大丼屋 (已結業)

我好喜歡食丼飯，因為一飯可滿足多心的我😋一知道荃灣開左專食丼飯既大丼屋，立刻要去試下啦「大丼屋」位於荃灣百悅坊二樓，一上電動扶手梯即刻可以見到好多人在等位，因為新張期做緊買一賞一之優惠非常抵食😋只要你快兩個丼飯，就會賞你價錢夠低的一個，優惠期到三月尾巨型富士山丼呢個丼飯簡直一次過滿足晒我所有嘅需要牡丹蝦彈牙鮮甜，吞拿魚蓉一入口已慢慢溶化、海膽口感柔滑、三文魚籽鮮甜脆口加埋蟹肉絲簡直多到滿寫嘅感覺北海道海鮮丼雖然佢感覺冇咁震撼！但也不失鮮味蟹子脆卜卜，三文魚新鮮有魚油感，帶子大大粒爽甜蟹子沙律呢個蟹子沙律係我咁耐以來覺得最好食嘅一個青瓜蟹柳由如絲一般，而每一條絲都沾滿沙律醬，好令人回味炸豆腐薄薄嘅炸粉包住滑滑既豆腐，外脆內軟加上蔥粒、蘿蔔蓉和木魚絲，份外香味大蝦天婦羅薄薄既炸粉包住口感彈牙既大蝦，正👍🏻總括來講，令人有驚喜，加上性價比高絕對要一試👍🏻

荃灣呢間丼飯專門店做緊買一送一優惠！唔怪得排晒隊啦~叫左一個巨型富士山丼，一個丼有齊5款魚生～ 丼飯比想像中細，但都係咁先可以啖啖都有勁多魚生😆另一個丼就叫左鰻魚丼，就咁睇相都見到大大條鰻魚！真係好抵食～鰻魚燒得岩岩好，唔會太老又唔會生，加埋鰻魚汁，送飯一流！炸日式芝士年糕，熱辣辣岩岩炸好，煙煙銀銀，中間仲有流心芝士👍值得一讚最後叫左個蕃薯南瓜天婦羅，每款有四塊，但塊塊都大大塊！炸得鬆脆，香口好味👍丼飯買一送一真係好抵！

同朋友K去行街，順便喺附近搵飯開，見到呢間大丼屋，大家都想食日本嘢就決定試吓佢啦！當晚食飯時佢哋做緊買一賞一嘅promotion ，超級抵食！我就揀咗巨型富士山丼，叫得巨型就當然大大碗啦。睇下張相就知有幾足料，有海膽、三文魚子、碎吞拿魚腩、蟹肉同埋甜蝦呀。全部刺身都好新鮮，尤其甜蝦同海膽，正呀！呢個就係送嘅日式鰻魚丼，嘩！大大件嘅鰻魚啊！唔好以為送嘅就會無誠意，求求其呀，睇下碗鰻魚飯真係好大件，夠哂送飯㗎！個汁唔會太咸或者太甜，味道剛剛好！之後點咗兩款小食，炸豆腐同埋蝦天婦羅。天婦羅炸漿唔會太厚，食嘅時候熱辣辣脆卜卜，入面都唔會乾哂，如果多兩隻就更抵食喇🤣炸豆腐加埋個汁食唔會太熱氣，為呢餐寫上完美嘅句號呀！埋單每人$150，你話係咪好抵食先😎

朋友比左張三月買一送一既券我 即刻同男朋友去食下叫左一個北海道海鮮丼，一個三文魚親子蟹子丼先黎海鮮丼 有三文魚帆立貝蟹子同埋吞拿魚 雖然唔係好大碗 但真係好滿刺身入口啖啖肉 肥肥既三文魚諗起都想再去食 男朋友就簡單啲 三文魚親子蟹子丼 份量唔多 亦係好新鮮既 三文魚子大大粒 入口即爆好正小食就叫左芝士蟹子厚燒玉子，有兩件玉子 甜甜既熱熱既 加埋芝士蟹子係面 一啖食左大半舊 芝士同玉子既甜好夾再黎炸魷魚鬚，炸得好香 加埋個沙律醬正蟹子沙律，份量唔多 不過16蚊係差唔多份量 最後重點係芝士年糕好正呀，好重芝士係入面又濃又香 外脆內暖總括黎講 性價比高既刺身飯

