夜貓。燒

营业中

休息中

今晚去佐朗屏行年宵, 順便係附近搵嘢食, 見到朗屏街市呢間夜貓燒, 係食串燒的, 睇落好新凈, 平時最鍾意食串燒架啦, 即刻入佐去, 原來呢間都係用點單QR Code 落單, 唔使逐個剔, 真係好方便, 見到餐牌都真係有好多款選擇, 同埋價錢都好合理, 所以我地都好唔客氣咁落佐好多款嘢食, 包括雞軟骨串, 雞腎串, 牛肉串, 牛舌串, 五花腩肉串, 豬頸肉串, 孜然羊肉串, 海苔墨魚膠串, 多春魚串, 玉子燒, 台灣腸, 香脆豆卜, 芝味茄子, 秋葵, 韭菜, 蕉糖菠蘿, 肥牛金菇串, 麻辣花甲粉, 唔太食得辣, 凈係敢叫BB辣, 再加埋一罐啤酒, 一枝夏枯草下下火, 首先試佐燒豆卜先, 豆卜燒到真係脆卜卜, 加埋調料同辣粉, 好惹味, 對於我黎講BB辣都有啲辣, 不過接受到, 係要辣辣地先好食, 牛舌唔會太薄, 又唔會太硬, 燒到啱啱好, 雞腎同雞軟骨次次都要嗌, 雞軟骨基本都好味, 雞腎就未必, 呢間雞腎好大舊, 仲要完全唔靭, 好味, 肥牛金菇呢個配合真係冇得頂, 好正, 韮菜必嗌, 秋葵解膩一流, 多春魚平時自已燒真係好難燒得好, 呢間燒到啱啱好, 完全冇燶, 最鍾意係海苔墨魚

今日入元朗去左朋友屋企打麻雀😎緊係叫佢地膽帶我地食好野啦🤭朋友話依間開左唔係好耐 但好高質既串燒店「夜貓·燒」🍢串燒種類都幾多 有雞肉/牛肉/豬肉/鳥類/海鮮/腸丸類 分開哂每個種類都幾好👍🏻最特別仲有麻辣燙Qr code 落單之後即叫即燒☺️但唔洗等好耐 新鮮滾熱辣上枱 食材非常新鮮🤤認真一讚 燒得好好 平時食串燒最驚燒到燶哂！但今餐完全冇問題😋最深刻雞腎好爽口、雞肉超嫩滑 皮脆肉嫩、司華力腸超巨型 好大條🤤勁正！另外都叫左麻辣燙😎小辣 性價比好高$58可以簡4個餸 另加肉類$8 其他類別加$5成碗上枱勁豐富🤤每樣都好岩胃口！黎緊仲有新菜式 牛骨髓✨焗得勁吸引 有兩種口味 好惹味入口即溶😆十分推介！

📍 夜貓。燒地址：元朗俊賢坊18號權益大樓地下4號舖 元朗附近一向多美食，襯最近凍冰冰忍唔住要食下串燒 🍡今次介紹嘅呢一間主打唔同款式嘅串燒 及 麻辣燙 🥘舖頭細細但五臟俱全，而且價錢都幾親民化 食物水準很高 ✔️✔️🍜 四餸麻辣燙配粉麵 ＄58 我地揀左蟹柳、 芝士丸、 廚師腸 、貢丸 🥢餸同麵份量都好足料😝 滿滿一碗唷 🍜而湯底方面因為我唔食得辣只可以叫清湯 但依然好味 💯燒物方面我地嗌左燒雞泡魚乾 ＄68 － 雞泡魚乾油脂清香沾上沙律醬 送啤酒真係Perfect 🙌🏻蜜燒雞中翼 ＄25 －外皮香脆肉質嫩滑 😍鹽燒牛舌串 ＄23 －食落好爽口 牛味都幾濃 🥰焦糖菠蘿 ＄22 － 會爆汁既菠蘿🤩 推薦❗️推薦❗️香草羊肉串 ＄24 －肉串鎖緊肉汁 超有驚喜 💕雞全翼 ＄22 － 大大隻雞全翼燒得香脆 好香口 ❕❕廚師腸 ＄18 － 兒時回憶， 食串燒必叫之一 🫶🏻🫶🏻 牛骨髓 － 舖頭新出產品 有蒜蓉及芝士兩款味 😍平時真係好少地方有得食架 👀 下次一定會 ENCORE 🤙🏻🤙🏻串燒每款都係即叫即燒🔥全部都熱辣辣 抹上調味料再撒上好香既孜然粉 🧂款款都好邪惡😍

