大丈夫食堂 (已搬遷) 新店位置

想食壽司，又想食熱野，見到依間咁多好評，入來試試帶子刺身鮮甜抵食，大大粒，份量多三文魚腩壽司幾好食，夠曬肥美火炙玉子壽司燒得好香，玉子軟林鬆化本身唔太中意食豬扒，但見咁多熱門就試下，炸皮非常酥脆，新鮮炸起，完全唔會太硬𠝹口，豬扒亦唔乾身，好大塊，但唔夠厚身同埋無咩豬扒味，價錢偏貴，配菜不過不失下次會想試南蠻炸雞

今日難的過黎長沙灣，醒起之前食過大丈夫，感覺唔錯～所以今次再反黎試下今次叫左個雜錦海鮮丼，海鮮好新鮮，好足料，飯好彈牙南瓜天婦羅～酥脆香口～唔錯一天氣涼就會想食茶碗蒸～香濃蛋味，食完會想再食～🥰

呢排交通有啲阻滯，坐紅van出到公司附近都已經夠鐘食晏😂，所以我索性長沙灣嗰邊落車。朋友呢日都返哩邊，叫佢12點落嚟陪我食咗晏先返office。正正因為12點已經到餐廳，所以先唔使等位，但其實已經9成滿，得返2張枱，勁誇張！食完出面更加企滿人等位。我之前經過幾次都係咁。究竟餐廳點解咁有人氣、大排長龍呢🤔？呢到有午餐menu，熟食魚生夾夾埋埋都有成10款，價錢由$60-$100不等，唔使收加一服務費。每款午餐都包沙律、茶碗蒸、漬物同麵豉湯，🥤汽水就另加$6，熱茶就包咗。定價尚算合理，不過喺呢區就性價比一般啦。我要咗蒜香醬漬三文魚丼($70)，賣相非常吸引，沙律、漬物、湯、蛋、飯放埋一齊👍，好豐富。各樣前菜味道都唔錯，雖然唔係話好驚艷，但合格有餘，蛋幾滑、漬物係海草，比起平日嘅常見三色漬物醃蘿蔔黃瓜特別。到主角三文魚丼喇，🍣厚厚三文魚刺身有成5,6片，肥美紋靚，新鮮嘅；另一邊就有啲醬油三文魚粒，比較濃味，不過不足以代替豉油。飯量同餸量都夠，三文魚好味，但令我失望嘅係個壽司醋飯，因為比較濕同漿住，扣咗好多分☹️。不過我都成碗食哂，好飽好飽。朋友就要咗燒鯖魚定食($70)，目測條魚🐟都唔細，佢話

長沙灣呢間大丈夫食堂可以稱得上我食過其中一間最有誠意既日本料理。店面唔大但裝修得好簡潔整齊，光猛得黎又舒服。我食過兩次午餐，兩次都非常滿意。第一次食牛油果三文魚飯，醋飯軟硬適中，牛油果同三文魚有少少汁撈過但唔會好咸，襯托牛油果既口感真係一絕，牛油果控表示非常滿足！反而三文魚就有少少失色，不過整體都好好食！最值得一讚係佢個set包沙律同茶碗蒸，仲有漬物，令人有翻翻去日本既感覺！而且碗碗碟碟都好靚，睇得出老闆好用心！第二次就係去食壽司烏冬餐，烏冬上面放既係三塊甜腐皮，唔係其他餐廳既無咩味果種，我個人非常喜歡。壽司包括三文魚，油甘魚，玉子線，蟹柳同三文魚軍艦，除咗軍艦以外入面已經加咗少少wasabi，壽司飯大小適中，握得啱啱好，定價都唔貴，其他餐廳一個丼飯既價錢佢包埋咁多嘢食，我覺得好抵！係平時lunch想獎勵自己既時候既好選擇！份量黎講對於我比較細食既人就啱啱好，不過佢可以免費加飯，我都見到唔少人加飯，服務都好好！一比較麻煩就係佢店面比較細，想去就預咗要等位啦！不過有質素既餐廳，等少少時間都係抵既！

