大井町日式放題 (已結業)

我有一張放題券，券上面話要打電話去book位，甘我早一個星期前已經打過去成功book位，並同佢地講清楚會用呢張野，當日佢地店員都有打黎同我confirm過，點知去到坐底左一段時間同畫緊食物既時候，佢同我講今日話情人節係公眾假期唔可以用，但事前冇一個員工甘同我講，個店員仲要黑面，態度勁差，叫我走，勁有問題，態度評分嗰到如果可以，我真係一粒星都唔想比，但佢要我比分先po到

甜點多樣賣相還可，但真心唔好食，天婦羅好淋，燒蝦串不新鮮，鰻魚很腥，價錢貴，質素很差。本身見到其他食評都讚口不絕，就充滿期望去試試，點知失望到極點，只得座位環境還算舒服

地方超大超闊落，可能我地人多，比左間房仔我地，自成一角，適合家庭聚會或公司飯局！！！食物種類超多亦夠新鮮，比較油尖旺區大型連鎖放題種類更多，淨係睇食物紙都睇左揀左勁耐。。。飲品亦超多選擇，推介有提子果酒，易入口又唔重酒味！！！食物黎得好快，亦黎得好足，點幾多真係黎幾多，無偷工減料或漏單情況！美中不足係自助甜品唔多，賣相亦不太吸引，可能本身不好甜食！！！總括呢個價錢比到嘅材料係水準之上，一定會黎多幾次， 期待往後有更多優惠！！！

我見人地好多都係講宵夜唔得， 我就黎試下個早場 早場11點半食到3點 ，時間上好鬆動， 但原來係有原因的 ，我地11點半坐低,就梗係寫左刺身先啦，點知，刺身師傅儲單，一次過出8張檯既刺身，所以我地寫先都等左20-25分鐘先有得食叫左三文魚，吞拿魚，帶子，劍魚腩，油金魚 油金魚比想像中好食，其他都係只係好普通，所以再叫多轉都只係三文 ，吞拿同油金魚。仲叫左D咩創作料理既薄切鱲魚拌海膽醬落完檯我都忍唔住捉住個侍應問下尼碟乜傢伙黎 我自問唔係對海膽好有興趣，唔係一定要食到，但你上檯個樣野實在同本身既樣太不符了吧 ， 如果係期望食海膽既朋友，千祈千祈唔好叫尼個黎食，會傷心的。之後黎既幾樣都好在好食，樣樣都再叫左兩，三次芝士年糕，榴蓮炸彈，芝麻雞翼-- 芝士年糕，榴蓮炸彈，係忍唔住 Encore 之選。燒羊架--- 本人係勁鐘意食羊，亦要有羊膻味，尼個完全合我要求，本來上檯都唔係好覺有，但一咬落去D羊膻味就開始飄出黎，都係忍唔住既 Encore 之選。芝士辣味三文魚卷---- 普通，唔覺邊忽有辣味。香芒鵝肝卷---- 尼個睇你好唔好彩，而本人亦好在 Encore 左兩次，其中一舊鵝肝有苦味，其

說起放題大家都會想起旺角，其實新界區也有不少選擇，這次便來了荃灣的大井町日式放題。餐廳位於大鴻輝中心，平常晚餐繁忙時段常常看到大堂打蛇餅，食客排隊等升降機至門外，幸好大井町在三樓，乘扶手電梯便行，不用排長龍。時間尚早，可以坐窗口卡位。除了冷盤熱飲，還有一排飲品櫃，任君選擇。每桌有兩大本字典般厚的餐牌。不消一會兩個女人便點了滿桌的菜。炸物點菜單位以件數計，每款也可以試一下。榴槤炸彈蠻特別，外脆內軟；芝麻雞翼炸得香口惹味！忍不住加碼；還吃了炸餃子和脆香雞粒。蒸焗芝士焗蟹蓋帶子北海燒味噌焗蠔鐵板料理想不到日式放題也有這麼多熟食料理，是壽司和刺身外的特別選擇。怪味雞香辣過癮。鐵板牛柳粒啖啖肉，十分惹味。燒物燒菠蘿燒雞翼蜜汁豬腩串有驚喜！豬腩燒得微脆，肉香足，蜜汁甜。鹽燒海蝦單純以鹽調味更能帶出海蝦的鮮美。一品料理清酒煮蜆刺身來到放題的主角──刺身盛！！看到鄰桌的一大盤刺身，突然覺得我們兩個點得太收歛。點了三文魚、北寄貝、帶子、甜蝦和八爪魚，肉質鮮嫩爽口，盤內有冰塊保持刺身的溫度。火炙壽司火炙壽司是我們的最愛！！！選擇繁多，目不暇給。燒和牛壽司拌黃芥末籽火炙海膽醬玻璃蝦火炙三文魚腩火炙三文魚腩最