📍玉子燒個玉子燒大大舊，一份有啲大舊真係好抵食，仲要上枱熱辣辣，加分加分！老細燒啲玉子燒冇燶，火力岩岩好，正！📍焦糖燒菠蘿一份有2串，有6塊，雖然唔係厚切菠蘿，但十分對得住個價錢！燒菠蘿咬落口甜得黎仲要勁juicy，冇overcook！仲要係feel到個菠蘿被厚敷左糖，啖啖都好甜好juicy！食完啲串串食返串菠蘿好解到甜膩💯📍牛舌個牛舌一咬落口係勁軟熟，仲要係juicy架！好少可一咬啖牛舌會流肉汁！個老細真係整得好出色，係我十分大推既菜式！大家去到呢間串燒店真係要人頭1串，最少！！！！！！！📍焗雜菇平時見啲串燒淨係賣蒜茸金菇，呢到既反而係央然粉焗雜菇，幾新鮮，份量多不在話下，但係幾surprise佢菇既種類都唔少，一次過食咁多款菇好開心🥳同埋呢兜菇唔會得個咸字（本身好驚啲菜一落央然粉就勁重手，完全食唔到本身野食既味）所以都推介大家去try雜菇！💯先唔講野食 ，環境黎講真係幾乾淨 又企理 啲抽油煙/通風位又做得幾足，真係要讚讚！港女潔癖寶貝絕對可以幫襯佢🥰成餐mami真係冇睇價咁叫，又海鮮又有飲啤酒，食唔夠又再叫，但埋單2個人$350唔洗，抵到爛，仲要真係食得出師傅有用心整啲野食，全部都

最近朗屏站附近開左間串燒小店，座位唔算多就只妻4套4人檯，作為宵夜嘅好去處，當然要支持下小店!店內開放式親民廚房，裝修有雲石紋餐檯及搶眼金色碟盛載。主打串燒小食，有海鮮、牛羊豬雞及蔬菜類等，另外還有提供招牌麻辣燙，車仔麵式自由選擇。店舖用QR code落單，每款串燒均可以選擇小、中、大辣或唔辣程度，方便準確無漏單，串燒即點即燒，價錢親民合理，抽風系統亦值得一讚。推介:⭐️⭐️⭐️⭐️⭐️ 必叫1.夜貓大雞髀 $35皮脆肉嫩，夠哂大隻得黎皮薄又香口! 調味上好平均，2.脆蓉茄子 $28鋪滿蒜蓉嘅脆香燒茄子 ，茄子肉放左蔥花碎及蒜泥調味，豐富多汁。夾起一絲絲茄子基本上串燒一定會叫的一味。3.脆皮白鱔 $50三件厚身火喉到合，燒得香脆可口，啖啖肉又無骨，用心調製。4. 和牛牛肋條 $35肉味香濃，肥瘦適中，一條兩個人share都好夠食。5.豬仔脾 $30入味香口，又係啖啖肉美味之述選。6. 油甘魚鮫 $70‪鹽燒油甘魚鮫，充滿油份又啖啖肉，魚鮫位於肥美既魚腩向上近下巴位置，油脂及膠質十分重。還原日本居酒屋燒物的基本級數而又經濟實惠! 抵食。推介:⭐️⭐️⭐️⭐️ 可以一試1.翠肉瓜 $182.蒜蓉包 $18蒜

