夢工房西日料理 (已結業)

其實呢個價食到呢個質素都算係咁啦!! 唔係話好好食, 但對得住個價錢雖然唔係話好識點評有幾好食, 我地只係用返平常口味黎講解詳細食評請到YOUTUBE 到睇啦^^

傳聞葵芳有一間抵食放題，呢晚終於撞啱時間黎一黎。OpenRice 即日full booking，唯有電話訂座直入冇難度👌環境裝修方面係長青hit爆既marvel，岩曬fans同小朋友，當然我都十分歡喜。放題種類選擇多，刺身、壽司、天婦羅、小食、熟食、冷盤，應有既都有，而同一個價錢包埋打邊爐、飲品仲有清酒、甜品雖然冇Haagen-Dazs或Mövenpick，有童年回憶既雪榚雪條總會共鳴。先講讚既，1）刺身除左三文魚、希靈魚、八爪魚等等正常款式外，呢個價錢居然有三文魚腩同大甜蝦，味道鮮味合乎水準。2）服務算ok，上菜快，漏單程度尚可接受，人手足夠。冷盤刺身後，就係惡夢開始：1）芝士/蒜香焗蠔：腥腥地，仲有成啖沙。2）牛油粟米：粟米烚熟後再用火槍燒兩野，牛油味呢？真係食緊「濕米」。3）芝士雜菌：芝士放面之後焗，一撻撻，唔講賣相，味道欠奉。4）炸芝士波/炸蝦餅：食緊炸粉囉中間黎左份一口西冷，緩和反胃既情緒後再繼續：5）火鍋：配料波波多款，冇試就唔作評論；唔知係菜貴定其他火鍋配料唔好食，綠色既蔬菜長期缺貨；到最精彩既牛肉啦，腥既黑既，唔通係新品種「黑毛牛」？！（賣相自己睇）6）甜品：就咁睇樣，

呢期食放題食開有條癮，今日就挑戰午市放題，$88真係一個好親民既價錢，就已經有壽司、小食、沙律、手卷、卷物、食事同拉麵，唔夠喉既話可以加20蚊升級食埋自助甜品添，如果直接加48蚊就有埋刺身、火鍋、揚物、鐵板燒火鍋區有唔少靚料甜品區既選擇都有好多黎張大合照先，d野食放到成枱都係食得辣既朋友真係要試下呢個麻辣雞翼尖，包你夠哂刺激肚餓既都可以叫個烏冬醫下肚刺身有三文魚、蟹棒、八爪魚等等，都係一般放題店可以食到既刺身

服務態度超差，重要早乘半個鐘cut單，牛肉超唔新鮮，我地同職員講，佢地只回複係咁架la，跟住重要喺背後話我地嚴三嚴四。千奇唔好去食。超差評，整食物水平差過一般。

要去搵街坊小店買頭飾，種類多款式特別啲，通常會選擇去葵芳買，買完野喺附近食埋晚飯先走， 30幾度嘅夏天最好係食啲涼浸浸嘅嘢，諗起好耐冇食放題，朋友就話有一間喺附近，之前去過幾次唔錯，食物選擇好多種類，又有好多甜品啱我又啱佢。以下係我哋嘅選擇：刺身：三文魚，三文魚腩，甜蝦，榮螺，希靈魚，魷魚壽司/手卷：蟹甲羅，鰻魚，中拖羅，油甘魚，黑松露帶子其他：大蝦柚子沙律，蟹子沙律，蟹肉雞粥，多春魚，秋刀魚，紫薯，羊架，焗蠔，拉麵飲品種類有五大個櫃：啤酒/汽水/茶類乜都有，最surprise放題有爆谷，仲有三大個雪櫃放雪糕雪條，最後埋單每人都$207非常超值。

近來香港立立亂周圍都有示威者，其實都唔夠膽周圍去尤其是旺角嘅地區，所以朋友約我食飯我就選擇近我住嘅地方葵芳，但葵芳近來亦是示威者出沒的地點，不過我覺得葵芳亦是相當多店舖食嘢的地區之一，林林總總琳琅滿目，如果想一餐裏面有不同嘅選擇莫過於就選擇食放題啦！於是乎我就揀咗近葵芳地鐵站一間主要食放題的餐廳「夢工房西日料理」這間食店一向都好有口碑好多人等位，今日好好不用等可能不是假期前後！坐下第一樣就是order刺身，款類又多又新鮮，其他熟食都好多例如蠔、壽司、天付羅、羊胺等等，實在太多款色，而且還可以選擇火鍋𠻹！兼且大堂有已預備的熟食，哈哈把握時間！

