夜燒站

营业中

休息中

太耐冇食串燒啦，難得生日 朋友問我想食咩，我揀咗一間荃灣出名既串燒店🥰一入到去就爆場😳如果想食嘅朋友記得book 位啦！唔好睇少咁細間鋪，串燒種類多到令人眼花撩亂🤣有雞、牛、豬、蔬菜、蜜糖、海鮮、唐揚類，另外仲有提供麵、飯和一品料理！就係完全唔擔心唔夠飽✨汁燒大蔥大蔥既甜味同醬汁互相融合，口感軟腍✨芝士翠玉瓜爽脆多汁 芝士香濃✨鹽燒手羽調味簡單 鮮味十足✨鹽燒牛舌三大塊 相對比其他串燒都冇咁出色✨豚肉露荀卷鮮嫩嘅豬豚肉包住清香嘅露荀 好食！✨汁燒雞肉大蔥汁燒大蔥完美 雞肉少乾✨雪梨牛肉卷第一次食尼個配搭雪梨清甜爽脆夾埋牛肉食幾解膩✨羊架羊架冇乜羶味，但贏在肉質鮮嫩✨鹽燒五花腩相比其他，尼款肉質偏乾麻麻地✨明太子芝士雞肉串鹹香微辣明太子醬搭雞肉幾惹味✨月見免冶雞肉軟骨棒雞肉與軟骨口感彈牙，配搭月見蛋黃汁口感更為順滑✨味噌一口椰菜仔椰花仔口感濕潤 少少味噌作點綴 味道更香✨原條肉碎茄子串燒店第一次見唔係用蒜蓉辣椒整，而係配搭肉碎口感更豐富，茄子濕度剛好整體不錯✨燒白鱔白鱔外皮香脆，肉質軟腍 好食！✨蛋黃醬焗蠔估唔到咁大隻🦪蛋黃醬味好濃好match，必嗌之選✨生薑柑桔蜜（熱）暖胃潤喉✨檸

這家串燒店開到凌晨，非常適合宵夜愛好者。餐廳有好多特色串燒，店內的串燒多數以汁燒為主，不會過多添加孜然粉，讓食客能夠品嚐到食材的原汁原味，以下幾款我特別喜歡。燒羊架羊仔的肉質非常嫩口，帶有豐富的肉汁，燒香味十足，根本停不下來。洋蔥牛肉卷這道菜的層次感十分明顯，脆口的洋蔥與柔嫩的牛肉形成了絕妙的對比，這款有驚喜。燒淮山第一次嘗試燒淮山，口感爽脆，特別好食。不過，稍微可惜的是沒有去皮，可能會影響口感體驗。燒焦糖菠蘿這道甜品有一層脆皮焦糖，與菠蘿的酸甜味道搭配得恰到好處。

收工同同事去間平時食開嘅宵夜舖吹水發下牢騷🤪餐廳地方唔算大，呢晚仲特別熱鬧坐滿客🔥選擇多出菜快 仲有每日推薦我地點點下都點咗唔少野༯ 焦糖骰仔豬手 $𝟐𝟐 同事食過念念不忘 基本上每次都叫一口一嚿 皮脆焦香肉不乾有咬口蜜糖燒甜而不粘牙 食落無臭豬味༯ 蒜頭漬 $𝟑𝟐本以為食完勁口臭 正！點知完全無蒜味😳咸咸地似木魚味 好爽脆 又幾好食😆༯ 蛋黃醬白磨菇 $𝟐𝟖雖然感覺好普通但都私心推薦🍄‍🟫表面燒到好似有層超簿嘅膜包住咬落保留到水份 中間係邪惡蛋黃醬愛菇之人可以試下🤎🤎༯ 月見免治雞肉軟骨棒 $𝟑𝟖就係喜歡有肉又有軟骨嘅口咸外皮脆脆地 肉質軟綿多汁有咬口燒汁微甜 加上月見又滑又有蛋香༯ 雞腳筋 $𝟐𝟕 ༯ 燒雞皮 $𝟑𝟖༯ 汁燒牛舌尖 $𝟑𝟖༯ 明太子芝士雞肉串 $𝟐𝟕༯ 燒燒賣 $𝟏𝟐༯ 燒白鱔 $𝟒𝟐༯ 山藥福包 $𝟐𝟓༯ 燒雞軟骨 $𝟏𝟖༯ 海苔露荀明太子卷 $𝟒𝟖༯ 野菜豬肉卷 $𝟐𝟔 ༯ 鹽燒牛骨髓 $𝟐𝟗༯ 芝士翠玉瓜 $𝟏𝟖 ༯ 海苔豚蠔卷 $𝟑𝟖 整體唔差但略咸༯ 吉列免冶豚肉番茄 $𝟒𝟒底部有少少肉碎同菜 同蕃茄係夾嘅個人認為吉列可免則免 略厚且一夾就甩༯ 燒雞冠 $