二訪 夜貓燒今次唔做夜貓 早去到食有早食嘅好處 師傅話揀條巨型嘅茄子比我🤣司華力腸係隔離都即刻比下去 有朋友講過 知道一間串燒店好唔好 就係要叫燒茄子黎食！！燒雞髀都好正 大大隻 皮脆多汁 2個人食都好夠 每次黎都係必叫其他仲order左：蜜燒雞中翼香脆豆卜 呢個都係必叫 好多串燒店係燒到好乾身 呢度係會加左蜜糖同醬汁雞軟骨鹽燒牛舌串 最衰今日冇牛舌芯😭孜然羊肉串 蒜蓉粉絲扇貝 爆多蒜蓉同粉絲😍😍司華力腸土豆調味都好啱我胃口 係我近期好鍾意食嘅串燒店

世界盃期間嗱嗱聲落街，食完返屋企重溫，試咗屋企附近新串燒，麻辣燙更加有驚喜！😝麻辣燙 $58呢個麻辣燙好正，$58有4個餸，揀咗牛肉、腩肉、魚皮餃同芥蘭配薯粉😗平時嗰啲都係普通清湯加啲辣油。佢哋嘅湯底好香濃，每一啖都好正，牛肉同芥蘭超好食。牛肉軟容易咬，而且佢哋嘅餸份量都好多。鵝肝多士 $76/2件非常推介，因為鵝肝大大件，睇落去可以唱以為佢燒乾咗，咬落去其實內裏仲係好軟滑。同平時食嗰啲好唔同，佢係用咗蜜糖落去燒，所以甜甜地同時間又有鵝肝嘅香濃味道❤️❤️❤️白鱔 $50幾厚身，燒得夠脆👍🏻和牛牛肋條 $38呢個串燒，亦都係好好食，本身和牛已經係牛味比較香濃，加上佢裏面仲有少少脂肪，咬落軟身。芝味茄子 $32超級邪惡✨建議大家食芝士茄子，因為平時唔係好多地方有得食，超誇張芝士完全鋪滿晒成隻茄子😍鹹香味道配軟滑茄子。檸香雞串 $20雞肉串唔肥😎食幾多串都唔驚

朗屏宵夜好去處因為太夜收工要食宵夜醫肚今次搵到間串燒店，深宵食堂種類繁多啱曬我心水主打串燒小食，仲有菜、海鮮類亦提供麻辣燙，而且價錢合理牛舌心必點！軟嫩得來有咬勁，就算燒完之後細嫩不乾柴豬頸肉入口爽口彈牙，燒香後鹹中帶甜燒饅頭呢個係朋友推介，饅頭燒完之後非常之香脆，加埋蜜糖同埋辣味粉，帶微糖辣香很棒燒茄子串燒店既必點！蒜香味十足🧄多汁軟嫩的茄子，搭配濃濃的孜然粉豬大腸外層香脆可口，越嚼越香口麻辣花甲粉份量吾算太多，但勝在價錢便宜，粉絲吸味麻辣燙天氣開始轉凍，麻辣湯一碗暖在心頭依到最少選4個餸，再配搭自選粉麵，雖然唔算話好正宗，但係過下口癮真係唔錯

餐廳不錯大，4張4人枱，可以手機落單，餐廳主打燒物，雖然係開放式廚房，但聞唔不到油煙味，抽風系統都做得幾好，朗屏站附近其實幾多餐廳，今日想食燒物，由元朗大馬路入嚟都好方便翠玉瓜$13，係厚切，一上枱就聞到孜然粉嘅香味。脆皮白鱔$50，真係燒到脆皮嘅肥牛蘆筍串$26，蘆筍係細細條果隻，好嫩，肥牛無燒過火芝味茄子$32，必食，滿口蒜香🧄爆蒜生蠔$48，生蠔好大隻夜貓大雞髀$35，皮脆肉嫩，必食焦糖菠蘿$22，新鮮菠蘿，很甜惹味牛小排$68，新鮮嘅生菜包住牛排食大啡菇$20，拉絲嘅芝士

