大八方中國料理

营业中

休息中

今天点了數碟点心及炒飯一碟。送來的柴魚花生粥雖要重新煮熱。瑶柱菜粒蛋白炒飯的瑶柱少得驚人。手拉腸粉可以沒有甜醬。後補甜酱三吹四請後十五分鐘送達。可以一讚係特点蝦餃，皮薄蝦甜。其它(义煷包，鳳爪，牛肉球，春卷)一般可以接受。地方整潔程度比大排檔好少少。全場服務員少貓四隻。服務態度如刘華個句.... 今時今日的服務態度点得呀。

舊同學新居入伙，成班老同學山長水遠去到青龍頭恭賀。同學間屋面積1,400多呎，向東南，有個無敵大海景，對住青馬大橋，清晨可見到日出，個view真係超靚👍難得入青龍頭探老朋友，同學夫婦熱情招待特登去荃灣街市買咗唔少海鲜，然後帶去大八方酒樓烹調，當晚招待我哋班老友食海鮮餐先上桌嘅餐前小食係豬腳仔跟住，聽講呢度啲燒鵝重好食過深井，一試果然大大件且肥瘦適中，唔會好油膩，鵝肉入味，好juicy，無鵝騷味，暗藏香氣，超好食燒鵝係我嘅忍唔住食多兩件同學買嘅龍躉，嚟酒樓加工，肉質爽口彈牙火腩炆斑頭腩白鱔肥郁味鲜，蒸得唔過火生蠔炸粉唔會太多，美味黃花鱼炸得酥脆，成條連骨都食埋海蝦好新鮮太多油，可惜！總結：呢間酒樓環境寬敞舒適，侍應招待熱情，帶去加工嘅海鲜，每樣都烹調得宜，非常美味，是晚賓主盡歡，非常開心推薦呢度嘅燒鵝，食客必吃之選

早上參觀完屯門T.park後,旅遊巴司機哥哥就載咗我哋嚟呢度食午餐，呢度環境寬闊,樓底高洗手間乾淨又大不過係啲侍應唔夠,所以我哋個領隊Teresa要做埋PT侍應呢度啲燒鵝真係冇得頂，試過就知道，其他小菜~包括蝦仁炒滑蛋,欖菜炒四季豆,粟米斑塊，上湯蒜子浸娃娃菜，仲有糖醋排骨都好好食，隔離枱細食仲送咗燒鵝畀我哋枱添食，同枱朋友叫咗青島啤酒飲得好高興,搞到我都忍唔住叫咗一罐可樂飲下，佢仲有條好似用石雕嘅龍，栩栩如生，雕工精湛侍應雖然人手不足但係態度都好親切

每次都會食燒鵝，口水雞。佢d燒鵝仲好食過深井出名既飯店。口水雞麻香味濃，食完d汁仲可以攞返屋企加青瓜絲撈麵，簡直一流。仲可以望住個海景用餐，誠意推介，食過返尋味。

深井青龍頭大八方，一直係我飲茶不2之選⋯今日叫咗蝦餃，有肉汁又夠料、春卷好脆又有多料、鴨腳扎，D鴨腳炆到剛剛好、炸饅頭又香又脆、冰震鳳爪更加係無得輸之選、叉燒腸粉，D皮厚咗D、最後來個排骨菜遠抄麵，更加係每次都一定要叫，趣好脆口，排骨又夠多，食完剛剛好，正！

🍽大八方中國料理🍽 Dinner難得入深井探朋友 朋友非常熱情招待😳準備咗好多好嘢食😎登登登登😂 係海鮮sss宴🐟🦀🐚魚係朋友釣🎣長腳蟹、帶子同蟶子係附近街市買上黎俾酒樓煮☺️等朋友嚟之前 又燒肉做前菜個燒肉超香好好食🙈可惜食完先發現唔記得影相完全冇浪費到啲海鮮每樣都煮得好好食剩返啲魚🐟仲幫我哋切好 俾我哋帶走無carb 都食飽飽❤️環境闊落舒適💪🏻有人情味嘅酒樓😳p.s. 回味一下🙂而家無dinner😂

大八方係一間性價比超高嘅酒家，永遠唔會令我失望，飲茶同食晚飯都好好⋯個人比較喜歡週未過嚟飲茶，每次必點嘅係「冰鎮鳳爪」推介之選⋯而另一必食系列，就係菜遠排骨抄麵，真係其他地方食唔返⋯ 😅😅😅

大八方 青龍頭呢間酒店位置比較偏，唔係去探朋友應該唔會突登入去，但味道有驚喜！最好食係煎釀茄子（中點），好入味！上面嘅蝦膏好厚肉，點醬汁一流🤣叉燒酥（大點）都好好食😋好鬆脆！鹹水角（中點）食得出係即叫即炸，唔係返煎，味道非常好！😋排骨（大點）好大舊，好入味，下面仲有芋頭😋

