夜燒站

营业中

休息中

今日黎到荃灣一間叫「夜燒站」既食串燒餐廳環境乾淨舒適牆上擺滿各式各樣既酒有少少日本居酒屋嘅感覺檸醋八爪魚漬 酸酸地既醬汁 好夾係非常開胃的前菜蟹肉脆皮沙律擺落嚟果下賣相都覺得好驚喜佢嘅脆皮就好似平時食炸雲吞嗰種薄薄嘅脆皮然後入面係有蝦肉蟹肉洋蔥蟹子等等沙律芝士流心蛋大啡菇呢幾樣野加埋真係幾絕配鹽燒牛舌 牛舌厚身 好Juicy我地食完一串即刻再encore🤣 豚肉雞蛋捲 一碟兩串 、 外層豚肉包住流心既雞蛋又幾過癮！豬肉荔枝卷 （上）豬肉荔枝卷又係一個驚喜之作，豬肉包住甜甜嘅荔枝咸咸甜甜又係好夾明太子芝士雞肉串 （下）明太子醬同芝士加埋一齊味道非常濃郁雞肉串都係燒得一啲都唔乾非常Juicy油甘魚鮫～ 大大啖魚肉魚皮都燒到脆脆的最後仲食埋個日式芝士蛋糕做甜品好滿足原來餐廳開到凌晨12點下次收夜可以黎食個宵夜

約同朋友食飯👭誤打誤撞搵咗呢間串燒居酒屋🍡環境不錯 價錢唔貴，食物質素高 我諗有成90款嘢食俾我哋揀。仲有好多唔同款嘅Sake前菜帶子裙邊 free好正 食唔停口 勁想叫佢加多碟😆🍢櫻花蝦燒飯團勁濃郁嘅櫻花蝦味 一放落枱已經勁香🥰飯唔會太硬好黐牙嗰種 而係脆卜卜嫁 形容呢個一定要叫👍🏻🍢燒白鱔啲鱔一食就知好新鮮 彈牙外邊薄脆 😍🍢燒豬大腸嚟到已經勁香大腸味 ，我未影相我朋友已經想攞嚟食肉同脂比例啱啱好 👍🏻🍢燒雞腎好 彈牙 食落索索聲！🍢鹽燒馬友 配酸汁原條馬友$98真係好抵 平時去街市買都$5一兩嫁所以我覺得物超所值🤟🏻而且燒到外邊皮係脆脆 啲肉都好嫩😍如果鍾意食魚好推介大家叫呢個🤝🍢大蔥燒雞肉串我自己本身好鍾意食大蔥 可以解一解啲肉膩👍🏻另外我自己好鍾意飲佢支靜岡綠茶可樂 好襯食串燒🙌🏻🍢雪梨牛肉卷又係一定要叫😂牛肉燒到焦香 裏面包住啲雪梨條 口感好有層次 同埋清爽雪梨可以中和啲牛油膩感👍🏻👍🏻整體嚟講 呢間串燒居酒屋 性價比高呢個價錢係食緊高質嘅日本串燒料喎！而且我哋係任性咁叫 都係每人$300倒真係飽到想喉嚨椗！

最近，我哋去咗荃灣嘅「夜燒站」享受一個充滿日式居酒屋風情嘅晚餐。呢間餐廳裝修得好有特色，牆上掛滿咗日本海報，仲有各款清酒陳列，令你一入去就感受到日本嘅生活氛圍。今次我地選擇咗多款串燒，美味到令人回味無窮。首先，我哋品嘗咗牛滂漬（$32），肉質嫩滑得嚟又唔失嚼勁，醬汁味道濃郁，真係餸飯一流。然後試咗燒花枝丸（$12），一口咬落去，外皮香脆，內裡鮮嫩，價錢唔算高但味道真係令人驚喜。講到燒油甘魚鮫（$76），燒到有好香既魚油，肉質細膩，鹽燒之後啲香味能夠充分滲入魚肉，令你一試難忘。焦糖骰仔豬手（$22）係甜甜地帶有焦糖香，豬手的口感啱啱好，入口即化，唔會過於油膩。蔬菜類方面，我哋食咗惹味蒜芯（$14），帶有微微嘅辛辣，食落去口感清新，真係好夾串燒。然後係牛油粟米（$14），香甜可口，牛油味濃郁，係一款非常受歡迎嘅配菜。牛油蕃薯仔（$12）嘅甜味加埋牛油嘅香味，係個好好嘅搭配。而燒雞心（$24）同燒雞腎（$18）都係我哋好鐘意嘅串燒選擇，肉質嫩滑，配埋燒汁一齊食真係爽口又美味。燒牛柳（$34）係我哋嘅最愛之一，肉質鮮嫩，價錢合理，食完真係非常滿意。燒豬大腸（$30）既有香脆外皮，入面又係軟腍腍

