大久保日本料理 (已結業)

訂左檯去到，竟然夠膽死話我冇再打電話同佢地落實而唔比檯，訂檯的意義何在﹗第一次打電話去訂檯時根本冇同我講過要再打電話去落實，搞到我同D朋友果晚幾慘﹗仲唔接受投訴添﹗服務應該比零分﹗

我係響銅鑼灣店食$88日本料理任食唔算貴,但係好似幫佢倒垃圾咁,實在太過份.食物由用料以至料理法都係垃圾,不知所謂,無人入院已經係奇蹟,仲有就係我都未試過任食可以唔飽.可想而知啲野出得幾咁慢>_<

我係食晚餐buffet，上次去個陣多人，所以有間房，感覺free d，好過起出面。可惜，d野食叫左勁耐都唔o黎，已經猛咁吹佢地……d三文魚初初o黎果d都ok，後尾個時o黎果d，好似just起個雪櫃入面拎出o黎咁，有冰ga!!最離譜係個"魚翅豆腐"，d豆腐變左ga，有酸味>.< 我都費事投訴，放埋一邊唔食就算。其他野食就麻麻地。走單情況唔算太嚴重，不過就專係d刺身走單!d service就普通啦。我既comment係:唔抵食。

個經理勁好人, 冇帶COUPON 都比八折我地...又抵食, 不過次次去都唔同既, 之前D 豬頸肉一片片, 好好食, 最近去果次, CUT 到一絲絲.. 又多肥豬肉...... 差左D !!三文魚刺身唔算新鮮,就勁厚D ORDER 多到食唔晒, 不過坐出面既就差D .........不過未到時間, 又唔可以上去坐住先就慘D

呢間真係...唔掂至頂點...食物差...少選擇...dirty...地方細...service 差....冇樣好..只以價錢引人...其實亦不算平...要大約$50(lunch)...$50可以食到好多好野食...anyway...far from it.

佢地的服務態度差，order左十樣野，只得一、兩樣野到，吹極到無到，係咁等，係咁等，等等下就話夠鐘啦，咁樣呃錢法，邊個會再去呀！真係勸?地想長做的話，就真係要跟足客人要求啦，其實都唔平啦，係黃金時間，買單都要150元啦，但都食唔飽，唯一食得飽就係一肚氣！

Very Good!!!!!!!!

lee間野，我只係去過一次，佢俾我o既印象唔錯。上次我同幾位朋友一齊去，我地book左間房，我地入面都幾free，我相信出面會差d。而我去段時間係6:30左右，時食比較抵，只係$88一位，而d野食都唔錯，亦冇乜走單...

我只能夠講好難食想印証就去試一試旺角既翠院(食越南，泰國菜) 重好啦

Though the official hour for 8 pm buffer is 2 hours, guests settle down around 8.20 pm and the last order is 9.20 pm. Lots of missed orders and short orders. For a group of six, some orders only have 2 pieces. Food size is small and look mess. Dont go there.

唔覺太多走單. ORDER 黎足85% 呀, 不過要去大久保既朋友, 多人先好去. 因唔係房食, 煩好多, 係出面, 走單機會大. 有房冒SERVICE 好D.最正係個生蠔鍋!!! 三文魚刺生!!

所以我唔敢食, 食都叫朋友問過師傅咩野無問題先食...由其一d加工過既食物.....例如d牛丸擺到起晒"山"洗走左就俾人食....肉類為左平d一大批入, 經常過晒期....食過唔柯偷笑~~

兆萬附近間分店大熊本都係咁污嘈!!!

從來未試過食飯會食到好似乞咁, 經過門口, 小姐不斷落咀頭推介, 同男朋友想一吃無仿, 點知入左黑店, 落錯單, 無野食送來, 我地足足等左20分鐘以上, 趨吹了侍應生兩次, 才送來一碟好似紙咁薄既魚生, 點知仲有魚鱗送, 叫其他熱食, 等左好耐終於有得食, 因為勁肚餓的關係, 一放入口,即刻吐出來, 你食過串燒係凍未架, 冰凍架, 好似煮熟左, 但係都唔知放左係邊, 簡直不知所謂, 有人請我都唔會再去。<br />如果可以比負數, 我比-10分。

朋友一句話好似好味, 就去試了, 點知剌身好腥, 蝦唔新鮮, 連燒菇都有腥味,有個叫什麼牛柳, 配菜一堆但牛柳只有兩條, 仲有剌身通常MISS ORDER, 地方淺窄, BUFFET $138一位,加埋一都要$152, 去REGAL HOTEL 冇咁嬲($155), 因現在PROMOTION緊, EVEN 幫襯味千OR壽司亭, 仲平&好味, 朋友受到懲罰, 行了一會就話肚痛, 要急忙回家