大丈夫食堂

营业中

休息中

第一次試十分驚喜，呢個價錢有咁嘅質素！再去又排隊又落場，所以今次係搬鋪之後第一次！上咗樓大咗好多唔使排，座位闊落環境乾淨 QR code自己落單而家仲有加飯加菜加汁食量小真係唔好浪費食物！吞拿魚腩刺身飯一如過往十分新鮮👍🏻👍🏻追加三色刺身非常抵食一樣新鮮吉列豬扒係必食之選，但今次可能真係新鋪，新同事控制得唔夠火，金黃色多小小脆小小就好，豬扒厚身多汁，希望下次唔好再失手拳頭產品一定要好好保持品質蒸蛋夠熱夠滑希望加添無糖飲品，更符合低糖飲食

原本想試下 附近嘅 茶餐廳 ，咁啱見到餐廳招牌， 記得有影片介紹過呢間餐廳 ，所以轉投呢間餐廳嘅懷抱。叫咗兩個set. 炸豬扒好大份, 肉質都算嫩滑嘅 。另外嗰份 ，有炸蝦炸魚 ，我都尚算滿意。地方好闊落幾好坐 ，侍應的態度也 好好禮貌。

坐得舒服，適合傾偈嘅餐廳🫦性價比都幾高🤙🏼（1）燒牛舌 $98質素正正常常，冇叫到特級，覺得都夠食。茶碗蒸真係好滑，配菜好夠🙌🏻想過下癮，燒下牛肉就可以叫🐮（2）吉列豬扒 $108呢個吉列豬扒定食，食得出係好靚嘅豚肉，習炸粉好脆，沾埋個汁都夾嘅。不過我又冇覺得好特別，$108都貴，純粹係佢啲配菜夾埋我先至覺得值🙌🏻（3）吞拿魚蓉飯 $105呢個魚蓉飯好抵食！真係食到尾都係啖啖魚肉！我覺得仲好味過吉列豬扒添！推介啊！

今次lunch有同事帶我嚟呢度食，入到嚟好驚訝竟然空間感咁強🤣高樓底，枱同枱之間亦都好有距離，感覺非常舒適～Lunch set嚟講食物種類都算多，魚生飯同定食都超吸引！真係選擇困難症發作🤣我諗咗好耐就叫咗呢個鹽燒牛舌定食 ($98)😋佢有個爐比我自己燒，又有得食又有得玩，好爽呀😆不過佢個爐火力唔太勁，都要啲時間先整熟到🤣牛舌薄薄都有十幾件，牛味豐富～口感都ok，始終自己燒控制到，唔會過熟😌個餐仲有湯、沙律同茶碗蒸，沙律可以揀椰菜～好fresh～茶碗蒸勁大個，都好滑呀😆呢個價錢食物豐富又好食，坐得又舒服，抵食呀😋

呢間日本野係舊公司附近，隔離都係比車房圍住🚐但呢個麻麻地既小店位置卻成日出去食lunch都見到排哂隊，不過一直都冇機會幫襯，後來先知原來係極高質日式吉烈豬扒名店，決定weekend過黎幫襯😊有唔少網紅甚至係蘇施黃都有介紹過呢間餐廳，係長沙灣呢區估唔到咁卧虎藏龍，原本一心就衝去以前經開果個位，但朋友查完地址先知原來搬咗新鋪，變咗間樓上鋪🏤近年長沙灣多咗好多插針樓，社區新舊樓混雜，新鋪就正正係新樓既樓下商場，空間比之前足足大咗大倍有多，頭輪午餐walkin去食都唔使等位，不過出黎果陣都已經見到有7,8個人等緊🚶‍♀️🚶🐷吉烈豬扒定食 | $130 | 9/10黎到梗係食最出名既吉烈豬扒，加咗15蚊試埋佢地既烏冬。等咗十分鐘就出菜，見到成塊面咁大既豬扒真係嚇親，仲要係正宗日式咁用網架墊起，旁邊配上最佳拍檔椰菜絲🤗炸豬扒用既麵包糠超鬆脆完全薄粉，點上帶酸甜既豬扒醬提升埋肉香同消滯😋因為有一定厚度，咬落有埋滿足感。食啖椰菜絲就有清爽脆甜口感，可以去除炸物既油膩感覺，令豬扒越食越香。烏冬偏軟身，性價比唔太高😪😝鹽燒牛舌定食 | $98 | 8/10第二款主食就試埋佢地既牛舌，係會提供埋石燒板，共有十