同好友食飯，地點選了大家都方便的荃灣！餐廳環境寬敞舒適。和朋友一人點了一份刺身飯分享！巨型富士山丼（$188）一來到，我地已經比其賣相吸引左，海膽份量都唔少，而且好鮮甜，唔會有山鯹味。吞拿魚茸配上蔥粒，充滿口感及膠質，我同朋友都覺得好好食！仲有好多嘅三文魚子同蟹肉，拌飯一流！北海道刺身丼（$168）厚切三文魚，好肥美。大帶子好甜👍🏻👍🏻👍🏻要讚嘅就係餐廳採用日本米，飯粒晶瑩剔透，入口微暖。蟹籽沙律（$16）價錢合理，欣賞係青瓜是切成幼絲及已與蟹籽及沙律醬拌勻！沙律醬份量恰好，整體富有口感！推介！芝士厚燒玉子（$28）芝士與沙律醬好夾，令人好開胃，不會有飽滯感玉子好厚身😍食落好有層次，軟綿綿的，味道微甜總結覺得以咁嘅質素同環境，價錢幾合理，下次都會再幫襯！

主要見到Facebook 廣告D foodie 介紹又買一送一就去試下點知就中咗大伏睇想睇片就見到好靚點知嚟到個飯仲細過吉野家細飯唔明點解仲有隔離有人打食評"女仕食量細可以叫細飯"嚇到我個心離一離叫左玉子同$188最貴嘅人氣丼真心玉子$18味道唔差丼飯就不了本人隻手已經夠細個碗大致上同我手掌差不多啦上面D魚生平心而論好普通 絕對爭鮮質素$188值唔值真係見仁見智大把同類丼飯高質過呢間可能新開張未夠鐘已經一堆港豬爭住排隊有得再簡我唔會再中伏囉利申：非打手非R飲R食Foodie KOL100%全自費

上次黎過呢個商場見到間新開張食日式丼飯既餐廳話咁快我地趁優惠期黎幫趁，因為做緊買一送一呀我地幾驚呢個優惠太吸引而要排隊，所以早d黎，好彩6點幾都仲有一半位我地揀左個巨型富士山同燒牛肉爆丼，再加左兩款小食富士山丼好快黎到，魚生搭得好高，好似坐山咁包括三文魚籽，蟹肉，吞拿魚蓉，海膽，牡丹蝦想開始食個底下既飯，真係匙都插唔入三文魚子卜卜脆喺在口裏爆破，一絲絲嘅蟹肉可以盡情放入口，吞拿魚蓉新鮮幼滑綿密，海膽雖然唔係日本海膽，但口感幼滑牡丹蝦肉爽口彈牙整體不論份量上，鮮味度都幾出色燒牛肉爆丼，牛肉量一樣驚人，牛肉大約八九成熟，肉質帶韌勁，醬汁入味，將窩蛋撈勻，令牛肉入口更滑嫩小食方面，芝士厚燒玉子熱辣辣， 芝士滿瀉，玉子蛋香濃厚炸魷魚絲, 係新鮮即起, 炸粉唔厚, 好酥脆

期間限定超抵優惠！喺荃灣有一間新開嘅日式小店做緊開張優惠，所有丼飯買一送一，包括魚生丼、爆丼、天婦羅丼同咖哩丼！重點小店並無將貨就價，丼飯足料之餘又有水準，值得推介▲大丼屋嘅丼飯主要分為四類，分別係魚生丼、爆丼、天婦羅丼同咖哩丼！今次就試咗巨型富士山丼 ($188) ，入面有蟹肉絲、三文魚子、牡丹蝦，吞拿魚腩蓉同海膽！所有魚生都非常新鮮，就連最容易出事嘅海膽都夠鮮甜！醋飯味道調得剛剛好，加埋青瓜絲，撈勻一齊食唔只增加口感仲有好fresh嘅感覺，真心推！▲另外我地仲試咗個 燒牛肉爆丼 ($88) 而佢的確係丼如其名，牛肉多到爆出黎，總共有5、6大片牛肉，牛肉有炭燒嘅味道，食落牛味都算濃而且夠軟身，拌飯嘅雞蛋亦有蛋香，雞蛋下面仲收埋好多椰菜絲，所有野加埋一齊黎食，味道一流，係食肉獸之選！ ▲另外叫咗幾個小食，分別係芝士蟹籽玉子燒 ($28)、炸魷魚鬚 ($28)同章魚小丸子 ($28)，玉子燒中間夾住不少芝士蟹籽，玉子甜度適中，口感鬆軟，魷魚鬚外皮炸得香脆，魷魚肉厚亦爽口彈牙，可惜章魚小丸子無乜餡料，而且粉太多，建議可以另選其他！▲買一送一優惠做到3月尾，重點係全店免收加一，真係抵上加抵呀

