夢 (已結業)

今晚朋友請我食飯、訂咗枱喺一間叫「夢」嘅餐廳，聽個名、完全連繫唔到去食日本懷石料理，亦都係我食日本菜以來食得最飽嘅一次，好多道菜⋯每一道菜嘅色、香、味都有齊晒⋯由於每道菜都要花一點功夫、時間去裝飾，開房式廚房見到每個厨師都無得停手、成晩都真係夠晒忙！全部加埋有成13道菜，因為上載圖片限制，未能將甜品收錄，食材新鮮、如秋刀魚刺身、吞那魚刺身⋯新鮮程度喺件魚生見到，每一件都充滿光澤；另外第四道菜都有驚喜，三色米紙（唔記得打開盒蓋先影相）配帶子刺身加少少魚子，口感脆脆地，好有創意，有D似食鵝肝醬嘅食法、將鵝肝放喺件脆多士上👍🏻至於遼參嗰一道菜，個湯好清甜，湯內有一粒粒白色、其實係爆米花🍿️，佢用咗一條稻穗🌾 ，高溫處理，粒米爆開后，沿條上枱、隨客人選擇要唔要將佢放落湯一齊飲，好有心思。成餐飯食咗3個鐘有多, sushi omakase vs fusion kaiseki , 邊種好味D？真係各有特色，好視乎個人喜好，個人比較喜歡壽司🍣，但呢間舖頭好有誠意，推介一試，會等佢換menu再幫襯！

正如餐廳的名字一樣，所以的食物都似夢一樣，無論是食材的選用以及食物的放置都美如畫，尤如發了一場夢一般。中午是由十二點食到三點，當中有懷石料理或者普通lunch set 選擇，當然尼到是擇出名的懷石料理啦 一開始是一個粟米凍湯，口感非常特別，味道鮮甜再來是一個叫八付的前菜，比起前菜的味道，更加令人吸精的是菜式的放置，美到唔捨得食然後會是有幾款當日是時令的魚生，而侍應更會提意邊款食先或食後另外會是主菜和牛，牛香味濃更入口即溶 此餐廳非常合適作慶祝用途，可於訂座時通知更能於碟上寫上祝福用語

餐廳位於商業大廈嘅一樓，如果唔係上網見到人介紹，真係唔知有間餐廳喺度😲餐廳格局唔大，大約坐到20幾人，所以啲booking 都好滿。環境方面有好好利用鏡面同光線去營造返個空間感，我地坐2人枱唔會覺得同隔離枱好近，環境一啲都唔侷促。介紹返個餐牌先💁🏻‍♀️我哋當晚餐牌上有三款omakase，佢哋嘅分別係有部份主菜唔同：🔸季節懷石($1,380): 主打熟食🔸紫set($1,680): 主打刺身壽司🔸夢 set($1,980): 結合左季節懷石同紫set 入面最出名嘅菜式我哋揀咗夢set💕，食懷石料理梗係唔少得要襯返支sake🍶，佢哋會攞一盤唔同款嘅清酒杯俾我哋揀，真係每款都好靚，有啲仲有金箔！我哋叫咗支「李白」，定價合理，酒入口醇和，清甜順滑，米香味係口中溫和地散發，非常適合平時唔太飲酒嘅女士！成個懷石料理一共有12道菜：❤️ 第一道「先付」炸迷你鮎魚 - 鮎魚係靠魚旗支撐在石頭上，而魚身係凌空㗎，經理話要條魚夠新鮮先做到呢個效果！佢炸得好香脆，由魚尾開始食到魚頭，連骨都食得㗎！鮎魚本身味甘帶苦，未必符合每個人嘅口味，但用黎佐酒就幾正！好食度：⭐️⭐️⭐️

已經唔係第一次去夢懷石料理，每次都有驚喜。不單賣相極致，品質出色，睇得出廚師用心製作。🥰更好的食物都要遇上知音人才能相得益彰。話說坐我旁邊嗰位女食客，竟然要求要飲熱檸水😳，心諗你當呢度茶餐廳咩？侍應回覆冇提供，女食客當場黑面及投訴，擾攘一輪，最終亦得到熱檸水一杯😏。之後亦見佢不時大聲指指點點，又話食蟹敏感，轉頭又見佢食蟹蒸蛋喎，嘈喧巴閉，影響食慾😝。互相尊重是常識吧！低質扮上等，難為餐廳職員亦影響其他食客，希望下次去唔會見到呢類人啦。