今年莫家團年飯我哋嘅莫大小姐話要食放題，大家當然鼎力支持佢嘅建議啦！上飲食網站查閱發現荃灣新開了這間大井町日式放題那就試下呢間新的日式放題吧！這夜收費成人$258/位，長者$208/位兩小時任食，價錢都係一般放題的價錢，而且冇因為臨近年尾而加價，這一點值得一讚👍，但這夜就發生一件幾唔開心的事，有位黑衫侍應竟然因為我哋點了30件刺身而跟我哥哥說*食唔食得晒架,食唔晒要收錢*，態度十分惡劣，實在太侮辱客人😡，可幸另一位負責人即時來道歉及跟進漏單，大家才熄怒呢。因為新場的關係內裏十分光猛，亦都乾淨舒適，座位尚算舒服唔算太逼狹。跟一般放題同樣將飲品放在雪櫃內🍺🍹，任客人隨意選自己喜歡的飲品，可惜這夜的飲品真的不夠凍呢！但店內竟然有熱嘅維他奶供應呀，我都係第一次係放題店見到有熱維他奶勁呀。甜品櫃都係一般嘅Cupcake，泡芙，和果子等甜品。呢個係豆腐雪糕帶香香的豆腐味，放在一個白色小雪櫃中，一不留神好易看不見架！另外還有新鮮生果和沙律菜自取，見到咁多新鮮的菠蘿開心死我了😁。第一碟當然係食咗新鮮生果先啦，菠蘿甜美，西瓜清甜，哈密瓜就一般啦！而我就一口氣取了這三款果酒🍹給車爸爸，包括白桃，荔枝同埋提

「大胃D:好想唔睇價錢係咁食刺身壽司🍣🍱🍣🍤」就梗係去食放題啦!依間對於我依個 #放題控 黎講 質素都屬於可以一戰既 講真價錢方面唔算平 但質素係接受既👌有 #movenpick 拉高個性價比❤-我地個晚總共叫左3輪刺身 3次質素都keep到 好可惜既係 我叫完第2次先見到赤蝦 之前我一路都係點甜蝦😢不過 甜蝦既質素都唔錯 起碼無其他放題店既 蝦頭變黑既情況 -不過 留意 赤蝦 點2隻 佢地係會出1隻 (經驗之談😎)淨係食蝦我都食左30件以上 未計其他嘢食😂我係#蝦蝦控 除左蝦 帶子係有切半既份量👍唔同有d細細粒既元貝扮帶子👎仲有劍魚腩 油甘魚 入口係有油香!!都係必食👍 -基本上 除左串燒有漏單情況 其他嘢食都出得齊 全部炸物都新鮮熱辣 壽司可以試既 份量岩岩好一啖一個 試哂無難道❤同埋見到好多人叫#羊架 我見到隔壁枱羊架好大隻 睇落唔柴皮 應該都不錯吃 不過我唔太鐘意羊 所以無叫 仲有個#松腳蟹粥窩 多人食都可以食埋👍 -中伏之選#釀蟹蓋 勁淡😓#蘿蔔絲炸蝦 樣就好靚 但又係好淡 可以慳番👍