第一次寫劣評，完全冇諗到一間新開餐廳可以咁差。晏晝趁有時間去左呢間，見佢有買一送一咁抵就試下，入到去完全冇人招呼我地坐低(個場都多吉位)，到我想自己揾位坐先留意到我係度，之後叫我是但揾張兩位台坐，已經留下差印象到我地叫野食，叫左兩個最貴既刺身丼，先發現每張台都有serve水，係我地呢張冇，咁我唔口渴都算啦，但我發現原來有個午餐餐牌，當初我地坐低冇拎過黎，先唔好理我會唔會揀，但點解唔拎俾我但係會拎俾其他客人?到食物黎，海膽三文魚帶子同蝦都屬一般貨色，個三文魚子有唔少都爛爛地，最貴既飯竟然係咁，真係無話可說服務方面撇除冇水俾我地之外，所有侍應全程都係黑口黑面，落單時完全唔覆返我甚至冇講過野，咁既服務質素，一定唔會再有下次

最近日式丼飯人氣大熱晚市時間門外有長長人龍好不容易可以入內就座我們點了兩份丼飯和天婦羅山形雞肉爆丼不知為何叫山形雞肉是普通的煎雞排份量的確超多起碼有七大件肉質算嫩滑雞皮煎得香脆最有趣的是有一堆雞蛋沙律跟雞肉一起食用味道有趣另點了北海道海鮮丼配料有吞拿魚蓉帶子飛魚子和三文魚吞拿魚蓉混有芝麻特別香口三文魚肥瘦相間脂香味濃郁遺憾白米不是全珍珠米什錦天婦羅即炸有誠意但粉漿過硬整體也太油膩飲品沒有烏龍茶這個基本選擇唯有點兒時回憶的波子汽水

朋友聽日黎屋企燒野食, 所以收工過黎楊屋道買定野食, 買完響附近食埋晚餐, 見到2樓新開左間日式丼, 圖片吸引.丼飯都有好多類似, 除左一般既魚生飯, 仲有肉類既爆丼, 豬牛雞肉都有, 另外仲有天婦羅丼, 咖哩飯等, 就算唔食生野既人都啱食.款款丼種類都吸引, 原本好想食燒牛肉爆丼, 但諗諗下驚一個人食唔晒咁多肉, 所以都係揀左巨型富士山丼, 魚生飯無咁易飽.一上枱果然非常巨型, 砌到好似一個山, 主要既魚生有海膽, 牡丹蝦, 蟹肉, 吞拿魚蓉, 三文魚籽. 因為實在太足料, 唔知如何入手.先食最愛既海膽, 亦係最易食出新唔新鮮既食材,一入口好滑溜, 夠鮮甜, 一D都唔腥, 如果可以就咁叫一板就好了.牡丹蝦亦都好鮮甜, 彈牙又爽口, 蝦頭仲有濃濃既蝦膏, 好好味.三文魚籽魚油好豐富, 又係唔腥, 好新鮮, 連埋蟹肉, 吞拿魚蓉一齊食, 鮮味十足.而白飯係珍珠米, 一粒一粒有咬口, 唔覺唔覺自己都食晒成碗.另外加左凍既罐裝飲品, 本身係無咩特別, 但窩心之處係連個杯都雪埋, 所以倒出黎飲, 內內外外都夠晒凍.