我們一向喜歡這裏口水雞丶燒鵝丶叉燒。今日去完千島湖，在掃管笏搭的士過嚟食lunch仲抵，三個人$193 埋單。$145餐有叉燒丶燒鵝大碗飯，一碟菜心，細碟口水雞，兩個點心加埋茶錢加一，合共$193，好味又舒服。

疫情咁耐，一直都冇飲過茶，今日心血來潮，落去飲下茶啦，叫咗5樣嘢食...1.）叉燒腸粉 2粒星，個皮硬骨骨，叉燒粗鞋，冇咩味，仲衰過街邊檔或者叮叮點心嘅質素。2.）牛肉腸粉 2.5星，個皮軟過叉燒腸粉少少，不過裏面啲餡得舊粉，完全冇食緊肉嘅質感，唔知食緊啲乜。3.）叉燒包3粒星，質素正常，整出嚟都算都熱😐4.）蝦餃3粒星，皮唔夠薄，餡就算正常。😐5.）炸春卷1粒星，一咬落去都有少少脆嘅，不過成條凍冰冰，最後成碟退返畀佢....個位得一支牙籤....說真，作為街坊都唔願意再嚟食...sad...

自從限聚二人之後好耐都飲過茶喇，呢日心血來潮好想食點心，又咁岩經過舊屋諗起大八方；限二人之後都少左人飲茶，所以即使係星期日中午時間，都係直接有位；仲要可以自己揀位坐，幾好啊，可以靜靜地假日飲個茶呢個我覺得都算係佢地嘅招牌菜，口水雞，好多時我都會點呢個，微辣，十分惹味春卷應該一大批炸定，所以唔係剛炸好嘅十分熱，脆度都爭dd蝦餃大隻，都算晶瑩剔透，係有隻個皮穿左有啲敗筆；水準最穩陣嘅就係蝦燒賣，同埋叉燒腸，膠粉豉油係另上，鍾意落多少自己話事另外由於餐廳喺青龍頭，我地係揸車去嘅，消費涌$100就可以免費2小時

同朋友第一次來到青龍頭，知道呢度大八方有海景特登來一邊飲茶一邊欣賞風景。星期日中午1點來唔算多人，唔使等位就可以拿到卡位四人台了。好好彩呀！乾蔥胡椒蝦（$78）蝦炸到殼好脆，幹蔥同胡椒夠曬惹味，蝦膏夠多，蝦肉係口中有蝦膏既蛋黃味。值得一試！蟹子燒賣（$29.8）豬肉夠新鮮彈牙，唔會太多粉。如果再熱啲會更好。桂林牛肉腸（大點）蒸過後的牛肉仍然保持嫩滑,醬油唔會太甜岩岩好。荷葉珍珠雞（大點）內裡既餡夠多汁，糯米飯夠曬入味

呢間餐廳真係唔係附近居民都唔會知佢既存在，但真係好有驚喜!本身見佢係小商場仔既一間酒樓，都冇特別感覺。但上菜先覺得，真係好食!我地冇叫圍餐就咁散叫，其實d餸就係平時酒樓個d, 冇話特別精緻, 玩晒花款。但就係好好味!去一間酒樓食野必要試咕嚕肉!正呀！甜酸度岩岩好!d肉質都好味!蝦球唔係一般炸起乾巴巴，有汁一齊食，乳豬就係脆皮豬! 其實仲有叫鴨舌，炸子雞，瓜菜，蒜泥白肉等等既餸，但冇影到因為掛住食😂😂可以想像到，真係好好味既中菜餐廳呀!

懷舊，好味，特色小菜：食左花生前菜，普洱都有味鬼馬牛肉～～好耐無食～唔多地方有呢款小菜小炒皇：炒得有d 淋既韮菜花～不過好夠味～正～包左薑絲同少少辣 椒去炒，有淡淡的薑絲味～連唔食薑既我都覺得ok~|蝦乾都唔太乾，比較淋，都幾好～主菜：鬼馬牛肉既油炸鬼好脆，好味～！唔多小菜用馬蹄去炒，夠爽～最後仲有薑汁番薯糖水，飽飽～～～埋單只係235包飯～～人少少～靜靜地～～

呢一間餐廳係朋友屋企附近，一心諗住冇乜期望，點知晚飯時間都有七成滿。環境好寬敞。坐得好舒適。一行10人，點左一啲八個菜色。全部份量都十足。味道不錯。最驚喜係隻片皮鴨，估唔到係屋村嘅酒樓，都會有燒得得咁香脆嘅片皮鴨，有光澤，而且非常脆口，難得侍應仲會係面前片皮，真係要讚一讚！雜菜煲係朋友嘅至愛，佢比一般嘅size更加大，入邊嘅菜種類都頗多，絕不欺場。本來想叫黃金蝦，最後叫咗胡椒蝦，非常入味，原隻蝦都可以放入口咀嚼今晚晚飯好滿意，價錢又抵。