一行十七個人開開心心食放題，換來一肚氣。十七個人去食，其中一個是歲多的小朋友，說她不用付款，但不會給她櫈子坐。如果比多張櫈要收十七個人錢，我真係完全未聽過，如果我們不坐，是否全數不用付款呢，黑衫黑褲的女侍應態度非常差。

18-1-17 星期三 訂了9：00 3位 ，準時入座 ，接待處（男）態度殷勤食物上菜時間可以接受，刺生件數足，大小正常，而且新鮮，熱食味道普通，鷄翼咸左啲，壽司也很好，甜品種類ok，飲品種類超多選擇失望之處焗扇貝太咸，而且粒扇貝肉又細又乾炸芝士波塊皮好厚粉侍應冇人得閒執枱換碟，要叫先拎走食到尾可能趕住收工，last order叫嘅嘢漏得好緊要，提左3次，都係黎啲唔黎啲，最後仲話原來沽清左，但冇人通知我地總結係刺身同飲品出色 熱食平平冇奇

呢間我見有咁多人俾好評，所以尋晚選擇左食呢間放題。一入到去，見到咁多人食，實無死啦，以為搵到間好食既放題，咁我就9點30分入座，即刻落刺身先，因為一間好既放題，係睇啲刺身最清楚好定唔好。結果係失望既，叫既數量同黎既數量唔同，係欠左好多野食，已經第一印象唔好啦，同埋啲刺身係無味咖。啲野食係黎得快，但全部都係唔足量既。食到最後，可能就到職員放工，佢地係咁執野，隔2分鐘行過黎問仲要唔要，個感覺係趕你走咁。食咁多間放題，呢間雖然唔係最差，但如果10分滿分，我頂盡只會俾3分，因為質素真係麻麻。

大鴻輝的確有好多好餐廳, 滿屋, 一品, BBQ military, 大鍋口等等!但亦因為咁，等Lift 既人龍誇張起上黎，排到出建築物出面，真係見到都怕怕今日一班同學好耐無聚舊，相約o係荃灣食放題。黎到大鴻輝，又見到條長龍，正死死地氣排隊既時候，見到大井町既廣告，o係3樓!o係3樓.....OMG姐係唔洗排隊，拿拿聲跑上去拎位!我以為會好多人啦，點知都唔係，因為佢新開未有人知道呢間野咩料子。好，今日就等我地黎試試。放題2小時任食，時間適中。我地一行5人坐卡位。感覺大井町既MENU 同十幾樓既滿屋有少少似。我地好開心咁點菜啦，剌身，燒物，壽司，熟食咩都點一餐。剌身質素都唔錯，三文魚比一般放題點厚切，而且好肥!其他質身如蝦, 吞拿魚都唔錯，完全無腥味，夠凍!!不過舊蛋就難食左少少，又凍又硬又淡味，唔好食壽司反而做得幾出色，牛油果軟殼蟹，海膽鰻魚卷，花之戀都好好味!主要d 壽司飯做得好，醋既份量落得岩岩好，飯粒好煙韌，唔錯!如果d wasabi 可以再辣D就好喇埋單每人連加一$262, 中等價錢, 但可以避開長龍又唔洗等, 我覺得值既! 質素都OK

呢度同平時放題唔同 有個corner位拎甜品 幾特別喺一開始可以先食下甜品 沙律先 完全唔似平時既放題 幾特別下～～坐左無耐就有得食 都算幾快手 ～～食左都好多野下~~食放題當然食刺身啦 呢度刺身都好正 仲有帶子食 壽司既飯就一般 都係食多啲刺身好啲 反卷都算可以既羊架就一般 唔太夠味我本身對佢太有期望 太可惜了炸物都唔錯 炸餃子同雞翼都好好食呢度仲有雪糕拎 獨立包裝 芝麻味 正最尾每枱仲有個雪條或者雪糕食 為呢一餐畫上完美句號總體黎講都唔錯