今晚去左荃灣行街, 之後朋友帶我黎一間平價日本餐廳聽, 性價比極高, 絕對要介紹!!我地先叫左D 小食, 有章魚小丸子、炸魷魚鬚、芝士厚燒玉子.章魚小丸子個SIZE 岩岩好，幾好食，唔會食濟左。炸魷魚鬚爽口，彈牙。芝士厚燒玉子當中既玉子香甜，加上芝士燒到微微焦香，好食！另外一人叫左一個丼,我要左巨型富士山丼~勁正, 入面有極多料, 而且好色彩繽紛, 賣相好OK!入面有蟹肉、海膽、三文魚籽、蝦和吞拿魚腩蓉，豐富又新鮮！最中意吞拿魚腩蓉 =]朋友叫左個十勝丼, 入面D 豬肉夠多, 而且好腍，醬汁又煮得入味，口感豐富!OVERALL 勁抵, 下次一定再黎!

住在港島的我們，甚少來到這區覓食。網上看到這裡有很抵吃的丼飯，與家人閒逛後，便來試試!時間尚早，但人客亦不少，相信大家都是聞(抵)風而至! 全因慶祝新開張，3月份所有丼飯都是買一送一，當然是送價低者! 叫兩碗飯只需給一碗飯的價錢，真的相當抵吃! 最後我們三叫了兩碗丼飯和數款小食來吃。先有巨型富士山丼 ($188)，食材包括牡丹蝦，海膽，吞拿魚蓉，三文魚籽，蟹肉，青瓜絲等! 食材堆得滿滿的，相當吸引! 不吃刺身的我沒有吃到刺身部份，但家人均表示好吃! 飽滿的三文魚籽充滿魚油，爆炸力十足! 蟹肉鮮甜，青瓜絲清爽，拌入珍珠醋飯口感更清新! 雖說份量已屬不少，但如以巨型二字起題，感覺份量應該再多一點才更貼題呢!再來是燒牛肉爆丼($88)! 一片片燒至半生熟的牛肉堆滿得像花朵，相當誘人! 牛肉燒得香口，厚度適中，肉味尚算濃郁，重點是肉質軟腍不過韌，加上熱辣辣的豉油肉汁醋飯，一口牛一口飯，令人滿足! 看著兩老這樣吃著已知道! 不過要趁熱吃呢，放得越久越熟肉質相對較韌身!小食方面，先有芝士厚燒玉子($28)。愛吃燒玉子的我，看到當然不錯過! 這家做得不錯，玉子有厚度，面層有鹹香的芝士燒得香口，呈半溶

全城至抵，全城至爆，優惠期間，丼飯買一送一，系買一送一!!!即使是新開業的丼飯專門店，亦旋即吸引大批食客。有心理準備需等15-30分鐘吧，但論其性價比，值得!!!芝士蟹籽厚燒玉子 ($28): 日式玉子大大件，加了糖及魚露等令玉子變香甜，亦不失蛋味。而且還加了芝士蟹籽，相當惹味。丼飯買一送一，最平$58元已有交易，但平均只需$68元-$78元左右，即約$30餘元/碗丼飯，而且大大碗，抵到無朋友啊!燒牛肉爆丼 ($88): 牛肉超大塊，而且並不薄，很有肉感，有多達十大塊，而且飯也不少，大大碗，簡直是爆丼! 牛肉以日式燒汁煮製，香甜惹味，這款丼飯蠻不錯。北海道丼含三文魚、帶子、蟹籽及吞拿魚腩，配珍珠米醋飯，雖說買一送一，而且價錢不貴，但用料新鮮，味道鮮甜，令人相當滿足!

今晚同媽媽去左荃灣找吃的，揀左好近楊屋道街市既百悅坊。呢楝大廈出面招牌已經好多。但就比呢個招牌吸引。。。。。。。。。。。。。。。富士山丼咁豐富緊係要係而家買一送一時候食左佢啦。我地叫左富士山丼同牛肉丼再加一個小食。富士山丼超豐富，魚生海膽都好新鮮！仲有蟹肉添，唔係仿蟹腳黎嫁再講一次，真係好抵！！！！！！另外仲叫左個牛肉丼，有超多片牛肉，還加一隻生蛋添！撈埋黎食， 好食呀！最後加一個魷魚鬚，滿足晒呀！