體驗可以話別有一番風味；食材新鮮，調味地道，都令人滿意，而且開到深夜12點，啱曬夜收工同食宵夜嘅朋友。肉類鹽燒手羽嘅做法保留咗雞肉嘅原汁原味。外皮烤到微微焦脆，內裡嘅肉質卻鮮嫩多汁；鹽燒牛舌處理得恰到好處，厚度適中，烤制後口感爽脆又不失嚼勁。鹽燒嘅調味方式簡單卻能帶出牛舌本身嘅味道；燒豬大腸處理得好乾淨，冇異味，烤制後外皮香脆，內裡軟糯；雪梨牛肉卷創意十足，雪梨嘅清甜同牛肉嘅鮮嫩相結合，口感清爽解膩。豚肉系列卷物豚肉大葉卷、豚肉本菇卷、豚肉露荀卷，每一種都有獨特嘅風味。豚肉嘅油脂同大葉同清香、本菇嘅鮮美、露荀嘅爽脆完美融合，葷素搭配，口感層次豐富。 海鮮清酒煮蜆，蜆肉新鮮肥美，清酒嘅香氣滲透其中，增添咗一份風味。蒜蓉燒生蠔，生蠔個頭較大，蒜蓉嘅香味同生蠔嘅鮮美相得益彰。燒聖子，蒜香味濃郁，聖子肉質飽滿，味道唔錯。燒多春魚肚子裡滿滿嘅魚籽，咬落去時魚籽響口入面爆開，鮮香四溢；燒墨魚同燒白鱔則肉質緊實，調味適中，充分展現咗日式燒物嘅特色。 其他焦糖鳳梨烤得恰到好處，外皮微焦，內裡香甜多汁。牛油焗金菇加蒜蓉，金針菇吸收咗牛油同蒜蓉嘅味道，味道豐富。整體嚟講，值得推薦喜歡日式串燒嘅朋友嚟試。

新搬屋黎到附近，之前housewarming叫過外買覺得幾好，所以趁生日試下堂食，即燒係再好食d。係附近都試過幾間串燒，呢間既食物味道好，質素也很不錯，暫時係最好食果間。吃完大部食物，再order一個飯團，最後等左40分鐘先來到，其間同店員催左兩次。其實味道都係好好。食埋個飯團，我地請店員上埋個生日蛋糕，結果佢原盒拎上枱，刀都冇比… 我地估係因為我地用左佢地張枱太耐？所以我地都拎起個蛋糕即刻買單走。

一直以為香港冇咩高質串燒 食夜宵都冇咩選擇~直到星期六改變我既諗法🤗🤗星期六去荃灣同朋友打完牌 走既時間朋友仔介紹我地食呢間串燒真係唔介紹都唔會留意到呢間隱世小店😗我都要介紹下比大家 希望keep住多d高汁小店~餐廳裝潢都有啲日本🇯🇵居酒屋🏮嘅感覺～簡簡單單 傾下計 chill下🍻食串燒點可以冇酒精？！！🍺😗烏龍燒酎🍺🍺$78大大杯 兩個人share都夠飲～烏龍茶味道清清地 幾特別😛店員仲好好，送咗個前菜俾我哋食😬唔知係咪我地叫得太多嘢？？店員以為我哋好肚餓呢😂😂小店真係好有人情味 除咗食飽個肚 仲溫暖內心芝士流心蛋大啡菇 🍄‍🟫 $36 大啡菇有流心蛋+邪惡芝士 每一啖都充滿着幸福嘅感覺🤪汁燒雞肉大蔥 $28唔知係咪秘制燒汁呢？好似另我食上隱咁😹芝士翠玉瓜 $18唔會燒得太老 仲好有水份 好Juicy鹽燒牛舌 $48厚燒真係不得了～啖啖肉 好爽口 好幸福🥰豚肉本菇卷 $26 燒雞軟骨 $18燒雞心 $18煙肉芝士卷 $24 好特別嘅配搭～煙肉包住芝士食落去唔會好漏😘味感充滿嘅衝擊燒雞皮 $30！！大推！！好似食緊薯片咁 好脆但又有雞油嘅香口 想再去食🤪清酒煮蜆 $52完全係良心價 粒