之前第一次來覺得疑惑為何客人都點吉列食品試過就懂了 不是說刺身壽司不好吃但吉列菜式絕對是必試的 😍.💖 #吉列海鮮定食 // $78定食包括麵豉湯 沙律 茶碗蒸 白飯 漬物附上的餐具和木盤和風感 💯吉列菜式都是即炸的很燙口 外層超級松脆炸蠔保持鮮甜 juicy沙追魚肉質鮮嫩高麗菜沙律跟白飯是任添的蒸蛋很香滑 還有蟹柳和枝豆.❤️ #鰻魚飯定食 // $83鰻魚挺厚的魚骨都很細 不用慢慢挑走醬油調味也是剛剛好雖說個人覺得鰻魚不夠肥美.店面頗小 繁忙時間肯定要等位- ‎- - - - - - - - - ‎- - - - - - - -

素聞長沙灣多美食，但因是工廠區，又識逢是星期日，很多食肆都沒有開店。終於揾到這間名字特別的日式食品店。叫了店的兩款名物：吉列炸豬扒定食 - 外脆內軟，又夠厚，店內幾乎9成人都點這食品鰻魚定食 - 醬汁ok又夠多，鰻魚夠厚又不會腥兩款定食都有配味噌湯和日式燉蛋，味噌湯不鹹又不會淡，味道剛好；日式燉蛋就超難食，又鹹又腥

長沙彎大把野食就梗啦唔知大家有無搵野食煩惱呢？其實多野食地方有好有唔好啦～好就多選擇，食乜都有！唔好就選擇困難症就大件事！左揀右揀難決定！試晒銀包仔又會大出血！最好梗係搵食過既同事同朋友比意見先去食啦！呢間係我喺長沙灣第一間食既日本野我成日都好怕怕係街到食日本野🍜🍱🍣一黎怕唔抵食，價錢超貴，二黎怕佢唔夠新鮮，食落好大落差會唔開心🤥🤥咁第一次食，就揀左個壽司烏冬套餐！聽落好抵！又壽司又要烏冬！一定飽肚先啦！一黎到真係超乎預期！烏冬會面頭有兩大塊腐皮！一望就知高質！烏冬湯底出人意料之外！好有昆布味道好香好甜！🍜啲壽司都係人手握出黎既，米飯好軟熟唔鬆散，魚生係比平時食既新鮮好多！！唔會雪味唔會肉身硬生生咁！🍣值得推薦！！賣單都係$66到～好抵食💕👍🏻👍🏻👍🏻

📣支持小店系列！今次要介紹呢間叫💁🏼‍♀️「大丈夫食堂」，主要係食定食，餐牌款式種類唔多，屬於貴精不貴多類型😎聞說呢到出聞炸豬扒，飢不擇食既吳師奶當然唔會放過佢😆炸豬扒定食：果然名不虛傳，豬扒炸得外層好鬆脆，肉質鬆軟，食嘅時候仲會食到豬扒嘅肉汁，好juicy🤤鰻魚定食：一樣咁正，夠入味！佢嘅鰻魚係我鍾意果款，唔會好多細細條骨仔，我最怕食鰻魚，一路食一路要掹走啲骨👍🏻每set定食都包括左有前菜、沙律、麵豉湯、白飯同埋蒸蛋😁都好豐富！重點係沙律同白飯任裝👏🏼最岩啲大胃人士！絕對唔怕食唔飽！評分（5❤️滿分）炸豬扒定食：❤️❤️❤️❤️❤️鰻魚定食：❤️❤️❤️❤️

今日又黎食大丈夫最馳名既吉列豬排定食黎幾多次都係保持到水準吉列炸到外脆內保持到肉汁而且好大塊 連沙律菜都好新鮮次次都要加飯先夠食😋😋今次試埋三文魚井 好足料三文魚鋪滿成個飯仲有麵豉湯同玉子 食完好滿足以前唯一的缺點就係有個黑面侍應今次黎唔見佢蹤影 叫個侍應姐姐加飯同醬汁都好好禮貌 好快又會再黎食💗💗💗🙆🏻‍♀️

5款壽司當中有三文魚腩同三文魚壽司平時小編唔會食蛋壽司嫁 但小店的蛋壽司做得幾出色有驚喜腐皮烏冬湯底不錯 可惜今次腐皮有啲失手味道偏甜整體來說$58一個日本定食有前菜.沙律同埋蒸蛋性價比超高味道：👍🏻👍🏻👍🏻👍🏻服務：👍🏻👍🏻👍🏻👍🏻環境：👍🏻👍🏻👍🏻👍🏻價錢：👍🏻👍🏻👍🏻👍🏻