同朋友睇完戲就去食放題 😋 見到佢個價錢都抵幾食就二話不說入去lu環境係用懷舊復古裝修加上所有既燈光都暗暗 所以坐的都幾舒服 枱同枱之間都好寬闊 出入吾怕撞到 👍👍呢度係畫紙點餐 佢地分左幾大類 火鍋、刺身、串燒、炸物、天婦羅、一品料理、小食、手卷等刺身 款式都齊全 我想食既野都有 特別係甜蝦同三文魚🍣 甜蝦大大隻 鮮甜 串燒方面 推薦佢地既雞軟骨 雖然望落吾太討好 但食落吾會太乾 好有咬口 其他串燒都吾錯 如 多春魚、牛油什菌同埋紫薯芝士焗蠔 每隻size 都吾同 但出奇地夾 蠔細細隻配搭芝士既濃郁😋 火鍋 我最愛佢既蟹粥湯底， 非常有新鮮感 配搭吾同既材料 令粥更鮮甜 餐廳設有火鍋專區 俾你任選配料

葵芳一直都無得食放題，直至夢工房出現。開業都有年幾，一直都未有機會去試，而今次咁岩朋友話抵食，所以一齊食食左太多野，都影唔曬，有熟食、刺身、壽司、手卷、炸物、火鍋、甜品等等，應有盡有劃晒紙，點晒嘢食之後，就出嚟拎個爆谷嘢飲有成四格櫃可以自由拎，有好多唔同嘅選擇，果汁、汽水、檸檬茶、啤酒都有而另外一邊都有少少熟食由於我坐嗰個位，有個霓虹燈作為裝飾，所以影出嚟嘅相都有少少偏紅色第一樣食物送過黎係刺身，呢度有得食三文魚腩，好肥美好滑口壽司：左口魚表面燒一燒，啲脂肪就滲出嚟，好香好滑；帶子壽司雖然帶子唔算太大粒，但放題來講我覺得啱啱好；北寄貝壽司及吞拿魚壽司，不過不失火鍋：選擇咗蟹粥湯底，最底有綿綿嘅蟹粥，做完湯底仲可以食返一碗有精華嘅粥而出邊亦有其他火鍋配料陸陸續續其他點左嘅熟食都慢慢上菜羊架一啲都唔羶，唔太鞋雞軟骨燒都岩岩咁，又脆口但又唔太乾芝士菇亦都係熱辣辣，一上菜就可以立即撈勻，每一粒菇都有芝士的味道呢個榴槤波波好香榴槤味道及質感，要不停encore最後當然食甜品，有好多雪糕雪條可以喺出邊任拎亦都有乳酪味雪糕可以自己玩總括嚟講，夢工房CP值高，而且好似生日當月仲有特別優惠添

又來到葵芳食飯，首選都係食放題，適合大家唔同口味嘅人一起相聚。每次來到都有特別，增加左不少新食物和飲料等。尤其試新出飲品，必須來到試飲。因有D地方無得買。今次選中荔枝味烏龍茶，大家一定要試吓。當然刺身都係必吃。甘蝦，三文魚都夠分量。又新鮮，爽口鮮甜。火鍋料理都要必吃，粥低夠鮮甜。火鍋配料多選擇，肥牛，豬肉片，入口溶化。芝士生蠔，雖然蠔身細小，但味道夠，都好食的。炸三文魚頭，魚頭膠質豐富，都幾好味。今次來食可以食到品味雪糕。另外推介士多啤梨雪條，又滑又香，必試。壽司都有新口味，芝士卷、口感特別。。

當日來到葵芳實惠放題店，跟父母食飯裝修比較美式，環境不錯，位置亦舒服下單用填紙的，店員收單算快且上菜亦有效率刺身類算新鮮，可惜盛載的冰是溶的，冰箱不夠冷壽司味道不錯，推薦火焰三文魚反卷及火焰芝士蝦反卷黃金燒蠔及蒜香燒蠔均燒的很香很入味燒雞翼及羊架都燒的不錯，羊沒有羊羶味天婦羅是即炸，蔬菜都很鮮味，特別是紫薯，是必點之選榴槤炸彈榴槤肉多且香，而外皮炸的香脆流心芝士蝦丸不算很流心但芝士味足吉列蠔是一口型的，鮮甜而香口雪糕除自助乳酪雪糕外，亦有盒裝及大量雪條選擇甜品亦選擇多，更有豆腐花飲品的選擇亦相當多

外出食飯，放題一定是最開心之選， 餐廳內所有食物任飲任食，包蘿萬有， 諗起都開心，今日我們一行人就來到位於葵芳地鐵站旁邊的夢工房西日料理。餐廳內有很多舊時代的玩具擺設，別具風格飲品，自助的食物也不少壽司款式很多，每款點幾件來到竟一大盤，其中我最喜愛海水味重的帶子壽司，鰻魚壽司和油香四溢的左口魚壽司。刺身用一個紅色大碗盛載， 底下鋪上薄冰， 包括有甜蝦、象拔蚌、三文魚腩和立魚，刺身鮮度十足，口感豐富甜美。再來是人氣No. 1的 蒜香燒蠔和芝士焗蠔，蒜香燒蠔蒜味突出，非常香口惹味。鐵板燒羊架外皮焦脆，食多幾件絕對能回本炸物， 天婦羅都不錯雪糕，雪條選擇很多，食後透心涼大食朋友仲叫了一碗 豬柳拉麵，食得飽飽又滿足，下次再回來。