今日是第三餐的生日飯，其實今日才是正日生日，不過家人已經在正日之前同我慶祝。因為晚餐訂坐已經滿，所以我們中午來吃懷石料理😋幸好我們都放假，可以由中午一點吃至三點。當天都有很多食客同我們一起吃至三點，而且有幾枱食客都係生日來此餐廳慶祝的🎉食物方面真係似一個盆景及一幅畫，看看以下的圖片就知道了因為我們分別點了午餐及晚餐的食物，所以個盆栽有些不同，但是食物大多數也差不多，當然晚餐的套餐數量比午餐多。但是這個只是前菜，有四小碟，由中間的支豆豆腐開始淡淡豆香，之後楓葉🍁樹下的粟子酥很有粟子蓉的香甜及酥餅很香脆，吃至第四樣，樣樣都很精緻好味😋之後有條飛魚游過來，整條由頭至尾都炸到好香脆，由頭到尾都可以吃得，正確食法是由魚尾吃到魚頭，但是我個人來說魚頭就有些苦，不是個個人都接受得到。但整體來講條魚就揸得好鬆脆同埋粉不算太多，味道好鮮味跟隨服務員送上一盒在桌上，好精緻嘅盒，不是生日禮物，而是食物🤔什麼在盒子內？凳凳凳凳...答案是三張米紙，係三種不同顏色和味道的米紙，有樱花🌸，松露及綠茶味🍵用來承載着旁邊嘅帶子一齊食，特別帶出鮮味，好有新鮮感，而且有得玩又有得食此盒在晚餐套餐中到刺身啦！有賴尿蝦刺身同

早前七夕節嚟試呢間Omakase ，我同女友點咗呢個午市套餐，發覺食物佈置同質素都非常高，由前菜到壽司、刺身都非常好食，好新鮮，淨係前菜個伴碟設計已經非常吸睛，我女友都睇到心心眼，證明我都冇揀錯，由於早輪限聚令關係晚市禁堂食，我哋呢個午餐由中午食到下晝四點幾，可以慢慢食，餐廳都配合速度，每樣都慢慢上，等我同女朋友慢慢傾慢慢食，真係好開心！期待下次夜晚再嚟幫襯，聽聞夜晚仲更加豐盛，一定會再嚟試！至於服務方面，都算唔錯，上至經理下至服務員都達到一定水準，而且好有禮貌同有耐性，仲不停巡場，為客人添水添茶，每度食物都有耐心介紹，仲問我哋食物質素評價，有冇招呼待慢等等，呢啲令我哋都好滿意，希望繼續保持水準！

🍽 Omakase lunch set 💰 Around HK$850 per person (lunch, 10% service charge)Craving for Japanese food, we ordered the Omakase lunch set and it started us off with this corn appetiser. The colour combination of this dish was amazing with the yellow corn sauce and red or purple artificial flowers. The corn is slightly burnt and sits on top of tofu skin it is so tasty. The tofu skin has a very strong flavour of soybean which is fantastic on its own and even better complimented by the sauce. The dish

朋友知道我夠為食，發了一條飲食短片給我，當中有介紹這一間餐廳，我一看就覺得很吸引，急不及待地訂位，來到這裏試一試。餐廳位於商業大廈的一樓，從大廈外表完全想像不出會有這麼高級的餐廳隱藏其中，感覺臥虎藏龍。餐廳的午餐有三款，今次選擇$780的套餐，貪佢多幾款刺身。一共有九款食品：-先付-八寸-膾-刺身五品-揚物-壽司四貫-海膽創意料理-味增湯-甘物先付～粟米杯先來一份前菜，粟米杯。現在是夏天，正是粟米當做的季節，菜式以雞尾酒杯承載，很有心思。這份前菜是冷吃的，調味以粟米甜味為主，冷凍粟米羹配上烤過的粟米以增添香氣。除了粟米以外，中央還有一塊京都豆腐，豆腐上鋪有腐皮，豆味濃郁，為夏天增添清涼感。八寸第二道菜，八寸乃是所有菜式之中賣相最精緻美麗的。主題是櫻花樹下的戀人，整個菜式的擺盤如一個迷你場景，除了主角的櫻花樹，草地、水池等都一應俱全，將整個日式庭園的氛圍表露無遺，不但提供了拍照炫耀的動機，更為客人提供了討論的話題。話說回來，除了擺盤精緻，四款食物也美輪美奐，賣相小巧美麗，感覺師傅像是向日本和果子致敬。侍應介紹享用的順序，首先是綠色的枝豆豆腐，然後是紅色的紅豆布包白粟米，再來是紫色的紫薯百

朋友請吃晚飯，他選了這家懷石料理。晚餐有三個套餐可以選，我們選了夢和紫。兩者的主要分別是夢有和牛，而紫則有壽司，當然，一些食材也有少許差別。懷石料理以嚴選食材，擺盤精美見稱，這家懷石料理也不例外。每上一道菜，侍應都會講解食材、製法和食法。由於不少食材的名稱都是日文，雖然或附以英語或中文，但還是難以記住。名稱不要緊，好吃便可以了。這店給我的整體印象是食材頗講究，煮法有創意，擺盤夠心思，服務也很好。所謂一分錢一分貨，這麼高質素的晚餐，對我來說是有點貴的，請我吃飯的朋友則說物有所值，真的多謝他。我拍了很多照片，可惜隨食評只能上載12張，唯有選我最喜歡的，所以還有很多美食的照片都未能在此一同上載。