好食又低食魚生新鮮，吉列豬扒外脆內軟又多汁，炸蠔鮮味又大隻，天婦羅南瓜超甜，鐵板牛舌鮮嫩味美，叫咗杯嘢飲加兩蚊仲多一杯同阿仔另外仲一人一杯啤酒爽爽！！座位闊落，會再去

之前係福榮街既大丈夫食堂已經搬左去元州商場對面既樓上鋪！ 假日同豬先生決定再去食下佢其他菜式先😆😆搭𨋢上一樓轉左，就見到工業風裝修既店面。 內裡佔地非常寬敞，座位之間夠哂距離及有欄柵/板作間隔✨ 去過舊鋪就知以前地方淺窄，座位之間都逼迫，宜家問題完全解決哂👍🏻由於未到中午12點，未有太多人，不用等位就安排了坐卡位。店員好快遞上熱茶同QR code自助落單。我地上次食過吉列豬扒定食同天婦羅丼，今次試其他：💓南蠻炸雞定食 $75有麵豉湯、有茶碗蒸同一小碟漬物。炸雞大大舊夠香脆，內裡肉質嫩滑，唔會炸到乾爭爭❣️ 蘸埋個醬，yummy👍🏻👍🏻💓鰻魚定食 $105同樣有麵豉湯、有茶碗蒸同一小碟漬物，外加一碗沙律！沙律🥗以柚子醋dressing，夠開胃。鰻魚打開仲熱辣辣✨ 鰻魚肉質不會過於軟腍，帶肉感，而且醬汁香濃，拌飯食一流😚 不過就有少少碎骨…食物質量保持水準，新地方亦非常舒服闊落，可惜佢變左收加一服務費，性價比就無以前咁抵食了。不過相信我哋會再回訪🙊

又係一間由舊舖食到來新舖嘅餐廳😏識呢間餐廳係因為有一次見到蘇絲黃、谷德昭介紹，食過又真係抵食夾大件，於是來完又來😂去到餐廳係五點九度，餐廳六點開，但前面已經有D人等緊，完全估唔到🤦‍♀️餐廳六點鐘準時開門，地方幾大，佈局簡單，光猛舒服，以卡位為主，隔離有D枱仔咁~坐低冇耐，問staff攞餐牌先知依加改左電子落單，睇左陣就叫左🐟三文魚壽司、🐟油甘魚壽司、🦑紋甲墨魚壽司、🐔南蠻炸雞定食、🐷吉列豬扒定食~先上嘅係🍣壽司一🐟三文魚壽司 ($15)、🐟油甘魚壽司 ($25)、🦑紋甲墨魚壽司 ($18)魚肉鮮甜，都幾厚切，墨魚幾彈牙😍不過壽司款式唔係好多😢🐔南蠻炸雞定食 ($75)因為除左吉豬之外，都想試下其他野，所以叫左一份南蠻炸雞定食 😚炸雞都幾大件，咬落去出奇地滑，唔乾👍而且上面D沙律醬仲加左D蒜蓉入去，個醬幾好食😍不過個配菜一黃芽白泡菜我就覺得一般般😐茶碗蒸，繼續滑到冇得頂😍入面有菇、青豆、蟹柳，但食到底，會覺得鹹左少少😕麵豉湯正正常常~🐷吉列豬扒定食 ($115)吉豬大大塊，麵包糠又脆又薄😍豬扒好有肉汁，又唔會韌，好好食😍點埋個豬扒汁，冇得頂👍茶碗蒸，同麵豉湯都同南蠻炸雞果個一樣~食完定食

見食評話呢度抵食，4月28日就特登搭車去試下。可能早既關係，未夠7點就到，唔洗等位。街坊食堂格局，好似喺商場 位僭建出嚟咁，入到餐廳後， 枱與枱之間距離唔夠1.5米，咁情況快食快閃啦。QR code 落單，一客吉列豬扒要$115， 網上寫$108嘅？ 咪即係加咗價？豬扒質數一般，唔係非食不可嗰種， 仲要有筋既！裝扒既餐具就崩既！埋單比錢仲要收加一，再4捨5入計，一共要比$127。同大家講既$108，足足貴咗20%。 試過就算啦，唔會番轉頭食第二次。

