大久保日本料理 (已結業)

人多，位迫，上菜慢而亂，成日走單，俾錯食物，d食物好似打風完咁。得個平字，咩都有d，但宜家都有好多間都一樣價錢nei。

早一個月前去旺角o個間食中午自助餐，d野食choices勁少，野食又唔係話全部好味喎，我地都好彩，黎的食物都好快下，不過食到最尾先至恐怖......竟然無叫的食物一碟又一碟係咁畀黎，當時有d朋友話唔緊要，照食，但食到真係好飽時，嘩......仲係咁畀黎喎......有無搞錯的，食唔晒要續樣計錢架嘛，咁咪唔鬼要囉。另外，間野請d人手好明顯唔夠的，d員工做到真係無停的，食野時間好似係無咁，佢地只不過係入廚房拎野食時，順便食畀野，唔該請番多d人好喎。至於有d收穫係幾好的，就係本來中午自助餐係無鮑魚壽司的，但當我地叫魷魚壽司，佢竟然畀左鮑魚壽司hahaha

昨晚約左班朋友一齊去食野順便慶祝埋生日,其實呢間野幾個月前去過,覺得都ok 啦。咁既價錢可以光顧下.但今次就令我好失望勒,走單又走得緊要,你落十張order 只會黎番3 至4個order,問d 待應d order 仲未到,只會答你黎緊,當然最終都係唔見影啦.叫d 待應加茶，佢就係同你加少少,同檯其他人無晒茶都唔會自動自覺同你加茶,又話有個壽司蛋糕送,由開始食問到單又埋左,預備走先至囉野,攪到無晒mood.所以大家去呢間野之前都要三思呀!

服務態度原本非常好,<br>只可惜被一位職員破壞.

今日同同事去左銅鑼灣間分店食LUNCH，講真48 蚊就預左D 野食唔會好得，結果魚生就真係唔係幾新鮮，壽司就散修修咁，拉麵就可以接受，勝在夠大腕，比較好係D天婦羅，起碼就炸得香脆兼熱辣辣。<br>不過最大問題始終係出野食出得太慢，除非你有3個鐘食晏，否則坐得o個1個鐘一定食唔飽，同埋SERVICE 一定唔會好好啦！因為呢度唔係魚一丁同和民。<br>值唔值得去就你自己話事囉！

我星期六同一班朋友去食,我朋友同我講可以食到八點半,但係七點鐘last call, 七點半仲要趕人走走唔緊要但係唔好同我講話可以食到八點半丫仲有, 個d 侍應態度好差我一定唔會再去, 費事勞氣

見到$140+10%日本buffet,又送魔鬼魚料理,好似幾抵,就算訂左位都要排隊,點知D魚生唔新鮮,熟食又唔好味,我朋友因為好鐘意食三文魚魚生,食佢好幾碟,返到屋企仲肚痾.下次我唔會再去.

尋日響呢度食530至730既HAPPY HOUR..D服務好差.D茶飲哂..要叫幾10聲先慢慢行過黎'針'下水~喝死都得啦等得佢地D人黎~叫得多野食又問我地驚唔驚食唔哂~問長問短咁~又無咩笑容~由其是個女經理.~下下好似用質問既語氣問我地咁多件壽司點食.食唔到唔好叫咁多~總之D服務態度唔掂啦~~到D野食~D三文魚唔太新鮮啦~刺身都一般~同埋D墨魚係凍既~好難食`~仲有D豆腐梗梗地同有D酸咁~好食既有D雞串,豚肉串,炸蟹,燒雞粒~南爪天婦羅都過得去既~不過D野食一係等好耐,,一係一黎就幾碟幾碟咁上.搞到成張TABLE都係.迫到死喎又.~張TABLE已經唔係大~我地5個人,~佢地竟然比D4人位我地.~就咁加左張椅就算.,唔係平都唔去LAW..1人88蚊加1..想食好野同D同服務要好既就千萬唔好去呢間死人大久保喇^^^