一向知道機會係留畀有準備嘅人 ，但原來都會留畀準備搵廁所嘅人 。原先諗住喺呢個商場搵廁所， 途中卻誤打誤撞搵到呢間有驚喜嘅 西日合璧放題餐廳。本身都想搵間坐得舒服又有多種類美食嘅餐廳 同 朋友傾計， 而且只係百多元一位 ，呢間正好。間隔闊落舒適 氣氛唔錯。呢度係放題形式， 點餐紙清楚分門別類。點咗一堆刺身壽司， 都係主要大路款式但係刺身夠新鮮， 食得出唔係囤積咗好耐既舊貨。炸物絕對係呢間餐廳其中一個強項 ，唔油膩得嚟夠曬鬆脆， 應該係即叫即炸。其中朋友勁鍾意呢款榴槤炸彈， 佢話之前食過同類型嘅炸榴槤甜品， 但都冇呢款咁 香口， 我本身唔食榴槤但好彩佢 味道都不太濃烈。熟食方面上推介下呢兩款口味嘅蠔， 雖然細細隻， 但夠飽滿而且蠔味濃郁， 完全冇腥味，夠熱辣辣，芝士味濃，蒜香四溢。有諗過食完午餐再去搵甜品食， 但呢個放題包埋嘅 甜品及飲品區 實在太精彩。種類多到食唔曬， 我哋只係揀咗其中幾款來嘗試 。非常幼滑又唔會太甜嘅焦糖海鹽雪糕。唔會比出面刨冰專門店差嘅香芋連綿冰。埋單時侍應仲要同我哋講， 原來星期一至五仲要再平啲 而今日星期日都係百多元一位， 咁樣嘅食物質素 同埋環境， 我同我朋友

之前已經好想黎試下夢工房西日料理，今日終於有時間可以黎試下位置就係地鐵站附近，唔需要5分鍾就可以到達，十分方便去到門口門面已經五光十色，入到去店員好熱情甘招呼因為時間尚早，所以唔需要等位坐底第一件事當然就係向餐牌出發，款式比較多有壽司，刺身，炸物，一品料理，小食，手卷，串燒，鐵板燒，焗蠔佢地既賣點就係連拉麵同埋有火鍋刺身方面我個人比較喜愛三文魚腩刺身肉質純淨嫩滑，鮑魚片鮮甜，口感煙靭墨魚片刺身柔軟順滑可口壽司方面個人比較喜愛中拖羅壽司味道濃郁同埋火焰左口魚邊壽司，燒過既左口魚魚油出哂黎焗蠔都不得不讚，雖然唔算好大隻，但芝士同蒜香燒蠔兩種個味道都十分好食當然仲有唔少既食物，食物同刺身都比較新鮮同埋食物種類都多，甘既價錢食到甘既水準真係唔多

葵芳荃灣一直都很少放題，今天就給我找到這間葵芳美式放題餐廳。一進餐廳就瞬間給他的裝修所吸引，餐廳像是八九十年代的古舊酒巴一樣，古舊得來又非常具有時代感。伴隨着音樂氣氛非常寫意很是適合情侶和朋友前來。餐廳的壽司種類非常繁多，而且魚生也應有盡有，天婦羅炸物種類也是極度豐富，相信一定會滿足你要求。直得一提的是，它的汽水和雪糕種類也非常之多。吃飽了魚生，記得也要留一些肚吃雪糕甜品呀，因為甜品種類非常之多和吸引。

葵芳好多野食，有時食放題仲抵過葵廣掃街。🤕葵廣食百幾蚊先夠飽，係咁而食下手卷、反卷、野飲，再食其他都唔止。🤘反正都唔係想追求高質素，就試下$168 6:30前入座放題啦～ 不過咁早，walkin都係得超細台⋯咁既價錢，當然會有限制。😏想食生蠔、松葉蟹、中拖羅、油甘魚？加錢啦～唔係你估，加$58-$118，計開番係唔抵食架。不過我緊係唔加啦～ 食物方面，比上不足比下有餘。壽司好滿意，質素係爭鮮同板長之間，比連鎖放題竟然再好d！可惜只係少刺身選擇。不過真係幾抵！壽司店買一大盒都over左呢個價錢，算物超所值既！鍋物出奇地比想象中好，可以一試，覺得同酒樓差唔多。熟食，炸物無特別，可以唔叫。