今日因為屋企人懶出街食，就決定叫外賣，冇想到呢次嘅選擇真係相當正！我哋叫咗好多嘢食，包羅前菜、主菜、串燒同埋甜品，味道更好好！首先講下前菜，我哋叫咗檸醋八爪魚漬（$46）。呢個前菜真係好清新，八爪魚嘅肉質鮮嫩，加上檸檬醋嘅酸味，真係好開胃！串燒方面有牛柳（$34），牛肉煮得剛好，外脆內嫩。燒白鱔（$42）嘅口感亦都好滑，燒魷魚片（$26）則係香脆可口，完全唔油膩。至於燒明太子雞翼（$27），每一口都充滿咗濃郁嘅明太子味，真係好吸引！接住嚟就係汁燒雞肉大蔥（$28），雞肉好入味，大蔥嘅香味亦都提升咗整體嘅風味。野茶豬肉卷（$26）同豚肉蘆筍卷（$28）都係好推介，豬肉嫩滑，配上新鮮嘅蘆筍，口感豐富。豚肉雞蛋卷（$30）嘅雞蛋滑溜，搭配豬肉一齊食，簡直係無敵！原條秋多魚（$32）嘅魚肉厚實，燒得恰到好處，味道鮮美。最後，燒馬友（$98）就更加唔使講，肉質極為鮮嫩。炸物方面，我哋叫咗海苔蘆筍明太子（$48），外脆內嫩，明太子醬亦都好香！講完前菜，接住就係主菜。我哋嘅選擇包括三文魚蟹籽炒飯，真係超多三文魚粒，味道鮮美，蟹籽嘅鹹香令整碗飯更加出色。叉燒溫泉蛋湯烏冬亦都唔錯，湯底濃郁，烏冬滑溜！燒

一直對荃灣這間小店存疑，為何經常都這麼多人排隊🧐這次跟朋友決定去探究隱世串燒店的魅力🤣想不到它的確有它獨特的魅力😎雞腳筋比較少餐廳有這個部分，口感十分彈牙爽口。月見免治雞肉軟骨棒雞肉多汁，軟骨爽口，加上月見蛋黃醬，以醬油、味醂等調味，帶有微甜的味道。蒜蔥封門柳封門柳表面呈現出微微焦香的色澤，口感嫩滑，配上蒜及蔥，很惹味👍🏼鹽燒牛舌牛舌是厚身版，表面帶有微微的焦香，師傅燒得火喉剛好，肉質爽口鹽燒牛小排牛小排肉味香濃，配上鹽燒已很惹味。羊架燒得剛剛好，外層焦香，內層肉汁豐富，一點都不騷之餘還有微微肉香原條肉碎茄子吃燒烤必點！茄子吸收了肉碎上的肉汁及調味料，很惹味！芝士流心蛋大啡菇大啡菇厚實多汁，濃郁的芝士融化後帶來拉絲效果，再加上流心蛋，很滿足的口感。燒西蘭花苗想不經燒烤過後的口感仍是脆嫩，配上適量既調味，又有另一番風味。明太子蟶子肥厚的蟶子配上日本風味的明太子，意想不到地夾！味道略帶辣，很惹味扇貝火喉剛剛好，肉質彈牙多汁燒白鱔十分香口，外皮帶微微焦香，內質細彈牙嫩肉質彈牙黃花魚魚皮燒得香脆，魚肉則很嫩滑多汁池魚唐揚份量很大，性價比極高！炸得很香脆，令人不經意地放入口中雞泡魚干經燒烤過後更

係荃灣想食宵夜嘅話，一定要黎依間夜燒店。佢由中午開到凌晨12點，專門食串燒，唔怕夜晚冇著落。串燒分別有豬、雞、牛、羊、海鮮、蔬菜，仲有飯麵、炸物等等。特別推薦雞肉軟骨棒，口感脆脆，仲附上蛋黃醬調味。野菜豬肉卷、豬肉荔枝卷，包得好紮實，估唔到豬肉同荔枝都咁夾。鹽燒牛舌厚切，味道香濃。蒜蔥封門柳肉味重，好香腍。蛋黃醬白蘑菇，蘑菇非常軟熟。而另一個芝士流心蛋大啡菇熱辣辣，上面鋪上滿滿嘅流心芝士，勁邪惡~焗蝦同埋青口都好鮮甜，青口上面仲淋上咗蛋黃醬黎烤添。燒鰻魚肝好有特色，第一次食。吉列免治豚肉蕃茄，係蕃茄入面鑲咗豬肉再炸，整得好精緻。最後仲有明太子燒飯糰同埋三文魚炒飯，飯糰焦脆，明太子香甜。炒飯有唔少三文魚同魚籽，非常香口。

