大三元燒臘

营业中

休息中

趁呢日出嚟行吓，一於斬啲料加餸😉 本來 #小秘書 好想買 #叉燒 食㗎... 不過知道 #爸爸 鍾意食 #雞 多啲，當然要孝敬佢先啦。不過我哋得三個人，根本冇可能食得晒成隻雞👉🏻👈🏻 好在 #老闆 唔介意將隻雞切開4份，nice😉 不過唔好講笑，師傅斬出嚟都幾好睇頭，剛好舖滿成個 #發泡膠飯盒👍🏻 最後師傅再喺雞上面加咗少少 #豉油汁、#薑蔥蓉，令整個食物更惹味🤤我份人比較奇怪，髀位嘅地方都寧願留返比其他人食，我就鍾意食啲 #雞胸 或者 #雞背 嘅位置... 俗稱下欄位🤣 第一次幫襯，感覺都唔錯，雞肉唔會太熟，豉油汁好入味👍🏻 不過最緊要都係爸爸啱食呀嘛👍🏻👍🏻

喺度買野要全程望實，返屋企打開可以變左另一樣野，買幾両幾十蚊既燒肉都唔求要幾好食，而家究竟買燒肉定燒豬膏呢～你揀喱舊，返屋企變第二舊，佢一邊切下切，快手包埋你返去先知燒肉變豬膏，有圖有真相，你地自己判斷。睇人黎呃，如果唔係咁做生意法執左九世都好驚訝一間舖有如此劣質出品，自己都唔食既野仲拎黎賣俾人，做生意咁唔老實，你要幫襯就祝你好運～你買唔買唔關我事，但我就一定照事實講出黎。