夜貓。燒 (元朗)元朗俊賢坊18號權益大樓地下4號舖阿媽咪去元朗覆完診，打算喺附近行下，睇下晚餐食咩好見到對面馬路新開左間串燒店，香噴嚇吸引到我地，決定去試試佢。海哲絲（份）$ 35海蜇皮肉身較薄，口感較爽脆。鹽燒三文魚鰭（串）$ 40口感非常順滑，香脆的魚皮包裹之下，肉汁噴薄而出。煙鴨胸串（串）$ 28新嫩多汁、口感扎實，滿滿的鴨肉香味。脆皮爽肉鱔（串）$ 50皮脆肉質爽脆，而且無泥味。芝士年糕（串 $ 30流心芝士味濃郁，煙煙韌韌，外層鬆脆孜然羊肉串 （串)$ 24羊肉肥瘦恰當、軟嫩多汁，燒得美味可口。焗雜菇（份）$ 35用蒜蓉，醬油調味 剛剛好，幾款菇都焗得好入味。煙肉蘆筍串（串)$ 26煙肉包車厘茄串（串）$26外層煙肉肉味香濃 ，配上新鮮幼嫩露筍同車厘茄 . 平衡油膩感。烤茄子（串）$ 32蒜蓉同茄子絕對是一家人，味道搭配特別和諧，內里軟嫩夾雜着蒜蓉的獨特香味。雞髀菇（串）$16焗出嚟香噴噴，而且口感彈牙。烤雞泡魚乾（份）$68口感煙韌，咬落鮮甜，魚干越食越香。

位於朗屏站附近開業冇耐嘅一間小店，專做串燒！好耐都冇食我至愛嘅串燒，就喺屋企附近點可以唔試下。店面唔大，裝修簡約得嚟有個性，乾淨企理。廚房半開放式，可以近距離見到廚師忙碌，同埋未上枱已經聞到好香嘅燒烤味，流晒口水。老闆好後生，亦都好好傾，做野好有heart，為咗保持食物質素，都係即叫即燒，務求每位幫襯嘅顧客都食到新鮮好味嘅串燒。雖然等嘅時間耐咗，但嘢食好味就值得我哋點咗雞軟骨、雞腎、牛舌心、牛舌、豬頸肉、孜然羊肉。係久違嘅孜然味，濃郁得嚟唔會太鹹太重口。雞軟骨爽脆，雞腎唔硬又爽口，牛舌心嫩滑，牛舌有嚼口，羊肉一啲都唔羶。仲有皮脆肉嫩脆皮爽肉鱔，嫩滑肥而不膩嘅鹽燒三文魚鰭，爽口嘅肥牛金菇同煙肉金菇。蒜蓉花甲滿滿嘅蒜蓉，非常香口鮮味。蒜香茄子都唔輸蝕，多肉又滑又juicy。而家營業時間去到凌晨12點，以後宵夜又多一個選擇

最近屋企附近開咗間串燒店，營業時間仲開到3:00am，以後宵夜又多一個選擇😌🔥雞皮串（$18/串）🔥雞腎串（$18/串）🔥豬大腸串（$25/串）🔥夜貓大雞脾（$35/隻）🔥麻油海蜇絲（$35/份）🔥BB 籚筍（$20/串）🔥蒜蓉花甲（$48/份）🔥脆蓉茄子（$32/份）🔥焦糖菠蘿（$22/串）🔥檸香雞串（$20/串）🔥大啡菇（$20/串）🔥豬頸肉串（$18/串）🔥海苔墨魚膠串（$30/串）🔥蒜蓉娃娃菜（$32/份）🔥廚師腸（$18/串）雞脾大大隻，燒到皮脆肉嫩，而且仲啖啖肉；海蜇絲帶芝麻及麻油香，口感爽脆；蒜蓉花甲有勁多蒜，非常惹味；菠蘿燒得剛好，焦糖厚度適中，唔會有焦味或焦糖過厚問題；大啡菇釀有煙肉及芝士，咸香味十足；另外其他都不錯，一定會再幫襯😌