今次特意跑到荃灣夜燒站買外賣，因為招呼竹我朋友，一齊享受一頓豐盛的晚餐。呢度啲串燒真係好食，外賣自取有九折，最主要係想食佢哋燒海鮮，最後我地一人點左個飯和海鮮串燒，結果真係無令我失望！燒海鮮有兩款醬汁可以揀，有明太子同埋蒜蓉，明太子醬會鮮甜啲，蒜蓉就惹味啲！燒大蟶子呢到海鮮串燒實在太正了！蟶子的肉質鮮嫩，燒烤的香味而然，令人食完返尋味，真係海鮮控的最愛！燒大扇貝、燒大帶子燒大扇貝同帶子既味道同樣出色，肉質厚實，肉質鮮甜新鮮好食。燒牛柳燒牛柳的質感柔嫩，非常入味，每一啖都係肉既鮮美。燒牛小排牛小排的肉質更厚，燒烤微焦味好香，呢個必點！蒜蔥封門柳勁多蒜惹，好惹味，封門柳肉質質感柔嫩。燒汁牛肉飯係抵食既47蚊，感覺有300g牛肉！牛肉的汁濃郁，搭配的飯粒鬆軟，每一啖都好香。豚肉大葉卷 & 海苔豚蠔卷這兩款豚肉卷好受歡迎，豚肉的鮮味與蔬菜的清新，味道好夾。燒四季豆燒四季豆的口感脆爽，好惹味亦帶點清新。燒芝士年糕年糕煙韌，入面有流心芝士，燒得好外皮微焦香口。荃灣夜燒站真心唔錯，而且每一款都精心調理，朋友都讚不絕口。想食可以提早落單、唔洗等好耐，一去到就拎得，慳時間👍🏻👍🏻會再黎買！

在荃灣收工後，我來到了這家夜燒站，這小店猶如漆黑中的螢火蟲，照耀著聯仁街，營業到深夜12點，讓我忍不住想要一探究竟。一進門，便被窩心的免費前菜迎接，這裡散發著濃厚的日式風情，讓人感受到居酒屋的氛圍。食物種類繁多，還提供不同類型的日式調味香料，真是貼心，滿足不同口味的顧客。肉類方面，燒鱔和燒雞皮是我的最愛。雞皮香脆，內裡軟嫩，精緻的燶邊分布均勻，讓人垂涎欲滴，完全不油膩，搭配酒品更是絕配。而燒牛舌的鮮甜和柔軟的肉質更是值得讚賞，令人回味無窮。燒帶子上灑的蒜香，更是為這道菜增添了層次感。蔬菜的選擇也非常豐富，粟米、蒜心、蘆筍，每一款都鮮甜可口，充分展現了廚師的用心和耐性，讓人驚喜不已。特別是兩款沙律，胡麻豆腐海草沙律的胡麻味清爽宜人，而蟹肉脆皮沙律的外脆內軟，冰涼的口感讓味蕾瞬間降溫。最後我還追加了生薑柚子蜜，滋潤喉嚨，為這頓美食畫上完美的句號。這家夜燒站門口有停車位，經常有外賣客戶光顧，可見其受歡迎程度不容小覷。總之，這裡的每一道燒物都透露著廚師的用心與細膩，讓我期待再次光臨！

今日收工嚟到荃灣諗住食串燒，見到夜宵站嘅評價唔錯就決定去我哋七點左右去到，見到啲串燒性價比都幾高，於是就咩都叫啲兩個人食我哋叫咗燒帶子燒蟶子燒油甘魚鮫荔枝豬肉、雞皮餃子、牛舌尖、雞軟骨串等等仲有啲燒菜，燒西蘭花苗、椰菜仔、蒜心、翠玉瓜雞皮餃子好好味，燒得好香，雞軟骨都係豚肉蘆筍卷都好出色,羊架都好有羊味😆我哋仲叫咗個清酒煮蜆，佢個味道唔濃得嚟好舒服，一啖串燒一啖湯，好正特飲方面都算出色，嗌咗個大話七加蘆薈都好解渴我覺得呢一間串燒性價比都幾高，對比出面啲串燒店價錢嚟得好合理，另外原來佢開到凌晨12點，以後喺荃灣食宵夜都可以揀佢