事緣係咁,我一心諗住去食sushi set,點知佢話已經冇左sushi set,但我係唔鍾意食懷石料理,職員好人佢唔想我失望所以就俾返個sushi set我食.我就叫左八件壽司+1卷物前菜同八件壽司都幾好食,但竟然冇海膽😢當我食卷物時,咬咬下發現有硬物,我心諗會唔會係紫菜呢,但冇可能架佢係我面前燒紫菜,咁個紫菜應該係好脆,咁我就吐出來,再問個廚師係咩嚟,廚師就話係魚骨,即刻同我講對唔住,仲話送返一件壽司俾我,而我只好默默地接受道歉,當我賣單嘅時候我問佢有冇discount,竟然係冇.我食過咁多間omakase從來未發生過如此低級錯誤,就算平平哋嘅壽司店什至超市都唔會發生呢個情況啦,我真係覺得好失望,我都唔知自己之後食壽司會唔會有陰影囉.只可一不可再的餐廳.圖2-魚骨,大到嚇死人圖3-出事卷物

當omakase 遇上懷石料理 ... simply awesome! Looks good tastes good .... 師傅用心製作 佈置.. dishes are all lovely! 新鮮食材 賣相一流 食材鮮味 😋😋😋 HKD780 per head for lunch ... is worth indeed! Quality food and quality service 👍🏻👍🏻👍🏻 真心推介！ 師傅細心又用心 +分 🤩🤩🤩 拖羅.. 海膽 .. 魚生 😋😋😋 = 鮮味！ 日本直送食材 = 無得輪 ！ 師傅每上一道菜都會介紹一下 亦會講解「要點食」好細心！

大肚的9個月，一次魚生也沒有吃過，是我唯一認真而堅決地戒口的食物。老公答應我，坐完月帶我重遊舊地，去兩年前我們定情的Haku。最近發現Haku的大廚變了，晚上禁堂食，加上電話中店員的態度麻麻，一致決定改地方，改去吃過午餐覺得不錯的夢。星期日分三輪，12點，2點和4點，可以吃午餐或晚餐menu。上次吃過午餐，覺得不夠飽。這次當然試晚餐。有三個選擇，季節懷石多些熟食，紫set則有壽司和魚生，夢set就有齊餐廳的招牌菜式。先來一條小魚。炸得外層又脆又香口，中間有魚鮮，魚頭則帶少少甘香。上面有條魚籽做的醬，十分精緻，但我沒吃到醬的味。櫻花樹下的戀人，很漂亮。師傅說單是這棵來自日本的紙樹，成本$40一棵，用料絕不吝嗇。期待武漢肺炎過去，我們可以去日本看櫻花，在櫻花樹下像兩個紙人兒般甜蜜地拍照。海底世界，色彩繽紛，看得人心花怒放，不過最重要還是味道。盤內有4款。枝豆豆腐，很清新，枝豆味和豆腐的黃豆味融和又香。紫薯做成啫喱一粒，入口有紫薯黏黏沙沙的口感。紅豆紙包著爽脆多汁清甜的粟米粒，是我最喜歡的一款。最後是無花果和草莓啫喱，味道很真實，沒有添加多餘的調味，是個清甜的結尾。岩鹽上的刺身，兩種食法。在

疫情一日未過，食肆都要勒著褲頭過日子，希望陰霾早日過去吧！早前疫情尚有喘息空間的一刻，曾跟朋友來了個飯聚，或者「夢」是希望帶給客人有若夢一般的享受吧！餐廳位處中環核心地段，附近人流眾多，雖然是樓上舖，但可能大家鬱得太耐，所以是晚高朋滿座，氣氛好極了。原先餐廳「夢魅」懷石料理晚餐共有九道菜（$1,680），原先供應期只去到7月尾，但現在已經順延到8月尾。（並送上 Cloud Fairies Fairymask 喱士口罩，若然在網店購買，每個都要$580起跳）先付 日本無花果、杞子、菊花及啫喱清甜的無花果，足以令人動心，配合甜美的杞子，與及清香的菊花，視覺效果先勝一仗。八寸 稚鮎、北海道粟米天婦羅、番薯百合茶更、枝豆豆腐似乎在訴說著一個愛情故事的縮影，在櫻花樹下，一對熱戀中的男女，伴隨的是炸得香脆，尤其是咬落會有慢慢的甘甜在瀰漫，有若情侶間相處的苦樂；而甜美的番薯百合茶更，帶來了甜膩、細緻、幼滑的感覺；枝豆茸及豆腐的結合，充滿了細意的氛圍，當然，不能缺少脆甜的北海道粟米天婦羅。刺身 牡丹蝦他他、法國魚子醬及自家製三色米紙（抹茶、櫻花蝦、粟米）或者好多人都會愛品嚐原隻牡丹蝦，但有時花多一點心