘅湯底比較清淡，牛肉嘅肉質都幾嫩滑，而且份量都幾多，河粉嘅質感就比較「嚡」咗啲！印尼炒飯套餐嘅金字塔炒飯炒得好乾身同好入味，賣相相當吸引，蝦肉嘅肉質好爽口彈牙，而且都幾大隻，鷄脾嘅肉質都幾軟滑，沙嗲串燒嘅味道都幾惹味，蝦片都幾大塊，但唔算好脆！

通常去迪士尼都係食皇室宴會廳...今次有六折coupon...所以試o下呢間...印尼炒飯中間好大cone o既炒飯~ 味道都唔錯~ 蝦片都好脆~ 隻就就完全唔得!!! 個頭已經黑晒...d肉仲梅o既...好明顯唔新鮮...雞脾肉唔滑...但都未算最差...串燒都係雞肉...d醬係ok...但都係鞋...日式炸雞扒雞鎚配淡咖哩雞扒都炸得還可以...起碼夠大塊...隻雞鎚完全唔得!!! 連皮都甩埋...仲要鞋到不得了!!! 好彩d飯叫做有d味...又有d配料...咖哩名符其實好淡口...韓式牛仔骨呢個算係好食~ 牛仔骨都幾林幾好味~ 係稍為乾o左d...碗湯好咸...飲o左兩啖無飲...如果唔係有6折...正價真係未必會試...試完更加確定下次會去返食開o個間~ 

又遲左嘅食評...萬聖節又入迪士尼，今次返黎食。原來想試新嘢，但都係想食返印尼抄飯。~~~~~~~~~~~~~~~~~~~~~~印尼抄飯1.蝦片都係有啲唔夠脆2.抄飯入面嘅蝦份量十足3.今次啲蝦整得入味，正4.沙嗲超好味5.其他都好好黑夜幽靈 (萬聖節特飲,要$22)1.紅色莓＋菠蘿＋黑加倫子粒粒2.好飲，唔算好甜3.黑加倫子粒粒一咬會爆4.粒LED冰一如以往可以攞走

在網上買的樂園套票，包括餐券，所以去迪士尼樂園的餐廳嚐嚐鮮。樂園裡所有提供正餐的餐廳均可以選擇。提前在官網查詢過，覺得位於迷離莊園旁邊的大冒險家餐廳的佈景和菜式最符合我們兩個人的口味，就選擇了它。餐廳提供四國菜（日本、韓國、東南亞、印尼），座位有五種場景供選擇（埃及摩洛哥、中國、俄羅斯等等）。我和老公分別選擇了韓國人雞湯套餐和日本鰻魚定食。米飯略硬，可能蒸的時候水放少了。參雞湯用了一隻雞仔，湯很鮮，我沒有喝配套的汽水，基本把雞湯喝完了，真的很鮮美，讚一個。用餐券買的還搭配汽水，非常多野食，吃完飯之後把汽水帶走邊玩邊喝，很滿足的享受。很抵食的一餐，而且出乎意料的味道還不錯。價格也不貴，每個人大約120元。唯一不足是場景似乎不如官網上介紹的那麼宏大，而且埃及摩洛哥廳居然響起中國音樂，略有穿越感😂