呢間店走日式裝修，一入去就見到一支支嘅清酒，串燒款式都多元化：💚前菜青瓜再加芝麻粒粒，醬汁方面屬於日式Wasabi醬，但唔會太辣，仲加少少日式芝麻調味!沙律🥗🐖🦀蟹肉脆皮沙律 $44沙律口感好過癮，入口食到蔬菜同埋洋蔥嘅爽口，入面加重青瓜絲蟹籽，洋蔥帶少少辛辣，蟹籽多咗少少口感，本身沙律醬就偏甜，入面仲有鮮蝦仁，整體感覺好豐富，底層仲有脆脆做墊底，混合一齊食又唔錯喎！💚燒青尖椒 $14青椒上面加咗日式木魚絲，呢隻尖椒都幾辣，但好在唔會太油膩，yummy!🤍燒白鱔 $42白鱔好厚切，入口啖啖肉，魚皮部份好香脆，脆到有啲似食薯片一樣，推薦！🤎鹽燒牛骨髓 $29呢個特別少少，唔係周圍都有得食，牛骨髓係食嗰個質感，本身冇乜味道，所以廚師加咗秘製醬汁嚟燒，味道即刻變咗濃郁！🐟燒油甘魚鮫 $76油甘魚燒得外皮香脆，入面嘅肉竟然好多，唔盒只係得骨，魚肉都算鮮嫩，配咗檸檬同埋碎蘿蔔增加風味！🥩鹽燒牛小排 $45牛小排切成正方形粒粒，都幾厚肉，入口竟然油脂爆發，有肉味得來算好肥美，幾好食！🐃👅汁燒牛舌尖 $38 🤎鹽燒牛舌 $48厚燒牛舌勁厚肉，以一個甜甜地嘅醬調味，牛舌尖就已鹽做調味，比較薄身，但係肉

夜燒站係荃灣少數開到凌晨12點嘅串燒小店，啱晒我哋呢啲夜鬼燒燒賣、燒花枝丸、燒四季豆、惹味蒜芯、芝士翠玉瓜、日式燒豆腐 - 蔬菜同豆腐保持到濕潤，食得出師傅嘅用心；小食同翠肉瓜有燒烤嘅感覺炸雞皮餃子、鹽燒五花腩、鹽燒豬頸肉、鹽燒手羽、燒白鱔 - 食材質素高，簡單鹽燒調味已經好好食；雞皮餃子煙韌有咬口汁燒大蔥、月見免治雞肉軟骨棒 - 免治雞肉軟骨口感好好，月見汁加甜豉油好開胃汁燒牛舌尖、蒜蔥封門柳 - 肉質軟腍，口感一媽絲，調味龍而不利，口感味道都有層次明太子燒飯團、燒雞腎、燒雞芯、燒雞肝 - 飯團外層脆卜卜；內臟都處理得好好原條肉碎茄子 - 其他地方未見過嘅菜式，用肉碎燒茄子有魚香茄子煲嘅感覺，幾特別清酒煮蜆 - 清酒味好濃，加埋海鮮嘅甜味，湯底好好飲，蜆又新鮮又大隻，亦處理得好乾淨焦糖菠蘿、焦糖芝士蛋糕 - 面頭一層焦糖脆卜卜，食埋甜甜酸酸嘅甜品好圓滿薑蜜樂、大話七 - 薑、蜜同梅味都好濃，食串燒飲有汽飲品好舒暢夜燒站好貼心，聖誕期間客人可以抽扭蛋，裡面有唔同嘅小禮物，好有心思小店裝修佈置走日系風格，令人有種置身日本嘅感覺，服務親切殷勤，性價比高，晚飯定宵夜都一流