朋友曾介紹過這餐廳，大份夾抵食，正好去試一下😋😋.它位於長沙灣和荔枝角中間，不算太方便🤭，店內也只有大約十張枱，所以都頗多人等位，幸好朋友早早去拿位🙇🏻‍♀️🙇🏻‍♀️選擇不算多，但看起來也很吸引😍日式小店的風味🇯🇵 ～五點刺身盛（$90）份量有點少👉🏻👈🏻，也不是特別鮮味，普通質素，不用試也可以～友人叫的吉列豬扒定食（$108）配有漬物、味噌湯、茶碗蒸。豬扒十分厚切😱，也不老，熟度剛好☺️，脆皮也不會過厚，很酥脆，滴一滴檸檬汁更解膩。旁邊的椰菜和白飯是仼加的，不過吃完整個定食已經超飽🤰🏻！我叫的南蠻炸雞定食（$73）和友人的差不多，炸雞足足有五大塊！😱😱非常juicy，加上沙拉醬更嫩滑，最佳拍檔！新鮮炸起非常香口👍🏻，油香爆炸💥，不過炸皮薄點更好～很滿足的一餐，卡路里爆燈😝，不設加一性價比很高～大丈夫去食也一定很飽哈哈～

已經係第三次黎食啦之前黎既時候都撞正放飯時間，等位比較耐，因為呢間都算區內幾出名今次11:45就到咗 啱啱開門無耐，得一兩枱 唔洗等 order咗鰻魚飯同南蠻炸雞定食，無乜人既關係連上菜都好快炸雞新鮮即炸 炸漿唔厚 雞肉好juicy 真係幾有水準 最怕食到啲得舊炸漿既炸雞..另外鰻魚飯味道還好 但鰻魚份量好足 呢個價錢黎講可以接受，出面閒閒地都過百蚊呢度既定食全部都配茶碗蒸蛋 前菜 蒸蛋好滑 好味整體份量黎講，女仔係夠飽 但男仔就應該唔夠 但值得一提既係白飯可以免費加

今日繼續係長沙灣搵好野食！黎到橫街既呢間出名日本料理小店，每次聽同事講都要提早成半個鐘出黎囉位，所以都真心想試下！招牌炸雞定食呢到都有幾款lunch set款式選擇，今次就揀左炸雞定食，整個set充滿日式感覺，前菜同樣都係有麵鼔湯，燉蛋同冷小碟十分豐富！呢個燉蛋，望見相已經完勝，蒸得好滑溜，晶瑩剔透！主菜方面既炸雞，同樣超班！份量多多不在話下，炸雞外層炸到金黃色，香脆可口，咬落去^索索^聲，但又唔會過油，加上少許沙拉醬，味道清新，中和返曬！下次推薦其他款lunch set！

[🇭🇰香港- 長沙灣].CP值超高嘅隱世日式小店,Highly Recommended吉列系列!有豬扒同海鮮揀,吉列炸到脆卜卜,粉唔厚,完全冇油膩感,上到嚟仲係熱辣辣,係即叫即炸👍🏻海鮮定食有蝦,蠔同魚,三樣海鮮都新鮮;個人覺得豬扒仲正😍大大塊豬扒,啲肉有少少肥,但食落好冧冇乜筋,唔會話好肥膩,炸過都唔會變都好乾/韌,點埋酸酸甜甜嘅梅醬,肉味更出;連伴碟嘅椰菜絲都好爽口,茶碗蒸都好足料,一啲都唔hea,而飯同沙律仲係免費任添,包你食到飽!.#tummysready #tummysreadytoeat #tummysreadyinhongkong #tummysreadyatcheungshawan #tummysreadyforjapanese

朋友介紹，話呢間係長沙灣的日本餐廳好抵食，因為d飯同沙律可以任加，而又唔貴。所以就搵左一日放工同男朋友黎食下啦。一坐低，就覺得佢既杯好靚😂😂又夠大隻。本身我都唔係太肚餓，所以就叫左個鰻魚丼($98)2人share食。個鰻魚好香，整得好靚，又夠好食！不過我男朋友覺得唔夠飯，就加左一次飯，佢仲可以連汁一齊加，所以都唔怕dry😆😆個蒸蛋都係我幾中意既，夠滑，又夠蛋味👍🏻沙律最好冇d好肥既沙律醬，好岩我地食！我地都加左幾次，加到有d唔好意思，但店員都好有耐性幫我地加😆另外仲叫左玉子($12)同埋蟹柳壽司($14)，都普普通通。而火炙咗嘅玉子($14)同蟹柳壽司($16)就出色好多！價錢都合理👍🏻埋單都係百幾蚊，但2人都食到飽，所以真係好抵食㗎