影片
以上资料只供参考，请与餐厅确认详情
我11:27分打电话落去，本身亦唔系冇礼貌（有讲唔该），但落单阿姐冇礼貌到爆，叫个早餐唔讲以为得罪佢，话已经过咗钟但早餐应该11:30完，佢就劲冇礼貌话睇吓落唔落到，就直接cut咗线。最后攞咗返嚟系计下午茶价钱，但张单明显写咗系11:27:55落单，如果照佢逻辑，机都显示时间冇过就可以落到，冇可能退而求其次拣下午茶，同埋如果要跟机嘅话下午茶时间未到应该都点唔到下午茶啦？本身两蚊我都由佢，但佢咁冇礼貌就越食越嬲所以再打落去，同一个落单阿姐听返，知道我系要讲呢件事就即刻走咗叫第二个人听，仲要话系头先落单𠮶个xxx（听唔到，但应该都唔系好嘢），估唔到嗌个外卖好似做错嘢咁，之后听𠮶个阿姐都OK就问我想而家攞定下次攞，话已经记得我系边个（心谂咩料？）但求其，叫工人落去攞返两蚊，虽然濑粉好食（烧鹅还好）但应该未必再食，无谓受气
继续阅读
今日嚟到土瓜湾宋王台呢一头，我就比较少去呢一个地方嘅，虽然之前教画都有去过附近嘅画室附近，但𠮶阵时食lunch得一个钟都系食附近几间泰国菜。今日我去宋王台附近拍摄，顺便睇睇仲起紧嘅启德体育馆，所以行行吓就由牛棚艺术村𠮶边过咗嚟呢一间大坑烧鹅，我叫咗一个烧鹅髀，朋友就叫咗个熏蹄双拼饭。环境嚟讲都算唔错，而且佢都几多人排队喺度买紧嘢食，我觉得个烧鹅髀都份量几足够嘅，个奶粉汤底都有味，我哋叫咗一个冻奶茶同埋一个冻柠茶。
继续阅读
路过想食，望一望时间下午2点几，未够30分，正好大享烧鹅2点开始下午茶～ 刚巧见到36单并38双拼，真系好抵食呀～门口见到烧鹅靓，不过我无留心睇个下午茶餐牌～ 原来另一处有烧鹅下午茶系38，但店员问食咩时，心急睇唔到，就叫左双拼叉烧豉油鸡濑粉～ 跟一杯冻柠檬茶加3蚊，无加一，呢个价黎讲都几抵食架啦～ 双拼叉烧豉油鸡濑粉～D烧味唔错呀～ 汤底黎讲，本人觉得比较清淡，我比较喜欢浓味一点的～ 冻柠茶柠檬都新鲜，唔系雪到无晒水那类，而个茶底如果浓小小会好D, 而我没有叫小甜，感觉唔够甜，如果叫小甜可能就会岩D~ 但41蚊埋单黎讲都叫做合格的下午茶
继续阅读
我最近在这家外卖餐厅的经历非常糟糕。店员的态度让我感到非常失望。他们对顾客的服务实在太差了，完全没有任何礼貌。当我走进餐厅点餐时，有一位店员根本没有给我微笑，反而用冷漠的眼神盯著我，让我感到非常不舒服。当我询问菜单上的一些问题时，店员的反应非常不耐烦，语气也很粗鲁。他们似乎根本不想花时间解释任何事情，让我觉得自己像是一个麻烦的顾客。我原本希望能有一个愉快的用餐体验，但却被这样的服务搞坏了心情。这样的态度实在是不可接受，顾客来这里是希望能享受到好的食物和服务，而不是受到忽视和不尊重。我不会再光顾这家餐厅，也不会推荐给我的朋友和家人。希望他们能改进服务，否则会失去很多顾客。
继续阅读
今晚有亲戚来食饭，屋企人叫我谂定斩咩料返去加𩠌。本来想去甘Ⅹ订烧鹅就算，点知排晒长龙，D呀姐又忙，冇人理之下走去第二间买。谂起好早前系士瓜湾食个一间烧味，味道还可以，所以早两日走落就订定烧鹅，见到油鸡刚刚出炉，决定订多两只油锥，今日先去攞。楼面门囗靓女姐姐应得我，仲好细心咁讲，“如果冇咁早食返到去打开个盖唔好局佢”。返到屋企好快打开晒D盖，鹅同鸡都仲热辣辣，忍唔住偷食两旧，鹅油好看，皮脆，油鸡真系未试过咁滑，今次无买错，下次会试下其他烧味。
继续阅读