夜麻麻想食串燒，荃灣見到有間可以開到夜晚12點，夜咗收工都仲可以食😋😋😋聖子（2隻）蒜蓉蒸蟶子蒸蟶子味道鮮甜， 有香濃蒜蓉味，大大嚿的蟶子肉爽口十分肥美，超級惹味，必嗌！牛油焗雜菌好香牛油味配合菇菌嘅原汁，幾好食！芝士流心蛋大啡菇肥大肉厚嘅大啡菇，芝士流晒出黎，入面仲有流心雞蛋，超級邪惡，但係真係好好食，鹹香惹味超級Juice！月見免冶雞肉軟骨棒焦脆的雞軟骨串，啖啖肉，再加少少嘅軟骨口感，點埋蛋汁食非常香濃順滑！雪梨牛肉卷好特別，雪梨嘅爽口，再加上牛肉卷包住，唔會覺得好油膩！豚肉雞蛋卷豚肉包住流心雞蛋，一啖可以半粒，蛋汁加埋豚肉一齊食，口感非常豐富！燒扇貝我一隻嗌咗芝士，一隻嗌咗蒜蓉個人比較喜愛芝士多啲，芝士熱溶咗配合爽滑彈牙嘅扇貝一齊食，燒得啱啱好，勁香勁惹味！檸檬柚子（凍）

一坐低就送上前菜 (一啲都唔Hea好食👍🏻加分位)睇完餐單見到價錢勁抵，我哋狂叫，全部野食都唔喊唔濃味認真同埋要做到全部都真係好味都唔容易居酒屋又點少得Sake☺️而到好多選擇🎐 倭櫻 純米大吟釀 雪女神 🍶～個名太正個味仲要有微微奶味豆漿味⋯都係小美好鍾意嘅一倒出嚟聞到已經覺得超香配上唔同嘅串燒，簡直不得了(👍🏻➕分位)顏值推介👍🏻➕分位)♥︎ 雪女神SAKE🍶 (連唔飲酒嘅小美都叫就知正)♥︎ 牛肉稻庭烏冬🍜 (但係完全估唔到佢啲牛肉咁出色，半生熟，放耐咗都仲咁好味)♥︎ 燒牛柳 (👍🏻好出式)♥︎ 蒜蓉燒扇貝(👅底食)♥︎ 醬油雞翼🐥 (小美對雪味好敏感，完全無仲唔咸又夠味)♥︎ 燒西蘭花苗🥦(小小焦好正)♥︎ 芝士年糕(🤭必點小美私心款，唔係間間好味)

朋友生日慶祝就揀左佢鐘意嘅呢串燒店，作為荃灣友先可能知嘅位置，食物好食，可謂隱世小店!呢到裝修都幾日本feel，日式海報，日本酒樽等等。串燒種類同款式都好多。另外份量都唔細，即叫即燒，同埋佢主要鹽燒為主，簡單調味就可以食到肉嘅原汁原味，好食！豚肉：豬肉荔枝卷，豚肉露筍卷，野菜豬肉卷同鹽燒五花腩我覺得荔枝夾埋豬肉一齊燒，食落香得嚟又多種甜味，估唔到咁夾，讚！夾露筍卷又另一種風味，清香啲；五花腩油脂香十足，肉質又嫩，好食！雞肉：脆片炸雞，燒鵪鶉蛋，明太子芝士雞肉串，雞肉小丸子明太子我好鐘意食，炸雞又夠嫩同juicy，串燒嘅火候真係控制得好好，雞肉小丸子都好味道。牛肉：鹽燒牛骨髓同牛小排牛骨髓以前未試過，口感軟淋淋，好似食緊啫喱咁，表面燒過食落就更加香！牛小排，我次次去食串燒都一定會點，牛味好濃郁又夠嫩，一啲都唔會鞋口，讚！一品料理： 檸醋八爪魚漬食左咁多串燒，食呢個檸醋八爪魚漬就夠晒解膩，酸酸又清涼，八爪魚QQ彈牙，加埋大蔥調味， 正！呢間夜燒站嘅食物都抵食好味，環境服務幾好，仲有送前菜，cp值夠晒高！