元朗近朗屏附近新開的串燒店。小店內位置不多，大約可坐四至五枱，環境整潔衛生。雖然店內也有賣麻辣燙，但串燒的調味並不是一般的重口味內地式燒烤風格，吃得出是有用心調配過的自家口味！獨家調味偏向港式加日式的感覺，不會過鹹&不會太重口味。😋各款串燒價格到十分親民，而各種食材無論肉類、蔬菜或其他小食，都吃得出沒有將價就貨，都是品質非常好的原材料！值得一讚！👍🏼麻辣燙$58可選4餸一麵，湯底夠麻夠辣，而且面底及配料分量十足，非常超值！😎

又黎元朗推介，今日行入少少有新開串燒店，門口都有座位 。店內設計簡潔位置都寬落。蒜燒生蠔❤️必食生蠔配蒜同粉絲，蠔身大隻鮮甜👍🏻非常新鮮脆蓉茄子食串燒一定叫，超級多蒜🫣味道香濃，店內好似加左辣粉更加濃味👍🏻牛舌心串，必食😋外層燒到乾身脆口， 牛舌厚肉有咬口但入面軟嫩👍🏻有水準牛舌👅味道都係非常好食😋，牛味重啲，但同牛舌心一樣都係咁軟嫩好難擇 2個都叫曬就岩🫣和牛牛肋條，必叫 👍🏻肉味香濃，肥瘦適中。小編勁愛❤️五花腩肉串肥瘦均勻，有啖啖肉汁😋麻辣花甲粉嗜辣朋友必食，粉絲索曬啲麻辣湯、蜆肉乾淨無沙。翠肉瓜Juicy 多汁、爽甜東風螺螺肉大大隻、配勁蒜螺肉鮮甜整體來講小店既燒海鮮好值得食，價錢不貴，肉串全部都水準之上

元朗站📍 夜貓。燒-放工完元朗食返個燒烤🍖驚訝發現呢度既雞髀🍗幾得✨夜貓大雞髀（$35）呢個雞髀皮脆肉嫩😋😋皮好薄很香口，食落唔會好油膩，而且雞髀事先醃製過，好入面，配埋燒烤粉好滋味。蒜蓉粉絲貴妃蚌（$50）、蒜蓉粉絲象拔蚌（$53）、蒜燒生蠔（$48）海鮮配埋重量蒜同粉絲😍😍😍好惹味，海鮮都好鮮甜！生蠔🦪燒完都有咁大隻，同樣好鮮味😋豬大腸串（$25）、煙肉蘆筍串（$26）豬大腸都燒得好香脆，仲有辣汁附送，成個感覺冇咁寡👍🏻麻辣花甲粉（$35）花甲粉正正常常，湯汁都幾惹味，要左少辣。麻辣燙($58)呢個係$58蚊包一個粉麵同四樣餸。要左薯粉、午餐肉、蝦滑、肥牛同娃娃菜。份量對得著價錢，餸量都多，呢個叫小辣但食食下都幾麻，叫返兩枝王老吉下下火😂😂不過可能食左花甲粉，呢個又係粉麵，覺得少飽，如果唔叫呢個反而叫幾串串燒會balance d😙芝士年糕（$30）芝士年糕放到最後食，咬落煙韌，芝士濃稠少流心🫶🏻jenggggg餐廳有汽水同埋茶飲可以order，建議賣埋啤酒🍻，食串燒飲啤酒一流。環境方面，餐廳新開冇耐，座位算好多，但同埋之間空間感都足夠。室內燈光光猛，成個感覺幾舒服。