📍長沙灣 𝙲𝚑𝚎𝚞𝚗𝚐 𝚂𝚑𝚊 𝚆𝚊𝚗❝抵食日式定食🎌🍱吉列豬扒好高質🐷❤️❞🐷吉列豬扒定食 $108 (4.5/5)炸得皮薄香脆 豬扒肥瘦剛好 腍身juicy仲有啖啖油香🥰 🐟燒花魚一夜干定食 $98 (3/5)比較上普通🤔就係有燒醬汁既煎魚 肉質實淨 份量好多厚身 留意有頗多魚骨! 🦴兩款定食都包括珍珠飯 茶碗蒸 沙律菜 同麵豉湯🍲꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍大丈夫食堂長沙灣元州街350號家壹1樓11號舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_長沙灣🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_日本菜

吉列豬扒定食 $108好貴但好好好好食🥺食到最尾啲吉列豬扒仲好酥脆 肉質一啲都唔乾鞋 鎖滿肉汁 仲要大大份 難怪喺附近返工既人都會黎買外賣 附送既茶碗蒸都好出色🤤熱辣辣又夠滑 搬左新鋪大間左又企理左 一定會再食！

小編由荔枝角特登行去長沙灣食🤣想食呢間餐廳好耐好耐🤪餐廳環境超級闊落 枱同枱之間距離好遠基本上所有炸物都係即叫即炸🔥所以要預返等候時間15分鐘最正係價錢唔算貴 CP值好高‼️推‼️📍吉列海鮮定食 ($88）定食包括沙律、麵豉湯、茶碗蒸、白飯海鮮包括有蝦、蠔、沙追魚全部都用日系木盤上 擺盤good💯即叫即炸所以全部都好辣嘴🤣2隻蝦係超級大隻 啖啖肉🤤炸蠔都鮮甜無腥味 外層真心脆沙追魚就正正常常 魚肉都嫩滑～Overall 包咁多野小編覺得可接受！會Encore😎📍吉列豬扒定食 ($108）小編見十級多人推介呢個吉列豬扒🐷咁當然要試下啦～豬扒分量都幾多 好大塊😋 都算厚身肉質鬆軟又juicy 唔會乾到渣咁！最正係佢外層麵包糠好薄😍食落口堅啖啖肉 又感覺唔到好油仲可以點埋佢酸酸地既汁食 好夾🤫另外配埋一堆沙律🥗消膩最後先食茶碗蒸但仲熱🤩 好香蛋味；幾滑但味道唔算好濃～入面有冬菇+蟹柳 都幾好食😋📍蟹籽蟹柳迷你手卷小編係跟餐加購 但唔記得左幾錢🥲個size大約兩啖食哂🤣都幾足料 拎上手食d料差d跌無記錯仲有其他口味 大家有興趣可以加購😆😆—————————————————————味道😋：9/10抵

大丈夫食堂環境好大 同埋唔會太迫等左唔使10分鐘就已經可以入呢間野嘅炸物係好最好食嘅上次叫咗吉列豬扒定食覺得超好食今次就叫做燒牛舌定食同埋壽司燒牛舌質素都唔差要自己燒嘅口感同味道都非常好 加$15叫咗個烏冬感覺冇咁Heavy 另外叫咗一碟壽司 都算係性價比高但壽司就要等得有啲奈總括來講都唔錯

從FB中得知長沙灣開了間日式食店，地方闊敞，新開當然樣樣新淨啦，見有時間又唔想逼就立刻去吃個early lunch先。新店在落成不久的大厦一樓，地方真的闊敞，枱同枱分隔颇遠，坐得舒服，坐抵好快女侍應就遞上QR code 點食物，就要了吉列豬扒和追加一客魚生帶子。這時有個像小露寶的物體静静從我身邊滑過，去到接待處停下來，原來是送餐小機械人，十分可爱😍，放下takeaway 又乖乖的滑回水吧等候差遣🤣，cutie 啊！不消一會，雪白的帶子刺身已放在枱上，非常新鮮，追加要俾多$38，贵唔貴就見人見智了，但係鮮甜好味的。吉列豬扒份量頗大，如果要碗加大飯，二個人都夠食，豬扒炸得非常脆，油份又少，外脆内軟，拍得住日本炸豬扒海鮮專門店，丼吉Tonkichi，唯一略嫌炸粉厚了少許，跟豬扒的酱汁酸酸甜甜，恰好將炸粉的油中和一下👍下次來，會再試下他的炸雞和刺身。

My friend and I came to this restaurant at around 2pm. There was a queue. We waited for about 15 mins. Very quick in terms of turnover because of the size of this restaurant. The restaurant is new and spacious with wide tables. This is already a plus! U can sit and chat comfortably.This was our first time dining in here. We came here purposely for the tonkatsu (fried pork chops). We added fried side dishes. It was nice to see that there are the options to have more veggies or change cabbage to s