夜晚同啲friend 係荃灣跑完步，想搵啲野食吓，搵到夜燒店開到零晨12點。坐低睇吓有咩食先好多款選擇有雞豚牛羊菜類。仲有海鮮、唐揚飯麵烏冬。燒聖子配上明太子醬估唔到呢個配搭咁好味，聖子鮮味爽口。明太子燒香噴噴。燒白鱔外層脆卜卜鱔肉鮮甜有口感。燒多春魚好多春好香脆。鹽燒牛舌鹽燒味好香，牛舌爽稔牛味香濃。燒油甘魚鮫燒到金黃色的魚皮落啲檸檬汁，將油甘魚既鮮味帶出。豬肉荔枝卷一口咬食出荔枝既甜味完全中和咗豬肉既膩感。好味道。燒明太子雞翼雞翼好脆包住明太子正呀！芝士年糕熱辣辣口感煙韌。食返兩支烏龍茶

之前已經黎過呢間位於荃灣既「夜燒站」食過宵夜🇯🇵🍢 佢地除左串燒非常出色之外 我仲幾中意佢地啲特式前菜😆 最重要係呢度性價比高 平民既價錢高質既享受😌燒馬友 $98魚皮燒到脆卜卜 魚油滲出 魚肉嫩滑🐟 配埋酸汁 降低油膩感燒魷魚板 $25口感Q彈 香氣濃郁🦑燒雞腎 $18彈韌又有嚼勁既口感🐥燒鵪鶉蛋 $22外酥內嫩 濃濃既懷舊感🥚燒雞肝 $24口感超級軟綿綿 非常多汁😌燒雞皮 $30世一雞皮世一雞皮❕金黃惹味 超酥脆燒牛柳 $34肉質軟嫩多汁 牛肉味濃郁🐮蔥蒜封門柳 $49肉質鬆軟 肉味較濃 配埋蔥蒜系面更惹味🧅🧄牛油粟米 $14非常邪惡😈 粟米🌽上面搽上牛油🧈 更提升甜度😌燒西蘭花苗 $20新鮮爽脆又可口🥦鹽燒秋葵 $18烤過後無左滑滑牽絲既感覺 鹽燒調味已經好好食焗蝦 $48所有蝦已經一開邊 鋪滿超多調制過既蒜蓉 勁香🦐蟹肉脆皮沙律 $48經過炸左既雲吞皮 包住左超多調配好既蟹肉沙律 味道清新🦀檸醋八爪魚漬 $36酸酸微微非常開胃 口感有咬勁又彈牙🐙日式咖哩牛肉粒飯 $55柔嫩多汁既牛肉融合於香濃咖喱內 每一啖都散發出濃厚既風味🍛牛肉他他胡麻冷烏冬 $54他他牛味重又夠爽滑 再配上

荃灣都出名多好野食，上次朋友介紹夜燒站，食過覺得味道好，價錢亦都公道，仲發現佢開到凌晨12點，難得有串燒店開到咁夜，確認係食宵夜既好地方～今次同上次一樣都點左好多好好味既串燒🥹🐮🐔肉肉類汁燒雞肉大蔥 ($28) 雞肉彈牙，大蔥爆汁汁燒牛舌尖 ($38) 有咬口嚼勁，多汁入味雙燒牛骨髓 ($29) 很少串燒店會製作的，口感軟腍，經燒過後就能減少油膩感豬肉荔枝卷 ($34) 豬肉片包著鮮甜的荔枝去燒，配搭特別🦪🐟海鮮類檸醋八爪魚漬 ($46) 幾清新，八爪魚肉彈牙燒白鱔 ($42) 魚油味豐富，有焦香味燒蟶子 (明太子 蒜蓉） ($80隻） 兩款口味都各有所長，明太子能提鮮，而蒜蓉就較惹味～蟶子鮮嫩多汁蒜蓉燒帶子 ($42隻） 燒香後的帶子鮮美出眾燒生蠔 ($40隻） 火喉剛剛好，鎖緊豐富蠔汁海苔露荀明太子卷 ($48) 精心食材配搭，海苔包著幼嫩的露荀炸香，再加上明太子醬來點綴🥗🍢一品料理/菜類山藥福包 ($25) 豆皮小袋有山藥蓉，喜歡山藥者不能錯過日式燒豆腐 ($20) 豆味豐富，外皮帶少少脆感焦糖芝士蛋糕 ($22) 小件自家製的蛋糕，作為甜品是不錯的蜂蜜生薑蜜（凍） ($26)及