收工想食日本野 就同男朋友去試下新開既放題 無book到位 可能系星期一既關係 吾洗等就可以入去lu😀地方都幾大 安排左我地坐卡位 飲品真系比其他多好多選擇 又有熱維他奶不過我簡左我最中意既蜂蜜柚子茶😁😁😁叫左個海膽手卷 之前食果d仼食海膽都系苦既但尼度甜甜地 有d愛上左海膽當然吾少得叫刺食 賣相好好 三文魚無腥味 任食黎講尼個質素已經算系吾錯架啦😂😂有明太子同龍蝦卷物 不得不贊龍蝦卷物 啖啖都系肉👍🏻👍🏻👍🏻尼個牛肉粒一般啦 吾會太難咬既😹😹串燒就偏咸 個人真吾太中意太重口味既野食 有待改善👈🏻👈🏻👈🏻總捨黎講 都算吾錯 要讚既系服務態度 一舉手 就有待應黎收紙 種類多 值得一試呀👍🏻👍🏻👍🏻

日本菜，三個字，好像從來都厄立不倒。兩三年前韓流興起，卻好像沒有影響日本菜的發展。還記得以前八佰伴的紅豆餅呢。到現在，日本文化更流行。日本甜品，抹茶大行其道。只不過，放題始終在香港人心中最受歡迎。也許，一個價錢，叫什麼東西也不用理會，相信一定很享受。井町是間新開放題，但與一般放題不同，就是他的環境寬落好多，好適合成班朋友一齊嚟呢。除左有放題紙俾大家落單外，一啲飲品，沙律都可以系drink Bar，未有嘢食住，就可以出去行去，食下沙律墊住個胃先。飲品：款式好多，除左一般汽水外，仲有韓國飲品，就連我最鍾意嘅忌廉鮮牛奶都有呢。甜品：大部分甜品都可以系SNACK BAR搵到，除左ICE CREAM之外，仲有好多日本甜品。質素不俗，乳酪是推介之作。 食得放題，重點是刺身吧。手卷：全部即叫即做，但沙律醬略多。刺身：雖然款式不多，但質素很好，刺身蝦質素最好，超大隻，回本之選。刺身蝦超大隻，坊間少見，回本之選。熱食：大部分質素都與一般放題相若，而羊架很出色，外脆內軟，肉質粉嫩。最後人人都會送movenpick，有vanilla同chocolate選擇，只限一杯，推介朱古力，很香濃。總評：質素佳，而且有

大鴻輝成棟大廈都係食肆。 識食一定係早d 黎食，黎過既人都知8點鐘等lift 條隊有幾誇張！我地就選擇左唔使等lift, 又有早鳥價既放題7點半前交枱只需195餐廳大部份都係卡位，2個人都有張4人枱坐得好舒服坐低職員就交張雪糕order 紙，有我最鐘意既movenpick!!! 可惜每人只限order 一次。緊係，成30蚊一盒。。職員話出面有其他雪糕都可以任拎。好啦野飲都係自己任拎好大個野飲，甜品櫃！竟然有熱野飲真係O 左咀，岩晒冬天同埋小朋友！我拎左支 支裝既解茶！拎完野飲刺身就到！刺身新鮮，無漏單。最欣賞係甜蝦，竟然有少少彈牙！北寄貝都好鮮甜媽媽話三文魚夠厚，好好味，差唔多佢食晒，之後仲要encore!清酒煮蜆，他他吞拿魚，創意壽司清酒煮蜆唔太食到清酒味，但蜆肉大粒而且都幾鮮味。海折魚翅甜甜地辣辣地，非常開胃！炸物全部都係新鮮炸起，拎到黎熱辣辣芝麻雞翼外脆內滑，好香口黑魚餅爽口易咬，如果有泰式辣醬就似食緊泰式蝦餅甘！芝士年糕好香流心芝士，咬落去要好小心！芋頭丸味道偏甜，但芋頭味不太食到榴槤丸交比媽咪食佢話好重榴槤味，我聞左一下，果然！媽媽超中意，話好多放題都有芋頭但無榴槤，呀媽你幾