如果你想喺荃灣搵個聚餐、宵夜嘅好去處，夜燒站絕對係一個唔可以錯過嘅選擇！呢間開得夜，到12點！呢度既串燒真係火喉夠，足料👍🏻無論係日式串燒定小食，價格相宜，味道更係一流，日式飯都好抵食。我今次特登入黎荃灣，朋友住荃灣我地打算叫外賣，叫咗幾樣海鮮串燒，真係無得輸！食完真心覺得山長水遠都值得，無黎錯。- 燒大蟶子：蟶子新鮮，燒得恰到好處，肉質彈牙，蒜香味十足，食落好鮮甜，絕對係海鮮愛好者嘅必點之選！有兩款味，蒜蓉同明太子。-燒扇貝：扇貝大大隻，燒得香噴噴，肉質鮮嫩多汁，配上蒜蓉同牛油，味道更加提升，真係食到舔舔脷！-燒牛柳、燒牛小排 牛質素好，燒得剛剛好，唔會過熟，保留咗牛肉既原汁原味，加上少少調味，味道更加突出。-燒鵪鶉蛋因為突然好想食鵪鶉蛋，叫咗兩串、都幾好味！-炸蓮藕呢個好脆身好似薯片咁，幾好咬口😹😹-燒汁牛肉飯呢度個燒汁牛肉飯好抵食，因為份量好多，感覺平過啲連鎖店，抵食，牛肉有咬口。-泡菜豚肉飯呢個特別少少，主要用泡菜調味已經夠，泡菜味都好濃郁，鍾意食泡菜嘅朋友唔好錯過錯，好食。-芝士年糕我真係好鍾意食芝士年糕，呢度啲芝士年糕燒得啱啱好，外皮微脆，芝士味香濃。-艾草福餅呢個應該係新

喺荃灣搵到一間宵夜串燒店，真係令人驚喜！呢度嘅串燒種類繁多，開到凌晨12點，啱晒夜貓子。今次叫咗蟹肉脆皮沙律，蟹肉鮮甜，沙律脆口，開胃又清新。焦糖菠蘿甜中帶酸，燒得恰到好處。芝士流心蛋大啡菇，芝士濃郁，蛋汁流心，大啡菇多汁，真係絕配。原條肉碎茄子同芝士翠玉瓜都燒得香口，茄子軟滑，翠玉瓜爽脆。豚肉雞蛋卷同豚肉露荀卷，豚肉嫩滑，露荀爽脆，口感豐富。清酒煮蜆鮮甜無比，蜆肉飽滿。燒多春魚同燒生蠔，魚肉鮮嫩，生蠔肥美。炸鱿鱼鬚香脆可口，青檸梳打清新解膩。焦糖芝士蛋糕甜而不膩，芝士香濃。燒午餐肉同燒花枝丸，午餐肉香脆，花枝丸彈牙。燒四季豆同娃娃菜，蔬菜燒得剛剛好，保留咗原汁原味。牛油焗金菇香氣撲鼻，金菇爽滑。總括而言，呢間串燒店食物質素高，種類多，價錢合理，絕對係宵夜好去處！

朋友介紹間荃灣隱世串燒店餐牌好多選擇，價錢親民，最平$10起環境乾淨寬敞，坐得都舒服！店內有海報，清酒樽，有啲似居酒屋feel同朋友叫咗好多款式，每樣都可以試下，見到都好開心頭盤蟹籽沙律，份量好大，好開胃海鮮類蒜蓉燒帶子，蛋黃醬燒青口（6隻），蒜蓉芝士燒扇貝，海鮮都好鮮甜，食得出係新鮮味道燒魷魚板，醬汁汁好惹味，煙靭彈牙燒白鱔，啖啖肉清酒煮蜆，好滑又鮮甜，隻隻都脹卜卜蔬菜類原條肉碎茄子，茄子好大條，超多肉碎，味道好正，推薦！牛油焗金菇（加蒜），超香牛油味！肉類雞腳筋，好彈牙，口感豐富鹽燒牛小排，鹽燒牛舌，燒到啱啱好，保持到肉質鮮嫩，牛味香濃鹽燒五花腩，外皮好香脆可口鹽燒豬頸肉，食落好爽口羊架，唔會有臊味，幾好味甜品焦糖芝士蛋糕，食完串燒再食甜品真係好滿足！