今日好開心同屋企人發現咗荃灣有一間好驚喜嘅小店，可以食串燒，如果鍾意食串燒嘅朋友，一定要嚟啊，因為呢間餐廳係好多選擇，而且非常受歡迎，去到嘅時候，已經見到坐滿晒人，就知道好受歡迎，質素好好食，而且價錢經濟實惠，真係唔錯啊，我哋叫咗好多嘢食，首先我哋要推介嘅就係牛肉烏冬，個烏冬真係好好食，好彈牙，佢仲加咗倉加咗海大，另外湯底好濃郁，而且個牛肉仲係好新鮮嘅牛油，好友牛味，唔會太軔，啱晒一家大細嚟食，而且呢度嘅串燒都好好呀，有飯類，有麵類，有炸物，真係好多選擇，而且佢哋有一個前菜都幾開胃，就係青瓜粒同薯仔粒，仲有餐廳仲有提供唔同嘅串燒，有雞牛豬羊，海鮮，超過70款，例如我要推介嘅炸腸仔，鹽燒手羽， 炸燒賣，都係好吸引㗎，真係好唔錯👏🏻👏🏻👏🏻

《夜燒店》價錢親民，最平$10有串又吾洗加一。食品種類煩多，味道也不錯。今次嚟到嗌左成枱食品，以下幾款我認為係必點：✨️月見免治雞肉軟骨棒雞肉和雞軟骨的比例當好，點埋由鼓油和蛋製成香濃嘅月見汁，簡直係一流嘅享受!✨️扇貝扇貝肉大過五元硬幣，上面放滿蒜蓉，非常香口。✨️蟶子燒到香噴噴，外表燒到少脆，入面非常juicy. 感到欣慰嘅係完全冇沙。✨️羊架完全不羶，肉質鮮味，見到食指會大動。✨️蛋黃醬燒青口$56有六隻，非常抵食，不能錯過。

今日係荃灣見完客好夜下，朋友介紹呢間居酒屋夜燒站相當吸引，決定入去試吓佢d串燒同炸物夠份量得黎，都好高質燒油甘魚餃 $76炸七味雞軟骨 $48炸雞皮餃子 $38焗蝦 $48油甘魚餃燒得岩岩好，外脆內juicy,雞皮餃子同雞軟骨新鮮炸起熱辣辣，仲要好大盤，焗蝦好入味燒白鱔 $42鹽燒牛舌 $48豚肉本菇卷 $26鹽燒手羽 $29雞頸肉串 $29燒鵪鶉蛋 $22燒芝士腸 $10鹽燒牛小排 $45野菜豬肉卷 $26燒雞賢 $18燒燒賣 $12燒午餐肉 $10燒物真好好出色，一燒起就上碟，唔會等埋一齊上就會凍哂，主推牛舌，白鱔，豚肉本菇卷夠哂特別

最近去左荃灣聯仁街夜燒站BBQ Outlet，最岩落去宵夜，開到夜晚12點。店內的烤爐香氣撲鼻，一到門口就令人胃口大開！三文魚炒飯炒飯粒粒分明，略帶鍋氣，三文魚丁鮮味濃郁，搭配少許蔥花，香氣十足。冷蕎麥麵冰涼爽滑嘅蕎麥麵搭配清新醬汁，略帶淡鹹的味道，非常解暑，特別適合食完燒烤後作為中和口味的選擇。推介串燒#1 月見免冶雞肉軟骨棒是一大亮點！雞肉軟骨棒本身肉嫩多汁，蘸上生蛋黃後更添濃郁滑順的口感，鹹香中帶點甜味，層次感十足。 #2 鹽燒牛舌厚薄適中，經過炭火燒烤後散發出迷人的肉香，口感彈嫩又帶一絲焦香。海鮮類燒烤：「燒墨魚」同「燒魷魚板」都非常新鮮，內部依然保持滑嫩彈牙的口感。「蒜蓉燒帶子」則係滿滿嘅大蒜香氣搭配鮮甜的帶子肉，入口時汁水四溢。其他燒烤：「鹽燒五花腩」油脂豐富，肥而不膩，炭香濃郁；而「燒羊架」肉質鮮嫩，沒有一絲膻味；「惹味蒜芯」同「汁燒大蔥」都非常惹味。最後，「芝士煙肉番茄」中濃郁嘅芝士、煙肉嘅鹹香同番茄嘅酸甜完美結合，令我一試愛上。 飲品：靜岡綠茶可樂